M
Mostafa Shaaban
:: مسافر ::
تجربتى مع موقع booking.com:
حجزت فندق فى كراكوف-بولندا على أساس إنى رايح فى شهر 8 اللى فات لكن الحجز كان معمول قبلها ب3 شهور.. قبل السفر ب3 أيام كلمت واحد صاحبى عايش هناك عشان يتصل بالفندق ويأكد معاه خصوصاً إنهم كانوا المفروض يبعتولى إيميل أعرف منه هدفع إزاى لكن مابعتوش حاجة، صاحبى كلمهم الست ردت عليه بأسلوب زى الزفت وقالتله الحجز اتلغى عشان صاحبك مادفعش وخليه يخبط دماغه فى الحيط.......
اتصلت بخدمة العملاء فى بوكينج وشرحت لهم الموضوع بالتفصيل قاموا اتصلوا بالفندق والست اللى هناك ردت عليهم بأسلوب زى الزفت تانى وقفلت السكة فى وشهم فكان ردهم ليا بإننا ممكن نشوفلك فندق تانى بديل قلت لهم ماشى، عرضوا عليا كذا فندق بس ماعجبونيش فقلت لهم ممكن أختار أنا فندق على مزاجى قالولى مفيش مشكلة إختار فندق وادفعه وهات لنا الفاتورة واحنا نرجع لك الفرق بين سعر الفندقين.... قلت لهم تمام أوى روحت عامل حركة واطية حبتين وحاجز فندق أغلى بكتير من الفندق الأولانى يعنى الأول كان ب60 يورو والتانى ب180 يورو..... المهم روحت وقضيت الأجازة وكله تمام ولما رجعت بعت لهم الفاتورة ورقم حسابى عشان يرجعوا عليه فرق المبلغ فبعدها بكام يوم لقيتهم رجعولى 50% من الفرق بس، فكرت ابعت شكوى على أساس إن مش ده اللى اتفقنا عليه لكن قلت لا بلاش افترا وكفاية إنى اخترت فندق أغلى بكتير من الفندق الأولانى... بس فى النهاية أنا سعيد بالتجربة وحبيت أشاركها معاكوا...... شكراً
حجزت فندق فى كراكوف-بولندا على أساس إنى رايح فى شهر 8 اللى فات لكن الحجز كان معمول قبلها ب3 شهور.. قبل السفر ب3 أيام كلمت واحد صاحبى عايش هناك عشان يتصل بالفندق ويأكد معاه خصوصاً إنهم كانوا المفروض يبعتولى إيميل أعرف منه هدفع إزاى لكن مابعتوش حاجة، صاحبى كلمهم الست ردت عليه بأسلوب زى الزفت وقالتله الحجز اتلغى عشان صاحبك مادفعش وخليه يخبط دماغه فى الحيط.......
اتصلت بخدمة العملاء فى بوكينج وشرحت لهم الموضوع بالتفصيل قاموا اتصلوا بالفندق والست اللى هناك ردت عليهم بأسلوب زى الزفت تانى وقفلت السكة فى وشهم فكان ردهم ليا بإننا ممكن نشوفلك فندق تانى بديل قلت لهم ماشى، عرضوا عليا كذا فندق بس ماعجبونيش فقلت لهم ممكن أختار أنا فندق على مزاجى قالولى مفيش مشكلة إختار فندق وادفعه وهات لنا الفاتورة واحنا نرجع لك الفرق بين سعر الفندقين.... قلت لهم تمام أوى روحت عامل حركة واطية حبتين وحاجز فندق أغلى بكتير من الفندق الأولانى يعنى الأول كان ب60 يورو والتانى ب180 يورو..... المهم روحت وقضيت الأجازة وكله تمام ولما رجعت بعت لهم الفاتورة ورقم حسابى عشان يرجعوا عليه فرق المبلغ فبعدها بكام يوم لقيتهم رجعولى 50% من الفرق بس، فكرت ابعت شكوى على أساس إن مش ده اللى اتفقنا عليه لكن قلت لا بلاش افترا وكفاية إنى اخترت فندق أغلى بكتير من الفندق الأولانى... بس فى النهاية أنا سعيد بالتجربة وحبيت أشاركها معاكوا...... شكراً