انا حجزت طيران من القاهرة لاندونيسيا و هناك...

[Mariam Hamed]

انا حجزت طيران من القاهرة لاندونيسيا و هناك هاخد طيران داخلي لماليزا عشان اقضي شهر عسل،،كنت عايزه اعرف شوية حاجات..

-انا رحلتي هتبدأ من بالي و هتنتهي في كوالامبور..نغير عمله منين و ايه ناخد بالنا منه اثناء تغير العمله سواء اندونيسيا او ماليزيا
-نأجر عربيه نتحرك بيها جوه المدن ولا نستخدم واوبر افضل؟
-ايه افضل الفنادق او الهوستيل تكون عن تجربه ممكن نحجز فيهم حاجات ماتكونش غاليه
-ايه المدن اللي ممكن نزورها في الاتنين و نقعد كام يوم في كل مدينه منهم عشان نلحق نتفسح، هنقعد 10 ايام في اندونيسيا و 10 في ماليزيا ولا في بلد فيهم نقعد فيها اكتر من 10 ايام؟
-ايه افضل اماكن للشوبنج في الاتنين ،في حاجه هناك تستاهل يعني نشتريها و كده ولا الاسعار زي مصر
-نتحرك بين المدن في الدولتين بطيران داخلي ولا في موصلات تانيه نستخدمها
- ايه الاماكن اللي ماتتفوتش هناك و لازم نزورها
-الجو في شهر مارس في البلدين بيكون عامل ازاي؟

 

[Ahmed Darch]

Hanane Ali

 

[Hassan Elsayad]

بالي دي جنه
كشهر عسل افضل كتير من ماليزيا
وارخص طبعا
وفيها تنوع رهيب
وبلد صغيره كمان
سهل تروحي اي مكان فيها بسهوله
بعكس ماليزيا طبعا

 

[Khloud Adel Araby]

هكلمك عن بالي
_العمله غيرها من اي صرافه او money shop هنتك و يكون محل بتاع تغيير عمله بس عشان هما حراميه جدااا في حوار الفلوس هتلاقي محلات اكل و محلات لبس و يفط كتير في شارع لتغيير العمله و دول كلهم نصابين و هتلاقي ارقامهم اعلي و بيحولوا بسعر عالي بس دول كلهم نصابين خليكي في المضمون
_بالنسبه للعربيه فالتاكسي افضل حاجه هتلاقي شركتين او تلاته بكتير للتكسيات هناك كل ما تبقي عايزه مشوار خدي تاكسي ولازم يبقي مشغل العداد عشان بينصبوا برضوا ولما تطمني لواحد فيهم خدي رقمه و اتفقي معاه
بالنسبه للفنادق ادخلي علي بوكينج و اختاري اللي يعجبك من حيث الفلوس و اللي يعجبك ادخلي شوفي رأي الناس و صور حقيقيه للمكان علي TripAdvisor
_المدن في بالي اللي قعدت فيها و زورتها ( سيمنياك _ كوتا _ نوسا دوا _ اوبود ) تقعدي فين بقي كوتا دي السنتر للشوبينج و لاي مكان هتخرجي فيه و في ناس و روح لساعه 1 بليل رغم انهم من 10 بيقفلوا كل حاجه و سيميناك حلوه بردوا بس هتخرجي بليل في كوتا بردوا
_الشوبينج بقي في كوتا نفسها في شوارع محلات كتيره جداا اهم حاجه تفااااصلي مثلا هيقولك الحاجه ب 100 الف روبيه خديها ب 20 الف روبيه و هكذا سيبك من المولات لما قارنت لقيت فرق السعر للمولات مش كبير اوي بس في براندات مش هتلاقيها هنا بذات للميكب .. الفضه هناك تحفه و دريم كاتشر بكل انواعها فظيعه و الشغل هاند ميد كله حلو اوي و اللبس تحفه بردوا و مش غالي خالص يعني لو هتقارني هتلاقيه من 60 جنيه ل 200 جنيه مثلا
التحرك بين المدينتين بطيران داخلي ادخلي علي جوجل و شوفي ايه الطيران اللي سعره كويس بين البلدين و اهم حاجه تاي بالك منها اي طيران داخلي الوزن بتاعه قليل اوي 20 او 30 كيلو بكتير
_ الاماكن بقي في بالي
* water activities nusa dua ( 3la 2ad ma t2dary fasly m3ahom f re7la dy w f el7agat ely hat3mlyha le3bt 3 al3ab b 50 dollar )
*waterbom f kuta dy tany akbar madent malahy ma2ya w kol al3aba sa3ba w gamda aweee atfragy 3lyaha 3l you tube
*rafting lazm lazm t3mleh w fy nahr saree3 w nahr batee2 as2aly 3la elnahr elsaree3 beb2a elmo8akra fyh a7la bkter w bgad yom msh hatnseh f elshalalt
*monkey forest w bali zoo rice terrace da elsob7 f ubud yom kda w 3la elm8arab as2aly 3la 3ard ahl ubud by3mloh fire kda 7elw gdnnn
*fy brdo elborkan w taslo2 elgabal as2ly 3leh 7elwa awe elre7la dy w btb2a mn elfagr

_ الاكل بقي فعلا منبسطش خالص بيه رغم اني بحب اجرب بس زعلت اني جربت
خليكي في ماك و بيتزا هات و كنتاكي ده في بالي .. في ماليزيا في محلات عرب و شاورما كتير
بس كده و انبسطيييي

 

[Khloud Adel Araby]

The kuta beach heritage * hotel *
the sanyas villas * semyniak *

 

[Ahmed Radwan]

ف

 

[Mahmoud Galal]

تغيير العمله:
-فى بالى غيرى من الصرافات المعتمده فقط او البنك و الصرافات دى بتبقى ظاهره فى الشارع و بلاش تغيرى من الاماكن ال فى شوارع داخليه لانهم يعرضو سعر حلو بس بيكونو نصابين ف خلى بالك
-فى كوالا غيرى من اى صرافه و مفيش قلق خالص

المواصلات:
-بالى مستحيل تعرفى تسوقى فى بالى كله هناك بيركب سكوتر علشان الزحمه فالاحسن انك تركبى تاكسى و فاصلى معاه على المشوار قبل م تركبى
-كوالا احسن و ارخص طريقه للتنقل هى مترو الانفاق و موجود فى المطار كمان

الفنادق:
- بالى انا كنت نازل فى منطقه سيمنياك و دى منطقه حيويه جدا و كنت قاعد فى اوتيل اسمه u pacha كان جميل و سعره حلو
-كوالا كنت قاعد فى اوتيل اسمه traders هوا غالى شويه بس جنب مولات الشوبينج klcc towers

التحرك بين البلدين بالطياره و الشوبينج طبعا فى كوالا هو الافضل لوجود تنوعات و السعر كمان هايل و بالنسبه للجو البلدين من البلاد الاستوائيه و الجو فيهم حر طوال السنه بس بيبقى فى موسم للامطار و حضرتك بعيده عنه ف مفيش قلق

انا برده ال honeymoon كان نفس البلدين و الحمد لله كان جميل ف انشاء الله تتبسطو
معلومه انا كنت طالع طيران الاتحاد و كان تحفه و خلى بالك الرحله طويله من ١٨ ساعه ل ٢٤ ساعه على حسب الترانزيت
اجازه سعيده انشاء الله

 

[Reem Kord]

Ahmed Gharib

 

[Mohamed Mostafa Elnakib]

F

 

[الظل الخفى]

ا. مريم خلود ومحمود جابولك من الاخر وواضح ان خلود لفت كويس. لأمد علي كل كلامها. خلي بالك من تغيير العملة فعلا بي أماكن معتمده. بردوا فأصلي كتير ف كل حاجه حتي التاكسي وبعدين ف سمنياك هتلاقي أكشاك تنظيم الرحلات لفي عليهم كلهم وفاصلي معاهم وأحلي حاجات تعمليها الرافتينج وروحي الغابه المفتوحه وخلي يوم أو يومين تاخدي التاكسي يلففك حديقة الطيور والريس تريس

 

[Dalia Essam]

Amr Ronan

 

[Ahmed Darch]

ا.مريم يا ترى حضرتك حجزتى تذاكر الطيران منين

 

[Abdurahman Khedr]

Hanan Khedr

 

[Pansée Mostafa Elkewedi]

Bosi al gaw f bali f march to7fa sunny men gher maykon rotoba be zayada. T3odi fen depend 3ala law honeymoon wala aih.

 

[Emy Mahmoud]

في اندونيسيا ممكن تقضي كام يوم في جزيرة اسمها gili هي عبارة عن ٣ جزر اكبرهم اسمها gili trawangan حلوة جدا وتقدري تروحيها من بالي بتحجزي ممكن من الاوتيل هناك وبتحجزي يا عبارة وده بلاش عشان بتاخد وقت يا لانش بس بتبقي أغلي شوية. معظم الأوتيلات في للجزيرة دي هالشط وفيها رحلات بحرية كتيرة بس هي احلي حاجة فيها البحر فَلَو الجو مش حلو بلاش بي حاولي تروحي حتة تانية في اندونيسيا عشان بالي كتير عليها ١٠ ايام

 

[Khaled Alaa]

F

 

[Mostafa Nassar]

هتروحي كولالمبور بس في ماليزيا و لا ممكن لانكاوي كمان !!؟ و بالنسبه لتغيير العمله غيريها من المكاتب اللي في شارع بوكيت بينتانغ او شارع العرب اللي العرب بيسموه كده !! بس متغيريش من اول واحد اعرفي السعر عند كله و بعدين قرري !

 

[Mostafa Nassar]

لو عاوزه فنادق مثلا في حدود ٥٠٠ جنيه الليله بالفطار !!؟ و لا كده كتير بالنسبه ليكي !؟

 

[Ahmed Essa]

انا عندي خصم ١٠٪‏ من بوكينج لو هتحجزي اي اوتيل في بالي او كوالا

 

[آية محمود]

El Farouk