الجروب مرتبط بالسفر بره أكتر، بس ما أعرفش مكان...

[Ahmed Hussein]

الجروب مرتبط بالسفر بره أكتر، بس ما أعرفش مكان غيره اسأل فيه عن الموضوع ده

معايا صديق أمريكي قاعد في مصر من 3 شهور وكان عايز ييجي ماتش مصر والكونغو الأحد الجاي في برج العرب بإسكندرية:

1- هل كونه غير مصري ممكن يعمل أي مشكلة أو تعقيدات مع الأمن؟ هو حابب يقعد وسط الجمهور الشباب ال بيشجع (الدرجة التالتة مش الأولى)

2- هل لازم ياخد باسبوره معاه ولا ينفع ياخد صورة منه؟ علشان خايف يضيع في الاستاد

 

[Mo Melegee]

المدرجات اولي و تانية بس و كله شباب احجز اولي افضل

 

[Prince Fares]

هههههههههههه امريكى وخايف !!! صحيح امريكا من دول العالم التالت وباسبوره مش هيحميه ومصر متقدمه بس انا هعمل باصلى وانا هفضيله الطريق من المطار لاستاد برج العرب واخليه كمان من الجمهور واللعيبه اهو اكسب فيه ثواب ويدينى الجنسيه والنبى ههههههه

 

[Booda M. Sharf]

هما مش بيشوفوا اثبات شخصيه للجمهور وهو داخل الكلام ده لو جمهور فريق مش مصري علشان يتاكدوا ان مفيش مصرين هيدخلوا معاهم ، وبلاش ياخد البسبور وضروري طبعا ياخد صوره عنه علشان هو لازم يمشي باثبات شخصيه

 

[Muhammed Yehia]

صورة الباسبور تغني عن اي حاجة ميقلقش انا بمشي ب صورة البريطاني بس و بيعمل نفس تأثير الباسبور و مفيش فرق بينه و بين المصري في حضور الماتش التذكرة بس اللي بتتشاف

 

[Dody Ragai]

بطبيعة شغلى وانى بروح برج العرب دايما أحب اطمنك وخليه يروح مفيش اى مشكلة فى الدخول واه ياخد الباسبور معاه ويروح من بدرى علشان ضغط الجمهور بيكون صعب بص هو الباسبور هيسهل عليه لكن لو راح بالتذكرة بس عادى هما الأمن عنده المهم الدخول بالتذكرة وسلامة الجمهور وبيكونو متعاونين لأنهم بيبقو خايفين اى حد يحصله حاجة اليوم ده لأن العدد بيكون كبير جدا

 

[Hatem Ezz]

لو ببفهم عربي بلاش تقعده ف الدرجه التالته عشان هيسمع درر شتايم على سيمفونية بيتهوفن السابعه على موسيقى الحجرة حاجه قشطه متتوصفش

 

[Karim Shama]

عادي جدا طبعا و صورة الباسبور احتياطي و لا حد حيكلمكوا

 

[Mohamed Abo Adiar]

مفيش اَي مشاكل

 

[Solomon Lien]

بص هو عادي مفيش مشكلة
بس الاحسن يبلغ امن سفارته بالموضوع عشان تخلي اي التزام او مسءولية عليك لو حصله حاجه بعد الشر ... مجرد اقتراح