انا هقدم على فيزا امريكا من السعودية .. كنت...

[Mesro Omer]

انا هقدم على فيزا امريكا من السعودية .. كنت عايزة اسأل الناس الخبرة اللي قدمت قبل كده شوية اسئلة عن الابليكاشين ..
السؤال اللي في الصورة الاولى اللي هو : معاك اقامة دايمة في بلد تاني ؟؟
انا دلوقتي معايا اقامة عمل في السعودية .. هكتب اه و لا لا ؟؟
و بالنسبة ل national identification number : اكتب بتاع مصر و لا السعودية ؟؟
الصورة التانية : السؤال بتاع هل اترفضت قبل كده و اشرح سبب الرفض ..
لو اترفضت قبل كده اكتب ايه في الشرح ؟؟
نيجي بقى ل u.s contact information .. اكتب فيها ايه ؟؟

في سؤال بيقول have you made specific travel plans ??
نقول اه و لا لا

و لو اه .. نكتب الاماكن اللي هنزورها يعني ؟؟

️اسفين على الاطالة و شاكرين مساعدتكم و لو اي حد ليه اضافة او نصيحة بالنسبة للابليكاشين او المقابلة نكون شاكرين لو قالها️

 

[Akram Essam Mohamed]

١-اه يتكتب اقامه عمل السعوديه .
٢- رقم ال ID السعودي
٣-يتكتب سبب الرفض السابق سواء تاريخ سفر ضعيف او أيا كان
٤- بيانات الاوتيل و تلفونه و الميل
٥-نقول اه و نكتب الاماكن فى الولايه اللى هنزورها.

 

[Ahmed Zaki]

اول سؤال ايوه تكتب رقم اقامتك بالسعوديه
لو اترفضت من عندهم اكتب انك اترفضت لانهم عارفين سبب الرفض لو من عندهم بيبقوا مدينك ورقه بعد المقابله وموظف السفاره بيبقي معلملك كده على السبب
بالنسبه لمعلومات الاتصال بامريكا تشوفلك فتدق او هوستيل وتحجز عليه من بوكينج وتكتب العنوان بتاعة في الابلكيشن وارقام التليفون
بالنسبه للبلان
تكتب بلانك كله بكل المناطق والحاجات اللي هتزورها
وربنا يوفقك

 

[Walid Leeda]

السؤال اللي في الصورة الاولى اللي هو : معاك اقامة دايمة في بلد تاني ؟؟
انا دلوقتي معايا اقامة عمل في السعودية .. هكتب اه و لا لا ؟؟

* هتكتبي لا لان اقامتك مؤقتة.

و بالنسبة ل national identification number : اكتب بتاع مصر و لا السعودية ؟؟

* انا عن نفسي كتبت الرقم القومي و مكتبتش الإقامة و لا حد سألني عنها هناك.

الصورة التانية : السؤال بتاع هل اترفضت قبل كده و اشرح سبب الرفض ..
لو اترفضت قبل كده اكتب ايه في الشرح ؟؟

* معرفش .. بس اصلا ورقة الرفض كله واحد للجميع و مضمونه انك غير مؤهل السفر في الوقت الحالي . ممكن تكتبي The officer hasn't satisfied about my application

نيجي بقى ل u.s contact information .. اكتب فيها ايه ؟؟

* عنوان اقامتك هناك .. الفندق مثلا.

في سؤال بيقول have you made specific travel plans ??
نقول اه و لا لا

* اه لو محددة تواريخ سفرك و اماكن الزيارة و الخ .. لا لو مش محددة

و لو اه .. نكتب الاماكن اللي هنزورها يعني ؟؟

* لو اه .. هينطلب منك تكتبي الاماكن اللي هتزوريها و تواريخ السفر و على رحلات اي طيران


️اسفين على الاطالة و شاكرين مساعدتكم و لو اي حد ليه اضافة او نصيحة بالنسبة للابليكاشين او المقابلة نكون شاكرين لو قالها️

* نصيحتي خليكي فريندلي خالص و اتكلمي على طبيعتك خالص .

بالتوفيق

 

[Mohamed Khater]

National Identification number. رقم باسبورك