انا فى بكين ازاى اروح سور الصين او Great Wall...

  • بادئ الموضوع بادئ الموضوع Heba Taha
  • تاريخ البدء تاريخ البدء
عرض العطلة
H

Heba Taha

:: مسافر ::
#1
انا فى بكين
ازاى اروح سور الصين او Great Wall ???
عايزه اروح لوحدى من غير شركات سياحه عشان غاليه
باقل التكاليف
يعنى لو مترو لغايه فين ؟؟؟و بعدين اخد ميكروباص او تكتك :D

و يا ريت نصايح من اللى راح قبل كده
ادخل منين ؟؟
و ايه اللى يتعمل ؟؟
و هل الجو ابرد فوق اوى عن تحت ؟؟؟ لاننا بقينا شتا هنا خلاص
 
#3
تاخدي المترو و تنزلي محطه السادات الصيني بعد كدا تغيري لمحطة العتبه الصيني بعد كدا تركبي مترو مدينه نصر الصيني تنزلي محطه عمارات العبور الصيني هتلاقي ميكروباص بيروح دبي الصيني

هخليكي تزوري برج دبي الصيني و ترجعي مكان ماجيتي بالصيني
 
#4
eSjeLUfXZ43j1geiXTjm585ng2Lthb-n.jpeg
 
عرض العطلة
#7
بتركبي باص من اللي ورقه بيتوزع قدام المترو...في موقف مخصوص لل Great Wall ..ممكن يساعدوكي في الاوتيل بتروحيله بتاكسي لانه مش على خط المترو
حاولي تروحي بدري وتكوني لابسه تقيل عشان فوق الفين قدم حسب ما انا فاكر وساقعة وأحيانا ضباب
 
#8
هتركبي تليفريك بيتسع لاتنين ...ممكن تركبيه لوحدك ..اعتقد نفس التذكرة...كانت من ٤ سنين بحوالي 110 rmb تقريبا وتشمل الرجوع كمان
ظبطي اللياقة وانتي طالعة ومتزوديهاش اًوي عشان لسه هترجعي لنفس النقطة عشان تاخدي التليفريك...فيه كافيهات فوق وقعدة
مش هتصرفي حاجة غير التليفريك وهاتي حاجة تشربيها وتاكليها معاكي عشان اختيارات الاكل محدودة وسخيفة في الصين...مش هتصرفي غير تمن التليفريك والباص رايح وراجع...رحلة حوالي ساعة ..اجازة سعيدة
 
#9
اول حاجة تعرفي ان في كذا مكان تقدري تروحي منه لسور الصين
اقربهم لبيجين Badaling
انا بنصحك اوعي تروحيه لانه زحمة جدا جدا و السلم بتاعه منحدر اوي
تقدري تروحيه عن طريق القطر line 2 و تذكرته رخيصة ب ٦ يوان بس لكنه شعبي
بييجي كل ساعة تقريبا و لو جيتي بعد ما يطلع لازم تستني ساعة و طابوره طوييييييييل جدا
كمان مالكيش كرسي برقم اول ما بتعدي البوابة تطلعي تجري تلحقي مكان
انصحك تروحي مع شركة سياحة لنقطة
Mutianyu
هتلاقي في الاوتيل او شركات السياحة بينظموا الرحلة رايح جاي بالغدا من ٣٥٠ ل ٣٠٠ يوان و ابقي فاصلي
هناك في تليفريك بيطلعك و ينزلك افتكر انه كان ب ١٤٠ يوان

شوفي الصورة دي فيها بعض الرحلات باسعارها و البرامج السياحية بتاعتها و دي كانت في شهر ٥ اللي فات
ydjHNUHWACmXmTtqmEPY_5vR7KXYP7xR.jpeg
 
#10
انصحك تروحي مكان شمال بيجين بالمواصلات اسمه Longqingxia
المكان ده تحفة و في حاجات تتعمل كتير .. ممكن تروحيه بالقطر line S2 لان المواصلات ليه غالية ممكن توصل ل ٩٠٠ يوان رايح جاي بس محتاج تخرجي من بدري من الساعة ٧ الصبح مثلا لو بالمواصلات
معلومات اكتر عن السياحة في بيجين و عن المنطقة دي تحديدا في لينك الفيديو ده
المكان ده بيظهر في الدقيقة ١٣
 
عرض العطلة
#13
سور الصين العظيم فيه كذا قطاع تزوريه حوالى 7 فى ناس بتقضى اسبوع تزوره اشهر قطاع هو بادالينج وده اللى كل السياح بيرحوه وبتشوفيه فى الصور لكن انا ارشح لك تروحى قطاع موتيانيو لان ده جميل جدا ومش كل السياح يعرفوه فبيكون زحمه اقل وكمان ممكن تنزل من هناك ب سلايد بيكون تحفه
 
#15
واخيرا هى حتكون رحله شاقه ومرهقه وخصوصا من غير اتوبيس لكنها تستحق العناء و تزكر ان ماوتسي يونج قال ان العظماء فقط هما اللى يقدرو يوصلو الى سور الصين العظيم
 
عرض العطلة
#17
معلومة علي الماشي ما تعتمديش انك تصورى فوق بالموبايل لو الدنيا سقعة عشان طلعت و درجة الحرارة كانت -١٨ التليفون فصل لغاية ما نزلت
 
#19
أنا كمت هناك من شهر بالظبط ورحت سور الصين مع نفسي والموضوع سهل ، انا ما لحقتش اٌقرأ اللي فوق بس لو لسة محتاجة مساعدة قوليلي ، بس انصحك ما تروحيش Badaling عشان الزحمة وروحي احسن Mutianyu وروحي بدري الصبح
 
عرض العطلة
عرض العطلة
عرض العطلة