كنت عاوزة أسأل لو أنا مقيمة خارج مصر وهاطلع...

[Alia Khalid Fawzy]

كنت عاوزة أسأل لو أنا مقيمة خارج مصر وهاطلع رحلة تركيا بس هاطلع من مصر لأني هاكون هناك في زيارة.. دلوقتي انا محتاجة تصريح أمني؟ (سني أقل من 40) وأطلعه إزاي وأنا في أجازة من شغلي في مصر؟ حد مر بالتجربة دي؟
ملحوظة ؛ أنا مش هارجع من تركيا على مصر، هارجع على البلد اللي مقيمة فيها.. وشكراً مقدماً

 

[Moatasim Ali]

اها حضرتك هتحتاجي تصريح امني
بيتعمل ف مجمع التحرير بصورة التأشيرة و صورة الباسبور بنص جني

 

[Marwa Fahmi]

اطلعي احسن من البلد اللى مقيمه منها وانزلى من تركيا على مصر اجازتك مصر صعبه اوى إجراأتها خصوصا تركيا

 

[Ahmed Abuauf]

الأضمن تطلعي من برا مصر عشان التصريح الامني ممكن يغلسو في حاجات تافهة. لو فيه وقت جربي تطلعي التصريح الامني ولو منفعش يبقى من بره

 

[Alia Khalid Fawzy]

المشكلة اني لازم هاكون في مصر.. وانا في اجازة من شغلي من فترة..

 

[Mo Melegee]

الاجابة محتاجة شوية تفاصيل بس دي اجابة عامة
في حاله وجود مهنة في الباسبور يعني فيزا سياحه عاديه مطلوب منك برنت تأمينات مختوم و جواب HR مترجم بالعربي و صورة الباسبور و صورة الفيزا

 

[Abdelaziz Galal]

لازم تصريح أمني وغالبا المشكلة هتبقي في موضوع الشغل وحلها الوحيد انك تشوفي حد معرفة أو في الشغل يعمل جواب HR (كخدمة شخصية)

 

[Alia Khalid Fawzy]

الف شكر لكل من تفضل بالإجابة.. ربنا يوفق الجميع ان شاء الله