M
Mahmoud Fawzy Aless
:: مسافر ::
بصراحة ومن غير تزويق.. اول ما دخلت ع الريسبشن ، لقيت ابتسامة عريضه جدا وترحيب كويس... واول ما البنت مسكت الباسبور المصري بتاعي... انقلبت الضحكة لضحكة صفرا.. حتي كانت بتشاورلي من غير حتي ماتبصلي.. طريقه تعامل مختلفه جدا جدا لما كنت بشوفهم بيتكلموا مع امريكان او استراليين او اي جنسيه اوروبيه...
وللعلم انا آخر واحد ف العالم بيؤمن بنظريه المؤامرة.. لكن انا بقول وقائع...
وللعلم انا آخر واحد ف العالم بيؤمن بنظريه المؤامرة.. لكن انا بقول وقائع...
M
Mahmoud Fawzy Aless
:: مسافر ::
ثانیا. لما تدخل المتحف الوطني بتاعهم وتلاقي اول ماتطلع السلم.. عرض كبير.. وتجميع صور لكل جرائم داعش ضد المسيحين ف الشرق الاوسط.. وتلاقي مكتوب.. المسيحيه مهدده بخطر الانقراض في الشرق الاوسط.. متجاهلين تماما ان المجموعه اللي قتلت المسيحين هي نفسها المجموعه اللي قتلت المسلمين..وباعداد اكتر في نفس الدول... يبقي بصراحة فيه شبهه انحياز وعنصريه.. وتاجيج لمشاعر الكرة بين الديانات...
S
Sam Salah
:: مسافر ::
بودابست من اجمل مدن أوروبا ومن أأمن مدن أوروبا و ااامن بكتييييير من مدن كبيره سياحيه فى أوروبا زى برشلونه وروما مثلا وال weekend فيها وهمى ومش عارف بصراحه الناس ال بتقول المجر دوله عنصريه ومش أمان بتتكلم على أساس ايه .. مفيش الكلام ده خالص هناك .. الشعب هناك اصلا فى الطراوه بمعنى الكلمه ^^ .. وولا فيها عنصريه وولا اى حاجه من الكلام ده وولا فى دماغهم اصلا ال كلام ده ... كله بسبب بوست حجاحوفيتش من سنتين ال أتكلم فيه عن المجر بسبب موقف حصله هناك ممكن يحصل فى اى دوله فى العالم والنَّاس كلها مشيت ورآه وبقت بتردد الكلام العجيب بتاعه !!!! ^^ اى دوله فى العالم فيها الكويس والوحش مينفعش نعمم ^^
M
Mohamed Ayman Nour
:: مسافر ::
أنا قعدت شهر في المجر سنة ٢٠٠٩ فعلا من أكتر البلاد اللي بحبها مع إني ممكن أكون روحت بلاد كتير أجمل بس المجر دي ليها مكان خاص في قلبي ... في خلال الشهر اللي قعدته لا أنا و لا أى حد من الجروب اللي كان معايا اللي كان فيهم محجبات حسينا بأى عنصرية ... الخناقة الوحيدة اللي إتخانقتها هناك كانت مع واحد مصري معرفوش