M
Mohamed Mohie Yakout
:: مسافر ::
السلام عليكم
دى اول مرة اعمل بوست بس حسّيت أنى ممكن أفيد حد به
انا هتكلم عن سفرى انا والاسرة لمدريد وبرشلونة
وبما ان فى بوستات كتير عنهم انا هتكلم عن نقاط معينة فى السفر كأسرة لو معاك أطفال صغيرين من ٤ ل ٧ سنوات أو أطفال كبار من ١٠ ل ١٣ سنة
ونبدأ بمدريد
١-لو الأطفال ٤ سنين فيما فوق اعمل حسابك انه بيتعامل زى الكبار فى كل حاجة تقريبا
٢- فى المطار معاك أسرة وشنط يبقى تأخد تاكسى من استناد Mytaxi هتلاقية اول ما تخرج السعر ثابت ٣٠ يورو حتى لو كُنتُم ٦ وبالمناسبة نزل الApp بتاعهم دة أقل وسيلة انتقالات بالنسبة لأسرة
٣- لو عندك اولاد كبار أو انت من عشاق الكرة يبقى لازم تروح إستاد سانتياجو بيرنابيو وبالتالي من وجهة نظرى أحسن حاجة انك تنزل فى فندق هناك جنب الاستاد وهقولك لية دلوقتى
٤- معاك طفلين أو اكتر يبقى تركب التورستيك باص
هيلف بيك البلد كلها ،و تستخدموا بدل المواصلات ، فى تذكرة للعائلة على بعضها ب ٤٧ يورو ، بيعدى امام الاستاد وبالتالي هتخدوا من جنب الفندق ويرجعك تانى ، بيشتغل لغاية ١٠ بليل و بعدها فى نايت تور بنفس التذكرة لغاية ١٢ بليل، معاه كبونات خصم لكل تذاكر المزارات تقريبا و لأماكن و مطاعم كتير و طبعا تشترى تذاكر الباص اون لاين عشان ارخص كتير. مش هتكلم على المازارات بس لازم تنزل المحطة بتاعة المتحف النوبى حلوة جدا وكلكم هتنبسطوا لان فيها بارك صغيرة للأولاد يلعبوا شوية
٥- ما تروحش التور بتاعة الاستاد فى يوم الباص لان ممكن تاخد ٣ ساعات مثلا والحقيقة هى تستحق تشترى التذاكر وانت راكب فى التورستك تور (من الراجل اللى فى الباص نفسه) لتانى يوم أو اون لاين عشان ما تقفش طوابير هناك وأوعة تشترى auto guide وانت فى التور للأسف انا اشترتها و كانت ٥ يورو ملهاش لازمة بس المشكلة فى الجهاز اللى انت مضطر تعلقه على رقبتك طول ما انت فى التور عشان تسلمه فى الاخر لأنهم واخدين رقم الكريديت كارد ، هيصوروك كتير وهتدفع يعنى هتدفع الولاد مش هتسيبك بس حاول توصل لديل مع الولاد
وطبعا لو مش عايز ما حدش هيجبرك تدفع بس كان غيرك اشطر
٦- ممكن الْيَوْمَ الأخير تروح الاستاد الصبح وبعد كدة تطلع على retiro بارك جميلة تقضى فيها باقى الْيَوْمَ تتمشى وتتصور وتاخذ فلوكة فى البحيرة جميلة جدا
وناس بتعمل هناك عروض حلوة جدا
٧- لو هتسافر برشلونة أحسن حاجة طيران على الايبيرية تحجزه من بدرى من مواقع kayak أو skyscanner
هيبقى ب ٣٥ يورو تقريبا وتاخذ طيارة بليل عشان تستفاد من الْيَوْمَ دة(القطار غالى والباص متعب خصوصا للولاد وهيضيع وقت كتير)
٨- وانت بتتحرك عموما وللمطار خصوصا أحجز التاكسى من الApp قبلها بيوم أو ٤ ساعات مثلا عشان تضمنه وطبعا بيجى فى الميعاد بالظبط وناس محترمة جدا جدا
٩- المياة فى الفندق طبعا بتتشرب فى مدريد كلها بس انت بتتحرك فى الشارع هتتضطر تشترى فخد بالك ان زجاجة المياة الكبيرة فى كرفور اكسيبريس ب نص يورو وفى الأماكن والأكشاك بتوصل ٣.٥ يورو فلازم تشوف سوبر ماركت جنب الفندق تظبط منه زجاجتين وانت نازل عشان الولاد وطبعا بسكوتات بقى وانا كنت بجيب تونة ونوتلا وعيش واعمل سندوتشات عشان نبقى براحتنا فى توقيت الاكل
أخيرا مدريد بلد منظمة جدا جدا و الحقيقة الناس فيها محترمة ومتعاونة وقبل ما سافر كنت قرأت تعليقات عن ان فيهم عنصرية و ...... والحقيقة ما شوفتش دة خالص بالعكس تماما رغم ان مراتى محجبة وسافرت بعد وقت قليل من حادثة برشلونة.
لنا بوست تانى عن برشلونة
والسلام عليكم دمتم مسافرين
دى اول مرة اعمل بوست بس حسّيت أنى ممكن أفيد حد به
انا هتكلم عن سفرى انا والاسرة لمدريد وبرشلونة
وبما ان فى بوستات كتير عنهم انا هتكلم عن نقاط معينة فى السفر كأسرة لو معاك أطفال صغيرين من ٤ ل ٧ سنوات أو أطفال كبار من ١٠ ل ١٣ سنة
ونبدأ بمدريد
١-لو الأطفال ٤ سنين فيما فوق اعمل حسابك انه بيتعامل زى الكبار فى كل حاجة تقريبا
٢- فى المطار معاك أسرة وشنط يبقى تأخد تاكسى من استناد Mytaxi هتلاقية اول ما تخرج السعر ثابت ٣٠ يورو حتى لو كُنتُم ٦ وبالمناسبة نزل الApp بتاعهم دة أقل وسيلة انتقالات بالنسبة لأسرة
٣- لو عندك اولاد كبار أو انت من عشاق الكرة يبقى لازم تروح إستاد سانتياجو بيرنابيو وبالتالي من وجهة نظرى أحسن حاجة انك تنزل فى فندق هناك جنب الاستاد وهقولك لية دلوقتى
٤- معاك طفلين أو اكتر يبقى تركب التورستيك باص
هيلف بيك البلد كلها ،و تستخدموا بدل المواصلات ، فى تذكرة للعائلة على بعضها ب ٤٧ يورو ، بيعدى امام الاستاد وبالتالي هتخدوا من جنب الفندق ويرجعك تانى ، بيشتغل لغاية ١٠ بليل و بعدها فى نايت تور بنفس التذكرة لغاية ١٢ بليل، معاه كبونات خصم لكل تذاكر المزارات تقريبا و لأماكن و مطاعم كتير و طبعا تشترى تذاكر الباص اون لاين عشان ارخص كتير. مش هتكلم على المازارات بس لازم تنزل المحطة بتاعة المتحف النوبى حلوة جدا وكلكم هتنبسطوا لان فيها بارك صغيرة للأولاد يلعبوا شوية
٥- ما تروحش التور بتاعة الاستاد فى يوم الباص لان ممكن تاخد ٣ ساعات مثلا والحقيقة هى تستحق تشترى التذاكر وانت راكب فى التورستك تور (من الراجل اللى فى الباص نفسه) لتانى يوم أو اون لاين عشان ما تقفش طوابير هناك وأوعة تشترى auto guide وانت فى التور للأسف انا اشترتها و كانت ٥ يورو ملهاش لازمة بس المشكلة فى الجهاز اللى انت مضطر تعلقه على رقبتك طول ما انت فى التور عشان تسلمه فى الاخر لأنهم واخدين رقم الكريديت كارد ، هيصوروك كتير وهتدفع يعنى هتدفع الولاد مش هتسيبك بس حاول توصل لديل مع الولاد
وطبعا لو مش عايز ما حدش هيجبرك تدفع بس كان غيرك اشطر
٦- ممكن الْيَوْمَ الأخير تروح الاستاد الصبح وبعد كدة تطلع على retiro بارك جميلة تقضى فيها باقى الْيَوْمَ تتمشى وتتصور وتاخذ فلوكة فى البحيرة جميلة جدا
وناس بتعمل هناك عروض حلوة جدا
٧- لو هتسافر برشلونة أحسن حاجة طيران على الايبيرية تحجزه من بدرى من مواقع kayak أو skyscanner
هيبقى ب ٣٥ يورو تقريبا وتاخذ طيارة بليل عشان تستفاد من الْيَوْمَ دة(القطار غالى والباص متعب خصوصا للولاد وهيضيع وقت كتير)
٨- وانت بتتحرك عموما وللمطار خصوصا أحجز التاكسى من الApp قبلها بيوم أو ٤ ساعات مثلا عشان تضمنه وطبعا بيجى فى الميعاد بالظبط وناس محترمة جدا جدا
٩- المياة فى الفندق طبعا بتتشرب فى مدريد كلها بس انت بتتحرك فى الشارع هتتضطر تشترى فخد بالك ان زجاجة المياة الكبيرة فى كرفور اكسيبريس ب نص يورو وفى الأماكن والأكشاك بتوصل ٣.٥ يورو فلازم تشوف سوبر ماركت جنب الفندق تظبط منه زجاجتين وانت نازل عشان الولاد وطبعا بسكوتات بقى وانا كنت بجيب تونة ونوتلا وعيش واعمل سندوتشات عشان نبقى براحتنا فى توقيت الاكل
أخيرا مدريد بلد منظمة جدا جدا و الحقيقة الناس فيها محترمة ومتعاونة وقبل ما سافر كنت قرأت تعليقات عن ان فيهم عنصرية و ...... والحقيقة ما شوفتش دة خالص بالعكس تماما رغم ان مراتى محجبة وسافرت بعد وقت قليل من حادثة برشلونة.
لنا بوست تانى عن برشلونة
والسلام عليكم دمتم مسافرين