تغيير المهنة فى البطاقة الى صاحب شركة

[Ibrahem Elhddad]

انا عاوز اغير المهنه او الوظيفه في جواز السفر
من عميد قوات مسلحه بالمعاش الي صاحب شركه....
وعرفت ان المسميات دي بتفرق لما تيجي تاخد تاشيره الدخول لبلاد معينه
فهل اكتب في الجواز صاحب شركه...
ولا ورئيس مجلس اداره شركه.....
ولا صاحب ومدير شركه......
فمن واقع خبرتكم ايه المسمي الصحيح اللي يسهل امور السفر والحصول علي التاشيرات

 

[Rana Mahmoud]

F

 

[Ahmed Zidan]

اعتقد صاحب و مدير افضل

 

[Tota Joo]

F

 

[Karem Abubakr]

هو عميد سابق دي مش بتنفع؟
دي جامدة جدا

 

[Joe Creed]

صاحب ومدير شركة ولازم كشف حساب

 

[Sherif Fawzy]

.

 

[Mahmoud Abd Elwahab]

يا سيادة العميد اللي هيفيدك ف الحكاية دي عميد ف الجوازات

 

[Mahmoudx Cairo]

انا بصراحه خايف اعلق اصلا

 

[Mohamed Khaled Shams El-Den]

الجواز بياخد الوظيفة من البطاقة و لو شغال حر بتكون ف بطاقة صاحب شركة

 

[Yomna Osama]

حضرتك هتجدد البطاقه الاول و تكتب فيها الوظيفه .
بالنسبه لصاحب شركه ف هتبقى ملزم مع التقديم للفيز انك تجيب سجل تجاري و تختم والذي منه
لو رييس مجلس اداره هتبقى محتاج بس hr letter و ده الاحسن
ف شوف حضرتك بالنسبالك ايه الاوقع و الاسهل .

 

[Hamada Moussa]

f

 

[Ahmed Radwan]

عادي بتتغير بس تغير البطاقه الاول وتجيب سجل شركتك وتكون مسجل بالتأمينات.
اسأل هناك مدير السجل المدني هيفيدك اكتر

 

[Joe Creed]

مش لازم تامينات

 

[Ahlam Zakaria]

Basma Ibraheem

 

[Eslam Hamed Gaber]

رئيس مجلس إدارة دى تنطبق على شركات الأموال إللى هيا شركات مساهمة .. فلو كانت شركتك بالشكل ده فالأفضل تكتب رئيس مجلس إدارة شركة كذا. ومش شرط تكون مالك الشركة عشان تكون رئيس مجلس إدارتها لأن ده بيتم بالترشيح .. اما صاحب ومدير شركة فتنطبق على شركات التوصية. وماينفعش تكتب فيها رئيس مجلس إدارة.
فى كل الأحوال حضرتك بتغير المسمى الوظيفى كيفما تشاء فى الباسبور ولكن بالكيفية القانونية.

 

[Sameh Said]

صاحب مكنب استيراد وتصدير افضل حاجه

 

[Omar Ahmed]

ممكن تديني انت لقب عميد أعيش بيه في مصر وخد البكالوريوس والماجستير سافر بيهم

 

[Samy Ibrahim]

صدقني كل ده ما لوش قيمه لو كنت اخدت تاشيره لامريكا و اوربا قبل كده و طبعا كشف حساب البنك مهم يكون عليه حركه سحب و ايداع احنا فاكرين ان الالقاب و المسميات بتفرق بره....

 

[Mostafa M. El-Desouky]

أنا حاليا بعمل نفس الإجراءات و المسمى الوظيفي كضابط سابق في جواز السفر هيكون عائق لحضرتك في استخراج التأشيرات.
أول حاجة هتعملها هي عمل سجل تجاري برأس مال ٢٥٠ ألف جنيه كشركة تضامن. لعمل الشركة محتاج حد يعمل لك عقد ايجار شقة أو عقار يصلح كمقر للشركة و كذلك موظف واحد على الأقل يتم تسديد التأمينات الخاصة به.
بعد عمل السجل حضرتك هتغير الوظيفة في الرقم القومي و تخليها صاحب شركة و و تستخرج الباسبور الجديد بالرقم القومي الجديد و السجل التجاري. و وقت التقديم للتأشيرات بتقدم بنفس السجل و كشف حسابك الشخصي أو الخاص بالشركة أيهما أفضل و ممكن تعمل جواب HR لنفسك بالمرتب و خلافه. ياريت طبعا تكلف محاسب قانوني يعمل لك الأوراق لتفادي أي عطلة. بالتوفيق ان شاء الله.