M
Mohammed Abdel Wahab
:: مسافر ::
طيب بناءا علي طلب الادمن 
بوست بخصوص مجال ال Freelancing.
اللي هو ببساطة الشغل علي الانترنت.
مش هتكلم خالص بقي عن اي مواقع Pay Per click, او مواقع reviews, او مواقع استطلاعات وكل الكلام اللي مش بيأكل عيش ده.
انا بتكلم عن شغل بجد.
في مجال ايه؟
كل مجالات الدنيا ليها شغل اونلاين, بس طبعا زيها زي الشغل العادي في مجالات مطلوبة اكتر من غيرها.
نبدأ بقي :
اهم نصيحة للي بيبدأ في المجال ده. اوعي تيأس الموضوع متعب جدا في الاول ومش عايز يأس. لان ببساطة البداية زى بالظبط كده لما كنت حديث التخرج و بتدور علي شغل.
انا هشرح شرح بسيط برضه كده و مختصر.
الشغل علي مواقع ال Freelancing بيبقي حاجة من اثنين :
شغل بمبلغ ثابت و دي بتكون مبلغ معين بتتفق عليه مع العميل مقابل الشغل اللي هو طالبه.
اللي بيحصل أن بعد ما الاتفاق بيتم العميل بيدفع المبلغ ده للموقع و بتفضل الفلوس في الموقع و بمجرد ما شغلك بيخلص الفلوس بتتحول لحسابك. والموقع بيضمن حقك و بيكون هو الوسيط بينك و بين العميل. لو حصل أي مشكلة بيحكم بينكم.
النوع التاني بقي بيكون شغل بالساعة ده بيتم ازاي أن العميل لازم بيدخل بيانات الفيزا بتاعته علي الموقع من غيرها مش هيقدر ينزل الشغل اصلا. بعد ما الشغل بيبدأ و بتعمل عقد الشغل. بتنزل من الموقع Tool كده وظيفتها أنها تحسب عدد الساعات اللي انت اشتغلتها.
انت بتشغلها طول ما انت شغال و هي بتحسب الوقت و بتاخد Screenshot عشوائي كل فترة عشان العميل لما يدخل يشوف الوقت اللي اتسجل يبقي شايف انك فعلا بتشتغل.
كل اسبوع بقي الموقع بيحسب عدد ساعات شغلك طول الاسبوع و بيسحب قيمة الشغل ده بناءا على سعر الساعة في اتفاقك مع العميل.
يعني بفرض مثلا كنتوا متفقين أن الساعة ب 5 دولار و اشتغلت 10 ساعات في الأسبوع هيسحب من الفيزا بتاعة العميل 50 دولار علي طول و الموقع يخصم عمولته والباقي يتحط في حسابك.
ده تقريبا نظام معظم المواقع.
طبعا في مواقع نظامها مختلف شوية لكن المعظم نفس الفكرة دي.
قررنا نبدأ ؟
الاول نحدد المجال اللي هنبدأ منه و نعرف احنا عايزين نوصل لايه بالظبط.
اولا احنا قدامنا اتجاهين:
اما نشتغل بالعربي و علي المواقع العربية و اما نشتغل English علي المواقع الاجنبية.
طيب قررنا هنشتغل عربي. يبقي محتاج اول حاجة و هي هشتغل في ايه ؟
زي ما قلنا مجالات الشغل كتير جداا فيها السهل و فيها الصعب و قلنا برضه ان الموضوع محتاج انك تتعلم و انك تصبر.
طيب عشان اتعلم و اصبر يبقي انا محتاج حاجة بحبها عشان اقدر اكمل فيها.
يبقي اول خطوة عشان تحدد هتشتغل في ايه. هي انك تختار مجال بتحبه.
بلاش نختار الاسهل، الاسرع، اللي عليه طلب و ما الي اخره من الحاجات اللي بنحدد علي اساسها اختيارتنا.
حددنا المجال، نبدأ بقي نتعلم و سواء المجال ده عندك فيه خبرة او لا فا انت محتاج تتعلم و تطور من نفسك كل يوم لان كل يوم في جديد و كل يوم في تغيير.
طيب لقينا المجال و هنبدأ بقي يبقي محتاجين ايه المواقع العربية اللي افدر اشتغل عليها
، انا طبعا معرفش كل المواقع لكن انا هنزلهم هنا بترتيب الاشهر اولا:
1- خمسات
2- مستقل
3- بيكاليا
4- أي خدمة
5- Freelanceme
6-Zinano
دول المواقع اللي انا شوفتهم و معنديش للاسف خبرة كبيرة فيهم بس اعتقد هما الاشهر في المجال بالنسبة للمواقع العربية.
الطبيعي انك هتعمل حساب علي المواقع دي سواء موقع منهم او حتي كلهم. المهم الحساب يكون بياناته كاملة. خدماتك و مهاراتك واضحة و في عينات من شغلك و دي مهمة جدا طبعا. بعد كده تبدأ تنزل انت ممكن تعمل ايه او تقدم علي الوظائف المناسبة ليك.
ومهم جدا تكون واضح في عرض خدمتك و تكون عارف انت بتقدم ايه و هتعمله ازاي وهياخد وقت قد ايه. عشان العميل يكون متاكد من انك تقدر تخلص الشغل ده و يعرف انك فاهم.
طيب في حالة بقي هشتغل علي مواقع اجنبية. وهو الافضل طبعا.
في الحالة دي قبل ما تحدد المجال لازم تشتغل علي اللغة عندك عشان مفيش عميل هيديلك شغل و هو شايف انه مش هيعرف يفهمك او تفهمه.
فلو اللغة عندك تمام يبقي ده هيبان في العرض بتاعك و بروفيلك و اللغة اللي بتقدم بيها علي الشغل و طبعا لو الموقع بيسمحلك يبقي تعمل امتحان علي الموقع و تنزل الدرجة بتاعتك.
لو اللغة مش تمام يبقي ده اول حاجة انت لازم تشتغل عليها. ولازم تقوي نفسك في اللغة جدا قبل ما تبدآ عشان تعرف تاخد شغل و ريفيوهات كويسة.
خلصت اللغة يبقي تبدآ تشوف المجال بقي وتعمل الخطوة اللي قلناها فوق.
المواقع الاجنبية كمية الشغل عليها اكبر بكتير من العربية و ده بيزود طبعا فرصة انك تاخد شغل. و العائد فيها اكبر برضه من المواقع العربية. بس المنافسة فيها اكبر بكتير لانك حرفيا بتنافس ناس من العالم كله و لو معرفتش تبقي مميز عمرك ما هتنجح.
بعض المواقع الاجنبية بالترتيب حسب الاشهر :
1- Freelancer
2- Upwork
3- Fiverr
4- Guru
5- People Per Hour
6- iFreelance
7- 99Design ( Graphic Only)
8- Toptal
9- Freelance Writing gigs ( Writers Only)
10- Demand Media ( Writers Only)
11- GetACoder ( Web designers & Programmers Only)
12-Project4hire
13- SimplyHired
14- Aquent ( Marketing Only)
15- The Creative Group ( Marketing Only)
16- Outsource
وبرضه فيه غيرهم كتير.
الفكرة في معظم المواقع تقريبا متشابهة.
انت بتعمل بروفيل و بتكتب انت بتعرف تشتغل في ايه و تبدأ تقدم علي شغل.
- كل موقع بيكون ليه عدد معين من الوظائف اللي تقدر تقدم عليها في الشهر.
- لازم تقرأ كل وظيفة كويس قوي و تقدم بشكل يشد العميل انه يشغلك.
- زي ما قلت كل المجالات متاحة لكن الفرص الاكبر للمصممين و ال Web Developers
طيب فكرة الشغل عامة اونلاين معتمدة علي الريفيو. ايه الريفيو ؟
ده رأي العميل في شغلك بعد ما العقد ما بينكم بينتهي و ده يعتبر كده شهادة الخبرة بتاعتك. كل ما اخدت ريفيوهات حلوة اكتر كل ما فرصتك انك تاخد شغل جديد او حتي تلاقي شغل ثابت زادت اكتر.
عشان كده مهم جدا تاخد الموضوع بجدية و اهتمام.
اخر حاجة و دي طبعا مرحلة متقدمة ممكن نتكلم فيها بعدين و مع شرح اكتر لو الناس محتاجة.
نقطة الفلوس. الفلوس بتجيلك ازاي؟
في اكتر من بنك اونلاين بتقدر تسحب عليه الفلوس و منه لحسابك في البنك هنا.
و ممكن تسحب الفلوس دولار او جنيه عادي حسب اللي يريحك.
و ممكن كمان تعمل كارت فيزا من البنك الاونلاين ده وتستخدمه لو بتشتري حاجة من علي النت او و انت مسافر بره مثلا. وتسحب بيه من اي ATM كمان.
طبعا البوست بقي كبير جدا فا كفاية كده.
مع ان ده والله شرح باختصار جدا كمان لكن عموما لو في حد عنده سؤال و اقدر اساعده مش هتأخر. ربنا يوفقنا جميعا.
بوست بخصوص مجال ال Freelancing.
اللي هو ببساطة الشغل علي الانترنت.
مش هتكلم خالص بقي عن اي مواقع Pay Per click, او مواقع reviews, او مواقع استطلاعات وكل الكلام اللي مش بيأكل عيش ده.
انا بتكلم عن شغل بجد.
في مجال ايه؟
كل مجالات الدنيا ليها شغل اونلاين, بس طبعا زيها زي الشغل العادي في مجالات مطلوبة اكتر من غيرها.
نبدأ بقي :
اهم نصيحة للي بيبدأ في المجال ده. اوعي تيأس الموضوع متعب جدا في الاول ومش عايز يأس. لان ببساطة البداية زى بالظبط كده لما كنت حديث التخرج و بتدور علي شغل.
انا هشرح شرح بسيط برضه كده و مختصر.
الشغل علي مواقع ال Freelancing بيبقي حاجة من اثنين :
شغل بمبلغ ثابت و دي بتكون مبلغ معين بتتفق عليه مع العميل مقابل الشغل اللي هو طالبه.
اللي بيحصل أن بعد ما الاتفاق بيتم العميل بيدفع المبلغ ده للموقع و بتفضل الفلوس في الموقع و بمجرد ما شغلك بيخلص الفلوس بتتحول لحسابك. والموقع بيضمن حقك و بيكون هو الوسيط بينك و بين العميل. لو حصل أي مشكلة بيحكم بينكم.
النوع التاني بقي بيكون شغل بالساعة ده بيتم ازاي أن العميل لازم بيدخل بيانات الفيزا بتاعته علي الموقع من غيرها مش هيقدر ينزل الشغل اصلا. بعد ما الشغل بيبدأ و بتعمل عقد الشغل. بتنزل من الموقع Tool كده وظيفتها أنها تحسب عدد الساعات اللي انت اشتغلتها.
انت بتشغلها طول ما انت شغال و هي بتحسب الوقت و بتاخد Screenshot عشوائي كل فترة عشان العميل لما يدخل يشوف الوقت اللي اتسجل يبقي شايف انك فعلا بتشتغل.
كل اسبوع بقي الموقع بيحسب عدد ساعات شغلك طول الاسبوع و بيسحب قيمة الشغل ده بناءا على سعر الساعة في اتفاقك مع العميل.
يعني بفرض مثلا كنتوا متفقين أن الساعة ب 5 دولار و اشتغلت 10 ساعات في الأسبوع هيسحب من الفيزا بتاعة العميل 50 دولار علي طول و الموقع يخصم عمولته والباقي يتحط في حسابك.
ده تقريبا نظام معظم المواقع.
طبعا في مواقع نظامها مختلف شوية لكن المعظم نفس الفكرة دي.
قررنا نبدأ ؟
الاول نحدد المجال اللي هنبدأ منه و نعرف احنا عايزين نوصل لايه بالظبط.
اولا احنا قدامنا اتجاهين:
اما نشتغل بالعربي و علي المواقع العربية و اما نشتغل English علي المواقع الاجنبية.
طيب قررنا هنشتغل عربي. يبقي محتاج اول حاجة و هي هشتغل في ايه ؟
زي ما قلنا مجالات الشغل كتير جداا فيها السهل و فيها الصعب و قلنا برضه ان الموضوع محتاج انك تتعلم و انك تصبر.
طيب عشان اتعلم و اصبر يبقي انا محتاج حاجة بحبها عشان اقدر اكمل فيها.
يبقي اول خطوة عشان تحدد هتشتغل في ايه. هي انك تختار مجال بتحبه.
بلاش نختار الاسهل، الاسرع، اللي عليه طلب و ما الي اخره من الحاجات اللي بنحدد علي اساسها اختيارتنا.
حددنا المجال، نبدأ بقي نتعلم و سواء المجال ده عندك فيه خبرة او لا فا انت محتاج تتعلم و تطور من نفسك كل يوم لان كل يوم في جديد و كل يوم في تغيير.
طيب لقينا المجال و هنبدأ بقي يبقي محتاجين ايه المواقع العربية اللي افدر اشتغل عليها
، انا طبعا معرفش كل المواقع لكن انا هنزلهم هنا بترتيب الاشهر اولا:
1- خمسات
2- مستقل
3- بيكاليا
4- أي خدمة
5- Freelanceme
6-Zinano
دول المواقع اللي انا شوفتهم و معنديش للاسف خبرة كبيرة فيهم بس اعتقد هما الاشهر في المجال بالنسبة للمواقع العربية.
الطبيعي انك هتعمل حساب علي المواقع دي سواء موقع منهم او حتي كلهم. المهم الحساب يكون بياناته كاملة. خدماتك و مهاراتك واضحة و في عينات من شغلك و دي مهمة جدا طبعا. بعد كده تبدأ تنزل انت ممكن تعمل ايه او تقدم علي الوظائف المناسبة ليك.
ومهم جدا تكون واضح في عرض خدمتك و تكون عارف انت بتقدم ايه و هتعمله ازاي وهياخد وقت قد ايه. عشان العميل يكون متاكد من انك تقدر تخلص الشغل ده و يعرف انك فاهم.
طيب في حالة بقي هشتغل علي مواقع اجنبية. وهو الافضل طبعا.
في الحالة دي قبل ما تحدد المجال لازم تشتغل علي اللغة عندك عشان مفيش عميل هيديلك شغل و هو شايف انه مش هيعرف يفهمك او تفهمه.
فلو اللغة عندك تمام يبقي ده هيبان في العرض بتاعك و بروفيلك و اللغة اللي بتقدم بيها علي الشغل و طبعا لو الموقع بيسمحلك يبقي تعمل امتحان علي الموقع و تنزل الدرجة بتاعتك.
لو اللغة مش تمام يبقي ده اول حاجة انت لازم تشتغل عليها. ولازم تقوي نفسك في اللغة جدا قبل ما تبدآ عشان تعرف تاخد شغل و ريفيوهات كويسة.
خلصت اللغة يبقي تبدآ تشوف المجال بقي وتعمل الخطوة اللي قلناها فوق.
المواقع الاجنبية كمية الشغل عليها اكبر بكتير من العربية و ده بيزود طبعا فرصة انك تاخد شغل. و العائد فيها اكبر برضه من المواقع العربية. بس المنافسة فيها اكبر بكتير لانك حرفيا بتنافس ناس من العالم كله و لو معرفتش تبقي مميز عمرك ما هتنجح.
بعض المواقع الاجنبية بالترتيب حسب الاشهر :
1- Freelancer
2- Upwork
3- Fiverr
4- Guru
5- People Per Hour
6- iFreelance
7- 99Design ( Graphic Only)
8- Toptal
9- Freelance Writing gigs ( Writers Only)
10- Demand Media ( Writers Only)
11- GetACoder ( Web designers & Programmers Only)
12-Project4hire
13- SimplyHired
14- Aquent ( Marketing Only)
15- The Creative Group ( Marketing Only)
16- Outsource
وبرضه فيه غيرهم كتير.
الفكرة في معظم المواقع تقريبا متشابهة.
انت بتعمل بروفيل و بتكتب انت بتعرف تشتغل في ايه و تبدأ تقدم علي شغل.
- كل موقع بيكون ليه عدد معين من الوظائف اللي تقدر تقدم عليها في الشهر.
- لازم تقرأ كل وظيفة كويس قوي و تقدم بشكل يشد العميل انه يشغلك.
- زي ما قلت كل المجالات متاحة لكن الفرص الاكبر للمصممين و ال Web Developers
طيب فكرة الشغل عامة اونلاين معتمدة علي الريفيو. ايه الريفيو ؟
ده رأي العميل في شغلك بعد ما العقد ما بينكم بينتهي و ده يعتبر كده شهادة الخبرة بتاعتك. كل ما اخدت ريفيوهات حلوة اكتر كل ما فرصتك انك تاخد شغل جديد او حتي تلاقي شغل ثابت زادت اكتر.
عشان كده مهم جدا تاخد الموضوع بجدية و اهتمام.
اخر حاجة و دي طبعا مرحلة متقدمة ممكن نتكلم فيها بعدين و مع شرح اكتر لو الناس محتاجة.
نقطة الفلوس. الفلوس بتجيلك ازاي؟
في اكتر من بنك اونلاين بتقدر تسحب عليه الفلوس و منه لحسابك في البنك هنا.
و ممكن تسحب الفلوس دولار او جنيه عادي حسب اللي يريحك.
و ممكن كمان تعمل كارت فيزا من البنك الاونلاين ده وتستخدمه لو بتشتري حاجة من علي النت او و انت مسافر بره مثلا. وتسحب بيه من اي ATM كمان.
طبعا البوست بقي كبير جدا فا كفاية كده.
مع ان ده والله شرح باختصار جدا كمان لكن عموما لو في حد عنده سؤال و اقدر اساعده مش هتأخر. ربنا يوفقنا جميعا.