O
Omar Mostafa
:: مسافر ::
السوال واضح يا بهاء هو عاوز يسافر دولة للاستقرار هناك و غالبا لو اتيحت له فرصة ممكن يكسر التاشيرة و ده منصحش بيه خصوصا في الظروف الحالية المبلغ اللي معاك يا محمد يعادل 4000 يورو و ده ممكن يساوي حاجات بسيطة بالنسبة للاوروبين يعني موضوع الاستثمار مثلا صعب و اساسا لازم يكون في اقامة علشان تستثمر الحاجة التانية لو سافرت سياحة وفكرت تكسر مش هتلاقي حلول ممكنه غير طلب اللجوء و الاولوية حاليا للسوريين والعراقيين وامثالهم و حتى في تشديدات عليهم و بيطلبو منهم اثباتات على تعرضهم للخطر في حالة عودتهم لبلدهم ومنهم كتير بيترفضو مابالك المصريين
K
Khaled Badry
:: مسافر ::
الكلمة المفيدة أنك هتبقي عملت غلطة عمرك لو كسرت فيزا . أنا هعتبر أنك هتقدر تسافر وتاخد التأشيرة . لكن الإقامة غير الشرعية في الزمن دا كارثة لن تتخيل مداها . الحكومات قدرت تحارب الإقامة غير الشرعية مش بس عن طريق مراقبة الحدود زي ما الناس متخيلة لكن التضييق الداخلي في كل مناحي الحياه من سكن وركوب مواصلات والتعامل مع المصالح الحكومية والبنوك كله مرتبط بشرعية الإقامة والأهم ان مفيش تقنين أوضاع زي زمان للناس اللي قاعدين بدون ورق . وأخيرا أعتقد الجروب مش مكان لتشجيع الأفكار دي ولا إبداء نصائح في الإتجاه دا مش عشان خاطر الدول الأوروبية لا . عشان الشاب المسافر هو المتضرر الوحيد من الفكرة دي .