مساء الخير .. معلش انا عندي كذا سؤال علشان...

[Ahlam Halim]

مساء الخير ..
معلش انا عندي كذا سؤال علشان قريت كتير واتخلبطت المعلومات ..
1- الفيزا الشينغن .. بتكون صالحه لمدة 6 شهور ؟ يعني لو انا عايزه اجرب اخدها بس مش عارفه بالظبط هسافر امتي دا ينفع ؟
2- الحساب مافهوش فلوس ... بس عندي شهادة وعندي بطاقة ائتمانية بضمان الشهادة .. هل ينفع ولا لازم يكون في فلوس في الحساب الجاري .. لان اعتقد اني لما اطلع كشف الحساب مش هيبان الفلوس بتاعت الشهادة ؟
3- قريت مقال ان المجر هانجاريا .. بلد حلوة وكمان عملتها مناسبه لينا كمصريين .. هل ينفع اقدم الشينغن منها ؟
4- هل فعلا فيه سفارات اسهل من سفارات في الحصول على الشينجن ؟

اسفه جدا للتطويل وشكرا مقدماً

 

[Mohamed Mahmoud Shamekh]

الفيزا مش شرط خالص انها تبقي 6شهور،، الاكتراث انها بتاخد علي عدد ايام الحجوزات بس

 

[Mohamed Ibrahim]

حاجتين مهمين للسفر سياحة لدول الشنجن الحساب البنكي والحركة عليه (شراء ايداع سحب) والحاجة التانية البلاد اللي سافرتيها سياحة قبل كدة

 

[Khaled Badry]

1 ) فيزا شنجن ملهاش مدة ثابتة وبترجع علي حسب قوة الملف ورخامة السفارة . ممكن تطلع علي اد مواعيد السفرية بالظبط زيادة عليهم يومين او 3 , وممكن تطلع ب 3 شهور دخول متعدد محدش يضمنلك النتيجة وبالتالي لو مفيش نيه حقيقية للسفر في المواعيد المذكورة في الملف بلاش تقدمي .
2 ) شهادات الاستثمار والودائع تعتبر اوراق مدعمة لا تغني عن وجود حساب جاري قوي علية تحركات ليها معني مش مجرد سحب وايداع .
3 ) مفيش دولة رخيصة او غالية علي المطلق لان الامور دي بتبقي شخصية جدا وكل واحد له طريقتة في السفر وممكن تقدمي في سفارة المجر بغض النظر عن كونها سفارة رخمة او سهلة .
4 ) قانون الفيزا موحد علي جميع السفارات لكن احيانا في سفارات بتطلب طلبات زيادة عن الطبيعي ودا مش غريب لكن السفارات الكبيرة اللي عندها خبرة في التعامل مع التأشيرات السياحية بتكون ليها نظرة اكثر دقة في الحكم علي الملفات وبالتالي مش هيكون فية تعقيدات , علي عكس البلاد الصغيرة اللي بيكون التقديم في سفاراتها نادر او قليل .

 

[Amro Ghonamy]

محدش يجتهد ويفتح دار الافتاء و يقول و يحدد مبلغ معين للسفاره عشان انا السنه اللي فاتت مقدم انجلترا ب عشرين الف بس جاري

 

[Shaima Ammar]

1- غالبا الفيزا بتطلع على ايام السفر اللي انت محددها،بس اوقات لما يثقوا فيكي يدوها 3 او 6 شهور بس ده مش اكيد.
2- عادي لو فلوسك شهاده بس جيبي ورقه من البنك تقول ان معاكي شهادة عندهم.
3- المجر حلوه فعلا بس مش رخيصه اوي برضه.
4- موضوع سفارات اسهل ده مش مزبوط، الغالب الناس بتقدم في فرنسا عشان مش بتتطلب شهادة تحركات لو اول مره سفر شينجن، باقي السفارات بتطلب.