كأس العالم فرصة حلوة عشان تسافر روسيا من غير...

  • بادئ الموضوع بادئ الموضوع Ahmed Abd El-Azeim
  • تاريخ البدء تاريخ البدء
A

Ahmed Abd El-Azeim

:: مسافر ::
كأس العالم فرصة حلوة عشان تسافر روسيا من غير تأشيرة ✈️
تتفرج ع ماتش هناك غير انك تقدر تلف ف البلد براحتك وتخلع من اجراءات الفيزا ووجع الدماغ
١- اول حاجه تشتري تذكرة للماتش وارخص سعر هيكون ١٠٥$ بتملي بياناتك وبتدفع اونلاين والتذكرة هتجيلك للبيت عن طريق شركة شحن.
www.fifa.com/worldcup/organisation/ticketing/index.html

٢- تاني حاجه تعملها بعد ما تخلص موضوع التذكرة Fan ID وده مش هيتعمل غير ما يتوافق ع عملية شرائك للتذكرة الاول
بتعمل apply وهتكتب بياناتك برضه + upload لصورة شخصية ليك حديثة + رقم التذكرة او رقم اوردر التذكرة
بياخد ٧٢ ساعة Processing وبيوصلك لحد البيت برضه من خلال شركة شحن
Fan ID هيكون بديل للفيزا تقدر تدخل بيه روسيا غير انه بيتيح ليك مواصلات مجانيه ف ايام الماتشات سواء "مترو ،قطر،ترامڤاي......"
www.fan-id.ru
‎“متحاولش تدخل تعمل Fan ID وانت لسه ما اشترتش التذكرة واتوافق عليها مستحيلة"

٣- بعد ما تخلص كل ده كل اللي هتحتاجه باسبورك تذكرتك تذكرة طيرانك فان ايديهك واتكل ع الله

"متاح ليك دخول البلد خلال ١٠ أيام قبل اول ماتش فالبطولة يعني من ٧ يونيو
والخروج منها خلال ١٠ ايام بعد نهاية اخر ماتش يعني من ١٥ يوليو لحد ٢٥ يوليو "

- لمعلومات اكتر برضه ممكن تشوف الموقع ده
- www.welcome2018.com/en
 
واو، شكرا جدا، بس تذاكر الطيران في وقت كاس العالم هتبقي ايه؟
 
لو سمحتم تكلفه السفر كله ف حدود كام .الطيران والاقامه .
 
أعلى