يا شباب عندي استفسار الختمين دول عندي في...

[Badr Helmy]

يا شباب عندي استفسار
الختمين دول عندي في الجواز واحد بخصوص فيزا شنجن و التاني انجلترا و في الحالتين اترفضوا في دبي في 2015
هل الاختام دي موضحة انها مرفوضة ولا لو قدمت تاني ها يعرفوا منها ايه؟

 

[Osama Malik]

ايوة دي أختام رفض وبتأثر لو قدمت في فيزا تانية
الافضل غير الباسبور

 

[Ahmad Saeed]

بتفكر ف ايييييه ؟

 

[Ramy Yousri Ali]

هي انجلترا بتختم رفض

 

[Mahmoud Maged]

سبب الرفض ايه ؟

 

[Ahmed Hasan]

لو هتقدم انجلترا تاني هيبقوا عارفين انك اترفضت قبل كده حتي لو غيرت الباسبور، وطبعا لو مقلتش في الابليكيشن هيرفضوك
انما الشنجن عادي لو غيرت الباسبور و قدمت تاني
الاهم انك تعالج سبب الرفض قبل ما تقدم

 

[Last Area]

ايه سبب الرفض فى انجلترا ؟

 

[Ahmed Tarek El-Shanawany]

دي اختام رفض
متغيرش الباسبور ولا حاجه علشان كله متسجل وهيعرفوا برضه
وكده كده لازم تقول ف الابليكيشن انك اترفضت قبل كده لانك لو كدبت هتترفض برضه
اتعامل عادي وتجنب الاخطاء اللي جابتلك رفض قبل كده
انا اترفضت قبل كده ولسه موجوده ع الباسبور واخدت بعدها 6 UK Visa
واخدت شنجن مره واترفضت مره
واخدت US
عادي خالص

 

[Christeen Magdy]

دا خنم بيتختم بيه الباسبور اول ما يدخل السفارة و لو كنت اخدت الفيزا كانت اتحتت عليه و لانك مخدتهاش فدا معناه انك اترفضت

 

[Mohamed Salah]

مش مشكله
سيب الباسبور كما هو لان كل حاجه عندهم ولو غيرت الكلام ومقلتش مش هينفع
انا اخذت رفض لانجلترا مره
وسافرت ٤ مرات بعدها الي انجلترا
في كل مره بكتب قي الابكاشن اني اترفضت وبكتب سبب الرفض اول مره
يعني
لما هتظبط سبب الرفض ولا حاجه
اهم حاجه متخبيش

 

[Badr Helmy]

اسباب الرفض كانت انهم مش مقتنعين بسبب السفر و كمان عدم التاكد من عودتي بعد انتهاء المهمة
سبب السفر في الحالتين كان حضور معرض السياحة العالمي ممثلا عن دولة الامارات بخطابات حكومية رسمية مختومة و موقعة و حجوزات شاملة للطيران و الفنادق و اثباتات العضوية المحجوزة في المعرض العالمي باسمي و صفتي و ضمانات حتي لمصروف الجيب مع العلم ان الدولة دافعة فلوس للمعرض يعني انا باحضر في حاجة دافعين فيها بالفعل مش باتفسح و لا طالع بمزاجي
غير حساب بنكي مناسب و باقي الاثباتات الشخصية
و برضه اترفضت في وقت المعرضين برلين و لندن

 

[Mahmoud Amin]

ده حرمان ١٠ سنين انت قدمت ورق مش صح عشان هم مش بيختموا لو اخدت رفض اساسا

 

[Mohamed Al-Deeb]

لو مكتبتش إنك إترفضت قبل كده في الأبليكيشن أولا هيتعرف لان عندهم عالسيستم ثانيا هتاخد بلوك 10 سنين متقدرش تقدم علي تأشيره UK

 

[Ahmed Al Hadidy]

لازم تقدم علي الشنجن تاني من نفس الدولة اللي اخدت منها رفض عشان لو رحت سفارة تانية في الغالب مبيقبلوش الباسبور

 

[Meligy Shoman]

من الاخر كله موجود علي السيستم عندهم

 

[Ahmed Ibrahim]

السلام عليكم اولا بخصوص اللى بيقول غير الباسبور الكلام ده مش سليم طبعا لان كل بياناتك متسجله عندهم فى السيستم ببياناتك البيومتريه .. ثانيا ده مش حرمان عشر سنين والا حاجه ده ختم انك قدمت فيزا انجلترا من الامارات وجوازك دخل عندهم واخد رفض ده طبيعى وممكن تقدم تانى بعد فترة بعد تجنب اسباب الرفض وتقوية الورق الخاص بك ... جوابى بخصوص فيزا انجلترا اما بخصوص فيزا الشنجن ماعرفش عنها حاجه .

 

[Meligy Shoman]

وعادي ممكن تقدم علي شينجن من اي دولة تانية غير اللي اترفضت فيها بس ظبط ورقك قبل ماتقدم وده عن تجربة شخصية

 

[Heba A. Gawish]

انا اترفضت المانيا اول مره و اخدت فيزا بعدها مرتين . فعادي و مش بيأثر في حاجه غير ضيعوا صفحه في الباسبور

 

[Миду Новая Жизнь]

عندي رفض من ايطاليا وختم عالباسبور بالرفض من سنتين.. ناس كتير قالت غير الباسبور دا هيأثر ودا مش عارف ايه.. حتي لو غيرت الباسبور انت كدا كدا عملت بصمه.. ومن بعدها الحمدلله عندي اتنين شنجن علي نفس الباسبور.. عن تجربه قدم هولندا بتيجي وكمان بيدوا مده كل ماتقدم اكتر.. ربنا يوفقك

 

[Muhammad Al-shwekh]

هما من امتى بيدو رفض على الباسبور