مساء الخير دلوقتي احنا حجزنا لتركيا من الرياض...

[Eman Al Assily]

مساء الخير
دلوقتي احنا حجزنا لتركيا من الرياض المفروض على يوم الخميس الجاي وحصل ظرف طارئ يمنعنا من السفر وكان حجزنا على الخطوط السعودية عن طريق budget air وروحنا الخطوط السعودية نحاول نكنسل التذاكر قالوا انهم مش مسئولين واننا نرجع للشركة الوسيطه ، ورجعنا لبدجت اير ورفضوا يردوا قيمة التذاكر او جزء منها ... دلوقتي ايه الاجراء اللي ممكن نعمله عشان منخسرش المبلغ دا كله او لو حد عنده تجربة مشابهه وقدر يأجل او يعمل hold للتذاكر ياريت يفيدنا بالخطوات والمخرج من الازمة دي

 

[Ahmed El-Baqari]

ادخلي علي موقع الخطوط السعودية وادخلي علي خدمة ال refund وهتدخلي رقم التذكرة الاليكترونية اللي موجودة في حجزك وهتقومي مكنسلو وعاملة استرداد
هيرجعلك حوالي 60%من قيمة التذكرة والكلام دا بياخد من اسبوعين ل 3 اسابيع بس تكونو مجهزين رقم IBAN علشان يرجع علية مبلغ التذاكر

 

[Mostafa G. Aboelkheir]

من واقع خبرتي في البرازيل لو التذكرة كانت عرض بيكون أحيانا مكتوب انها غير قابلة للاسترجاع فقط للتأجيل تقريبا بحد أقصي سنة من تاريخ السفر الأول ليكي حق تختاري معاد وتدفعي فرق السعر ليهم ان وجد. لو لم يكن مكتوب كده في لحظة الشراء بالتالي القضاء بيحل الموضوع ده في جلسة أو اتنين وبيجبر الشركة تدفع وكمان تدفع تعويض معنوي للعميل. حضرتك مشترتيش من الخطوط السعودية بالتالي تعاملك هيكون فقط مع الوسيط حتي لو لشكوته للقضاء.

 

[Idriss Boudina]

للاسف اذا لم تكوني حجزتي تأمين على التذكره فسوف تخسرين كل شيء
انا اسف
بالمره القادمه حاولي تطالعي الكتابه الصغيره الموجوده بالبطاقه قبل عمليه الدفع المالي لان بها تفاصيل مهمه حول الغاء او تغيير تاريخ الرحله وهذا امر مهم حدا كلنا نهمله بصراحه

 

[Mohammed Al Awoor]

لا يوجد غير حل وحيد مناسب لحالتك وهو الاتفاق بينك وبين أحد موظفين الحجز على بيع التذاكر بسعر أقل بحيث أنه يكون ليه نسبة ..بالتوفيق

 

[Ahmad Adar]

التذاكر اللي بتتحجز ع مواقع وسيطه غالباً بتكونnon refundable..
الحل انك تعملي محاولي مع الخطوط السعوديه نفسها مره تانيه .

 

[Mohamed Alkharashy]

علشان المشاكل الكثير كدا عمري ما باحجز من مواقع وسيطة.. و دائما بانصح الناس متحجزش اونلاين غير من موقع شركة الطيران نفسها و بس

 

[Ahmed Ali]

عن واقع تجربة مع Budget Air

كنت مسافر قطر ووصلت المطار متأخر ومالحقتش الطيارة ورحت لمكتب القطرية قال ترجع للشركة الوسيطة .

المهم علشان ما أطولش عليكي ، بتبعتي ميل ل budgetair تطلبي فيه إلغاء الحجز وعمل refund ، بيردوا بميل تأكيد فبتأكدي عليهم وبيتم عمل تحويل للمبلغ المتبقي بعد خصم رسوم الإلغاء بالإضافة إلى رسوم ثابتة لأي شيء بيعملوها وبترجع الفلوس خلال ٩٠ يوم ، المهم تخليكي متابعة معاهم.

أنا بقيت أتجنب الحجز من مواقع وسيطة وخصوصاً لما تكون التكلفة عالية.

 

[Mohamed Badawy]

اقرأي الأحكام والشروط كويس واكيد في بند إلغاء في خلال مدة معينة بتختلف من شركة للتانية ومن وسيط للتاني، اللي في الغالب بيتم انه يتم خصم مصاريف الإلغاء زائد اي مصاريف يتم تحميلها من شركة الطيران نفسها وتستردي قيمة الضرائب والتأمين وتاخد حوالي 3 أسابيع. وفي حل تاني اني تحويل التذكرة لتذكرة مفتوحة مقصود انها صالحة للاستخدام في خلال مدة معينة لنفس الوجهة بس هتدفعي فرق محترم، وحل اخير أنك لو مسافرة قريب مكان تاني تعملي تعديل على الحجز كموعد ووجهة. لازم تعملي الكلام ده قبل موعد الطيارة وإلا هتخسري حاجة كمان اسمها no show fees

 

[Hebatalla Adel]

لو سبب الالغاء ظرف ممكن تثبتيه بيبقى ليكى تعويض من شركة التأمين اللى عاملة معاها تأمين السفر و اتأكدى برضوا من شروط الالغاء فى التذكرة و حاولى تانى مع الشركة الوسيطة