انا قدمت اليونان النهارده بكل الورق المطلوب .....

[Ahmed Abdo]

انا قدمت اليونان النهارده بكل الورق المطلوب .. السوال لو قعدت في اليونان اقل من المده الي قولت عليها واقل من اسبانيا وهولندا هاتعمل مشكله لما اجي اخد شنجن تاني؟ وهل سانتوريني تستاهل اسبوع ولا هايبقي كتير؟

انا طلبت ٢٠ يوم بيدوها علي الاد ولا ممكن اخدها اكتر من كده؟

فينيس وامستردام و برشلونه يستهلوا كام يوم والجو عامل ايه في اكتوبر؟

 

[Mahmoud Elgamal]

كل مدينه فيهم ممكن تجيبها من أولها لآخرها فى ٣ ايام.انا دايما لما كنت بروح اى مدينه فيهم بركب الأتوبيس السياحى اللى بيلف المدينة بياخد تقريبا ٣ ساعات فى برشلونة ب ٢٧ يورو وأمستردام ب ٢٥ يورو.برشلونه وفينيسا دلوقتى جرهم ممتاز رحت السنه اللى فاتت فى شهر ١١ بتيشرت نص كوم.امستردام دلوقتى ابتدت تبرد.لازم جاكت بالليل ومتنساش الشمسية عشان المطر ممكن ينزل فى اى لحظه

 

[Amgad Safwat]

لو اول مره تقدم اليونان ممكن يدولك الفتره إللى انت مقدم عليها بس ولو مشيت قبلها مفيش مشاكل طبعا لأنك مش كاسر الفيزا وسانتورينى ممتازه كفايه عليها اسبوع ولو عندك وقت تانى قضيه ف أثينا فيها مناطق كتيير سياحيه وهاتعجبك جدا وكمان فيها كافيهات ومطاعم بتسهر وفيها موسيقى .....وبالتوفيق

 

[Eman El Asy]

ايه ورق اليونان بالضبط بقى ممكن تفيدنى

 

[Mahmoud Kodeha]

امستردام 3
برشلونه 5
الباقى معرفش افيدك ..
انا لسه راجع من اسبانيا وهولندا من اسبوعين

 

[Mariem Shehata]

معلش ممكن سؤال هو حضرتك عملت ايه في حجز الفندق المطلوب لانهم بيشترطوا انه يكون مدفوع وغير قابل للاسترداد ؟؟

 

[Rock Pop]

سانتورونى حسب الجو ممكن 3 ايام او اكتر و فى جزر اخرى روعه فى الجمال و ارخص لكن ماتفوتش اثينا غير اى مدينه فى اوروبا كلها لها جو خاص ممكن تعجبك و ممكن لا ... هضبه اكروبوليس ...معبد بارثينون ..و هيفايستوس ..متحف الاثار الوطنى ..و متحف الاثار البيظنتيه و متحف اجورا و من اهم الاماكن مارينا اليخوت Flisvos فيه كافيهات و مطاعم و ممكن تمشيه و افضل وقت الغروب و الفيو رائع طبعا فى مناطق اثريه و متاحف اكتر دا حسب الاهتمامات طبعا لا تفوت زياره السوق المركزى ( Varvakios ) سوق شعبى لكن غير ال فى مصر مليان هدايا تذكاريه و حتشوف انواع و كميات زيتون خرافيه و اجبان يونانيه معلبات انشوجه و سردين .دى هدايا اساسيه ترجع بيها من اليونان .الجزء الخارجى من السوق مفتوح فواكهه و خضار و اعشاب و الجزء الداخلى اسماك و لحوم >>جرب اطباق الاسماك فى المطاعم اليونانيه ...اثينا مش اثار فقط فى حاجات كتير حلوه .. الصوره للمارينا ...رحله سعيده

 

[Rock Pop]

اثينا فيها حاجات تانيه غير الاثار مثل: ...عروض القبه السماويه Planetarium ....مركز Hellenic عروض علميه ثلاثيه الابعاد هاى تك متقدمه جدا ...رحله بالتيليفريك لاعلى جبل / Parthia رائعه جدا.., و فى كابل كار لصعود جبل Lycabettu و مشاهده اثينا من اعلى روعه ...