مساء الخير انا مسافر روسيا فى ايجفسك للدراسة...

[Moheb Rami]

مساء الخير
انا مسافر روسيا فى ايجفسك للدراسة
كنت عايز اعرف اجيب لبس تقيل او صوف منين فى القاهرة علشان الشتا هناك ولا هاجيب من هناك ؟
و تانى حاجة ايه الاماكن الى ممكن اشترى منها اكل و الاسعار تقريبا ؟

 

[Samaa Fahim]

هات من هناك احسن طبعا ليه تشتري وتاخد من هنا

 

[Mazen Abdu]

بص الهدوم بتاعت البرد من الدوول العربية ملهاش قيمة
هات من روسيا

 

[Bassem Khater]

هناك اللبس غالي نسبيا بس خامات افضل بكتير جدا جدا عن هنا

 

[Nadia Bouzelgui]

اشتري من هناك في لباس الشتتاء موجووودة و رخيصة

 

[Mary Alphonse]

خللي بالك من نفسك يا غالي
Moheb Rami

 

[Hany El Shafie]

هات من هناك احسن ، اى لبس 7نا مش هيناسب الجو فى روسيا فى الشتاء

 

[Omar El Mahdy]

هات من هناك انا في روسيا واللي جبته من مصر ملوش قيمه مه العلم ان الجاكت هنا عشان يكون كويس من اول ٤٠٠٠ روبل

 

[Ahmed Roshdy]

اجيبلك م الاخر ؟!
اشترى من مصر ملابس داخلية قطونيل أو الإمبراطور وكمان كلاسين قطن طبيعى وصوف
ومن روسيا أو إسكندنافيا ملابس حرارية

 

[Mohamed Ragab]

اشتري لبس من هناك لان اللبس هناك هتقرا علي التاكيت بتاعه نظام الحرارة بتاعته ايه مش زي هنا عك و ليس كله كويس

 

[Noura Hazen]

بس لازم تاخد معاك من هنا بالطوا مبطن فرو من الداخل لاني سمعت انه فيه واحده كانت مسافرة ولابسه جيبه وبالطوا عادي مش مبطن اتجمدت ف مكانها من البرد وجابولها اسعاف وانقاذ
واهم حاجه غطي ودنك كويس في سماعات فرو بتباع عند اول عباس بعد البينزينه انا جايبه منها بتدفي لدرجه انك تحرر بعدها

 

[Hend Fouad]

نصيحة منى اشتري من هناك الملابس لانها أحسن وأجود من حيث الخامات
علشان ما تصرفش كتير هات من كل حاجة قطعة واحدة لحد ما تعرف النظام هناك وقت التخفيضات كمان