A
Amira Mohammed
:: مسافر ::
هما الاتنين واحد في التأشيرة بس عن الجو هناك اوكرانيا الناس فيها طبعهم شديد اوي اوي اوي ونسبة ضئيلة جدا من الناس تكاد تكون معدومة اللي بيعرفو انجلش ودي مشكلة كبيرة جدا هناك و المصاريف هناك عالية كمان واكلهم معتمد ع الخمور والخنزير بنسبة كبيرة بس في كييف العاصمة هتلاقي مطاعم لبنانية وتركية بس غاليين جدا و زيادة عليه ان السكن غالي انا كنت هناك شهر ٤ اللي فات ..لكن بالنسبة للاماكن اللي تتراح فيها اماكن كتير اوي حلوة وطبيعة ممتازة بس هتحتاج القطر عشان تسافر وتكلفة تذكرة القطر للرحلة الواحدة ذهاب بس بتبققى في حدود من ١٥ ل ٣٠ دولار على حسب المعاد ودرجة القطر والكلام ده .... بالنسبة لرومانيا معنديش اي معلومة ممكن افيدك بيها
Y
Yasmeen Badr
:: مسافر ::
ماعنديش معلومات عن اوكرانيا بس انا روحت لرومانيا شهر السنة الى فاتت و الvisa كنت مطلعاها بدعوة بس مافيهاش صعوبة ، رومانيا جميلة جدا جدا و الاسعار هناك حلوة جدا و اماكن الفسح و الطبيعة كتير ، و البلد نفسها نضيفة موت حتى رغم انى كنت قاعدة فى مدينة صغيرة مش فى العاصمة ، مع ذلك كانت انضف من العاصمة حتى.