لو انا حاجز في booking وكنت مختاره الدفع هناك...

  • بادئ الموضوع بادئ الموضوع Mai Spunkon
  • تاريخ البدء تاريخ البدء
عرض العطلة
M

Mai Spunkon

:: مسافر ::
#1
لو انا حاجز في booking وكنت مختاره الدفع هناك وعاوزه ادفع دلوقتي اعمل ايه لأني مش عارفه لأني عاوزه ادفع دلوقتي
وبعدين معرفتش فحجزت من اول وجديد حجز من غير non refundable وجالي تاكيد علي ميل ان الحجز خلاص تم بس اعرف منين انهم سحبوا الفلوس ولا هما بيسحبوها امتي
واعمل ايه في حاله ديه لو عاوزه ادفع دلوقتي وانا حاجزه حجز free cancellation
افيدوننننني
 
#5
ادخلي على الاكاونت بتاعك واختاري حجوزاتي هتلاقي كل الحجوزات على الفندق اللي عاوز تلغيه اعمله الغاء وهيفضل التاني
 
عرض العطلة
#6
حصل معايا كده، كنت حاجز في اثينا من booking، بعد تأكيد الحجز من الفندق بعت رسالة للفندق طلبت منهم يسحبوا المبلغ بالكامل من الكارت قبل السفر وفعلا تاني يوم سحبوه قبل السفر بعدة ايام
 
#7
من تجربتى مع بوكنج والحجز عن طريق الكريدت انه مش بيخصم حاجه خالص والدفع بيكون من خلال الفندق ع الكونتر بتاعهم ،،ومره حجزت بللغلط ليله بدل كم ليله وغيرت الفندق وحجزت تانى صح ومخصمش حاجه منى برضو ،،رغم انى معملتش كنسل للحجز الاوﻻنى
 
#8
لو عايزاهم يسحبوا الفلوس كلمي الفندق و هم يسحبوا الفلوس عملوا معايا كده لو مش عايزه هيسحبوا جزء تقريبا قبل ميعاد الحجز ب ١٥ يوم و التكملة لما توصلوا الفندق
 
#9
ادخلي على الحجز الاول والغيه بيبعتلك الحجز على الايميل وخلي التاني الخصم بيكون اول ليلة لو ما لغتيش الحجز قبلها ب 48 ساعه والدفع في الفندق لما توصلي
 
#10
اوضح حاجة مهمه. حتي لو البنك بلغك برسالة ان عمليه الحجز بالمبلغ الفباتي تمت ده مش معناه ان الفلوس اتخصمت بسكل نهاءي. ممكن يتعمل هولد علي مبلغ معين لكذا يوم و بعدين يتخصم فعلا او يترد تاني لرصيد الكارت من غير ما يتخصم. اصلا لما فندق او موقع بيعمل هولد علي الفلوس اللي احنا بنسيمها مجازا خصمها. ده مش خصم. الخصم بيتم بعدها لما الجهة اللي هتاخد الفلوس تطلب التحصيل. و ده بيبان في كشف حساب الكارت بس. لو مختاره الدفع عند الوصزل ده مش معناه ان الحجز فري كانسيليشن. ممكن تيجي تكنسليه الفندق ياخد الفلوس بردو. كان لازم تتاكدي ان الحجز فري كنسليشن و شروطة الفري كنسليشن ايه بالظبط قبل ما تحجزي حجز تاني. لاني حتي الفريكنسليشن ممكن تكون قبل معاد معين.
 
عرض العطلة
#12
نصائح مهمة للحجز على بوكينج او اى موقع تانى
لما تيجى تحجز يا ريت تختار فرى كانسل لأنك ممكن يحصلك اى ظرف ساعتها مش هتعرف تغير حاجة و هتبقى تحت امرهم لأنك وانت بتحجز نون ريفند بياخد منك حق الليلة الاولى
فى الالغاء المجانى برضه بيطلب من رقم فيزا للتأكيد
ساعتها الفندق ممكن يستعبط و يسحب حق الليلة الاولى اى نعم بيرجعها لبطاقتك تانى

فأحسن حاجة لما تيجى تحجز أحجز بإلغاء مجانى و تقدم كارت فيزا مافيهوش فلوس او كارت مبلغه قليل وده اهم حاجة
ساعتها تروح تدفع براحتك هناك بس خلى بالك من مدة الالغاء المجانى
ممكن تكون قبل الوصول بيومين او خمسة
فممكن تحجز كذا فندق فى نفس التوقيت وقبل الوصول اختار اللى يعجبك والغى الباقى
 
#13
طيب هو محدش قال أنا كنت حاجزه من مده وفري كنسل ودلوقتي عاوزه ادفع قبل مسافر اعمل ده ازاي فضلت احول ادخل علي manage booking معرفتش اعمل حاجه وخائفة الغي الحجز بالغلط ياريت حد يفيدني
 
#15
كل اختيار وليه نظامه بمعني
1- الدفع اللاحق في الفندق بياجل عميلة الدفع لحد موعد الوصول وتدفعي كاش وفي حالة عدم الذهاب بيخصموا الفلوس من الفيزا.
غالبا في النظام ده بيكون يمكن الالغاء لحد 24 او 48 ساعة قبل الموعد بدون اي غرامة.
2- نظام الدفع اللاحق ولكنه غير قابل للاستيرداد وده بيخصم الفلوس من الفيزا اما في لحظة الحجز او في الموعد حسب الفندق.
تقدري تعرفي اتمام الدفع من خلال البنك بان المبلغ ده اتخصم ولا ايه.

وفي بعض الاحيان بيخصم جنيه واحد او دولار او يورو حسب العملة للتاكد من فاعلية الفيزا.
 
عرض العطلة
#16
بالنسبه للحجز الاول ، هوا عشان تحجزى فى بوكنج بتدخلى رقم الكريدت كارد .
ولو ملغتيش الحجز خلال فتره الفرى كانسيلاشن بيتم خصم فلوس دايركت من الكارت .
 
عرض العطلة


أكتب ردك...
عرض العطلة