A
Ahmed Rashwan
:: مسافر ::
النهاردة عاوز اتكلم عن رحلة فعلا كانت احسن رحلة عملتها في حياتى وكانت (دهب ، سانت كاترين ، نويبع) و فعلا الرحلة كنت طلعها مع شخص من احسن الشخصيات و بحبة جدا وهو Amr Badawy - عمرو بدوي
خلينا قبل مانتكلم على الرحلة نتكلم على التنظيم والجروب اللى كان معايا انا بكتب فعلا الكلام ده عن تجربة قبل ما نطلع الاتوبيس محدش كان يعرف حد اول ما قعدنا مع بعض كله اتعرف على بعض واتعرفت على ناس فعلا تحس انك كنت تعرفهم من زمان وحبيتهم جدا
والتنظيم كان مرتب وكل حاجة تمام بس المشكلة مشكلة الطريق قعدنا 11ساعة عقبال مانوصل دهب عشان الكماين
نبدء بقا
(اليوم الاول)
ركبنا التوبيس واتحركنا على دهب الساعة 12 ووصلنا 11 وزى ماقولت طريق 11ساعة بس احنا كنا قدها استلمت الغرفة ولبست واتحركنا الساعة 1 على مكان اسمة (ثرى بولز) مكان تحفة والصور في جميلة جدا خلصنا واتحركنا الساعة 6 على الفندق ولبست استعدادا لرحلة (لوادى جنى) الساعة 8 مكان ضلمة جدا قعدنا قعدة بدوي هناك وكل واحد عمل حاجة لكن انا بصيت للنجوم ونمت ومعملتش حاجة وصحونى عشان نروح وكل واحد يعمل اللى هو عاوزة انا اتمشيت في الممشي السياحي وقعدت على كافية مع باقي الجروب وكله روح نام وانا فضلت قاعد لحد ما الكافية قفل وبعد كده قعدت ساعتين على البحر مستني الشروق ورجعت الفندق نمت
(اليوم الثانى)
صحيت على الساعة 12 وللاسف كان في بعض الناس راحت البلو هول وابوجالوم وناس راحت تعمل دايفينج وانا ولا عملت ده ولا ده بس قابلت بعض الناس اللى طلعت من الدايفنج عملنا سنوركلينج سواة وروحنا نتغدي سمك في احدي المطاعم وقعدنا على القهوة واتحرنا على الفندق عشان ناخد حاجتنا للتحرك الى سانت كاترين وركبنا الاتوبيس ونمت
(اليوم التالت )
وصلنا كاترين الساعة 2 والجو كان برد جدا من واحنا وتحت وبدئنا طلوع الجبل وكانت متعة رهيبة جدا ووصلنا وشوفنا الطريق بس للاسف انا وفوق ضغطي وطي ومكنتش واكل وكنت شايل حاجات كتير فتعبت ووقعت على الارض واتجمدت من البرد وعملولى اسعافات واتصورنا ونزلنا من الجبل تعب جامد جدا جدا واستريحنا في كافتيرية الدير من التعببببب والبعض راح الدير بس انا مقدرتش خالص وروحنا كامب في كاترين نفطر فيه واتحركنا على نويبع عشان نستجم شوية وقعدنا في خيم بداءية ودينا شنطنا وقعدنا كلنا سواة نتعشي
وكل واحد عمل حاجة بس انا نمت مكانى وصحونى وروحت الخيمة
عشان اصحي على اجمل منظر شوفته الساعة 9 ونزلنا البحر ولعبنا وطلعنا استخمينا واتحركنا للقاهرة
(النصايح يا جماعة وركزو معايا جدا)
اشتروا ادوات سنوركلينج بلاش تاجروها حاولوا تبعدو عن الماركت اللى في وسط الممشي اشتروا من برة الممشي ارخص اعملوا حسابكم في كل حاجة تشتروها اسناكس قبل كل اكتفيتي
الجبل ياجماعة ازازة مياة صغيرة وشيكولاتات وكشاف و((((جاكيت)))) وشال وكوتشي تقيل يستحمل اعمل حسابك كل جرام هتطلع بيه هيفرق معاك في التقل والبس اكتر حاجة مريحة عندك عشان دول حاجة وعشرين كيلو طلوع ونزول
نويبع استجمام وبس مفهاش اى حاجة تتعمل غير سفارى واحنا معملناش سفارى اصلا من التعب
فعلا الرحلة ديع طلعت بيها بتجارب حلوة مش هقدر انساها
والجروب اللى طلعت معاه كانوا من اكتر الناس الجدعان اللى قبلتهم في حياتى
اسف للاطالة
اسيبكم مع الصور
خلينا قبل مانتكلم على الرحلة نتكلم على التنظيم والجروب اللى كان معايا انا بكتب فعلا الكلام ده عن تجربة قبل ما نطلع الاتوبيس محدش كان يعرف حد اول ما قعدنا مع بعض كله اتعرف على بعض واتعرفت على ناس فعلا تحس انك كنت تعرفهم من زمان وحبيتهم جدا
والتنظيم كان مرتب وكل حاجة تمام بس المشكلة مشكلة الطريق قعدنا 11ساعة عقبال مانوصل دهب عشان الكماين
نبدء بقا
(اليوم الاول)
ركبنا التوبيس واتحركنا على دهب الساعة 12 ووصلنا 11 وزى ماقولت طريق 11ساعة بس احنا كنا قدها استلمت الغرفة ولبست واتحركنا الساعة 1 على مكان اسمة (ثرى بولز) مكان تحفة والصور في جميلة جدا خلصنا واتحركنا الساعة 6 على الفندق ولبست استعدادا لرحلة (لوادى جنى) الساعة 8 مكان ضلمة جدا قعدنا قعدة بدوي هناك وكل واحد عمل حاجة لكن انا بصيت للنجوم ونمت ومعملتش حاجة وصحونى عشان نروح وكل واحد يعمل اللى هو عاوزة انا اتمشيت في الممشي السياحي وقعدت على كافية مع باقي الجروب وكله روح نام وانا فضلت قاعد لحد ما الكافية قفل وبعد كده قعدت ساعتين على البحر مستني الشروق ورجعت الفندق نمت
(اليوم الثانى)
صحيت على الساعة 12 وللاسف كان في بعض الناس راحت البلو هول وابوجالوم وناس راحت تعمل دايفينج وانا ولا عملت ده ولا ده بس قابلت بعض الناس اللى طلعت من الدايفنج عملنا سنوركلينج سواة وروحنا نتغدي سمك في احدي المطاعم وقعدنا على القهوة واتحرنا على الفندق عشان ناخد حاجتنا للتحرك الى سانت كاترين وركبنا الاتوبيس ونمت
(اليوم التالت )
وصلنا كاترين الساعة 2 والجو كان برد جدا من واحنا وتحت وبدئنا طلوع الجبل وكانت متعة رهيبة جدا ووصلنا وشوفنا الطريق بس للاسف انا وفوق ضغطي وطي ومكنتش واكل وكنت شايل حاجات كتير فتعبت ووقعت على الارض واتجمدت من البرد وعملولى اسعافات واتصورنا ونزلنا من الجبل تعب جامد جدا جدا واستريحنا في كافتيرية الدير من التعببببب والبعض راح الدير بس انا مقدرتش خالص وروحنا كامب في كاترين نفطر فيه واتحركنا على نويبع عشان نستجم شوية وقعدنا في خيم بداءية ودينا شنطنا وقعدنا كلنا سواة نتعشي
وكل واحد عمل حاجة بس انا نمت مكانى وصحونى وروحت الخيمة
عشان اصحي على اجمل منظر شوفته الساعة 9 ونزلنا البحر ولعبنا وطلعنا استخمينا واتحركنا للقاهرة
(النصايح يا جماعة وركزو معايا جدا)
اشتروا ادوات سنوركلينج بلاش تاجروها حاولوا تبعدو عن الماركت اللى في وسط الممشي اشتروا من برة الممشي ارخص اعملوا حسابكم في كل حاجة تشتروها اسناكس قبل كل اكتفيتي
الجبل ياجماعة ازازة مياة صغيرة وشيكولاتات وكشاف و((((جاكيت)))) وشال وكوتشي تقيل يستحمل اعمل حسابك كل جرام هتطلع بيه هيفرق معاك في التقل والبس اكتر حاجة مريحة عندك عشان دول حاجة وعشرين كيلو طلوع ونزول
نويبع استجمام وبس مفهاش اى حاجة تتعمل غير سفارى واحنا معملناش سفارى اصلا من التعب
فعلا الرحلة ديع طلعت بيها بتجارب حلوة مش هقدر انساها
والجروب اللى طلعت معاه كانوا من اكتر الناس الجدعان اللى قبلتهم في حياتى
اسف للاطالة
اسيبكم مع الصور