M
Moutaz Mohamed
:: مسافر ::
خلينا متفقين ان اما الواحد بيكون زهقان و بيقول نفسه يغير جو
اول حاجه بتيجي في بالنا يكون الجو حلو خصوصا لو في فصل الشيتاء و يكون مكان قريب يعرف الواحد يطلع يومين و يرجع فبنفكر في العين السخنه بس الفكره ان الواحد هناك بيروح مش بيلاقي حاجه يعملها خصوصا مش كل الناس بتحب تنزل البحر.
طب الحل ايه؟؟
ممكن نستكشف مكان جديد بنفس المواصفات بس في حاجات كتير ممكن تتعمل زي تسلق جبال و تتفرج علي الشلال و تتزحلق علي الرمل و تعمل مغامره مع البرشوط وتركب فلوكه في البحيره و تاكل اكل الفلاحين هناك و.....و....... الخ
طيب فين الكلام ده؟؟
الفيوم
تعاله نرتب الرحله مع بعض و اهد حيلكم
طبعا ميزه الفيوم انه مكان شتوي يعني لو الجو برد في القاهره و الاسكندريه بتغرق فالفيوم تعتبر حر و كمان المسافه قريبه من القاهره يعني من ساعه و نص لساعتين.
لو انت معاك أولاد و عامل حسابك علي بيات فقصادك مكانين لبيات
اول مكان اسمه الواحه:
و ده يعتبر مكان فندقي بس مش 4 او 5 نجوم بس في ملاهي بسيطه لاطفال و المطعم علي البحيره و الغرف نظيفه الي حد ما
و ده الفطار بيبدا ب 25 جنيه و شامل ربع فطير مشلتت و معاه جبنه بالخيار و الطماطم و مش و عسل اسود.
المكان التاني فاسمه ذات المسافر
و ده معمول علي الطراز البدوي البسيط جدا و بيطل علي أراضي خضراء و مفيش خوف علي الأطفال و في ملاهي هناك
اسعار الغرفه بتبدا ب 120 جنيه و طبعا الغرف علي الطراز البدوي البسيط جدا.
ندخل علي المغامرات
اول مكان و انت لسه بصحتك هو انك تزور القريه التونسيه و تتفرج علي طرق صناعه الخزف و اشهر مكان هنام و ممكن تسال عليه هو مكان تمتلكه اجنبيه من سويسرا اسمها ايفونا و هي الي دخلت مدرسه صناعه الخزف في المكان ده و هناك هتتفرج من اول طرق التحضير لحد الانتهاء من صناعتها و كمان ممكن تشتري منهم بس الأسعار عاليه فممكن تفاصل معاهم.
تاني مكان هو جبل المدوره و ده حلو و امن لشباب من سن 15 سنه و يفضل بلاش أطفال اثناء التسلق لاستمتاع و التركيز
تالت مكان فممكن تزور وادي الحيتان و ده لو ليك في الحفريات و ده من الأماكن المعروفه اوي هناك.
رابع مكان فروح وادي الريان و اتفرج علي الشلال هو صحيح هتحس شويه انك بتتفرج علي مجاري و طحالب خضره بس انت ممكن تتخيل انه حلو و تاخد صوره و خلاص و انت ساكت عشان معندناش في مصر غيره و بعد كده اطلع علي البحيره و اركب فلوكه لمده 45 دقيقه.
و انت هناك هتلاقي اكشاك بتاجر البورد لو حابب تتزحلق علي الرمل و سعر التاجير يبدا من 25 جنيه و بعد كده طير بالباراشوط عن طريق عربيات 4*4 و استمتع بالمناظر من فوق و سعره يبدا من 50 جنيه و غالبا 15 دقيقه.
خامس مكان هو قصر قارون هو مش ممتع قوي بس يعتبر من المزارات العروفه هناك.
سادس مكان و هو قريه ماضي و ديه لسه مكتشفينها من حوالي شهر او اتنين.
بالنسبه لغذاء او العشاء فيفضل انك تاكل فراخ او بط الفيوم او سمك و بلاش تاكل لحمه من هناك عشان ممكن تخليك تكره اللحمه طول حياتك.
الصور هتكون شرح مبسط لرحله ديه.
اول حاجه بتيجي في بالنا يكون الجو حلو خصوصا لو في فصل الشيتاء و يكون مكان قريب يعرف الواحد يطلع يومين و يرجع فبنفكر في العين السخنه بس الفكره ان الواحد هناك بيروح مش بيلاقي حاجه يعملها خصوصا مش كل الناس بتحب تنزل البحر.
طب الحل ايه؟؟
ممكن نستكشف مكان جديد بنفس المواصفات بس في حاجات كتير ممكن تتعمل زي تسلق جبال و تتفرج علي الشلال و تتزحلق علي الرمل و تعمل مغامره مع البرشوط وتركب فلوكه في البحيره و تاكل اكل الفلاحين هناك و.....و....... الخ
طيب فين الكلام ده؟؟
الفيوم
تعاله نرتب الرحله مع بعض و اهد حيلكم
طبعا ميزه الفيوم انه مكان شتوي يعني لو الجو برد في القاهره و الاسكندريه بتغرق فالفيوم تعتبر حر و كمان المسافه قريبه من القاهره يعني من ساعه و نص لساعتين.
لو انت معاك أولاد و عامل حسابك علي بيات فقصادك مكانين لبيات
اول مكان اسمه الواحه:
و ده يعتبر مكان فندقي بس مش 4 او 5 نجوم بس في ملاهي بسيطه لاطفال و المطعم علي البحيره و الغرف نظيفه الي حد ما
و ده الفطار بيبدا ب 25 جنيه و شامل ربع فطير مشلتت و معاه جبنه بالخيار و الطماطم و مش و عسل اسود.
المكان التاني فاسمه ذات المسافر
و ده معمول علي الطراز البدوي البسيط جدا و بيطل علي أراضي خضراء و مفيش خوف علي الأطفال و في ملاهي هناك
اسعار الغرفه بتبدا ب 120 جنيه و طبعا الغرف علي الطراز البدوي البسيط جدا.
ندخل علي المغامرات
اول مكان و انت لسه بصحتك هو انك تزور القريه التونسيه و تتفرج علي طرق صناعه الخزف و اشهر مكان هنام و ممكن تسال عليه هو مكان تمتلكه اجنبيه من سويسرا اسمها ايفونا و هي الي دخلت مدرسه صناعه الخزف في المكان ده و هناك هتتفرج من اول طرق التحضير لحد الانتهاء من صناعتها و كمان ممكن تشتري منهم بس الأسعار عاليه فممكن تفاصل معاهم.
تاني مكان هو جبل المدوره و ده حلو و امن لشباب من سن 15 سنه و يفضل بلاش أطفال اثناء التسلق لاستمتاع و التركيز
تالت مكان فممكن تزور وادي الحيتان و ده لو ليك في الحفريات و ده من الأماكن المعروفه اوي هناك.
رابع مكان فروح وادي الريان و اتفرج علي الشلال هو صحيح هتحس شويه انك بتتفرج علي مجاري و طحالب خضره بس انت ممكن تتخيل انه حلو و تاخد صوره و خلاص و انت ساكت عشان معندناش في مصر غيره و بعد كده اطلع علي البحيره و اركب فلوكه لمده 45 دقيقه.
و انت هناك هتلاقي اكشاك بتاجر البورد لو حابب تتزحلق علي الرمل و سعر التاجير يبدا من 25 جنيه و بعد كده طير بالباراشوط عن طريق عربيات 4*4 و استمتع بالمناظر من فوق و سعره يبدا من 50 جنيه و غالبا 15 دقيقه.
خامس مكان هو قصر قارون هو مش ممتع قوي بس يعتبر من المزارات العروفه هناك.
سادس مكان و هو قريه ماضي و ديه لسه مكتشفينها من حوالي شهر او اتنين.
بالنسبه لغذاء او العشاء فيفضل انك تاكل فراخ او بط الفيوم او سمك و بلاش تاكل لحمه من هناك عشان ممكن تخليك تكره اللحمه طول حياتك.
الصور هتكون شرح مبسط لرحله ديه.
