D
Dina Zaki
:: مسافر ::
شكر واجب لاعضاء الجروب الكرام اللي بيشاركوا تجاربهم و بيفيدوا ناس كتير! و انا واحده منهم!
و بما اني استفدت كتير حبيت ارد الجميل و اشارك بعض من تجاربي! و لاني عايشه في امريكا فكان من حسن حظي اني زرت مدن كتير و ديه بعض من النصايح اللي يا رب تبقي مفيده !
**التنقلات داخل امريكا:
لو انت عندك اجازه طويله و معاك عائله نصيحتي انك تتطلع رخصه دوليه و تأجر عربيه! لان رحلات الطيران الداخلي غاليه جدا!
فلو انت رتبت رحلتك كويس بحيث مثلا انك تبدأ بالساحل الشرقي من الشمال للجنوب و بعدين تاخد طياره للساحل الغربي كاليفورنيا ( لسه مارحتهاش) ده هيوفر عليك كتير و هيبقي تكاليف تمن الايجار و البنزين ارخص كتير من تنقلات التاكسيات و الاوبر( غاليه اوي في امريكا) و المواصلات .
في apps كتيره ذي Parkopedia مثلا بتكتب العنوان اللي عايز تروحه و الapp يرشحلك اماكن الركنات المجانيه او الركنات العامه و ديه بتبقي ارخص من الstreet meter اللي في الشوارع!
حاول تنظم زيارتك و تجمع الاماكن اللي جنب بعض في يوم واحد و تعمل research كويس قبل ماتتحرك!
هنبدأ من الشمال الشرقي.
و بطريقه عامه مدن الشمال اغلي من مدن الجنوب :
١- ***بوسطن:
هي مش معروفه اوي كمكان سياحي للمصريين. بس من وجهه نظري من اجمل و انظف مدن امريكا و بيتصور فيها افلام امريكيه كتير. انا عيشت فيها سنتين و نفسي ارجعلها تاني!
هي مدينه جميله و ستايلها مختلف عن باقي امريكا لان مبانيها قصيره و شبه الطابع الاوربي. فيها diversity كتيره بسبب وجود اكبر و اشهر و احسن جامعات امريكا فيها فالناس طيبين و متعودين علي وجود جنسيات كتيره و اجانب. فيها مزارات سياحيه و شوارع شوبينج و مولات.
ده لينك لبعض المزارات المجانيه
/21 Free Things to Do in Boston
العيوب:
١- من اغلي المدن في امريكا و مكلفه
٢- اغلب المزارات ب fees
٣- برد جدا في الشتاء و ساعات الحراره بتوصل ل -٢٠ درجه و في تلج تقريبا لنص مايو! فالشهور المفضله للسفر اخر مايو- اول اكتوبر.
٢- ***نيويورك:
١- من اشهر المدن السياحيه في امريكا، فيها مزارات سياحيه كتيره اوي و ال Time Square Central Park, Empire State Building, United Nations...الخ.
٢- من الافضل و الارخص انك تحجز اوتيل في المدن اللي علي اطراف نيويورك و تاخد العربيه ٢٠-٣٠ دقيقه تبقي في نيويورك.
٣- فيها مزارات مجانيه كتير و ده لينك لبعض المزارات المجانيه
https://www.google.com/amp/s/www.babble.com/travel/25-free-things-to-do-in-new-york-city/amp/
العيوب:
١- تقريبا اغلي المدن اللي في الساحل
٢- برد و تلج في الشتا
٣- المواصلات غاليه و مش نظيفه و فيها اماكن كتيره مش نظيفه
٣-*** واشنطن DC:
فيها متاحف كتيره اوي و اغلبها مجاني و
فيها مزارات سياحيه مجانيه كتير ( البيت الابيض و البنتاجون من بره ، Memorial park, National Zoo Park... الخ.
و ده لينك ببعض المزارات الجانيه:
/25 Free Things to do in Washington, D.C.
العيوب:
١- تقريبا اكبر مدينه اداريه في امريكا اغلبها مباني اداريه و منشأت عسكريه
٢- الناس في الشارع اغلبهم ببدل و لبس رسمي و تحس انهم مضغوطين
٣- المواصلات غاليه و مش نظيفه و فيها اماكن كتيره مش نظيفه
٤- ***شيكاجو :
من المدن الجميله فعلا و اكبر ميزه فيها ان اغلب المزارات السياحيه فيها مجانيه؛ باركات و مولات و متاحف حديقه حيوان.
امثله:
Lincoln park Zoo، Millennium Park ، ال Navy Pier
ده لينك لبعض المزارات المجانيه:
/Free Attractions in Chicago | Guide to Free Things to Do in Chicago
العيوب:
١- للناس اللي معاها عربيه الركنه غاليه اوي بتوصل ل ٤٦$ في اليوم و المواصلات غاليه كمان! نظم رحلتك كويس و ظبط الاماكن اللي جنب بعض في يوم واحد و ركنه واحده
٢- برد ذي بوسطن
٣- نسبه الجريمه عاليه علي اطراف شيكاجو فيستحسن انك تختار اوتيل جوه المدينه هو طبعا هيبقي اغلي من لو كان في المدن المجاوره بس أمان ليك و لاسرتك!
انشاء الله نكمل المدن الجنوبيه في بوست تاني !
و يا رب اكون افدتكوا بالمعلومات البسيطه ديه و المعلومات ديه من وجهه نظري ممكن تكون قح بالنسبه لناس كتير و غلط بالنسبه لناس تانيه و الاختلاف في الرأي لا يفسد للود قضيه
و بما اني استفدت كتير حبيت ارد الجميل و اشارك بعض من تجاربي! و لاني عايشه في امريكا فكان من حسن حظي اني زرت مدن كتير و ديه بعض من النصايح اللي يا رب تبقي مفيده !
**التنقلات داخل امريكا:
لو انت عندك اجازه طويله و معاك عائله نصيحتي انك تتطلع رخصه دوليه و تأجر عربيه! لان رحلات الطيران الداخلي غاليه جدا!
فلو انت رتبت رحلتك كويس بحيث مثلا انك تبدأ بالساحل الشرقي من الشمال للجنوب و بعدين تاخد طياره للساحل الغربي كاليفورنيا ( لسه مارحتهاش) ده هيوفر عليك كتير و هيبقي تكاليف تمن الايجار و البنزين ارخص كتير من تنقلات التاكسيات و الاوبر( غاليه اوي في امريكا) و المواصلات .
في apps كتيره ذي Parkopedia مثلا بتكتب العنوان اللي عايز تروحه و الapp يرشحلك اماكن الركنات المجانيه او الركنات العامه و ديه بتبقي ارخص من الstreet meter اللي في الشوارع!
حاول تنظم زيارتك و تجمع الاماكن اللي جنب بعض في يوم واحد و تعمل research كويس قبل ماتتحرك!
هنبدأ من الشمال الشرقي.
و بطريقه عامه مدن الشمال اغلي من مدن الجنوب :
١- ***بوسطن:
هي مش معروفه اوي كمكان سياحي للمصريين. بس من وجهه نظري من اجمل و انظف مدن امريكا و بيتصور فيها افلام امريكيه كتير. انا عيشت فيها سنتين و نفسي ارجعلها تاني!
هي مدينه جميله و ستايلها مختلف عن باقي امريكا لان مبانيها قصيره و شبه الطابع الاوربي. فيها diversity كتيره بسبب وجود اكبر و اشهر و احسن جامعات امريكا فيها فالناس طيبين و متعودين علي وجود جنسيات كتيره و اجانب. فيها مزارات سياحيه و شوارع شوبينج و مولات.
ده لينك لبعض المزارات المجانيه
/21 Free Things to Do in Boston
العيوب:
١- من اغلي المدن في امريكا و مكلفه
٢- اغلب المزارات ب fees
٣- برد جدا في الشتاء و ساعات الحراره بتوصل ل -٢٠ درجه و في تلج تقريبا لنص مايو! فالشهور المفضله للسفر اخر مايو- اول اكتوبر.
٢- ***نيويورك:
١- من اشهر المدن السياحيه في امريكا، فيها مزارات سياحيه كتيره اوي و ال Time Square Central Park, Empire State Building, United Nations...الخ.
٢- من الافضل و الارخص انك تحجز اوتيل في المدن اللي علي اطراف نيويورك و تاخد العربيه ٢٠-٣٠ دقيقه تبقي في نيويورك.
٣- فيها مزارات مجانيه كتير و ده لينك لبعض المزارات المجانيه
https://www.google.com/amp/s/www.babble.com/travel/25-free-things-to-do-in-new-york-city/amp/
العيوب:
١- تقريبا اغلي المدن اللي في الساحل
٢- برد و تلج في الشتا
٣- المواصلات غاليه و مش نظيفه و فيها اماكن كتيره مش نظيفه
٣-*** واشنطن DC:
فيها متاحف كتيره اوي و اغلبها مجاني و
فيها مزارات سياحيه مجانيه كتير ( البيت الابيض و البنتاجون من بره ، Memorial park, National Zoo Park... الخ.
و ده لينك ببعض المزارات الجانيه:
/25 Free Things to do in Washington, D.C.
العيوب:
١- تقريبا اكبر مدينه اداريه في امريكا اغلبها مباني اداريه و منشأت عسكريه
٢- الناس في الشارع اغلبهم ببدل و لبس رسمي و تحس انهم مضغوطين
٣- المواصلات غاليه و مش نظيفه و فيها اماكن كتيره مش نظيفه
٤- ***شيكاجو :
من المدن الجميله فعلا و اكبر ميزه فيها ان اغلب المزارات السياحيه فيها مجانيه؛ باركات و مولات و متاحف حديقه حيوان.
امثله:
Lincoln park Zoo، Millennium Park ، ال Navy Pier
ده لينك لبعض المزارات المجانيه:
/Free Attractions in Chicago | Guide to Free Things to Do in Chicago
العيوب:
١- للناس اللي معاها عربيه الركنه غاليه اوي بتوصل ل ٤٦$ في اليوم و المواصلات غاليه كمان! نظم رحلتك كويس و ظبط الاماكن اللي جنب بعض في يوم واحد و ركنه واحده
٢- برد ذي بوسطن
٣- نسبه الجريمه عاليه علي اطراف شيكاجو فيستحسن انك تختار اوتيل جوه المدينه هو طبعا هيبقي اغلي من لو كان في المدن المجاوره بس أمان ليك و لاسرتك!
انشاء الله نكمل المدن الجنوبيه في بوست تاني !
و يا رب اكون افدتكوا بالمعلومات البسيطه ديه و المعلومات ديه من وجهه نظري ممكن تكون قح بالنسبه لناس كتير و غلط بالنسبه لناس تانيه و الاختلاف في الرأي لا يفسد للود قضيه