A
Ahmed Mohamed
:: مسافر ::
البوست الذي طال انتظاره 
بوست الهجره والاقامه في تركيا
مبدأيا هعمل البوست علي 3 اجزاء لاني لقيت اني لو عملته في بوست واحد مش هينفع هيبقي طويل جدا جدا جدا و ممل جدا جدا ومحدش هيقرأه ..
فهنتكلم ف الجزء الاول عن الفيزا والتصريح الامني وازاي تطلعهم
والجزء التاني عن الاقامه واجراءاتها وانواع الشغل ..
والجزء التالت عن الدراسه في تركيا و ازاي تتعلم تركي بيرفكت في اقل مدة
.
البوست دة انا نزلته بنفسي من كام شهر قبل كدة بالتعاون مع صفحه Travel Secrets يعني اللي مشافش البوست هنا يقدر يشوفه هناك
-------------------------------------------------------
الجزء الاول :
عشان تعرف توصل ل تركيا لازم فيزا .. وعشان تاخد الفيزا لازم تركز معايا شويه
أولا : تأشيره تركيا ليها حالتين:
الحاله الاولي : لو كان عمرك أقل من 20 أو أكبر من 45 , فمش هتحتاج تعمل تأشيرة من السفارة , لكن هتعمل تأشيرة الكترونية من علي موقع السفاره وبتدفع رسومها بالفيزا كارد
ولو معاك شنجن ساريه او امريكا ساريه ( شرط انها تكون ساريه وقت دخولك تركيا ) بتدخل تركيا إما بفيزا من المطار من خلال ماكينات مخصصه في مطارات تركيا
إما بفيزا الكترونيه
ودة الموقع اللي بتعمل من عليه الفيزا الالكترونيه /Electronic Visa Application System
---------------------------------------------------------
الحاله التانيه : لو عمرك اكبر من 20 واقل من 45 ف هتحتاج تأشيرة من السفاره
وهنا هتنقسم علي حسب ايه اللي مكتوب في باسبورك
.
1- لو مكتوب طالب او حاصل علي مش هينفع تقدم علي تأشيرة سياحه عاديه وهتحتاج تقدم علي تأشيرة زيارة عشان تعرف تطلع التصريح الامني من مجمع التحرير
وتأشيرة الزياره لازم دعوة من شخص تركي أو من شركة في تركيا
وممكن تطلع الدعوة من بعض شركات السياحه ب 100 دولار تقريبا
.
لو انتي بنت ومكتوب في باسبورك حاصل علي او طالبه ممكن تطلعي فيزا مرافق مع زوجك او ابوكي أو اخوكي
بس بشرط لو هتسافري من مصر لازم زوجك أو ابوكي أو اخوكي يكون مسافر معاكي من مصر .. عشان تقدرى تطلعى تصريح أمنى مرافق للزوج
.
يعني لو متزوجه مثلا وعايزة تطلعي فيزا مرافق
* هيكون مطلوب من الزوج :
كشف حساب بنكي لاخر 6 شهور
جواب من جهه العمل ( أو السجل التجاري والبطاقه الضريبيه )
حجز فندق وطيران مبدئي
تأمين للسفر من اي شركه تأمين ( 3 شهور لو هتقدم في سفاره القاهرة و شهر واحد لو هتقدم من قنصليه اسكندريه )
الباسبور و صورتين مقاس 4 في 6 ..
ودة بشرط ان الزوج يكون مثبوت في باسبوره مهنه عشان يعرف يطلع تأشيرة السياحه العاديه
اما انتي هتكوني مرافق ليه وهيكون مطلوب منك باسبور و صوره شخصيه و تأمين سفر فقط
.----------------------------------------------------
2- لو مكتوب في باسبورك مهنه , ف انت هتقدم علي تأشيرة سياحه عاديه من غير دعوة ولا أي حاجه
وهتحتاج الاوراق الروتينيه العاديه : كشف حساب بنكي لاخر 6 شهور , جواب من جهه العمل , حجز فندق وطيران مبدئي , تأمين صحي للسفر لمدة 3 شهور لو من القاهرة و شهر واحد لو من اسكندريه , الباسبور و صور شخصيه
بعد ما تملي كل البيانات علي موقع السفاره هتحجز معاد , وترفع الورق المطلوب منك وتجهز كل الورق الباقي وتروح بيه السفاره
--------------------------------------------------
سعر التأشيرة الالكترونيه حوالي 21 دولار امريكي
سعر التأشيرة السياحيه سنجل 60 دولار امريكي , مالتي 195 دولار
سعر التأشيرة الزياره سنجل 60 دولار امريكي + ( الفلوس اللي هتدفعها لشركه السياحه عشان الدعوة )
ودة موقع السفاره /T.C. Dışişleri Bakanlığı Konsolosluk İşlemleri و الفيزا بتاخد حوالي اسبوع عمل وبتطلع بعدها وبتروح تستلمها
وبعد ما التأشيرة ما تطلع تروح بيها المجمع بتاع التحرير الدور الأول مكتب رقم 15 عشان تطلع التصريح الامني
------------------------------------------------------
ركز بقي معايا عشان كل اللي فات دة مش مهم المهم اللي جاي
" التصررررررررررريح الامننننننننننننني "
عشان تسافر تركيا من مصر .. مصر عملتلك خازوق اسمه التصريح الامني
لو انت مسافر تركيا و سنك أكبر من 18 سنه و أصغر من 40 سنه فحضرتك محتاج تصريح أمني حتى لو كنت رئيس الوزراء سيادتك , طيب ايه الاوراق المطلوبه للتصريح الأمني !!؟
في 4 حالات ليها :
1- في حاله فيزا الزيارة مطلوب منك الباسبور و صورته و صورة الفيزا
.
2- في حاله وجود مهنة في الباسبور يعني فيزا سياحه عاديه مطلوب منك برنت تأمينات مختوم و جواب HR مترجم بالعربي و صورة الباسبور و صورة الفيزا
اما لو انت مهنتك اللي في الباسبور ليها نقابه وهي مهنه نقابيه يعني زي دكتور مهندس محامي الخ الخ ومكتوب كلمه " حر " ممكن متقدمش برنت تأمينات اصلا ولا اتش ار ليتر ويكفي فقط كارنيه النقابه
.
3- لو انت معاك فيزا امريكا ساريه او شنجن ساريه وطلعت الفيزا الالكتروني ومكتوب في باسبورك مهنه او حاصل علي تقدر تطلع التصريح بالفيزا الاونلاين عادي
.
4- لو انت معاك فيزا امريكا ساريه او شنجن ساريه وطلعت الفيزا الالكتروني لكن مكتوب في باسبورك طالب مبتقدرش تطلع التصريح بالفيزا الاونلاين ولازم تكون فيزا زياره
.
( من الاخر بتاع المجمع قالها لو انت طالب حتي لو وقفت علي راسك برضو لازم فيزا زياره حتي لو كان معاك فيزا كوكب زحل وكوكب بلوتو برضو لازم تطلع فيزا زياره )
.
ولازم تكون حافظ اسم الوالد خماسي , ويكون معاك جنيه فكه
المدة اللي بيطلع فيها التصريح الامني بتتراوح ما بين يومين لو انت امك دعيالك أو اسبوعين لو انت امك داعيه عليك يعني لازم تبوس ايد الحاجه قبل ما تروح المجمع
وبيكون صلاحيته شهرين يعني لازم تسافر خلال شهرين من استلامك للتصريح والا التصريح هيبقي لاغي وكانك معملتوش
.---------------------------------------------------
طب افرض بعد كل دة معرفتش تطلع التصريح لاي سبب كان .. عندك حل من تلاته :
1- واسطه جامدة يا عقيد يا عميد يا لواء
2- تغمز حد من الامناء هناك الورقه ام 200 المتينه وهو يتصرف
3- يكون معاك شنجن ساريه فتسافر على اليونانيه مثلا ترانزيت تركيا وتدخل تركيا بالفيزا الشنجن وتاخدها ف المطار ولا من شاف ولا من دري
.
4- حاله رابعه فيها ريسك كبير جدا جدا جدا جدا انك تطلع من مصر بطيارتين منفصلتين علي اي بلد قريبه ( كوبري ) زي دبي مثلا وبعدين من هناك ل تركيا
ولازم طبعا تكون عامل فيزا دبي الاول
ليه بقول انها ريسك ؟؟؟؟؟
عشان لو ظابط المطار شاف تأشيرة تركيا علي الباسبور وممعاكش تصريح ليها و رايح بلد تانيه احتمال كبير يشطبلك عليها
-------------------------------------------------------------
طيب أقدم تبع السفاره في القاهره و لا القنصليه في الأسكندريه ؟
لو أنت من سكان القاهره و الجيزة يبقى تقدم في القاهره فقط و ممنوع تقدم في القتصليه في أسكندريه
لو أنت من سكان اسكندريه أو الدقهليه و محافظات وجه بحري تقدم في القنصليه في اسكندريه فقط
عنوان السفاره فين يا ترى ؟
لو انت في القاهرة 25 شارع الفلكي، باب اللوق، السيدة زينب، محافظة القاهرة
وتروحها ازاي
1- بالمترو ل محطه سعد زغلول هتلاقي نفسك جنب السفاره جدا
.
2- ولو انت مكسل تغير المترو يبقي تنزل ميدان التحرير و اوصل عن الجامعه الامريكيه هتلاقي الناحيه التانيه هاردييز امشي في الشارع دا و خلى الجامعه على يمينك ادخل اول شارع على يمينك اللي هو شارع الفلكي
و امشي 7 دقايق او 10 هتلاقي السفاره على شمالك
لو انت في الاسكندريه ...باب شرق....قريبه جدااااا .من محطه القطار والموقف الجديد
------------------------------------------------------
اسئله بتتسأل كتير :
1- لو اتنين رايحين شهر عسل والاتنين طلاب او الاتنين حاصلين علي يعملوا ايه ؟؟
في الحاله دي واحد منكم هيطلع تأشيرة زياره بدعوة من شخص تركي
والتاني يطلع مرافق معاه
.
2- لو زوجك شغال في السعوديه ( اي دوله برا مصر ) وعايز يقدم من مصر يعمل ايه في جواب الاتش ار ؟؟
اتصلى بالسفارة اسالى ينفع زوجك يقدم خطاب صادر من السعودية ولا لأ .. هو العادي والطبيعي ينفع طالما هيطلع مختوم من هناك بس الافضل التأكد من السفاره جايز مبيقبلوش ورق سعودي في السفاره التركيه في مصر
.
3- انا طالبه ومعنديش حساب بنكي وفلوسي كلها كاش اعمل ايه ؟؟
ينفع تقدمي بحساب باباكي او مامتك
.
4- انا طالب وعايز اسافر تركيا اعمل ايه ؟؟
للاسف الحل مع اي شركه سياحه تعملك دعوة عشان تطلع فيزا زياره
وبعد ما تطلع فيزا الزياره تروح بيها المجمع عشان تعمل تصريح امني
.
وبعد كدة تروح الهايكستب او حلميه الزتون بتاعه الجيش عشان تطلع تصريح السفر وخلي بالك بتطلعه في الاجازات بس ولو انت في اخر ترم في الكليه مش هتعرف تطلعه اصلا وملكش سفر , يعني سافر في اي سنه من سنين الكليه ماعدا اخر سنه
.
5- هل ممكن الدعوة اللي جايه من شخص تركي تترفض في السفاره ؟؟
ايوة طبعا في حاله ان الشخص اللي بيعمل دعاوي يكون محروق في السفاره , محروق في السفاره يعني السفاره عارفه انه بيعمل دعوات لكل الناس واي حد معدي من الشارع يعمله دعوه وبيعملها سبوبه عشان يكسب منها وبالتالي هو اتحرق خلاص في السفاره .. عشان كدة لازم تتأكد من شركه السياحه كويس اوي ان الشخص اللي هيعملك دعوة ميكونش محروق في السفاره
.
6- في سؤال في الابلكيشن بيقولك عملت تأمين السفر ولا لأ .. ولو عملته بيسألك عن تواريخ الصلاحيه بتاعته .. هل لازم اكون عامله قبل ما اسجل علي الموقع ولا اسجل الاول واقوله معملتش واخده معايا يوم المقابله ؟؟
الاحسن انك اول خطوة تعملها قبل ما تسجل الابلكيشن اصلا انك تكون عامل تأمين السفر وحجزت الفنادق والطيران المبدئي وبعدين تسجل عشان تكتب التواريخ كامله وتخلص نفسك
هو ينفع طبعا تقوله معملتوش وتسجل الاول وتعمله بعدين وتاخدة معاك يوم المقابله بس لو دي اول مرة ليك خليك في ال safe side واعمل تأمين السفر الاول قبل ما تملي الابلكيشن
.
-----------------------------------------------------------
معلش انا عارف ان البوست طويل وممل فشخ بس مينفعش تكوني عندي معلومه ومكتبهاش ! لان دة زكاه علم .. استنوا باقي الاجزاء ان شاء الله علي هاشتاج
#الهجره_لتركيا_بين_الواقع_والفنكوش
#اقعدوا_بالعافيه
بوست الهجره والاقامه في تركيا مبدأيا هعمل البوست علي 3 اجزاء لاني لقيت اني لو عملته في بوست واحد مش هينفع هيبقي طويل جدا جدا جدا و ممل جدا جدا ومحدش هيقرأه ..
فهنتكلم ف الجزء الاول عن الفيزا والتصريح الامني وازاي تطلعهم
والجزء التاني عن الاقامه واجراءاتها وانواع الشغل ..
والجزء التالت عن الدراسه في تركيا و ازاي تتعلم تركي بيرفكت في اقل مدة
.
البوست دة انا نزلته بنفسي من كام شهر قبل كدة بالتعاون مع صفحه Travel Secrets يعني اللي مشافش البوست هنا يقدر يشوفه هناك
-------------------------------------------------------
الجزء الاول :
عشان تعرف توصل ل تركيا لازم فيزا .. وعشان تاخد الفيزا لازم تركز معايا شويه
أولا : تأشيره تركيا ليها حالتين:
الحاله الاولي : لو كان عمرك أقل من 20 أو أكبر من 45 , فمش هتحتاج تعمل تأشيرة من السفارة , لكن هتعمل تأشيرة الكترونية من علي موقع السفاره وبتدفع رسومها بالفيزا كارد
ولو معاك شنجن ساريه او امريكا ساريه ( شرط انها تكون ساريه وقت دخولك تركيا ) بتدخل تركيا إما بفيزا من المطار من خلال ماكينات مخصصه في مطارات تركيا
إما بفيزا الكترونيه
ودة الموقع اللي بتعمل من عليه الفيزا الالكترونيه /Electronic Visa Application System
---------------------------------------------------------
الحاله التانيه : لو عمرك اكبر من 20 واقل من 45 ف هتحتاج تأشيرة من السفاره
وهنا هتنقسم علي حسب ايه اللي مكتوب في باسبورك
.
1- لو مكتوب طالب او حاصل علي مش هينفع تقدم علي تأشيرة سياحه عاديه وهتحتاج تقدم علي تأشيرة زيارة عشان تعرف تطلع التصريح الامني من مجمع التحرير
وتأشيرة الزياره لازم دعوة من شخص تركي أو من شركة في تركيا
وممكن تطلع الدعوة من بعض شركات السياحه ب 100 دولار تقريبا
.
لو انتي بنت ومكتوب في باسبورك حاصل علي او طالبه ممكن تطلعي فيزا مرافق مع زوجك او ابوكي أو اخوكي
بس بشرط لو هتسافري من مصر لازم زوجك أو ابوكي أو اخوكي يكون مسافر معاكي من مصر .. عشان تقدرى تطلعى تصريح أمنى مرافق للزوج
.
يعني لو متزوجه مثلا وعايزة تطلعي فيزا مرافق
* هيكون مطلوب من الزوج :
كشف حساب بنكي لاخر 6 شهور
جواب من جهه العمل ( أو السجل التجاري والبطاقه الضريبيه )
حجز فندق وطيران مبدئي
تأمين للسفر من اي شركه تأمين ( 3 شهور لو هتقدم في سفاره القاهرة و شهر واحد لو هتقدم من قنصليه اسكندريه )
الباسبور و صورتين مقاس 4 في 6 ..
ودة بشرط ان الزوج يكون مثبوت في باسبوره مهنه عشان يعرف يطلع تأشيرة السياحه العاديه
اما انتي هتكوني مرافق ليه وهيكون مطلوب منك باسبور و صوره شخصيه و تأمين سفر فقط
.----------------------------------------------------
2- لو مكتوب في باسبورك مهنه , ف انت هتقدم علي تأشيرة سياحه عاديه من غير دعوة ولا أي حاجه
وهتحتاج الاوراق الروتينيه العاديه : كشف حساب بنكي لاخر 6 شهور , جواب من جهه العمل , حجز فندق وطيران مبدئي , تأمين صحي للسفر لمدة 3 شهور لو من القاهرة و شهر واحد لو من اسكندريه , الباسبور و صور شخصيه
بعد ما تملي كل البيانات علي موقع السفاره هتحجز معاد , وترفع الورق المطلوب منك وتجهز كل الورق الباقي وتروح بيه السفاره
--------------------------------------------------
سعر التأشيرة الالكترونيه حوالي 21 دولار امريكي
سعر التأشيرة السياحيه سنجل 60 دولار امريكي , مالتي 195 دولار
سعر التأشيرة الزياره سنجل 60 دولار امريكي + ( الفلوس اللي هتدفعها لشركه السياحه عشان الدعوة )
ودة موقع السفاره /T.C. Dışişleri Bakanlığı Konsolosluk İşlemleri و الفيزا بتاخد حوالي اسبوع عمل وبتطلع بعدها وبتروح تستلمها
وبعد ما التأشيرة ما تطلع تروح بيها المجمع بتاع التحرير الدور الأول مكتب رقم 15 عشان تطلع التصريح الامني
------------------------------------------------------
ركز بقي معايا عشان كل اللي فات دة مش مهم المهم اللي جاي
" التصررررررررررريح الامننننننننننننني "
عشان تسافر تركيا من مصر .. مصر عملتلك خازوق اسمه التصريح الامني
لو انت مسافر تركيا و سنك أكبر من 18 سنه و أصغر من 40 سنه فحضرتك محتاج تصريح أمني حتى لو كنت رئيس الوزراء سيادتك , طيب ايه الاوراق المطلوبه للتصريح الأمني !!؟
في 4 حالات ليها :
1- في حاله فيزا الزيارة مطلوب منك الباسبور و صورته و صورة الفيزا
.
2- في حاله وجود مهنة في الباسبور يعني فيزا سياحه عاديه مطلوب منك برنت تأمينات مختوم و جواب HR مترجم بالعربي و صورة الباسبور و صورة الفيزا
اما لو انت مهنتك اللي في الباسبور ليها نقابه وهي مهنه نقابيه يعني زي دكتور مهندس محامي الخ الخ ومكتوب كلمه " حر " ممكن متقدمش برنت تأمينات اصلا ولا اتش ار ليتر ويكفي فقط كارنيه النقابه
.
3- لو انت معاك فيزا امريكا ساريه او شنجن ساريه وطلعت الفيزا الالكتروني ومكتوب في باسبورك مهنه او حاصل علي تقدر تطلع التصريح بالفيزا الاونلاين عادي
.
4- لو انت معاك فيزا امريكا ساريه او شنجن ساريه وطلعت الفيزا الالكتروني لكن مكتوب في باسبورك طالب مبتقدرش تطلع التصريح بالفيزا الاونلاين ولازم تكون فيزا زياره
.
( من الاخر بتاع المجمع قالها لو انت طالب حتي لو وقفت علي راسك برضو لازم فيزا زياره حتي لو كان معاك فيزا كوكب زحل وكوكب بلوتو برضو لازم تطلع فيزا زياره )
.
ولازم تكون حافظ اسم الوالد خماسي , ويكون معاك جنيه فكه
المدة اللي بيطلع فيها التصريح الامني بتتراوح ما بين يومين لو انت امك دعيالك أو اسبوعين لو انت امك داعيه عليك يعني لازم تبوس ايد الحاجه قبل ما تروح المجمع
وبيكون صلاحيته شهرين يعني لازم تسافر خلال شهرين من استلامك للتصريح والا التصريح هيبقي لاغي وكانك معملتوش
.---------------------------------------------------
طب افرض بعد كل دة معرفتش تطلع التصريح لاي سبب كان .. عندك حل من تلاته :
1- واسطه جامدة يا عقيد يا عميد يا لواء
2- تغمز حد من الامناء هناك الورقه ام 200 المتينه وهو يتصرف
3- يكون معاك شنجن ساريه فتسافر على اليونانيه مثلا ترانزيت تركيا وتدخل تركيا بالفيزا الشنجن وتاخدها ف المطار ولا من شاف ولا من دري
.
4- حاله رابعه فيها ريسك كبير جدا جدا جدا جدا انك تطلع من مصر بطيارتين منفصلتين علي اي بلد قريبه ( كوبري ) زي دبي مثلا وبعدين من هناك ل تركيا
ولازم طبعا تكون عامل فيزا دبي الاول
ليه بقول انها ريسك ؟؟؟؟؟
عشان لو ظابط المطار شاف تأشيرة تركيا علي الباسبور وممعاكش تصريح ليها و رايح بلد تانيه احتمال كبير يشطبلك عليها
-------------------------------------------------------------
طيب أقدم تبع السفاره في القاهره و لا القنصليه في الأسكندريه ؟
لو أنت من سكان القاهره و الجيزة يبقى تقدم في القاهره فقط و ممنوع تقدم في القتصليه في أسكندريه
لو أنت من سكان اسكندريه أو الدقهليه و محافظات وجه بحري تقدم في القنصليه في اسكندريه فقط
عنوان السفاره فين يا ترى ؟
لو انت في القاهرة 25 شارع الفلكي، باب اللوق، السيدة زينب، محافظة القاهرة
وتروحها ازاي
1- بالمترو ل محطه سعد زغلول هتلاقي نفسك جنب السفاره جدا
.
2- ولو انت مكسل تغير المترو يبقي تنزل ميدان التحرير و اوصل عن الجامعه الامريكيه هتلاقي الناحيه التانيه هاردييز امشي في الشارع دا و خلى الجامعه على يمينك ادخل اول شارع على يمينك اللي هو شارع الفلكي
و امشي 7 دقايق او 10 هتلاقي السفاره على شمالك
لو انت في الاسكندريه ...باب شرق....قريبه جدااااا .من محطه القطار والموقف الجديد
------------------------------------------------------
اسئله بتتسأل كتير :
1- لو اتنين رايحين شهر عسل والاتنين طلاب او الاتنين حاصلين علي يعملوا ايه ؟؟
في الحاله دي واحد منكم هيطلع تأشيرة زياره بدعوة من شخص تركي
والتاني يطلع مرافق معاه
.
2- لو زوجك شغال في السعوديه ( اي دوله برا مصر ) وعايز يقدم من مصر يعمل ايه في جواب الاتش ار ؟؟
اتصلى بالسفارة اسالى ينفع زوجك يقدم خطاب صادر من السعودية ولا لأ .. هو العادي والطبيعي ينفع طالما هيطلع مختوم من هناك بس الافضل التأكد من السفاره جايز مبيقبلوش ورق سعودي في السفاره التركيه في مصر
.
3- انا طالبه ومعنديش حساب بنكي وفلوسي كلها كاش اعمل ايه ؟؟
ينفع تقدمي بحساب باباكي او مامتك
.
4- انا طالب وعايز اسافر تركيا اعمل ايه ؟؟
للاسف الحل مع اي شركه سياحه تعملك دعوة عشان تطلع فيزا زياره
وبعد ما تطلع فيزا الزياره تروح بيها المجمع عشان تعمل تصريح امني
.
وبعد كدة تروح الهايكستب او حلميه الزتون بتاعه الجيش عشان تطلع تصريح السفر وخلي بالك بتطلعه في الاجازات بس ولو انت في اخر ترم في الكليه مش هتعرف تطلعه اصلا وملكش سفر , يعني سافر في اي سنه من سنين الكليه ماعدا اخر سنه
.
5- هل ممكن الدعوة اللي جايه من شخص تركي تترفض في السفاره ؟؟
ايوة طبعا في حاله ان الشخص اللي بيعمل دعاوي يكون محروق في السفاره , محروق في السفاره يعني السفاره عارفه انه بيعمل دعوات لكل الناس واي حد معدي من الشارع يعمله دعوه وبيعملها سبوبه عشان يكسب منها وبالتالي هو اتحرق خلاص في السفاره .. عشان كدة لازم تتأكد من شركه السياحه كويس اوي ان الشخص اللي هيعملك دعوة ميكونش محروق في السفاره
.
6- في سؤال في الابلكيشن بيقولك عملت تأمين السفر ولا لأ .. ولو عملته بيسألك عن تواريخ الصلاحيه بتاعته .. هل لازم اكون عامله قبل ما اسجل علي الموقع ولا اسجل الاول واقوله معملتش واخده معايا يوم المقابله ؟؟
الاحسن انك اول خطوة تعملها قبل ما تسجل الابلكيشن اصلا انك تكون عامل تأمين السفر وحجزت الفنادق والطيران المبدئي وبعدين تسجل عشان تكتب التواريخ كامله وتخلص نفسك
هو ينفع طبعا تقوله معملتوش وتسجل الاول وتعمله بعدين وتاخدة معاك يوم المقابله بس لو دي اول مرة ليك خليك في ال safe side واعمل تأمين السفر الاول قبل ما تملي الابلكيشن
.
-----------------------------------------------------------
معلش انا عارف ان البوست طويل وممل فشخ بس مينفعش تكوني عندي معلومه ومكتبهاش ! لان دة زكاه علم .. استنوا باقي الاجزاء ان شاء الله علي هاشتاج
#الهجره_لتركيا_بين_الواقع_والفنكوش
#اقعدوا_بالعافيه