ناس الاسكندريه فين شاطي نظيف اقضي اليوم فيه...

[Mimi Mohamad]

ناس الاسكندريه
فين شاطي نظيف اقضي اليوم فيه وبكام
محتاجه مكان فيه بنانه
وكنبع البخر
وبراشوات البحر
مكان فيه اكو بارك
اللي يكتب يكتب اسم عنوان رقم صفحه فيس اي حاجه اوصل ل المكان بيها

 

[Mohamed Massoud]

انا رأيي تيجي تعيشي في اسكندرية اسهل من الاسئلة

 

[Nourhan Abd Alla]

Up

 

[Nourhan Abd Alla]

Up

 

[Nourhan Abd Alla]

ومكان حلو لاكلة سمك

 

[Mariam Mohamad Mimi]

Up

 

[Ayman Abdelzaher]

مفيش شواطئ فى إسكندريه فيها أكوا بارك

 

[Nourhan Abd Alla]

فين الاسكندارانية الجدعان يلا عايزين برنامج حلو من الساعة 10الصبح واماكن حلوة

 

[Rehab Mohamed]

Up

 

[Nourhan Abd Alla]

Mai Elshanwany Safy Khaled Nour Grant

 

[Mostafa Power]

معلهش ياجماعه هو ايه الكنبع ده

 

[Mohamed Elgohary]

البنانا و الكنبه موجوده فى المعموره
الباراشوت مشفتوش قبل كده
اكوا بارك.... تافرنا اكوا سيتى و دى على طريق القاهره الصراوى بعد البوابات بحوالى ١٥ كيلو

 

[Mostafa Hamdy]

معمورة او بوريفاج

 

[Emoo Salim]

عايدة المنتزة

 

[سلطان مراد]

اسكندرية مش كدة خالص روحى شرم الغردقة.... اسكندرية يعنى ناسها وشوارعها المطاعم الكافيهات السهر الصحبة الحلوة الجو الجميل المش على الكورنيش التاريخ يعنى بحرى الازريطة كوم الدكة محطة الرمل ابو قير.... الضحكة اللى من القلب.... اسكندراني

 

[Sara S. Sawan]

عايزه شقه ايجار ف ميامي

 

[Kholoud Diy]

بصي الجو ده بتاع شرم مش اسكندريه انا مشفتش باراشوت خالص
بس لو علي بنانا موجوده ف معموره
و لو شاطي نضيف
ادخلي معموره شاطي خاص الشط الفرد ب ٨٥ جنيه

 

[Hayam Badran]

الاسكندرية. .. عايزه براح و قاعده و لمه و ناس و بحر و حاجات كتير مختلفة عن جو الأماكن السياحية المعروفة في مصر. ..
لكن الشواطئ المحترمة معروفه في المعمورة و الفردوس في العجمي .. و السمك .. احسن الأماكن و اسعار لذيذه في زفير في المكس و ع البحر مباشرة و اكله روعه و في سي جل في المكس بس أغلى منه و فى فيش ماركت و قدوره أقل منهم مستوي أكل لكن نفس السعر تقريبا و في ايليع في بحري لذيذ بردو ... و جنبه الشيخ وفيق تطلع تحلي و في ... كبده الفلاح لذيذه و كبده حلمي الي ورا القسم في بحري بردو روعه مع أنه كشك صغير بس احلي من الفلاح ... بس شاطي شيك و جو و ميه لذيذه .. البراديس العجمي و تطلع علي اسكندرية بعدها للصبح

 

[Hany Ghoniem]

رأيى الشخصى day use فى فندق فلسطين و بالنسبة للأكل عروس البحر فى بحرى

 

[Wael Ben ElDeeb]

انا عاوز اعمل بوست مقفول البوست عندي