R
Rock Pop
:: مسافر ::
سوق الذهب فى ديره و فى نفس المنطقه الديره فى سوق نايف فيه محلات كتير فى نفس المنطقه و كمان سوق البارفنات سهل الوصول بالمترو ....سوق الفهيدى الكترونيات. و جنبه سوق كوزموس للاقمشه ..محلات شرف دى جى الكترونيات ..سوق البهارات فى خور دبى ..دراجون مارت او سوق التنين اكبر سوق للمنتجات الصينيه 4000 محل موجود فى انترناشونال سيتى ... دبى اوت ليت مول طريق العين ش 66 فى دبى لاند بيعيد عن دبى حوالى ساعه .. ...سوق الكرامه محلات شنط و نظارات و برفانات الخ و فى فصال طبعا ...مول ابن بطوطه و سهل الوصول ليه بالمترو دا اقدم مول .. وافى مول هادئ و فيه محلات مختلفه ..سينتر داى تو داى امام سينتر ديره في كل حاجه اسعار رخيصه ...سينتر الباسم ش ابو بكر الصديق اسعار رخيصه .,,طبعا فى اسواق تانيه كتير تقدرى تشوفى معلومات اكتر عن الاسواق على جوجل و تروحى اليناسبك .و طبعا كل الاسواق و المراكز فيها مطاعم من كل الدول و اسعار معقوله دا بالاضافه للهايبر ماركت عندك كارفور ..لولو ..GEANT ..يونايتتد,,انصار مول فى الديره ..كل الهايبر فيهم اقسام اجهزه منزليه .و كهربائيه و الكترونيات و برفاتات و ساعات باسعار معقوله
R
Rock Pop
:: مسافر ::
الفسح:دبى مول تسوق و فيه مكتب حجز تذاكر برج خليفه و الافضل حجز مقدما او اون لاين علشان الزحام..داخل المول فى الاكواريوم و دا اكبر حوض اسماك الجزء الخارجى مجانا و فى جولات فى ممر داخلى بتذاكر و فى سكى دبى للتزلج و فى عروض البطريق بتذاكر ..خارج المول امام برج خليفه النافوره الراقصه مجانا و العروض تبداء مع الغروب ..و فى عرض الساعه 1 ظهرا. افضل مكان للمشاهده ان يكون برج خليفه فى ظهرك.... و قريب من النافوره دبى اوبرا للتصوير ....جزيره النخله و على الجزيره فى فندق بالم اتلانتس و هناك زحام دائما وقت الغروب للتصوير ..الممشى و شاطئ JBR و دى منطقه فخمه ..منطقه دبى مارينا فيها ناطحات سحاب و كافيهات و مول و طبعا منطقه فخمه و افضل تروحى ب دبى وتر تاكسى او فيرى من البحر و فى محطات كتير شوفى الموقع و اختارى المحطه الاقرب لك ..منطقه دبى كانال الجديده فى بيزنيس باى طبعا بالليل او مع الغروب .....city walk بين ش الصفا و الوصل قريب جدا من برج خليفه منطقه راقيه و فخمه للتنزه و التسوق و الكافيهات افضل وقت بعد 5 عصرا . .. ممكن تاخدى جوله بحريه ب دبى فيرى من اقرب محطه لك لغايه اخر الخط حتشوفى دبى سكاى لاين و اهم المعالم لكن من البحر الجوله ممكن ساعه و نصف حسب حتركبى كام محطه دا فديو للتوضيح و طبعا اركبى مترو دبى العربه الاولى و دى تذكره ذهبيه اغلى شويه لكن لو عايزه تصورى ش الشيخ ذايد و ناطحات السحاب المترو بيعدى على اهم المولات من اول ابن بطوطه و مول الامارات و دبى مول و ديره سيتى سينتر و ممكن تشترى كارت نول من المترو تركبى ب كل المواصلات للتوفير رحله سعيده ... ......