W
Walid Borham
:: مسافر ::
البلد : تايلاند
المدينه : بوكيت
المده : 6 أيام
هحاول أحكى الرحله بالتفصيل وهحاول ماطولش على قد ما أقدر..وكده كده الفيديو ده فيه ملخص الرحله.
/Walid Borham
اليوم الأول Fantasea :
أول يوم نزلنا الصبح لفينا فى patong شوفنا أماكن كل حاجه وعرفنا كل حاجه ممكن نحتاجها هنلاقيها فين.
الساعه 5م جت العربيه خدتنا عشان نروح Fantasea "أكبر وأشهر عرض هناك "
المكان مش بعيد عن patong , من أول ما بتدخل المكان بتلاقى مناظر تحفه (شلالات , تماثيل , مبانى ,....) .
المطعم كبير جدا وفيه جزء مخصص للأكل الحلال .
العرض بيبدأ الساعه 9 تقريبا , ممنوع التصوير فى العرض وبياخدوا الموبايلات والكاميرات وانت داخل.
بالنسبه للعرض نفسه فالموضوع صعب يتوصف !...العرض مش بس بيحصل على المسرح ! ...لأ هو شغال جمبك و فوقيك ووراك !...مش عايز أطول فى وصف العرض بس أنا بنصح أى حد يدخل Fantasea ومش هيندم.
اليوم التانى : James Bond Island
اليوم يبدأ من بدرى ...العربيه عدت علينا الساعه 8 ص
كنا حاجزين big boat with canoe ....طلعنا على المركب حوالى 10 ص...بتتحرك فى اتجاه الجزيره و فى النص بتقف أكتر من مره و بننزل بالcanoe نروح مره كهف و مره تانيه بنروح شاطئ ومره بنقف عشان ننزل نعوم وبعدين بنرجع على المركب تانى ونكمل الطريق للجزيره...بنوصل الجزيره بنقعد عليها حوالى نص ساعه وبعدين بنرجع المركب تانى فى الطريق للعوده.
المناظر الطبيعيه اللى حواليك طول الرحله تحفه , لكن المياه مش حلوه للسباحه.
اليوم الثالث : Safari & Tour by bike
ميعاد العربيه اللى هتعدى علينا اليوم ده كان 2م ...كان عندنا وقت إننا نأجر موتوسكلات ونلف فى البلد ... الناس اللى بيأجروا موتوسيكلات موجودين فى كل حته ...وفى Patong بالذات تقريبا كل 100 متر بتلاقى حد منهم ...الموتوسيكل بعد الفصال بيوصل 250 Baht اليوم كله , والبنزين بيتباع فى قزايز ..القزازه ب 40 Baht ومش هتحتاج أكتر من إزازه .
تجربة الموتوسيكل هناك من أحلى الحاجات اللى ممكن تتعمل "سواء إنت أصلا بتسوق موتوسيكلات أو لأ ".
المشكله الوحيده اللى هتقبلك فى موضوع الموتوسيكل ده إن الشرطه ممكن توقفك وتدفعك غرامه 1000 Baht عشان مش معاك رخصه "وده اللى حصل معانا "
بس اللى اكتشفناه "متأخر" إن الموضوع بيخلص بإنك "تكرمش" للراجل 500 Baht ولا حاجه وهيسيبك عادى.
بالنسبه للسفارى فالبرنامج شامل : Elephant show , Monkey Show , Elephant trekking , Fish Massage
الموضوع بيبدأ فى الأول بكام حاجه كده ملهاش لازمه زى الcooking show اللى بيعلمك فيه إزاى تعمل سلطه تايلاندى ! ..وكام حاجه تانيه كده فكسانه.. بعد كده البرنامج بيقلب حلو من أول الshows و ال Elephant trekking .
اليوم الرابع : Phi Phi Island
العربيه عدت علينا الساعه 7ص ...المشوار كان طويل شويه.
كنا حاجزين Express Boat , المركب كبيره جدا و مريحه جدا بس مشكلتها إنها فى أماكن مانقدرش ندخلها بسبب ضخامة المركب ..زى Monkey Island بس الSpeed boat بتقدر توصل هناك عشان حجمها صغير .
المهم اتجهنا فى اتجاه phi phi Island ... المناظر تحفه والمياه نضيفه ...وقفنا فى النص عشان ننزل نعمل snorkeling ...وبعدين رجعنا على المركب تانى وروحنا على الجزيره.
وصلنا الجزيره ..دخلنا المطعم أكلنا وكان معانا حوالى نص ساعه كمان نلف فى الجزيره ....الجزيره كبيره وفيها فندق ومحلات ومطاعم وكل حاجه .
طريق العوده بالمركب بياخد حوالى ساعه ونص- ساعتين.
اليوم الخامس : White water rafting + ATV
العربيه عدت علينا الساعه 7 ص.
اليوم ده بيحصل فيه حاجات كتير .
أول حاجه بنركب قارب نمشى بيه شويه فى بحيره ..بعد كده بنروح مكان تانى نركب Zipline ... فيه كمان Elephant trekking بس احنا كنا عملناه خلاص قبل كده ..بعد كده بنروح ال water rafting ..فى 5 كم وده الdefault بس ممكن تعمل upgrade ل 7 كم أو 9 كم وتدفع فلوس زياده ... إحنا عملنا 7 كم ودفعنا 400 Baht ...الموضوع حلو جدا ...تحس إنك فى لعبه والناس كلها بتلعب مع بعض ...طول ما إنت ماشى القوارب اللى حواليك بيرشوا عليك مياه وانت بتحاول تغرقهم ...والراجل اللى سايق القارب اللى انت فيه ممكن تلاقيه بيغفلك ويسحلك فى أى حاجه وفجأه يروح معدى من فوق صخره فا تلاقى القارب مال بيك وممكن جدا تقع !
المهم خلصنا الrafting ورحنا بعد كده ركبنا ال ATV أو ال Beach buggy ..تقريبا لمدة نص ساعه ..عادى جدا وانت سايق ممكن تلاقى فيل معدى من جنبك أو من قدامك ...و دى كانت اخر حاجه فى اليوم وبعد كده رجعنا... المكان بعيد شويه حلوين عن Patong.
اليوم السادس : Big Buddha temple + Shopping
اليوم ده قررنا نروح Big Buddha temple ... روحنا قبل الغروب بساعه ...المكان فوق جبل عالى جدا ...الview من فوق تحفه ... دخلنا المعبد وحضرنا الغروب ومشينا ...الموضوع مش محتاج أكتر من ساعه .
اخر حاجه فى الرحله بقى الShopping ...هناك الفصال يمكن أكتر من هنا ...أى حد هتدخل تسأله على حاجه لو مثلا قالك ب 300 Baht وقلتله لأ كتير هيقلك عايز تدفع كام ؟ ..أو هيديك الCalculator ويقولك اكتب الرقم اللى انت عايزه ...قوله النص على طول هتلاقى نفسك أخدت الحاجه دى ب 150-200 Baht..
حاول تشترى كل الهدايا من مكان واحد عشان لو اشتريت حاجات كتير فعلا هيعملك خصم جامد.
#ملحوظه :
* كل الرحلات دى بتبقى شامله وجبة الغدا + المواصلات .
*الجنيه = 1.88 بات
#نصيحه :
*حاولوا تظبطوا البرنامج بتاعكوا من وانتوا فى مصرو تقرروا كل يوم هتعملوا إيه ...وكمان لو قدرتوا تحجزوا من قبل ما تسافروا يبقى حلو أوى عشان ماتضيعوش وقت هناك.
* هتلاقوا كل حاجه عن البلد هنا www.phuket.com ..وطبعا برضوا tripadvisor.com هتلاقوا reviews عن كل حاجه.
*اشتروا خط موبايل أول ماتوصلوا هناك من المطار ب300 Baht بيديك 2.5 GB انترنت ...هينفعكوا أوى هناك بالذات لو هتأجروا موتوسيكل عشان تفتحوا الmaps .
*اختاروا الفندق فى منطقة Patong عشان المنطقه دى هتلاقوا فيها كل حاجه حواليكوا ... الفندق اللى نزلنا فيه كان إسمه Aspira Prime كان فندق كويس وسعره حلووموقعه عبقرى !
كل اللى أنا حكيته ده موجود فى الفيديو ...اتفرجوا عليه واالى عايز يسأل على حاجه يسأل ويارب أعرف أفيده.
المدينه : بوكيت
المده : 6 أيام
هحاول أحكى الرحله بالتفصيل وهحاول ماطولش على قد ما أقدر..وكده كده الفيديو ده فيه ملخص الرحله.
/Walid Borham
اليوم الأول Fantasea :
أول يوم نزلنا الصبح لفينا فى patong شوفنا أماكن كل حاجه وعرفنا كل حاجه ممكن نحتاجها هنلاقيها فين.
الساعه 5م جت العربيه خدتنا عشان نروح Fantasea "أكبر وأشهر عرض هناك "
المكان مش بعيد عن patong , من أول ما بتدخل المكان بتلاقى مناظر تحفه (شلالات , تماثيل , مبانى ,....) .
المطعم كبير جدا وفيه جزء مخصص للأكل الحلال .
العرض بيبدأ الساعه 9 تقريبا , ممنوع التصوير فى العرض وبياخدوا الموبايلات والكاميرات وانت داخل.
بالنسبه للعرض نفسه فالموضوع صعب يتوصف !...العرض مش بس بيحصل على المسرح ! ...لأ هو شغال جمبك و فوقيك ووراك !...مش عايز أطول فى وصف العرض بس أنا بنصح أى حد يدخل Fantasea ومش هيندم.
اليوم التانى : James Bond Island
اليوم يبدأ من بدرى ...العربيه عدت علينا الساعه 8 ص
كنا حاجزين big boat with canoe ....طلعنا على المركب حوالى 10 ص...بتتحرك فى اتجاه الجزيره و فى النص بتقف أكتر من مره و بننزل بالcanoe نروح مره كهف و مره تانيه بنروح شاطئ ومره بنقف عشان ننزل نعوم وبعدين بنرجع على المركب تانى ونكمل الطريق للجزيره...بنوصل الجزيره بنقعد عليها حوالى نص ساعه وبعدين بنرجع المركب تانى فى الطريق للعوده.
المناظر الطبيعيه اللى حواليك طول الرحله تحفه , لكن المياه مش حلوه للسباحه.
اليوم الثالث : Safari & Tour by bike
ميعاد العربيه اللى هتعدى علينا اليوم ده كان 2م ...كان عندنا وقت إننا نأجر موتوسكلات ونلف فى البلد ... الناس اللى بيأجروا موتوسيكلات موجودين فى كل حته ...وفى Patong بالذات تقريبا كل 100 متر بتلاقى حد منهم ...الموتوسيكل بعد الفصال بيوصل 250 Baht اليوم كله , والبنزين بيتباع فى قزايز ..القزازه ب 40 Baht ومش هتحتاج أكتر من إزازه .
تجربة الموتوسيكل هناك من أحلى الحاجات اللى ممكن تتعمل "سواء إنت أصلا بتسوق موتوسيكلات أو لأ ".
المشكله الوحيده اللى هتقبلك فى موضوع الموتوسيكل ده إن الشرطه ممكن توقفك وتدفعك غرامه 1000 Baht عشان مش معاك رخصه "وده اللى حصل معانا "
بس اللى اكتشفناه "متأخر" إن الموضوع بيخلص بإنك "تكرمش" للراجل 500 Baht ولا حاجه وهيسيبك عادى.
بالنسبه للسفارى فالبرنامج شامل : Elephant show , Monkey Show , Elephant trekking , Fish Massage
الموضوع بيبدأ فى الأول بكام حاجه كده ملهاش لازمه زى الcooking show اللى بيعلمك فيه إزاى تعمل سلطه تايلاندى ! ..وكام حاجه تانيه كده فكسانه.. بعد كده البرنامج بيقلب حلو من أول الshows و ال Elephant trekking .
اليوم الرابع : Phi Phi Island
العربيه عدت علينا الساعه 7ص ...المشوار كان طويل شويه.
كنا حاجزين Express Boat , المركب كبيره جدا و مريحه جدا بس مشكلتها إنها فى أماكن مانقدرش ندخلها بسبب ضخامة المركب ..زى Monkey Island بس الSpeed boat بتقدر توصل هناك عشان حجمها صغير .
المهم اتجهنا فى اتجاه phi phi Island ... المناظر تحفه والمياه نضيفه ...وقفنا فى النص عشان ننزل نعمل snorkeling ...وبعدين رجعنا على المركب تانى وروحنا على الجزيره.
وصلنا الجزيره ..دخلنا المطعم أكلنا وكان معانا حوالى نص ساعه كمان نلف فى الجزيره ....الجزيره كبيره وفيها فندق ومحلات ومطاعم وكل حاجه .
طريق العوده بالمركب بياخد حوالى ساعه ونص- ساعتين.
اليوم الخامس : White water rafting + ATV
العربيه عدت علينا الساعه 7 ص.
اليوم ده بيحصل فيه حاجات كتير .
أول حاجه بنركب قارب نمشى بيه شويه فى بحيره ..بعد كده بنروح مكان تانى نركب Zipline ... فيه كمان Elephant trekking بس احنا كنا عملناه خلاص قبل كده ..بعد كده بنروح ال water rafting ..فى 5 كم وده الdefault بس ممكن تعمل upgrade ل 7 كم أو 9 كم وتدفع فلوس زياده ... إحنا عملنا 7 كم ودفعنا 400 Baht ...الموضوع حلو جدا ...تحس إنك فى لعبه والناس كلها بتلعب مع بعض ...طول ما إنت ماشى القوارب اللى حواليك بيرشوا عليك مياه وانت بتحاول تغرقهم ...والراجل اللى سايق القارب اللى انت فيه ممكن تلاقيه بيغفلك ويسحلك فى أى حاجه وفجأه يروح معدى من فوق صخره فا تلاقى القارب مال بيك وممكن جدا تقع !
المهم خلصنا الrafting ورحنا بعد كده ركبنا ال ATV أو ال Beach buggy ..تقريبا لمدة نص ساعه ..عادى جدا وانت سايق ممكن تلاقى فيل معدى من جنبك أو من قدامك ...و دى كانت اخر حاجه فى اليوم وبعد كده رجعنا... المكان بعيد شويه حلوين عن Patong.
اليوم السادس : Big Buddha temple + Shopping
اليوم ده قررنا نروح Big Buddha temple ... روحنا قبل الغروب بساعه ...المكان فوق جبل عالى جدا ...الview من فوق تحفه ... دخلنا المعبد وحضرنا الغروب ومشينا ...الموضوع مش محتاج أكتر من ساعه .
اخر حاجه فى الرحله بقى الShopping ...هناك الفصال يمكن أكتر من هنا ...أى حد هتدخل تسأله على حاجه لو مثلا قالك ب 300 Baht وقلتله لأ كتير هيقلك عايز تدفع كام ؟ ..أو هيديك الCalculator ويقولك اكتب الرقم اللى انت عايزه ...قوله النص على طول هتلاقى نفسك أخدت الحاجه دى ب 150-200 Baht..
حاول تشترى كل الهدايا من مكان واحد عشان لو اشتريت حاجات كتير فعلا هيعملك خصم جامد.
#ملحوظه :
* كل الرحلات دى بتبقى شامله وجبة الغدا + المواصلات .
*الجنيه = 1.88 بات
#نصيحه :
*حاولوا تظبطوا البرنامج بتاعكوا من وانتوا فى مصرو تقرروا كل يوم هتعملوا إيه ...وكمان لو قدرتوا تحجزوا من قبل ما تسافروا يبقى حلو أوى عشان ماتضيعوش وقت هناك.
* هتلاقوا كل حاجه عن البلد هنا www.phuket.com ..وطبعا برضوا tripadvisor.com هتلاقوا reviews عن كل حاجه.
*اشتروا خط موبايل أول ماتوصلوا هناك من المطار ب300 Baht بيديك 2.5 GB انترنت ...هينفعكوا أوى هناك بالذات لو هتأجروا موتوسيكل عشان تفتحوا الmaps .
*اختاروا الفندق فى منطقة Patong عشان المنطقه دى هتلاقوا فيها كل حاجه حواليكوا ... الفندق اللى نزلنا فيه كان إسمه Aspira Prime كان فندق كويس وسعره حلووموقعه عبقرى !
كل اللى أنا حكيته ده موجود فى الفيديو ...اتفرجوا عليه واالى عايز يسأل على حاجه يسأل ويارب أعرف أفيده.