A
Ahmed Ma'rouf
:: مسافر ::
ليه اخترت المغرب ؟؟؟
مبدأيا وقبل اي حاجة مع ارتفاع سعر الدولار امام الجنية كنت لازم ادور علي بلد رخيصة وهلاقي فيها اهتماماتي المتلخصة في طبيعة حلوة مناسبة للتصوير، اماكن مختلفة وتعدد ثقافات، المشي في كل الاوقات امان، وترتيب سفرية في وقت ضيق جدا حدود اسبوع أو اثنين شامل استخراج الاوراق والفيزا.
ملقتش تقريبا غير المغرب وتونس ومعظم دول أفريقيا وآسيا لكن آسيا كان الطيران هيزيد من 3000 الاف إلي 6 الأف حسب المسافات عن سعر تذكرة المغرب أو تونس ولاني كنت عايز اسافر اسبوعين تقريبا فلقيت المغرب مناسبة لانها اكبر واماكن المزارات اكثر.
……………………………………
اولا:
لاستخراج الفيزا:
-كشف حساب بنكي لاخر ثلاث شهور ع الاقل
-جواز سفر ساري
-خطاب من العمل او سجل تجاري+بطاقة ضريبية لاصحاب العمل الحر
حجز طيران «مبدئي»
-حجز اقامة بالمغرب «مبدئي مقبول»
;-صورة ضوئية من جواز السفر«صفحتي البيانات الشخصية»
-صورتين 4*6 خلفية بيضاء
-تأمين سفر «بقي مطلوب مؤخرا»
-مبلغ استخراج الفيزا 415جنية يتم دفعهم في حالة القبول عند الاستلام
-مدة الاستخراج من اسبوع لاسبوعين حسب الاحوال وممكن اقل كاستثناء بالتواصل مع القنصل او مساعده المحترمين
ميعاد التقديم:
الاثنين والخميس من 10ص حتي 12م
( مع مراعاة الأجازات الرسمية للمغرب ودي بتعرفها عن طريق جوجل ببساطة)
-مكانها: الزمالك، الجزيرة
-بتقدم الاوراق من الشباك يستحسن تروح بدري وبيستلمه منك ويراجع انه كامل ويديك ايصال بتاريخ الاستلام واعرف التاريخ لو يناسبك تمام لو عندك ظرف قهري مهم تقدر تقوله ممكن تطلب تقابل مساعد القنصل او القنصل ولو شاف الجدية ممكن يقلل المدة.
……………………………………
ثانيا:
-الطيران:
مصر للطيران تقريبا كانت ارخص طيران وقت سفري وكانت عاملة 8000 جنية ودي غالية عموما لاني حجزت الطيران قبل السفر بثلاث ايام وده طبعا غلط يستحسن قبل شهر او اكثر.
الميزة: مصر للطيران انها بدون توقف.
الطائرة كانت البوينجB737-800 NGs ودي جديدة وكويسة جدا
العيب: انها بتروح كازبلانكا بس يعني لازم ترتب رحلتك من هناك علشان هتبدا وتنتهي بها لو هتروح وترجع مع مصرللطيران.
مطار كازابلانكا اسفله محطة القطار (محطة المطار) يبعد عن وسط المدينة حوالي 38 كيلو متر يعني اقل من ساعة سفر بالقطار وتذكرة ثمنها حوالي 80 ج
(من محطة المطار الي محطة مسافرين كازابلانكا او ميناء كازابلانكا)
-التنقلات عموما:
القطارات:
-القطار درجة اولي
ودي بتبقي غالية من 150 جنية الي 600 جنية حسب المسافات او اكثر
(بيكون بين المدن الكبيرة زي كازابلانكا، مراكش، طنجة، فاس)
بتكون كابينة مكيفة فيها 6 اماكن الصف 3 مقاعد، والحجز برقم المقعد.
يعني من كازابلانكا لمراكش كان بحوالي 380 جنية بياخد 3:30 ساعات تقريبا
طنجة لكازابلانكا بحوالي 350 جنية بياخد 5-6 ساعات تقريبا
اي قطار درجة اولي خارج من كازابلانكا او مراكش لاي مدينة لازم حجزة من قبل السفر بيوم علي الاقل لان معظم القطارات لديها عربة واحدة درجة اولي والباقي درجة ثانية.
-القطار درجة ثانية
ده سعره مناسب ويتراوح من 100 جنية الي 300 جنيه
«وبيكون من نفس المدن الكبيرة لانها ذات القطارات»
بيكون ذات كبائن الدرجة الاولي لكن غير مكيفة والجلوس بأسبقية الحضور
يعني ممكن تفضل واقف عادي مفيش مشكلة ومدام واقف مفيش مكان للشنطة غير انها تفضل معاك.
-القطارات بين الاحياء والمدن القريبة
ودي وسيلة كويسة وتعتبر سريعة نسبيا ورخيصة يعني من 10 جنية الي 100جنية حسب المسافة
مثلا من مدينة المحمدية لكازابلانكا 30 جنية في نصف ساعة وبالاتوبيس رقم 900 من الكورنيش ب 15 جنية حوالي ساعة وربع. د www.oncf.ma ده موقع القطارات المغربية
وبتزل الابليكيشن من ال اب / ابل ستورز.
التاكسي «طاكسي بالمغربي»:
-طاكسي صغير
ده بيكون داخل كل مدينة وقرية، اللمفروض بيكون بعداد لكن مش كلهم بيشغلوا العداد بالاخص لما يشوفك اجنبي وفي منهم كتير لما يعرف انك مصري يحسبك كأن العداد كان شغال، واحيانا كان بيطلب اقل من العداد من ذوقهم معايا بصراحة.
وممكن تقوله بالعداد قبل الركوب ولو قبل هياخدك، واغلب ال بيشغل العداد بيطلب منك يركب ناس تانية او بياخد الناس من غير طلب.
تعريفة الليل تقريبا ضعف الصبح وطبعا هو الاغلي في المواصلات.
يعني في كازابلانكا من محطة كازا المسافرين الي قندق استريد او ساحة الملك من 20 ل30 جنية صباحا وبليل من 50 ل80 جنية حسب فصالك معاه.
في فاس من داخل المدينة القديمة لمحطة القطار صباحا حوالي 50 جنية.
-طاكسي كبير:
وده بيكون بين المدن او جوا مناطق محدده بعيدة نسبيا داخل المدينة وبياخد 6 ركاب وده انسب وسيلة نقل في رأيي
معظم العربيات داكيا ودي كويسة جدا ومرسيدس القديمة ولو ركبت فيها اوعي تقعد قدام (لان هتلاقي واحد بيقولك الكرسي ده بياخد اثنين ولما يركب جنبك احتمال كبير يبقي حضنك ولو لفيته راسكو مع بعض احتمال كبير تبوسوا بعض مع الاخذ في الاعتبار ان العربية مانيول يعني خمس نقلات بالنسبة للهيقعد بين السواق والشخص الحاضن ، ولو حصل اسمع اغنية عمرودياب (وانا جنب حبيبي) واضحك بس.
لازم تعرف مواقفه فين وهي اغلبها بالقرب من محطة القطار او المحطة الطرقية.
وبالنسبة لطنجة امام كنيسة اندرو- جوار سوق برا.
يعني من مراكش لاوريكة 30 درهم رايح و30 راجع.
من فاس لافران ب 30 درهم رايح و30 درهم راجع.
الحافلات:
*الحافلات العامة (الاتوبيسات العامة)
ودي بيكون ليها محطات في كل مدينة وبتركب منها، اسعارها بسيطة اوي وبتتحرك في وسط المدن وممكن توصلك من مدينة لمدينة ملاصقة.
وهي وسيلة مناسبة ورخيصة لكن بتاخد وقت اطول بكتير من العادي.
يعني من كازابلانكا للمحمدية ب 7 درهم بياخد ساعة تقريبا رقمه 900 من الكورنيش او امام محطة ميناء كازا ودي اعل تذكرة دفعتها في اتوبيس عام.
حين ان القطار من المحمدية لكازابلانكا بياخد نصف ساعة ب 16 درهم.
والحافلات العامة هي الانسب في مراكش ومنتشرة وب 4 درهم فقط.
وللعلم جوجل ماب في كازابلانكا كويس جدا وبيقولك توصل ازاي وبرقم اتوبيس كام وفي اد ايه وقت.
*الحافلات الحضرية
وهي اتوبيسات السوبر جيت عندنا.
وهي ليها محطة او اكثر في كل مدينة.
واسمها المحطة الطرقية.
وبتحجز التذاكر منها واماكنها معروفة للناس وجوجل ماب.
في مراكش جوار محطة القطار واخري جوار باب دوكالة-المدينة القديمة.
في فاس قرب باب بوجلود.
في كازابلانكا بالقرب من حي درب عمر- شارع محمد سميحه.
هي فئات اعلاها
ستيام ctm
Supratours
ودول زي جو باص عندنا لما كان جديد وطبعا اغلي سعرا.
وبالاتوبيسات العادية ودي ذي شرق وغرب الدلتا بتاع الاقاليم....
يعني من مراكش لفاس
ستيام 187 درهم + 5 درهم حمل شنط
عادي 130درهم + 10 درهم إتاوة حمل شنط
ومن مراكش للصويرة
ستيام 65 درهم.
عادي 47 درهم.
المشكلة ان تذاكر ستيام بتنفذ بسرعة فبالنسبة للخروج من المدن الكبيرة لازم حجزها قبل السفر بيوم ع الاقل.
عموما في رايي:
القطارات هي الحل الامثل في السفر الطويل.
الجراند طاكسي هي الانسب في السفر القريب
الستيام في حال السفر في مواعيد يصعب فيها تواجد الجراند طاكسي او هياخد وقت طويل لاتمام العدد والتحرك وده صباحا باكر او مساءا متاخر.
البتيت طاكسي لو تعبت او معاك شنطك وطبعا يا العداد او الفصال.
مواصلات المغرب كويسة وفي تنوع كويس اوي يعني لو ملقتش وسيلة هتلاقي بديل وده المهم.
تاجير الدراجات بأنوعها موفر وسهل جدا حول المغرب.
لازم تجرب ترام كازابلانكا بيلف المدينة وكويس جدا:
الإقامة عموماً:
المغرب دولة سياحية في المقام الأول يعني الاقامات السياحية فيها كتير جداااا.
يعني من الكوتش سيرف لدار الضيافة للدورمز للهوستيلز والفنادق كله موجود بتنوع كبير اوي تقريبا في كل المدن.
وطبعا الأسعار هتختلف من مدينة للثانية حسب المدينة وانها سياحية اد ايه و..........
*الدورمز هناك ممكن تبدا الليلة سرير فقط من 100 جنية ل 300 جنية
يعني المتوسط 200 جنية تقريبا
*دار الضيافة والهوستيل ونوع من الفنادق ودور الضيافة اسمها "رياض" بتبدأ الليلة بالفطار من 300 جنية الي 1000 جنيه.
*الفنادق تختلف حسب النجوم ففي اختلاف في الاسعار البعض قريب من اسعار دورالضيافة والاخري اضعافها.
كازابلانكا هي أعلي المدن في اسعار الاقامة تقريبا ويليها الرباط.
الصويرة هي الارخص في اسعار الأقامة (وتقريبا هي الارخص علي الاطلاق في كل شئ حسب رحلتي).
معظم الفنادق بتدفع الكاش او بكارت اثناء تسجيل الدخول او الخروج حسب الاحوال،
مش محتاج تدفع وانت بتحجز .
**يجب قراءة عروض الفنادق لوجود اختلافات كثيرة يعني هناك دور ضيافة بغرف مستقلة وحمام مشترك او استحمام مشترك ومرحاض مستقل بالغرفة.
بالنسبة ليا انا كنت بفضل دور الرياض (هي دور ضيافة علي الطابع المغربي اغلبها بغرف مستقلة)
بالنسبة لمراكش
-رياض زينزيا Riad zenithya
(هو مكانة في المدينة القديمة، 10 دقائق مشي من باب دوكاله، مميزات المكان، المحطة الطرقية علي مخرج باب دوكالة يعني السفر للمدن بالاتوبيس يبعد 10 دقائق، محطة الحافلات العامة هكذا ايضا، مالكة الدار احسن الناس ال ممكن تتعامل معاها المكان مريح نفسيا جدا وفطاره تحفه ومتوسط الليلة 350 درهم)
انصح به
-بالنسبة لفاس
دار منصورة Dar mansoura
(هو مكانه كويس جدا 10 دقائق مشي من باب بوجلود، قريب من مزارات كتيرة، محطة بوجلود الطرقية جوار الباب و10 دقائق مشي نت الفندق وفطاره حلو ومتوسط الليلة 300 درهم)
لكن انا بفضل انك تشوف فنادق تانية في فاس لان المعاملة هناك مش 100% وفي اماكن بغرف احسن ونظافة اعلي.
-بالنسبة لشيفشاون
دار داليا Dar dalia
) هو صاحب المكان اسمه ريمي شخصية كويسة جدا والمكان حلو جدا ونظيف جدا والفطار كويس ومكانه كويس لكن في احسن، قريب من موقف طاكسيات صغير ومتوسط الليلة بالفطار 400 درهم)
معظم اماكن شيفشاون غالية في الاقامة والمشروبات نظرا لانها سياحية طول السنة.
انصح به
-بالنسبة لطنجة
دار معمورة Dar maamoura
(مكانة ممتاز جدا قريب من سوق برا، وباب دار دباغ و10 دقايق مشي من الكورنيش وتكون قدام ميناء طنجة ، وفطار حلو اوي والتراس فيو حلو والمكان نضيف والغرفة كويسة وهواها حلو لكن مفيش تكييف ولا مروحة ومتوسط الليلة بالفطار 350درهم)
وانصح بالبحث علي فندق اخر في نفس المنطقة ارخص في السعر وبالغرفة تكييف.
-بالنسبة لكازابلانكا
فندق آستريدHotel Astrid
(مكانة ممتاز بالقرب من ساحة الملك محمد الخامس، 10 دقائق مشي من انفاق الأسواق ومحطة حافلات اسمها BMCE L'YAQOT ، في قلب المدينة ومعروف عي سائقي المواصلات رغم كونة نجمتين فقط، فطاره بسيط ومتوسط الليلة بالفطار 320 درهم).
انصح به ...
المدن والمزارات (حسب ترتيب سفري) :
بالنسبة لمدينة مراكش:
هي من أكبر مدن المغرب أهلها طيبين جدا وبيحبوا المصريين ولانهم اتربوا علي السياحة فمعاملتهم كويسة قوي هي مدينة فيها كل حاجة واي حاجة تحتاجها تقريبا والمسافة 225 ك تقريبا من كازابلانكا.
الذهاب من كازابلانكا:
قطار درجة اولي 212 درهم من محطة قطار المطار ودرجة ثانية 138 درهم وبياخد حوالي 4 ساعات.
المزارات:
- جولة حرة بالمدينة القديمة لانها من احسن واكبر المدن القديمة بالمغرب والمشي والصور فيها حلوة
لكن ممكن تتوه فيها عادي جدا.
فممكن تحمل خريطة المغرب اوفلاين وتمشي بجوجل وهو بيساعدك بنسبة 70% بيرشدك لطرق صحيحة.
وهتحمل ملف (lonely planet-morroco) مع الملف محل قرأتك الان وتعرف منه خط السير الافضل للمرور علي معظم المعالم في المدينة القديمة.
- ساحة مسجد الفنا وافضل وقت تروحها من الساعة 5-6 مساءا وتشوف الغروب فيها، وفي مقهي café glacier ده له روف مطل بمنظر بانوراما علي الساحة، لكن هي غالية جدا ونظام اخدم نفسك علي الروف.
يعني زجاجة غازية ب 20 درهم وهي ب 3 درهم اصلا، و زجاجة المياة الصغيرة ب 15 درهم وهي اصلا ب 3 درهم
لكن المنظر يستاهل ولو محب للتصوير هيكون المفضل لكن هتحتاج كاميرا/عدسة زووم.
الساحة فيها كل حاجة يعني ال بيلاعب الثعبان والقرد وال بيلعب 3 ورقات، وبعد الساعة 6 بتتفرش ترابيزات وكراسي وكل مربع بيقدم اكل اسعاره مناسبة جدا واكلهم حلو وفي قعدات بأكل معين وفي بأوبن بوفية بسيط. يعني ممكن تتغدا ب 40 درهم وتشبع.
لازم تشرب العصير من عربيات ساحة الفنا (البرتقال ب 4 درهم وده مميز جدا) (قصب بالليمون ب 6 درهم وده عالمي).
لازم تاكل طانجية وبسطيلة في مراكش لانك احتمال متلقيهمش غير هناك لانهم اكلات مراكشية الاصل.
- ان كنت مسلم ممكن تدخل مسجد الكتبية جميل جدا وكبير ومريح نفسيا جدا وممكن تستخدم كاميرا التليفون بالداخل للتصوير، وممكن يسمحلك بالتصوير بالكاميرا عادي.
- مدرسة يوسف بن علي جميلة والدخول ب 20 درهم.
- قصر بهية كويس بردو والدخول ب 20 درهم.
- دار سي سيد الدخول ب 10 درهم.
- قصر بديع (عادي والدخول ب 20 درهم).
- متحف مراكش (لا انصح بزيارته لاني ملقتش فيه حاجة مختلفة الا اذا كنت من محبي زيارة المتاحف عموما والدخول 50 درهم).
- نيكي بيتش (شمال المدينة) هو منتجع كويس جدا وراقي لكن غالي ب 300 درهم ويستحسن تتابع اذا كان به حفل علشان هيكون احسن في وجود حفل.
- السهر وخروجات بليل بين منطقة جليز، هايفيرناج (الحي الشتوي)، شارع محمد السادس ودول طاكسي صغير من المدينة القديمة (باب دوكالة) ب 30 درهم بليل وممكن يطلب اكثر لو بالليل متأخر.او باتوبيس عام ب (4 درهم) لكن بعد الساعة 1 صباحا غالبا هتضطر تركب طاكسي صغير او ساعة الا ربع مشي تقريبا وجوجل ماب يساعدك في المدينة كويس اوي حتي لو بدون انترنت.
بالنسبة لمدينة الصويرة:
دي مدينة ساحلية علي المحيط غرب مراكش جنوب كازابلانكا، المسافة 185 كيلومتر حوالي 3 ساعات من مراكش و 380 كيلومتر حوالي 5 ساعات من كازابلانكا.
- دي مدينة جميلة جدا وهادية جدا وجوها رائع ومختلف تماما عن مراكش.
- االذهاب من مراكش:
تذكرة اتوبيسات ستيام الذهاب 65 درهم والعودة 65 درهم، ويستحسن حجز الذهاب قبل الرحلة بيوم، والحجز من المحطة الطرقية باب دوكالة او من محطة ستيام جوار محطة القطار او جراند طاكسي من موقف الصويرة خلف مسجد قوتباي بالقرب من ساحة الفنا.
المزارات:
-اغلب رحلاتها يوم واحد لكن هي تستاهل انك تاخد ليلة فيها واقامتها رخيصة عموما.
- هي ارخص مدينة من 11 مدينة زرتهم مكنتش بحتاج فصال من كتر ما الناس راضية بقليلها لكن ماتشتريش من الشارع الرئيسي (بابا البحر او باب دوكالة) هيكون اغلي ومحتاج فصال لكن بردو مش ذي باقي المدن.
- ممكن تشتري منها كل حاجة لكن الأهم، زيت الارغان ولازم تشترية من جمعية زراعية لانها بتكون معتمدة رسميا و اسعار ثابته غير كدة مبيكونش نقي 100% ولازم تفاصل وهناك كتير + الصابون المغربي بردو من هناك وممكن تفاصل لكن هو رخيص وبيتباع بالكيلو، وهم مشهورين بالخشب بنوع معين من أخشاب الصنوبر.
- هي مزار مش محتاجة مزارات غير انك تلف المدينة القديمة والميناء وتتصور مع طيور النورس وسقالة الميناء والاكل هناك رخيص عموما يعني 60 درهم ممكن تاكل طاجين+ كريب حلو ومشهورة بالسمك المشوي وممكن تاكل ذي اهل المدينة تشتري سمك من سوق السمك بالميناء وتشوي في شوايات سمك في نفس المكان (لكن تكون بتفهم في السمك علشان الفصال وميضحكش عليك).
-( لا انصح بإتباع توصيات المطاعم الخاصة ب lonely planet لانها غالية وعادية جدا يعني مطعم المدينة هو المكان راقي لكن هتاكل اكلة سمك فيه ومشروب هتدفع 170 درهم تقريبا وقافل التراس بتاعه كمان).
بالنسبة لمدينة أوريكا:
هي منطقة اودية بين هضاب ومرتفعات تتبع سلاسل جبال أطلس مسافة 60 كيلومتر من مراكش.
- هي مدينة مناظر طبيعية واستجمام وتسلق الجبال لمحبيها في الصيف وتزحلق علي الجليد في الشتاء بتكون يوم واحد بدون أقامة مش اكثر من كدة الا لهواة التسلق والتخييم..
الذهاب من مراكش:
بإتوبيس عمومي ب10 درهم من محطة المامونية لكن انا ملقتوش
واخدت جراند طاكسي ب 30 درهم ذهاب والرحلة بتاخد ساعة تقريبا وللعودة بتاخد جراند طاكسي من نفس الموقف الي وصلت إليه ب 30 درهم.
المزارات:
- ممكن تطلع لوحدك لمنطقة سيتي فاطمة تشوف الشلالات لكن من الأحسن تتفق مع حد ممكن يطلعك وبرشح واحد اسمه حسن عنده 50 سنة بيقعد عند الموقف وعنده 6 اولاد لكن هتعرف انك انت ال عندك 50 سنة معاه عموما
بيقولك ب 50 درهم فاصل معاه وبتطلع ب 20 درهم مناسب قوي، وبيوريك لحد الشلال الرابع لكن من الأول للرابع لازم تسلق ويكون حد محترف اكثر لانهم اكثر خطورة، وهما اجمالي 7 شلالات، وبتشوف وبتسمع قصة ستي فاطمة المصرية الي عاشت في المكان هناك واتسمي علي اسمها.
- لازم تقعد في اي مطعم من المطاعم في مجري الشلال واعمل حسابك ان رجلك هتكون في مجري المياة وهناك الطاجين حلو قوي لكن غالي يعني طاجين ومشروب 120درهم لكن اتأكد من السعر الأول لأنه ممكن يغالي عليك وفي ارخص عموما.
بالنسبة لمدينة فاس:
هي مدينة عريقة واقدم مدن المغرب تراثية وتاريخية من المقام الأول وهي تبعد عن مراكش اكثر من 500 كيلومتر والسفر بين 6-11 ساعة حسب وسيلة النقل.
الذهاب من مراكش :
بالقطار درجة اولي بحوالي 311 درهم و درجة ثانية 206 درهم، وبياخد 6 ساعات سفر، ولازم الحجز قبل السفر بيوم علي الأقل.
وبالاتوبيسات ستيام ب 187درهم + 5 درهم حمل شنط لحد 90 كيلو ولازم الحجز قبل السفر بيوم علي الأقل وبالعادي 130 درهم +10 درهم إتاوة حمل شنط وبالنسبة للأتوبيس العادي الجلوس بالأسبقية لأن الحجز من غير رقم مقعد، وبياخدوا من 9 الي 11 ساعة.
المزارات:
- المشي بالمدينة القديمة الأهم لكن هي اكثر تعقيدا من اي مدينة فممكن تسهل علي نفسك وتعرف المناطق (النجاريين، النحاسين، النساجين، الدباغين...) وتحدد بداية السير من الطلعة الكبري والعودة من الطلعة الصغري، هي متعبة لانها مش مستوية لكن حلوة، وجوجل ماب مش هيساعدك كتير.
- الدباغين (tanneries) هو مكان دباغة الجلود وبتكون شايف كل مراحله الثلاثة وفي منها المدبغ الكبير والصغير، ممكن تشوف الأثنين عادي، وبتطلع في اسطح بنايات او منظر بانوراما من معارض الجلود وفي ناس ممكن تاخد منك 15- 20 درهم وتطلعك لو خايف تتوه، وطبعا بيقولك 100 درهم في الأول بس ولا كأنك سمعت حاجة وبتلقيهم في الشارع او في المنطقة عموما او منتظرين في مداخل البيوت علشان يقولك يرشدك ويشرحلك.
-مدرسة العطاريين حلوة وكبيرة (لكن عموما في المغرب تصاميم معظم المدارس واحدة مع اختلاف النقوش والمساحات) ودخولها ب 20 درهم.
- جامع القرويين ودخوله للمسلمين فقط لكن جميل جدا ويفتح في مواعيد الصلاه.
- مدرسة بوعنانيه دخولها ب 20درهم.
- متحف باسا دخوله ب 40 درهم.
- متحف النجاريين دخوله ب 20 درهم.
- السهر في فاس قليل ويكاد يكون منعدم بالمقارنة بمراكش لكن مدينة فاس الجديدة نسبيا كويسة ممكن تتمشي فيها بليل.
-المواصلات موجودة من بره المدينة القديمة ومتوفره من باب بوجلود والمحطة الطرقية 5 دقائق مشي من الباب.
بالنسبة لمدينة مكناس:
هي مدينة اهلها طيبين قريبة من فاس والمسافة حوالي 70 كيلومتر لكن اسعارها تعتبر غالية.
الذهاب من فاس:
بأتوبيسات السيتام من المحطة الطرقية بوجلود ب25 درهم ذهاب و25درهم عودة وممكن يبقوا 20 درهم حسب الميعاد والطريق ساعة تقريبا، وممكن جراند طاكسي من جوار محطة القطار.
المزارات:
- ساحة الهديم وافضل وقت من الساعة 6 مساءا
- متحف الدار الجامعي الدخول ب 10 درهم
- مدرسة بو عنانية الكبيرة الدخول ب 10 درهم
- وفي كافية (تم افادتي ان اسمه فرنسا) الروف بتاعه له منظر بانوراما علي ساحة الهديم جوار متحف الدار الجامعي واسعاره رخيصه يعني عصير لوز باللبن ب 13 درهم او اي عصير بنفس السعر المياه ب 3 درهم.
بالنسبة لمدينة إفران:
هي مدينة جميلة جدا معماريا وطراز مختلف عن باقي المدن وعلي مسافة 74 كيلومتر من فاس واسعارها غالية عموما.
الذهاب من فاس:
بطاكسي كبير من الموقف جوار محطة القطار ب30 درهم ذهاب و30 درهم للعودة وبياخد حوالي ساعة.
المزارات:
يمكن مفيهاش اي مزارات غير تمثال الأسد، لكن هي جميلة جدا للمشي والاسترخاء لان جوها حلو جدا وفيها منطقتين مطاعم (الأولي جوار المسجد وهي الأكثر تنوع والثانية بشارع محمد الخامس جوار فندق Chamonix وهي الأرقي والاغلي سعراً)
تقضية يوم فيها حلو بالذات انها مختلفة عن طرازات وتصاميم المغرب تماما، لكن الشتاء هو الوقت الأنسب والأفضل علي الأطلاق.
لكن برشح مطعم بسيط اسمه ice skees واكلت فيه كسكسي بالفراخ بالمشمشية والمكسرات لانه كان يوم جمعه وكان ب 60درهم لكن كان حلو جداا جدا وهو في المنطقة المطاعم الثانية.
بالنسبة لمدينة شيفشاون:
هي المدينة الزرقاء اهلها الأصليين طيبين وهي جميلة جدا جدا غالية نسبيا علشان السياحة دائمة فيها والمسافة حوالي 200كيلومتر من فاس لكن الطريق جبلي متعرج.
الذهاب من فاس:
بالأتوبيسات وبالنسبة للستيام التذكرة ب 75 درهم + 5 درهم حقائب حتي 90 كيلوجرام وبياخد حوالي 4-5 ساعات تقريبا.
المزارات:
- انك تلف المدينة القديمة كلها وتتوه جواها ده اقوي مزار عموما.
- تتطلع للمسجد الأسباني علي هضبة والصعود ممهد وتشوف كل مدينة شيفشاون احجز مكانك علشان بتكون زحمة مع الغروب لحد الليل المدينة دي للتصوير عموما.
- من المحطة الطرقية لداخل المدينة القديمة (دار داليا مثلا) ب 15 درهم بليل و 10درهم الصبح بطاكسي صغير.
- وانت بتحجز اقامة حاول يكون قريبة من شوارع رئيسية علشان حمل شنط السفر مسافات طويلة فيها متعب.
بالنسبة لمدينة تطوان:
هي مدينة ساحلية علي البحر المتوسط وهي جميلة عموما وفيها مصريين كتير فاتحين مطاعم بسيطة بالأخص في منطة مارتيل وجوها كويس جدا والمسافة حوالي 70 كيلومتر من شيفشاون.
الذهاب من شيفشاون:
بالأتوبيس الستيام ب 25 درهم + 5 درهم شنط المسافة وبياخد حوالي ساعة ونصف من المحطة الطرقية.
المزارات:
- هي ساحلية فسياحة الشواطئ اساسية وفي العامة والخاصة
- المدينة القديمة هناك سهلة وبسيطة والاسواق هناك كويسة لكن الاسعار متوسطة في غالي وفي رخيص عموما
- الرأس الأسود والمضيق (Caponigro) جميلة جدا
- مشهورة بالشواطئ صباحا والسهر ليلاً هتنبسط عموما
- من منطقة قصر حسن الثاني لمارتيل حوالي 20 دقيقة ب 80 درهم طاكسي صغير او طاكسي كبير ب 5 درهم من الموقف بالقرب من محطة الستيام او حافلة عمومية ب 4 درهم.
بالنسبة لمدينة طنجة:
هي ساحلية علي البحر المتوسط والمحيط الاطلنطي زي تطوان بس علي اكبر واقوي والمسافة حوالي 65 كيلومتر.
الذهاب من تطوان:
طاكسي كبير او اتوبيس والستيام تذكرته ب 30درهم + 5 درهم شنط وبياخد ساعة وربع تقريبا.
ومن محطة الستيام الي المدينة القديمة (باب دار الدباغ او سوق برا او المسجد الكبير) 20-30درهم
المزارات:
- طريق الكورنيش والميناء.
- رأس سبارطيل (Cape spartel) + light house وهي مقفولة لكن ب 10درهم للحارس هتدخل+ مغارة هرقليز والأساطر كلها =ممكن قصر الملك لو مفتوح وقتها وده ممكن ترتبه مع طاكسي كبير لوحدك ساعتين اوثلاثة ب 180 درهم ذهاب وعودة وطبعا هيقولك 300 درهم في الاول، وممكن تروح بس ب 60 درهم وهيقولك 100درهم في الأول.
- قبر ابن بطوطه وشايف انه حاجة مهمه لمحبي السفر عموما مع انه ضريح بسيط جدا.
- تلف المدينة القديمة وهي سهلة وبسيطة.
- السهر بكل أشكاله بمعني الكلمة موجود هناك.
بالنسبة لمدينة كازابلانكا:
هي مدينة تجارية بالمقام الأول تبعد حوالي 340 كيلومتر عن طنجة كل وسائل المواصلات متاحة حول المدينة التحركات سهلة جدا بالأخص ترام المدينة.
الذهاب من طنجة:
القطار درجة أولي ب 195 درهم والثانية ب 132 درهم وبياخد 5 ساعات تقريبا
والأتوبيس الستيام ب 150 درهم + 5 درهم شنط وبياخد 5 ساعات ايضا
والوصول الي محطة مسافرين كازا والتحرك منها الي ساحة محمد السادس بطاكسي صغير ب 30 درهم بليل (ممكن تفاصل لانه مش عداد وبدأ ب 80 درهم) و10-15 درهم صباحا
المزارات:
- ساحة محمد الخامس وساحة الامم المتحدة وانفاق الأسواق
- مسجد حسن الثاني (اتوبيس 56 من محطة BMCE L'YAQOT ودي اقرب محطة لفندق Hotel Astridبـ 5 درهم بيوصلك جوار المسجد) دخول الساحة الخارجية مجانا لكن الدخول للمسجد ب 120 درهم للسائحين كل ساعة فوج.
- المدينة القديمة وهي تقريبا اسهل وابسط المدن القديمة.
-عين دياب اكيد للشواطئ صباحا وليلا للسهر (ممكن تروحها بأتوبيس عام رقم 9 من محطة T. Houph Boignyبـ 5 درهم تقريبا وهينزلك محطة Suisse وبعد 10 دقائق مشي تكون وصلت عين دياب)
- السهر بكل اشكاله برضو ومننساش ربنا يا جماعة
- منطقة الحبوث والسوق هناك حلو تقدر تشتري بعد فصال بأسعار كويسة.
بالنسبة لمدينة المحمدية:
هي مدينة صغيرة ملاصقة لكازابلانكا علي بعد حوالي 30 كيلومتر راقية وجوها جميل
الذهاب من كازابلانكا:
بالقطار بياخد 20 دقيقة تقريبا ب 16 درهم ذهاب او عوده لكن لازم تعرف المواعيد لان بيكون فيها بين القطارات فرق ساعة او اثنين .
واتوبيس عام رقم 900 من محطة ميناء كازا بياخد ساعة و ب7 درهم.
المزارات:
- هي مشي ومطاعم كويسة وراقية واسعار مناسبة.
- بلاج مينمار بسيط وفي private S. Pool clubs كتير في الطريق اليه من محطة القطار.
وبكدة انا اكون لفيت 11 مدينة في 12 يوم ومكنتش بسعي للعدد لاني كنت بحضر يوم بيوم بالقراءه والانترنت في اثناء الاقامات.
وهم بنفس الترتيب (كازابلانكا -طيران وصول- / مراكش/ الصويرة/ أوريكا/ فاس/ مكناس/ إفران/ شيفشاون/ تتطوان/ طنجة/ كازابلانكا –طيران عودة)
- مراكش ثلاث ليال
- فاس ثلاث ليال
- شيفشاون ليلة واحدة
- طنجة ليلتين
- كازابلانكا ليلتين
في شهر اغسطس
*******************************
معلومات هتفيدك:
- معظم عمال المغرب بتاكل كسكسي يوم الجمعة وده اليوم ان ممكن تاكل فيه الكسكسي لان في مطاعم كتير بتخلي تقديم الطبق الجمعة بس.
- أكل الشارع كان مناسب جدا بالنسبة ليا (من ناحية الطعم والسعر) وأكلت في كل المدن تقريبا.
- الطاجين فاسي، الطنجية مراكشية، التبصيلة مراكشية، الكسكسي، السمك المشوي في الصويرة، الحلويات حدث ولا حرج، دي اكلات لازم تأكلها.
- ركوب الطاكسي الكبير بيكون من المواقف واغلب الأحوال بتكون جوار المحطات الطرقية او القطار ولما يقولك لوحدك قوله لا مع ناس.
- لو الطاكسي الكبير مرسيدس ابعد عن الكرسي ال قدام وعرفنا السبب خلاص
- الطاكسي الصغير لازم يشغل العداد لو مشغلوش فاصل برحتك لحد ما تزهق.
- في ناس بتقابلك في اماكن المزارات بتقولك المزار مقفول تعالي تشوف محل او اي حاجة بيبعها، ولو حبيت تسمع منه هتتعامل معاملة الاجانب 5 نجوم.
- الفصال في الشراء اساسي البس توب الأم بسرعة ولما يقولك 100 درهم قول 30 درهم عادي هتلاقي غيره بنفس البضاعة عادي لو رفض وهيوافق علي 50 درهم.
- اوعي وانت بتشتري تقول الحاجة دي عجبتني وهشتريها، لا شوف غيرها ثمنها كام وفاصل وبعدها قول هشتري علشان البائع هيستغلك.
- الدرهم المغربي هو الاساسي في التعاملات كلها والتحويل من اليورو او الدولار من الأفضل يكون من البنوك في حالة لو قيمة الدرهم مرتفعة وده بتعرفه من جوجل وبنصح ببنك BMCE او WafaBank انما لو منخفضة يبقي الصرافات لانهم مبيتاثروش بسرعة ذي البنوك. (معرفش السبب لكن ده شوفته بنفسي).
- متتعاملش بالعملات الصعبة عموما لان هيدوك نسب أقل من المفروض بكتير فحولها لدرهم افضل.
- حول علي قدك كل شوية لان البنوك منتشرة.
- الحمامات المغربية كويسة جدا لكن تعتبر مكلفة و برشح اختيارات (lonely planet) في كل مدينة.
- حاول تتعامل انك مصري علشان ميضحكش عليك جامد بس علشان هيقولوا عليك ايطالي او اسباني او او
- حاول تمشي كتير اوي بالأخص في المدن القديمة وشيفشاون.
- الصويرة أرخص مدينة علي الأطلاق بالنسبة لرحلتي اشتري منها كل حاجة حتي magnet souvenir ممكن تلاقيه ب 5 درهم وبيتباع ب 10 و 20 درهم في اي حته.
- شراء زيت الأرغان لازم من الجمعيات الزراعية وممكن تتطلب تتطلع علي قائمة الأسعار الرسمية ليها لان غير كده مفيش ضامن انه سليم ولا مغشوش سواء للأكل او التجميل.
- شراء خط مغربي رخيص جدا وانت بتحدد الباقة من 10 درهم ل 50 درهم حسب احتياجاتك بالباسبور ويرشح اتصالات المغرب ثم inwi او ايهما ارخص بالنسبة لك.
- أغلب منيو المطاعم باللغة الفرنسية فلو مبتكلمهاش اكلم مع الويتر وهيجبلك ال انت عايزه.
- خلي بالك من المحاسبة في المطاعم من مغالاة الويتر لان كتير منهم مبيقدمش شيك وبيقولك الثمن شفوي.
- اعمل حسابك في فكة كتير طول الوقت علشان هتحتاجها جدا.
- شنط السفر كل ما تكون قليلة وخفيفة هتساعدك جدا في السفر والتحرك.
- ممكن تضع شنطة سفر في ارساليات الستيام و دي بتبقي موجودة في محطات الستيام وبتشتغل 24 ساعة لليوم ب 20 درهم علشان لو هتعمل رحلة قبل السفر لمدينة اخري، وبرضو ممكن في محطات القطار ومن الأفضل تكون قافل الشنطة بقفل سفر صغير.
- الشعب المغربي بيفهم اللهجة المصرية من الأفلام والمسلسلات انما انت مش هتفهم المغربي.
- مياه صغيرة ب 3 درهم والكبيرة من 4-7 درهم حسب النوع، الكانز ب 3.5 درهم او 4 درهم وفي اماكن درهم، وجبة غداء في مطعم عادي 60 درهم وفطار حوالي 20درهم وعشاء حوالي 40 درهم، العصائر بتختلف من مدينة لاخري بتبدا من 2 درهم الي 15 درهم.
- لازم قبل ما تسافر تعمل سيرش علي اللغة المغربية علشان هتساعدك وانت بتشتري اي حاجة والتعامل مع الناس لان الانجليزي قليل ال بيتكلمه من اهل البلد، وده موقع ساعدني كتير
/تعلم المغربية - بسهولة و بالمجان – Moroccan
- لازم توطد علاقتك بالنحل شوية لانه في المغرب ذي الدبان في مصر كده واكثر كمان
- كتاب لونلي بلانيت المغرب هيساعدك جدا والموقع متحدث اكثر وده اللينك للكتاب
/Lonely Planet-Morroco - Скачать - 4shared - Ahmed Ma'rouf
- سفريتك دي بتاعتك لازم تبنيها وتتعبلها علشان تنبسط ولان اهتمامتنا مختلفة ممكن تغير البرنامج بالكامل وممكن تعكس السفر وتبدا كازابلانكا- طنجة-تتطوان-.... وانا شايفها احسن لكن معملتهاش، ارسمها زي ما تحب.
تقريبا دي النصايح الي فاكرها دلوقتي يارب اكون ساعدتكم
A.M
6/9/2017
*****************************
مبدأيا وقبل اي حاجة مع ارتفاع سعر الدولار امام الجنية كنت لازم ادور علي بلد رخيصة وهلاقي فيها اهتماماتي المتلخصة في طبيعة حلوة مناسبة للتصوير، اماكن مختلفة وتعدد ثقافات، المشي في كل الاوقات امان، وترتيب سفرية في وقت ضيق جدا حدود اسبوع أو اثنين شامل استخراج الاوراق والفيزا.
ملقتش تقريبا غير المغرب وتونس ومعظم دول أفريقيا وآسيا لكن آسيا كان الطيران هيزيد من 3000 الاف إلي 6 الأف حسب المسافات عن سعر تذكرة المغرب أو تونس ولاني كنت عايز اسافر اسبوعين تقريبا فلقيت المغرب مناسبة لانها اكبر واماكن المزارات اكثر.
……………………………………
اولا:
لاستخراج الفيزا:
-كشف حساب بنكي لاخر ثلاث شهور ع الاقل
-جواز سفر ساري
-خطاب من العمل او سجل تجاري+بطاقة ضريبية لاصحاب العمل الحر
حجز طيران «مبدئي»
-حجز اقامة بالمغرب «مبدئي مقبول»
;-صورة ضوئية من جواز السفر«صفحتي البيانات الشخصية»
-صورتين 4*6 خلفية بيضاء
-تأمين سفر «بقي مطلوب مؤخرا»
-مبلغ استخراج الفيزا 415جنية يتم دفعهم في حالة القبول عند الاستلام
-مدة الاستخراج من اسبوع لاسبوعين حسب الاحوال وممكن اقل كاستثناء بالتواصل مع القنصل او مساعده المحترمين
ميعاد التقديم:
الاثنين والخميس من 10ص حتي 12م
( مع مراعاة الأجازات الرسمية للمغرب ودي بتعرفها عن طريق جوجل ببساطة)
-مكانها: الزمالك، الجزيرة
-بتقدم الاوراق من الشباك يستحسن تروح بدري وبيستلمه منك ويراجع انه كامل ويديك ايصال بتاريخ الاستلام واعرف التاريخ لو يناسبك تمام لو عندك ظرف قهري مهم تقدر تقوله ممكن تطلب تقابل مساعد القنصل او القنصل ولو شاف الجدية ممكن يقلل المدة.
……………………………………
ثانيا:
-الطيران:
مصر للطيران تقريبا كانت ارخص طيران وقت سفري وكانت عاملة 8000 جنية ودي غالية عموما لاني حجزت الطيران قبل السفر بثلاث ايام وده طبعا غلط يستحسن قبل شهر او اكثر.
الميزة: مصر للطيران انها بدون توقف.
الطائرة كانت البوينجB737-800 NGs ودي جديدة وكويسة جدا
العيب: انها بتروح كازبلانكا بس يعني لازم ترتب رحلتك من هناك علشان هتبدا وتنتهي بها لو هتروح وترجع مع مصرللطيران.
مطار كازابلانكا اسفله محطة القطار (محطة المطار) يبعد عن وسط المدينة حوالي 38 كيلو متر يعني اقل من ساعة سفر بالقطار وتذكرة ثمنها حوالي 80 ج
(من محطة المطار الي محطة مسافرين كازابلانكا او ميناء كازابلانكا)
-التنقلات عموما:
القطارات:
-القطار درجة اولي
ودي بتبقي غالية من 150 جنية الي 600 جنية حسب المسافات او اكثر
(بيكون بين المدن الكبيرة زي كازابلانكا، مراكش، طنجة، فاس)
بتكون كابينة مكيفة فيها 6 اماكن الصف 3 مقاعد، والحجز برقم المقعد.
يعني من كازابلانكا لمراكش كان بحوالي 380 جنية بياخد 3:30 ساعات تقريبا
طنجة لكازابلانكا بحوالي 350 جنية بياخد 5-6 ساعات تقريبا
اي قطار درجة اولي خارج من كازابلانكا او مراكش لاي مدينة لازم حجزة من قبل السفر بيوم علي الاقل لان معظم القطارات لديها عربة واحدة درجة اولي والباقي درجة ثانية.
-القطار درجة ثانية
ده سعره مناسب ويتراوح من 100 جنية الي 300 جنيه
«وبيكون من نفس المدن الكبيرة لانها ذات القطارات»
بيكون ذات كبائن الدرجة الاولي لكن غير مكيفة والجلوس بأسبقية الحضور
يعني ممكن تفضل واقف عادي مفيش مشكلة ومدام واقف مفيش مكان للشنطة غير انها تفضل معاك.
-القطارات بين الاحياء والمدن القريبة
ودي وسيلة كويسة وتعتبر سريعة نسبيا ورخيصة يعني من 10 جنية الي 100جنية حسب المسافة
مثلا من مدينة المحمدية لكازابلانكا 30 جنية في نصف ساعة وبالاتوبيس رقم 900 من الكورنيش ب 15 جنية حوالي ساعة وربع. د www.oncf.ma ده موقع القطارات المغربية
وبتزل الابليكيشن من ال اب / ابل ستورز.
التاكسي «طاكسي بالمغربي»:
-طاكسي صغير
ده بيكون داخل كل مدينة وقرية، اللمفروض بيكون بعداد لكن مش كلهم بيشغلوا العداد بالاخص لما يشوفك اجنبي وفي منهم كتير لما يعرف انك مصري يحسبك كأن العداد كان شغال، واحيانا كان بيطلب اقل من العداد من ذوقهم معايا بصراحة.
وممكن تقوله بالعداد قبل الركوب ولو قبل هياخدك، واغلب ال بيشغل العداد بيطلب منك يركب ناس تانية او بياخد الناس من غير طلب.
تعريفة الليل تقريبا ضعف الصبح وطبعا هو الاغلي في المواصلات.
يعني في كازابلانكا من محطة كازا المسافرين الي قندق استريد او ساحة الملك من 20 ل30 جنية صباحا وبليل من 50 ل80 جنية حسب فصالك معاه.
في فاس من داخل المدينة القديمة لمحطة القطار صباحا حوالي 50 جنية.
-طاكسي كبير:
وده بيكون بين المدن او جوا مناطق محدده بعيدة نسبيا داخل المدينة وبياخد 6 ركاب وده انسب وسيلة نقل في رأيي
معظم العربيات داكيا ودي كويسة جدا ومرسيدس القديمة ولو ركبت فيها اوعي تقعد قدام (لان هتلاقي واحد بيقولك الكرسي ده بياخد اثنين ولما يركب جنبك احتمال كبير يبقي حضنك ولو لفيته راسكو مع بعض احتمال كبير تبوسوا بعض مع الاخذ في الاعتبار ان العربية مانيول يعني خمس نقلات بالنسبة للهيقعد بين السواق والشخص الحاضن ، ولو حصل اسمع اغنية عمرودياب (وانا جنب حبيبي) واضحك بس.
لازم تعرف مواقفه فين وهي اغلبها بالقرب من محطة القطار او المحطة الطرقية.
وبالنسبة لطنجة امام كنيسة اندرو- جوار سوق برا.
يعني من مراكش لاوريكة 30 درهم رايح و30 راجع.
من فاس لافران ب 30 درهم رايح و30 درهم راجع.
الحافلات:
*الحافلات العامة (الاتوبيسات العامة)
ودي بيكون ليها محطات في كل مدينة وبتركب منها، اسعارها بسيطة اوي وبتتحرك في وسط المدن وممكن توصلك من مدينة لمدينة ملاصقة.
وهي وسيلة مناسبة ورخيصة لكن بتاخد وقت اطول بكتير من العادي.
يعني من كازابلانكا للمحمدية ب 7 درهم بياخد ساعة تقريبا رقمه 900 من الكورنيش او امام محطة ميناء كازا ودي اعل تذكرة دفعتها في اتوبيس عام.
حين ان القطار من المحمدية لكازابلانكا بياخد نصف ساعة ب 16 درهم.
والحافلات العامة هي الانسب في مراكش ومنتشرة وب 4 درهم فقط.
وللعلم جوجل ماب في كازابلانكا كويس جدا وبيقولك توصل ازاي وبرقم اتوبيس كام وفي اد ايه وقت.
*الحافلات الحضرية
وهي اتوبيسات السوبر جيت عندنا.
وهي ليها محطة او اكثر في كل مدينة.
واسمها المحطة الطرقية.
وبتحجز التذاكر منها واماكنها معروفة للناس وجوجل ماب.
في مراكش جوار محطة القطار واخري جوار باب دوكالة-المدينة القديمة.
في فاس قرب باب بوجلود.
في كازابلانكا بالقرب من حي درب عمر- شارع محمد سميحه.
هي فئات اعلاها
ستيام ctm
Supratours
ودول زي جو باص عندنا لما كان جديد وطبعا اغلي سعرا.
وبالاتوبيسات العادية ودي ذي شرق وغرب الدلتا بتاع الاقاليم....
يعني من مراكش لفاس
ستيام 187 درهم + 5 درهم حمل شنط
عادي 130درهم + 10 درهم إتاوة حمل شنط
ومن مراكش للصويرة
ستيام 65 درهم.
عادي 47 درهم.
المشكلة ان تذاكر ستيام بتنفذ بسرعة فبالنسبة للخروج من المدن الكبيرة لازم حجزها قبل السفر بيوم ع الاقل.
عموما في رايي:
القطارات هي الحل الامثل في السفر الطويل.
الجراند طاكسي هي الانسب في السفر القريب
الستيام في حال السفر في مواعيد يصعب فيها تواجد الجراند طاكسي او هياخد وقت طويل لاتمام العدد والتحرك وده صباحا باكر او مساءا متاخر.
البتيت طاكسي لو تعبت او معاك شنطك وطبعا يا العداد او الفصال.
مواصلات المغرب كويسة وفي تنوع كويس اوي يعني لو ملقتش وسيلة هتلاقي بديل وده المهم.
تاجير الدراجات بأنوعها موفر وسهل جدا حول المغرب.
لازم تجرب ترام كازابلانكا بيلف المدينة وكويس جدا:
الإقامة عموماً:
المغرب دولة سياحية في المقام الأول يعني الاقامات السياحية فيها كتير جداااا.
يعني من الكوتش سيرف لدار الضيافة للدورمز للهوستيلز والفنادق كله موجود بتنوع كبير اوي تقريبا في كل المدن.
وطبعا الأسعار هتختلف من مدينة للثانية حسب المدينة وانها سياحية اد ايه و..........
*الدورمز هناك ممكن تبدا الليلة سرير فقط من 100 جنية ل 300 جنية
يعني المتوسط 200 جنية تقريبا
*دار الضيافة والهوستيل ونوع من الفنادق ودور الضيافة اسمها "رياض" بتبدأ الليلة بالفطار من 300 جنية الي 1000 جنيه.
*الفنادق تختلف حسب النجوم ففي اختلاف في الاسعار البعض قريب من اسعار دورالضيافة والاخري اضعافها.
كازابلانكا هي أعلي المدن في اسعار الاقامة تقريبا ويليها الرباط.
الصويرة هي الارخص في اسعار الأقامة (وتقريبا هي الارخص علي الاطلاق في كل شئ حسب رحلتي).
معظم الفنادق بتدفع الكاش او بكارت اثناء تسجيل الدخول او الخروج حسب الاحوال،
مش محتاج تدفع وانت بتحجز .
**يجب قراءة عروض الفنادق لوجود اختلافات كثيرة يعني هناك دور ضيافة بغرف مستقلة وحمام مشترك او استحمام مشترك ومرحاض مستقل بالغرفة.
بالنسبة ليا انا كنت بفضل دور الرياض (هي دور ضيافة علي الطابع المغربي اغلبها بغرف مستقلة)
بالنسبة لمراكش
-رياض زينزيا Riad zenithya
(هو مكانة في المدينة القديمة، 10 دقائق مشي من باب دوكاله، مميزات المكان، المحطة الطرقية علي مخرج باب دوكالة يعني السفر للمدن بالاتوبيس يبعد 10 دقائق، محطة الحافلات العامة هكذا ايضا، مالكة الدار احسن الناس ال ممكن تتعامل معاها المكان مريح نفسيا جدا وفطاره تحفه ومتوسط الليلة 350 درهم)
انصح به
-بالنسبة لفاس
دار منصورة Dar mansoura
(هو مكانه كويس جدا 10 دقائق مشي من باب بوجلود، قريب من مزارات كتيرة، محطة بوجلود الطرقية جوار الباب و10 دقائق مشي نت الفندق وفطاره حلو ومتوسط الليلة 300 درهم)
لكن انا بفضل انك تشوف فنادق تانية في فاس لان المعاملة هناك مش 100% وفي اماكن بغرف احسن ونظافة اعلي.
-بالنسبة لشيفشاون
دار داليا Dar dalia
) هو صاحب المكان اسمه ريمي شخصية كويسة جدا والمكان حلو جدا ونظيف جدا والفطار كويس ومكانه كويس لكن في احسن، قريب من موقف طاكسيات صغير ومتوسط الليلة بالفطار 400 درهم)
معظم اماكن شيفشاون غالية في الاقامة والمشروبات نظرا لانها سياحية طول السنة.
انصح به
-بالنسبة لطنجة
دار معمورة Dar maamoura
(مكانة ممتاز جدا قريب من سوق برا، وباب دار دباغ و10 دقايق مشي من الكورنيش وتكون قدام ميناء طنجة ، وفطار حلو اوي والتراس فيو حلو والمكان نضيف والغرفة كويسة وهواها حلو لكن مفيش تكييف ولا مروحة ومتوسط الليلة بالفطار 350درهم)
وانصح بالبحث علي فندق اخر في نفس المنطقة ارخص في السعر وبالغرفة تكييف.
-بالنسبة لكازابلانكا
فندق آستريدHotel Astrid
(مكانة ممتاز بالقرب من ساحة الملك محمد الخامس، 10 دقائق مشي من انفاق الأسواق ومحطة حافلات اسمها BMCE L'YAQOT ، في قلب المدينة ومعروف عي سائقي المواصلات رغم كونة نجمتين فقط، فطاره بسيط ومتوسط الليلة بالفطار 320 درهم).
انصح به ...
المدن والمزارات (حسب ترتيب سفري) :
بالنسبة لمدينة مراكش:
هي من أكبر مدن المغرب أهلها طيبين جدا وبيحبوا المصريين ولانهم اتربوا علي السياحة فمعاملتهم كويسة قوي هي مدينة فيها كل حاجة واي حاجة تحتاجها تقريبا والمسافة 225 ك تقريبا من كازابلانكا.
الذهاب من كازابلانكا:
قطار درجة اولي 212 درهم من محطة قطار المطار ودرجة ثانية 138 درهم وبياخد حوالي 4 ساعات.
المزارات:
- جولة حرة بالمدينة القديمة لانها من احسن واكبر المدن القديمة بالمغرب والمشي والصور فيها حلوة
لكن ممكن تتوه فيها عادي جدا.
فممكن تحمل خريطة المغرب اوفلاين وتمشي بجوجل وهو بيساعدك بنسبة 70% بيرشدك لطرق صحيحة.
وهتحمل ملف (lonely planet-morroco) مع الملف محل قرأتك الان وتعرف منه خط السير الافضل للمرور علي معظم المعالم في المدينة القديمة.
- ساحة مسجد الفنا وافضل وقت تروحها من الساعة 5-6 مساءا وتشوف الغروب فيها، وفي مقهي café glacier ده له روف مطل بمنظر بانوراما علي الساحة، لكن هي غالية جدا ونظام اخدم نفسك علي الروف.
يعني زجاجة غازية ب 20 درهم وهي ب 3 درهم اصلا، و زجاجة المياة الصغيرة ب 15 درهم وهي اصلا ب 3 درهم
لكن المنظر يستاهل ولو محب للتصوير هيكون المفضل لكن هتحتاج كاميرا/عدسة زووم.
الساحة فيها كل حاجة يعني ال بيلاعب الثعبان والقرد وال بيلعب 3 ورقات، وبعد الساعة 6 بتتفرش ترابيزات وكراسي وكل مربع بيقدم اكل اسعاره مناسبة جدا واكلهم حلو وفي قعدات بأكل معين وفي بأوبن بوفية بسيط. يعني ممكن تتغدا ب 40 درهم وتشبع.
لازم تشرب العصير من عربيات ساحة الفنا (البرتقال ب 4 درهم وده مميز جدا) (قصب بالليمون ب 6 درهم وده عالمي).
لازم تاكل طانجية وبسطيلة في مراكش لانك احتمال متلقيهمش غير هناك لانهم اكلات مراكشية الاصل.
- ان كنت مسلم ممكن تدخل مسجد الكتبية جميل جدا وكبير ومريح نفسيا جدا وممكن تستخدم كاميرا التليفون بالداخل للتصوير، وممكن يسمحلك بالتصوير بالكاميرا عادي.
- مدرسة يوسف بن علي جميلة والدخول ب 20 درهم.
- قصر بهية كويس بردو والدخول ب 20 درهم.
- دار سي سيد الدخول ب 10 درهم.
- قصر بديع (عادي والدخول ب 20 درهم).
- متحف مراكش (لا انصح بزيارته لاني ملقتش فيه حاجة مختلفة الا اذا كنت من محبي زيارة المتاحف عموما والدخول 50 درهم).
- نيكي بيتش (شمال المدينة) هو منتجع كويس جدا وراقي لكن غالي ب 300 درهم ويستحسن تتابع اذا كان به حفل علشان هيكون احسن في وجود حفل.
- السهر وخروجات بليل بين منطقة جليز، هايفيرناج (الحي الشتوي)، شارع محمد السادس ودول طاكسي صغير من المدينة القديمة (باب دوكالة) ب 30 درهم بليل وممكن يطلب اكثر لو بالليل متأخر.او باتوبيس عام ب (4 درهم) لكن بعد الساعة 1 صباحا غالبا هتضطر تركب طاكسي صغير او ساعة الا ربع مشي تقريبا وجوجل ماب يساعدك في المدينة كويس اوي حتي لو بدون انترنت.
بالنسبة لمدينة الصويرة:
دي مدينة ساحلية علي المحيط غرب مراكش جنوب كازابلانكا، المسافة 185 كيلومتر حوالي 3 ساعات من مراكش و 380 كيلومتر حوالي 5 ساعات من كازابلانكا.
- دي مدينة جميلة جدا وهادية جدا وجوها رائع ومختلف تماما عن مراكش.
- االذهاب من مراكش:
تذكرة اتوبيسات ستيام الذهاب 65 درهم والعودة 65 درهم، ويستحسن حجز الذهاب قبل الرحلة بيوم، والحجز من المحطة الطرقية باب دوكالة او من محطة ستيام جوار محطة القطار او جراند طاكسي من موقف الصويرة خلف مسجد قوتباي بالقرب من ساحة الفنا.
المزارات:
-اغلب رحلاتها يوم واحد لكن هي تستاهل انك تاخد ليلة فيها واقامتها رخيصة عموما.
- هي ارخص مدينة من 11 مدينة زرتهم مكنتش بحتاج فصال من كتر ما الناس راضية بقليلها لكن ماتشتريش من الشارع الرئيسي (بابا البحر او باب دوكالة) هيكون اغلي ومحتاج فصال لكن بردو مش ذي باقي المدن.
- ممكن تشتري منها كل حاجة لكن الأهم، زيت الارغان ولازم تشترية من جمعية زراعية لانها بتكون معتمدة رسميا و اسعار ثابته غير كدة مبيكونش نقي 100% ولازم تفاصل وهناك كتير + الصابون المغربي بردو من هناك وممكن تفاصل لكن هو رخيص وبيتباع بالكيلو، وهم مشهورين بالخشب بنوع معين من أخشاب الصنوبر.
- هي مزار مش محتاجة مزارات غير انك تلف المدينة القديمة والميناء وتتصور مع طيور النورس وسقالة الميناء والاكل هناك رخيص عموما يعني 60 درهم ممكن تاكل طاجين+ كريب حلو ومشهورة بالسمك المشوي وممكن تاكل ذي اهل المدينة تشتري سمك من سوق السمك بالميناء وتشوي في شوايات سمك في نفس المكان (لكن تكون بتفهم في السمك علشان الفصال وميضحكش عليك).
-( لا انصح بإتباع توصيات المطاعم الخاصة ب lonely planet لانها غالية وعادية جدا يعني مطعم المدينة هو المكان راقي لكن هتاكل اكلة سمك فيه ومشروب هتدفع 170 درهم تقريبا وقافل التراس بتاعه كمان).
بالنسبة لمدينة أوريكا:
هي منطقة اودية بين هضاب ومرتفعات تتبع سلاسل جبال أطلس مسافة 60 كيلومتر من مراكش.
- هي مدينة مناظر طبيعية واستجمام وتسلق الجبال لمحبيها في الصيف وتزحلق علي الجليد في الشتاء بتكون يوم واحد بدون أقامة مش اكثر من كدة الا لهواة التسلق والتخييم..
الذهاب من مراكش:
بإتوبيس عمومي ب10 درهم من محطة المامونية لكن انا ملقتوش
واخدت جراند طاكسي ب 30 درهم ذهاب والرحلة بتاخد ساعة تقريبا وللعودة بتاخد جراند طاكسي من نفس الموقف الي وصلت إليه ب 30 درهم.
المزارات:
- ممكن تطلع لوحدك لمنطقة سيتي فاطمة تشوف الشلالات لكن من الأحسن تتفق مع حد ممكن يطلعك وبرشح واحد اسمه حسن عنده 50 سنة بيقعد عند الموقف وعنده 6 اولاد لكن هتعرف انك انت ال عندك 50 سنة معاه عموما
بيقولك ب 50 درهم فاصل معاه وبتطلع ب 20 درهم مناسب قوي، وبيوريك لحد الشلال الرابع لكن من الأول للرابع لازم تسلق ويكون حد محترف اكثر لانهم اكثر خطورة، وهما اجمالي 7 شلالات، وبتشوف وبتسمع قصة ستي فاطمة المصرية الي عاشت في المكان هناك واتسمي علي اسمها.
- لازم تقعد في اي مطعم من المطاعم في مجري الشلال واعمل حسابك ان رجلك هتكون في مجري المياة وهناك الطاجين حلو قوي لكن غالي يعني طاجين ومشروب 120درهم لكن اتأكد من السعر الأول لأنه ممكن يغالي عليك وفي ارخص عموما.
بالنسبة لمدينة فاس:
هي مدينة عريقة واقدم مدن المغرب تراثية وتاريخية من المقام الأول وهي تبعد عن مراكش اكثر من 500 كيلومتر والسفر بين 6-11 ساعة حسب وسيلة النقل.
الذهاب من مراكش :
بالقطار درجة اولي بحوالي 311 درهم و درجة ثانية 206 درهم، وبياخد 6 ساعات سفر، ولازم الحجز قبل السفر بيوم علي الأقل.
وبالاتوبيسات ستيام ب 187درهم + 5 درهم حمل شنط لحد 90 كيلو ولازم الحجز قبل السفر بيوم علي الأقل وبالعادي 130 درهم +10 درهم إتاوة حمل شنط وبالنسبة للأتوبيس العادي الجلوس بالأسبقية لأن الحجز من غير رقم مقعد، وبياخدوا من 9 الي 11 ساعة.
المزارات:
- المشي بالمدينة القديمة الأهم لكن هي اكثر تعقيدا من اي مدينة فممكن تسهل علي نفسك وتعرف المناطق (النجاريين، النحاسين، النساجين، الدباغين...) وتحدد بداية السير من الطلعة الكبري والعودة من الطلعة الصغري، هي متعبة لانها مش مستوية لكن حلوة، وجوجل ماب مش هيساعدك كتير.
- الدباغين (tanneries) هو مكان دباغة الجلود وبتكون شايف كل مراحله الثلاثة وفي منها المدبغ الكبير والصغير، ممكن تشوف الأثنين عادي، وبتطلع في اسطح بنايات او منظر بانوراما من معارض الجلود وفي ناس ممكن تاخد منك 15- 20 درهم وتطلعك لو خايف تتوه، وطبعا بيقولك 100 درهم في الأول بس ولا كأنك سمعت حاجة وبتلقيهم في الشارع او في المنطقة عموما او منتظرين في مداخل البيوت علشان يقولك يرشدك ويشرحلك.
-مدرسة العطاريين حلوة وكبيرة (لكن عموما في المغرب تصاميم معظم المدارس واحدة مع اختلاف النقوش والمساحات) ودخولها ب 20 درهم.
- جامع القرويين ودخوله للمسلمين فقط لكن جميل جدا ويفتح في مواعيد الصلاه.
- مدرسة بوعنانيه دخولها ب 20درهم.
- متحف باسا دخوله ب 40 درهم.
- متحف النجاريين دخوله ب 20 درهم.
- السهر في فاس قليل ويكاد يكون منعدم بالمقارنة بمراكش لكن مدينة فاس الجديدة نسبيا كويسة ممكن تتمشي فيها بليل.
-المواصلات موجودة من بره المدينة القديمة ومتوفره من باب بوجلود والمحطة الطرقية 5 دقائق مشي من الباب.
بالنسبة لمدينة مكناس:
هي مدينة اهلها طيبين قريبة من فاس والمسافة حوالي 70 كيلومتر لكن اسعارها تعتبر غالية.
الذهاب من فاس:
بأتوبيسات السيتام من المحطة الطرقية بوجلود ب25 درهم ذهاب و25درهم عودة وممكن يبقوا 20 درهم حسب الميعاد والطريق ساعة تقريبا، وممكن جراند طاكسي من جوار محطة القطار.
المزارات:
- ساحة الهديم وافضل وقت من الساعة 6 مساءا
- متحف الدار الجامعي الدخول ب 10 درهم
- مدرسة بو عنانية الكبيرة الدخول ب 10 درهم
- وفي كافية (تم افادتي ان اسمه فرنسا) الروف بتاعه له منظر بانوراما علي ساحة الهديم جوار متحف الدار الجامعي واسعاره رخيصه يعني عصير لوز باللبن ب 13 درهم او اي عصير بنفس السعر المياه ب 3 درهم.
بالنسبة لمدينة إفران:
هي مدينة جميلة جدا معماريا وطراز مختلف عن باقي المدن وعلي مسافة 74 كيلومتر من فاس واسعارها غالية عموما.
الذهاب من فاس:
بطاكسي كبير من الموقف جوار محطة القطار ب30 درهم ذهاب و30 درهم للعودة وبياخد حوالي ساعة.
المزارات:
يمكن مفيهاش اي مزارات غير تمثال الأسد، لكن هي جميلة جدا للمشي والاسترخاء لان جوها حلو جدا وفيها منطقتين مطاعم (الأولي جوار المسجد وهي الأكثر تنوع والثانية بشارع محمد الخامس جوار فندق Chamonix وهي الأرقي والاغلي سعراً)
تقضية يوم فيها حلو بالذات انها مختلفة عن طرازات وتصاميم المغرب تماما، لكن الشتاء هو الوقت الأنسب والأفضل علي الأطلاق.
لكن برشح مطعم بسيط اسمه ice skees واكلت فيه كسكسي بالفراخ بالمشمشية والمكسرات لانه كان يوم جمعه وكان ب 60درهم لكن كان حلو جداا جدا وهو في المنطقة المطاعم الثانية.
بالنسبة لمدينة شيفشاون:
هي المدينة الزرقاء اهلها الأصليين طيبين وهي جميلة جدا جدا غالية نسبيا علشان السياحة دائمة فيها والمسافة حوالي 200كيلومتر من فاس لكن الطريق جبلي متعرج.
الذهاب من فاس:
بالأتوبيسات وبالنسبة للستيام التذكرة ب 75 درهم + 5 درهم حقائب حتي 90 كيلوجرام وبياخد حوالي 4-5 ساعات تقريبا.
المزارات:
- انك تلف المدينة القديمة كلها وتتوه جواها ده اقوي مزار عموما.
- تتطلع للمسجد الأسباني علي هضبة والصعود ممهد وتشوف كل مدينة شيفشاون احجز مكانك علشان بتكون زحمة مع الغروب لحد الليل المدينة دي للتصوير عموما.
- من المحطة الطرقية لداخل المدينة القديمة (دار داليا مثلا) ب 15 درهم بليل و 10درهم الصبح بطاكسي صغير.
- وانت بتحجز اقامة حاول يكون قريبة من شوارع رئيسية علشان حمل شنط السفر مسافات طويلة فيها متعب.
بالنسبة لمدينة تطوان:
هي مدينة ساحلية علي البحر المتوسط وهي جميلة عموما وفيها مصريين كتير فاتحين مطاعم بسيطة بالأخص في منطة مارتيل وجوها كويس جدا والمسافة حوالي 70 كيلومتر من شيفشاون.
الذهاب من شيفشاون:
بالأتوبيس الستيام ب 25 درهم + 5 درهم شنط المسافة وبياخد حوالي ساعة ونصف من المحطة الطرقية.
المزارات:
- هي ساحلية فسياحة الشواطئ اساسية وفي العامة والخاصة
- المدينة القديمة هناك سهلة وبسيطة والاسواق هناك كويسة لكن الاسعار متوسطة في غالي وفي رخيص عموما
- الرأس الأسود والمضيق (Caponigro) جميلة جدا
- مشهورة بالشواطئ صباحا والسهر ليلاً هتنبسط عموما
- من منطقة قصر حسن الثاني لمارتيل حوالي 20 دقيقة ب 80 درهم طاكسي صغير او طاكسي كبير ب 5 درهم من الموقف بالقرب من محطة الستيام او حافلة عمومية ب 4 درهم.
بالنسبة لمدينة طنجة:
هي ساحلية علي البحر المتوسط والمحيط الاطلنطي زي تطوان بس علي اكبر واقوي والمسافة حوالي 65 كيلومتر.
الذهاب من تطوان:
طاكسي كبير او اتوبيس والستيام تذكرته ب 30درهم + 5 درهم شنط وبياخد ساعة وربع تقريبا.
ومن محطة الستيام الي المدينة القديمة (باب دار الدباغ او سوق برا او المسجد الكبير) 20-30درهم
المزارات:
- طريق الكورنيش والميناء.
- رأس سبارطيل (Cape spartel) + light house وهي مقفولة لكن ب 10درهم للحارس هتدخل+ مغارة هرقليز والأساطر كلها =ممكن قصر الملك لو مفتوح وقتها وده ممكن ترتبه مع طاكسي كبير لوحدك ساعتين اوثلاثة ب 180 درهم ذهاب وعودة وطبعا هيقولك 300 درهم في الاول، وممكن تروح بس ب 60 درهم وهيقولك 100درهم في الأول.
- قبر ابن بطوطه وشايف انه حاجة مهمه لمحبي السفر عموما مع انه ضريح بسيط جدا.
- تلف المدينة القديمة وهي سهلة وبسيطة.
- السهر بكل أشكاله بمعني الكلمة موجود هناك.
بالنسبة لمدينة كازابلانكا:
هي مدينة تجارية بالمقام الأول تبعد حوالي 340 كيلومتر عن طنجة كل وسائل المواصلات متاحة حول المدينة التحركات سهلة جدا بالأخص ترام المدينة.
الذهاب من طنجة:
القطار درجة أولي ب 195 درهم والثانية ب 132 درهم وبياخد 5 ساعات تقريبا
والأتوبيس الستيام ب 150 درهم + 5 درهم شنط وبياخد 5 ساعات ايضا
والوصول الي محطة مسافرين كازا والتحرك منها الي ساحة محمد السادس بطاكسي صغير ب 30 درهم بليل (ممكن تفاصل لانه مش عداد وبدأ ب 80 درهم) و10-15 درهم صباحا
المزارات:
- ساحة محمد الخامس وساحة الامم المتحدة وانفاق الأسواق
- مسجد حسن الثاني (اتوبيس 56 من محطة BMCE L'YAQOT ودي اقرب محطة لفندق Hotel Astridبـ 5 درهم بيوصلك جوار المسجد) دخول الساحة الخارجية مجانا لكن الدخول للمسجد ب 120 درهم للسائحين كل ساعة فوج.
- المدينة القديمة وهي تقريبا اسهل وابسط المدن القديمة.
-عين دياب اكيد للشواطئ صباحا وليلا للسهر (ممكن تروحها بأتوبيس عام رقم 9 من محطة T. Houph Boignyبـ 5 درهم تقريبا وهينزلك محطة Suisse وبعد 10 دقائق مشي تكون وصلت عين دياب)
- السهر بكل اشكاله برضو ومننساش ربنا يا جماعة
- منطقة الحبوث والسوق هناك حلو تقدر تشتري بعد فصال بأسعار كويسة.
بالنسبة لمدينة المحمدية:
هي مدينة صغيرة ملاصقة لكازابلانكا علي بعد حوالي 30 كيلومتر راقية وجوها جميل
الذهاب من كازابلانكا:
بالقطار بياخد 20 دقيقة تقريبا ب 16 درهم ذهاب او عوده لكن لازم تعرف المواعيد لان بيكون فيها بين القطارات فرق ساعة او اثنين .
واتوبيس عام رقم 900 من محطة ميناء كازا بياخد ساعة و ب7 درهم.
المزارات:
- هي مشي ومطاعم كويسة وراقية واسعار مناسبة.
- بلاج مينمار بسيط وفي private S. Pool clubs كتير في الطريق اليه من محطة القطار.
وبكدة انا اكون لفيت 11 مدينة في 12 يوم ومكنتش بسعي للعدد لاني كنت بحضر يوم بيوم بالقراءه والانترنت في اثناء الاقامات.
وهم بنفس الترتيب (كازابلانكا -طيران وصول- / مراكش/ الصويرة/ أوريكا/ فاس/ مكناس/ إفران/ شيفشاون/ تتطوان/ طنجة/ كازابلانكا –طيران عودة)
- مراكش ثلاث ليال
- فاس ثلاث ليال
- شيفشاون ليلة واحدة
- طنجة ليلتين
- كازابلانكا ليلتين
في شهر اغسطس
*******************************
معلومات هتفيدك:
- معظم عمال المغرب بتاكل كسكسي يوم الجمعة وده اليوم ان ممكن تاكل فيه الكسكسي لان في مطاعم كتير بتخلي تقديم الطبق الجمعة بس.
- أكل الشارع كان مناسب جدا بالنسبة ليا (من ناحية الطعم والسعر) وأكلت في كل المدن تقريبا.
- الطاجين فاسي، الطنجية مراكشية، التبصيلة مراكشية، الكسكسي، السمك المشوي في الصويرة، الحلويات حدث ولا حرج، دي اكلات لازم تأكلها.
- ركوب الطاكسي الكبير بيكون من المواقف واغلب الأحوال بتكون جوار المحطات الطرقية او القطار ولما يقولك لوحدك قوله لا مع ناس.
- لو الطاكسي الكبير مرسيدس ابعد عن الكرسي ال قدام وعرفنا السبب خلاص
- الطاكسي الصغير لازم يشغل العداد لو مشغلوش فاصل برحتك لحد ما تزهق.
- في ناس بتقابلك في اماكن المزارات بتقولك المزار مقفول تعالي تشوف محل او اي حاجة بيبعها، ولو حبيت تسمع منه هتتعامل معاملة الاجانب 5 نجوم.
- الفصال في الشراء اساسي البس توب الأم بسرعة ولما يقولك 100 درهم قول 30 درهم عادي هتلاقي غيره بنفس البضاعة عادي لو رفض وهيوافق علي 50 درهم.
- اوعي وانت بتشتري تقول الحاجة دي عجبتني وهشتريها، لا شوف غيرها ثمنها كام وفاصل وبعدها قول هشتري علشان البائع هيستغلك.
- الدرهم المغربي هو الاساسي في التعاملات كلها والتحويل من اليورو او الدولار من الأفضل يكون من البنوك في حالة لو قيمة الدرهم مرتفعة وده بتعرفه من جوجل وبنصح ببنك BMCE او WafaBank انما لو منخفضة يبقي الصرافات لانهم مبيتاثروش بسرعة ذي البنوك. (معرفش السبب لكن ده شوفته بنفسي).
- متتعاملش بالعملات الصعبة عموما لان هيدوك نسب أقل من المفروض بكتير فحولها لدرهم افضل.
- حول علي قدك كل شوية لان البنوك منتشرة.
- الحمامات المغربية كويسة جدا لكن تعتبر مكلفة و برشح اختيارات (lonely planet) في كل مدينة.
- حاول تتعامل انك مصري علشان ميضحكش عليك جامد بس علشان هيقولوا عليك ايطالي او اسباني او او
- حاول تمشي كتير اوي بالأخص في المدن القديمة وشيفشاون.
- الصويرة أرخص مدينة علي الأطلاق بالنسبة لرحلتي اشتري منها كل حاجة حتي magnet souvenir ممكن تلاقيه ب 5 درهم وبيتباع ب 10 و 20 درهم في اي حته.
- شراء زيت الأرغان لازم من الجمعيات الزراعية وممكن تتطلب تتطلع علي قائمة الأسعار الرسمية ليها لان غير كده مفيش ضامن انه سليم ولا مغشوش سواء للأكل او التجميل.
- شراء خط مغربي رخيص جدا وانت بتحدد الباقة من 10 درهم ل 50 درهم حسب احتياجاتك بالباسبور ويرشح اتصالات المغرب ثم inwi او ايهما ارخص بالنسبة لك.
- أغلب منيو المطاعم باللغة الفرنسية فلو مبتكلمهاش اكلم مع الويتر وهيجبلك ال انت عايزه.
- خلي بالك من المحاسبة في المطاعم من مغالاة الويتر لان كتير منهم مبيقدمش شيك وبيقولك الثمن شفوي.
- اعمل حسابك في فكة كتير طول الوقت علشان هتحتاجها جدا.
- شنط السفر كل ما تكون قليلة وخفيفة هتساعدك جدا في السفر والتحرك.
- ممكن تضع شنطة سفر في ارساليات الستيام و دي بتبقي موجودة في محطات الستيام وبتشتغل 24 ساعة لليوم ب 20 درهم علشان لو هتعمل رحلة قبل السفر لمدينة اخري، وبرضو ممكن في محطات القطار ومن الأفضل تكون قافل الشنطة بقفل سفر صغير.
- الشعب المغربي بيفهم اللهجة المصرية من الأفلام والمسلسلات انما انت مش هتفهم المغربي.
- مياه صغيرة ب 3 درهم والكبيرة من 4-7 درهم حسب النوع، الكانز ب 3.5 درهم او 4 درهم وفي اماكن درهم، وجبة غداء في مطعم عادي 60 درهم وفطار حوالي 20درهم وعشاء حوالي 40 درهم، العصائر بتختلف من مدينة لاخري بتبدا من 2 درهم الي 15 درهم.
- لازم قبل ما تسافر تعمل سيرش علي اللغة المغربية علشان هتساعدك وانت بتشتري اي حاجة والتعامل مع الناس لان الانجليزي قليل ال بيتكلمه من اهل البلد، وده موقع ساعدني كتير
/تعلم المغربية - بسهولة و بالمجان – Moroccan
- لازم توطد علاقتك بالنحل شوية لانه في المغرب ذي الدبان في مصر كده واكثر كمان
- كتاب لونلي بلانيت المغرب هيساعدك جدا والموقع متحدث اكثر وده اللينك للكتاب
/Lonely Planet-Morroco - Скачать - 4shared - Ahmed Ma'rouf
- سفريتك دي بتاعتك لازم تبنيها وتتعبلها علشان تنبسط ولان اهتمامتنا مختلفة ممكن تغير البرنامج بالكامل وممكن تعكس السفر وتبدا كازابلانكا- طنجة-تتطوان-.... وانا شايفها احسن لكن معملتهاش، ارسمها زي ما تحب.
تقريبا دي النصايح الي فاكرها دلوقتي يارب اكون ساعدتكم
A.M
6/9/2017
*****************************
