عفا الله عما سلف..
خلاص ابدأي مرحلة جديدة من اليوم حتى لو كان هذا آخر سمستر لك
في الغالب الموضوع نفسي. تفكرين كثيير بكيف بأحل الواجب ثم ينتهي بك المطاف في الموقع لأنه أسهل طريقة ثم بعد كذا يأنبك ضميرك لأن باقي لك قلب
كتابتك لهالبوست يعتبر شجاعة منك وأول خطوة في الطريق الصحيح إن شاءالله
برأيي لا تفكرين كثير وإن شاء الله أمورك تتيسر
اشتغلي على نفسك وحلي واجباتك. لا تتوقعين أن الحياة سهلة مرة، فيه صعوبات وضغوطات لكن نجاحك بالنهاية بيعوضك عن كل تعب
يقولون لكل ساعة في الكلاس، لازم تقضي أقل شي ساعتين برا الكلاس تدرس وتراجع وتحضر، اسالي نفسك هل تقضين هذا الوقت؟ او منشغله بالتفكير؟
سالفة المواقع منتشرة بكثرة للاسف واعرف كم واحد تخرج وهو مايعرف شي. كل شغله من مواقع. لدرجة ان مستواه في اللغة موقف من ايام المعهد
لكن هذا وش استفاد؟ خسارة فلوس -لدرجة ان واحد صرف اكثر من ١٠ الاف دولار يوم حسبها بنهاية بعثته على المواقع- وندم في النهاية لما تروحين لوظيفة ما تعرفين فيها شي او لما تشوفين لغة واحد درس في السعودية احسن منك
المواقع في اسوأ الاحوال خليها لاوقات الزنقة مررة وحاولي ما تكون لشي في مواد التخصص. و الله ييسر امورك
كلنا نتعب، لكن بعضنا يتعبون وهم يدرسون وبعضنا يتعبون وهم يفكرون بالدراسة.
