لو سمحتوا بفكر اسافر في الشتا الجاي مكان انا و...

[Mohamed Ibraheem]

لو سمحتوا بفكر اسافر في الشتا الجاي مكان انا و مراتي و ابني سنتين
النوبه -الاقصر و اسوان - سيوه
رشحولي مكان فيهم وعايز اعرف هل لسه في كروزات للاقصر و لا بس القطار ؟؟ و خصوصا ان معايا طفل مش عايز بهدله
شكرا جزيلا

 

[Motaz Essam]

دا فندق محترم جدا ف سيوه وصاحبه استاذ جمال موجود ع طول و اسعاره جميله جدا انا لسه جاي من هناك من اسبوع وكان في عائلات بتروح عنده برده

 

[Rania Ali]

ارشحلك اسوان 5 أيام والأقصر يومين وتركب منطاد (بالون) في الاقصر

فيه كروز من الاقصر لاسوان 4 ليال.. وفيه من اسوان للأقصر 3 ليال
لكن مفيش من القاهرة للجنوب في الشتا..
اخر معلومة عرفتها ان شهر 10 و 11 بيكون فيه رحلات من القاهرة للجنوب لكن مفكرتش اتأكد من المعلومة

 

[Enass Attia]

فيه كروزات الاقصر الي اسوان والعكس

 

[Samuel Nabil]

مفيش اى بهدلة على الاطلاق!
دى اسماء بعض من الكروزات الموجودة بين الأقصر وأسوان.
1/بلو شادو
2/فرح
3/سونستا ''اكتر من مركب وكلهم مستوى كويس جداً ''
4/لوفايان
5/كونشرتو
6/موفينبيك
7/سارة 1 و 2
8/سميراميس
9/راداميس
وغيرهم كتير
بتاخد الطيارة وتنزل الأقصر''أنصحك تبدأ الكروز من الأقصر وتنتهى بأسوان لأن دا برنامج ال 4 ليالى''
الاسماء اللى فوق دى لمراكب كويسة جداً .
*كروزات القاهرة الاقصر بتاخد حوالى 10 ايام.
*خلى بالك القطر بياخد اكتر من 12 ساعه

 

[محمود فاروق طبانه]

التعليق الاخير اختصر كل الكلام
اضيف بعد الكروز من الاقصر وتنزل اسوان
اقعد 3 ايام في اسوان
وارشح ليك فندق موفنبيك رائع عن تجربه شخصيه

 

[Mohamed Ibraheem]

شكرا جزيلا