A
Ahmed Elbasha
:: مسافر ::
خطوات التقديم للسفارة الأمريكية ..
لاقيت ناس كتير بتسأل عن خطوات التقديم والورق والمقابلة والأسئلة وإزاى يوافقوا وهكذا
فحبيت اكتبلكوا موضوع كامل وتفصيلي عن التقديم للحصول على التأشيرة الأمريكية
(كلامي ده كتبته فى كومنت قبل كدة بس طبعا مش الكل هيشوفوا فقولت اكتبه كموضوع)
كلامي هيبقى كتير شوية بس عشان اوضح كل الامور
(وكلامي ده لغير المهاجرين)
اول خطوة هتتصور صور مقاسها 5 * 5 بخلفية بيضاء وخلى بالك تعرف بتاع الاستوديو انه ميلعبش فيها نهائي لا يعدل حاجة ولا ينضف ولا يغير الوان او اضاءة ولا اي حاجة نهائي ..
عشان أمن البوابة بيتعامل مع مصوراتي جنب السفارة فبيتلككوا على الصور عشان يبعتوا الناس تتصور (مصلحة ليهم) ممكن تدفع 60 جنيه مثلا او اكتر معرفش بالضبط
بعد كدة هتملا ابليكيشن اسمه ds 160 من الموقع /Nonimmigrant Visa - Instructions Page
وطبعا الأبليكيشن ده طويل جدا واسئلته كتير عن بياناتك وبيانات عيلتك .. فممكن لو كتبت جزء تعمله حفظ وترجع فى اي وقت تانى وتكمله
(وعلى فكرة أوعى أوعى أوعى تكتب أي معلومة غلط)
وبعد ما تخلص الابليكيشن هيظهرلك ورقة ببياناتك وصورتك وباركود اطبعها عشان دى (هتحتاجها فى السفارة) ..
هتعمل اكونت على الموقع ده /Apply for a Visa | Global Home
هيطلعلك ورقة اسمها "قسيمة إيداع رسوم طلب التأشيرة" عليها رقم ليك الى هو رقم اسمه CGI اطبعها وروح بنك cib عشان تدفع تمن التاشيرة دلوقتي تقريبا ب 3200 جنيه (هيكون مكتوب عليها تمن طلب التأشيرة) وهيديك فى البنك ايصال بالدفع حافظ عليه عشان (هتحتاجه فى السفارة)..
وخلى بالك ورقة CGI هيكون مكتوب فيها تاريخ إنتهاء الصلاحية يعني لازم تروح وتدفع قبل التاريخ ده ومتقلقش الصلاحية وقتها طويل تقريبا سنة كاملة
وبعد 24 ساعة (عمل) من وقت الدفع بتفتح الموقع وبتدخل الكود بتاعك لحد ما تلاقي ان تم تفعيل الدفع بيظهرلك مواعيد فى السفارة بتحدد الموعد الى يناسبك من المواعيد المتاحة واطبعه عشان (هتحتاجه فى السفارة)..
وبالنسبة لكشف الحساب مفيش مشكلة لو شهادات مش حساب جاري ولو اكتر من كشف .. ولو انت طالب هات برده كشف حساب والدك او والدتك أو حد من أخواتك..
طبعا مقدرش أقولك الرصيد بحد أدنى كام ولكن المهم يكون الرصيد معقول وليكن مثلا مش اقل من 70 ألف جنيه (والكشف يكون لحركة آخر 6 شهور) وحركات السحب والإيداع الكتيرة هيا دي المهم
يعني لو انت بتفكر تقدم مثلا لأمريكا بعد كذا شهر ابتدي فى حسابك كل يوم اسحب مبالغ وأودع مبالغ .. اعمل حركة فى حسابك
بالنسبة انك سافرت قبل كدة طبعا بتقووي موقفك إلى حد ما وطبعا حسب السفرية لو كانت شنجن هتكون كويسة ولو انجلترا مثلا هتكون كويسة اكتر واكتر
ولكن مفيش مخلوق يقدر يقولك انك هتاخد رفض او هتاخد الموافقة ((دى متوقفة على مزاج القنصل الى هتعمل معاه المقابلة وهقولك تعمل ايه فى المقابلة)) فلو تقدر تسافر الاول سفريتين مثلا ومنهم واحدة شنجن موقفك هيبقى اقوى ..
طبعا هتسافر سياحة قوله انك رايح اورلاندو مثلا .. وقبل ماتروح السفارة من على النت جمع معلومات عن اورلاندو كانك هتروحها فعلا وارسم لنفسك خطة سفر وسياحة وزيارة للمعالم واعرف كل التفاصيل الى هناك عشان القنصل هيسألك ..
ولو انت طالب صغير فى السن وهتسافر كندوة دراسية أو كورس فيفضل ان والدك أو والدتك يقدموا معاك كمرافق (على أساس يعني انك صغير فى السن وطالب فهتكون معاك والدتك عشان تاخد بالها منك) برده إلى حد ما هتقووي موقفك
بالنسبة بقى للورق الى تحضره معاك السفارة:
1- ايصال دفع فلوس التأشيرة الى قولت عليه (مش مهم اوى ولكن احتياطي)
2- ورقة الابليكيشن الى فيها بياناتك وصورتك وباركود (مهمة جدا ومش هتدخل السفارة من غيرها)
3- صورتين شخصيتين الى قولتلك عليهم فى الاول (مش هتدخل من غيرهم)
4- الورقة الى انت طبعتها وعليها معاد المقابلة (ممكن أمن البوابة يسالك عليها وممكن لا)
بالنسبة للورق لمقابلة القنصل:
5- حجز فندق مبدئي فى المكان الى المفروض هتروحو سياحة والمدة من 12 ل 15 يوم لا اكتر ولا اقل (بإعتبار ان امريكا بعيدة ودي امريكا فمينفعش انك تقوله انك هتسافر 5 ايام مثلا وفى نفس الوقت مش اكتر من اسبوعين بإعتبار اي واحد سواء كان بيشتغل أو طالب مرتبط بحاجة هنا).
6- حجز طيران مبدئي بداية من اول يوم حجز فندق لاخر يوم حجز الفندق (يعني الاتنين يكونوا زي بعض فى التواريخ)
7- كشف الحساب بتاعك وبتاع والدك أو والدتك أو اي حد من عيلتك.
8- لو انت طالب هات شهادة قيد من جامعتك.
ولو انت شغال هات جواب عمل
ولو انت صاحب عمل هات السجل التجاري والبطاقة الضريبية
(وطبعا كشف الحساب يكون بالانجليزي وأي ورقة عربي لازم تترجمها ترجمة معتمدة من أي مركز ترجمة معتمد).
وعموما بنسبة 90% مفيش حد بيبص فى الورق الى معاك ولكن احيانا حد بيطلب يشوف ورقة معينة (فلازم الورق كله يكون معاك احتياطي)..
وأول ما تدخل من بوابة السفارة هتدخل على غرفة التفتيش (وعشان تريح نفسك بلاش تاخد معاك مفاتيح او فلاشات او ولاعات او اي حاجة معدنية) خلى كل اللى معاك محفظتك وورقك وباسبورك وبس .. تليفونك الحاجة الوحيدة اللى بتسلمها فى الأمانات أما اي حاجة تانية ممنوع تدخل بيها مش هياخدوها منك فى الأمانات هيقولولك اخرج برة ارميها او وديها اي مكان اتصرف .. فريح نفسك.
بعد غرفة الأمن (التفتيش) هتدخل تاخد رقم حجز للشباك الى هتروحوا (ومش ده شباك القنصل) لما ييجي دورك هتلاقي موظف أو موظفة (احتمال كبيرة مصرية) وهتستلم باسبورك والابليكيشن الى هو ds 160 (ولو انت هتسافر دراسة هتاخد منك كمان ابليكيشن اسمه i20)
وهتبصم فى جهاز على الشباك (وعموما الإجراءات متقلقش منها هما هيقولولك على كل حاجة انت تعملها) وهيستلموا منك الحاجة دي ويقولولك استريح شوية
وبعد كدة هييجي دورك تانى فى الشباك الى جنبه عشان تستلم باسبورك والورق الى هما خدوه منك
وبعد كدة ياكبير هتعد بقى تستريح شويتين حلوين عشان تستنى دورك فى المقابلة (الشويتين دول ممكن يبقوا ساعة أو ساعتين أو اكتر حسب الزحمة ودايما بتبقى زحمة على فكرة)
متقلقش في هناك مشروبات وحمام (عيش حياتك واتصرف بطبيعتك)
وبعد كدة الدور هييجي عليك رقمك هتروح لشباك كذا .. هتروح للشباك هتلاقي القنصل الأمريكي سواء راجل أو ست أو كبير أو صغير (هما كتير وحسب الى ييجي حظك معاه)
بالنسبة لاسئلة القنصل :
هتسافر فين وليه ؟ - هتعمل ايه هناك ؟ - اشمعنى المكان الى انت حددته ؟ - متجوز ولا ؟ - بتشتغل ايه او لو بتدرس يبقى بتدرس ايه ؟ - عندك حد فى امريكا ولا ؟ - ساكن فين ؟ - سافرت فين قبل كدة فى آخر 5 سنين ؟
تقريبا بنسبة 90% الاسئلة مش بتخرج عن الى قولتهولك
(واوعى أوعى أوعى تكذب أو تقول معلومة غلط ومتصدقش حد بيقولك لو ليك حد هناك متقولش عليه عشان ميقولش انك هتروح تعد عنده ومترجعش)
(أوعى تقول معلومة غلط هما عارفين كل كبيرة وصغيرة عنك دي السفارة الأمريكية مش هزار)
المقابلة بالكتير بتاخد 3 دقايق يعني مش هياخد ويدي معاك فى الكلام كتير وساعتها وانت واقف هيقولك مبروك أو لا قدر الله هيقولك آسف انا مش موافق ..
لو وافق عليك هيديك ورقة كدة (الى هيا ورقة القبول) ومش هيرجعلك الباسبور.
لكن لو لاقدر الله مش هيوافق هيرجعلك الباسبور وورقك وهيديك ورقة الرفض (لونها أزرق تقريبا) - الورقة دي مكتوب فيها سبب الرفض وبنسبة 99% هيكون سبب الرفض انه مش واثق انك هترجع مصر لما تسافر (وطبعا مفيش ختم رفض على الباسبور)
..
نيجي بقى للمهم .. انت بقى المفروض تعمل ايه فى السفارة ..
اسئلة القنصل الغرض منها مش انه يعرف اجابتها هو بالفعل عارف انت مين وهتعمل ايه وعارف كل الإجابات ولكن هو عايز يقرا افكارك ويشوف طريقة كلامك واجاباتك.
كلامك يكون باختصار ومتخرجش عن الموضوع وبابتسامة وصوتك ميكونش واطي وميكونش عالي .. وانت بتتكلم عينك فى عينه ..
هما قعدوا سنين طويلة يدرسوا الحالة النفسية ولغة الجسد .. فاوعى تكدب وكلامك يكون معقول وبلاش تردد او لخبطة .. وبلاش تحسسوا انك هتموت على امريكا لازم تحسسوا ان الموضوع عادى .. وفى نفس الوقت انت مهتم انك تسافر امريكا (يعني كلامك يكون وسطي)
بالنسبة فى وقت انتظارك المقابلة داخل السفارة ..
بلاش تبص يمين وشمال كتير وبلاش توتر.. قعدتك تكون على طبيعتك وتكون هادى .. بلاش تتفقد المكان كتير .. طبعا هتبص هنا وهناك بس بلاش كتير .. اعتبر انك قاعد في بيتك لوحدك بتتفرج على التليفزيون .. لان طول قعدتك الوقت ده كله ممكن يوصل لساعتين او تلاتة كل الناس بتكون متراقبة بالكاميرات .. وبلاش تقرا الورق الى معاك او تبص فيه .. اول ماتدخل ع القنصل هتديله الباسبور والابليكيشن وبرده فى الآخر هيخليك تبصم تانى على جهاز على الشباك بابتسامة تقوله صباح الخير او السلام عليكم .. عادى جدا على طبيعتك خاااالص .. وسيب الباقي على ربنا ..
ونصيحة .. المقابلة دي تعتبر زي اي انترفيو فى اي شركة كبيرة (لو تعرف تروح تعمل انتر فيو فى اي شركة بس تكون كبيرة جدا هتبقى مفيدة ليك هتفهم الأسئلة بتتسأل ازاى هتاخد ثقة الانترفيو .. الخوف الى جواك هيقل إلى حد ما .. يعني مش شرط تشتغل المهم تروح انترفيو) وطبعا بغض النظر عن الفارق فى الانترفيو.
متصدقش حد يقولك انت سافرت كتير يبقى انت هيتوافق عليك أو العكس (كل ده متوقف على القنصل نفسه الى هتعمل معاه المقابلة ارتاحلك ولا لا) ولكن كل اللى بنقوله ده عشان يقووي موقفك.
وطبعا التاشيرة لو مدتها 5 سنين طبعا طبعا طبعا لازم تسافر قبل 6 شهور مش اكتر من كدة .. يعنى محدش يقولك 5 سنين يبقى تسافر بعد 4 سنين مثلا (الكلام ده غلط) وفى تاشيرات 3 شهور وفى تاشيرات 6 شهور وفى تاشيرات 9 شهور .. بعد ما تاخد التاشيرة اتصل بالسفارة او ابعتلهم ايميل واسالهم واكتبلهم رقم التاشيرة بتاعتك
وخلى بالك بعض الناس بتقدم انها تروح معرض تبع شغلها ممكن التأشيرة تكون مدتها صغيرة 6 شهور أو 3 شهور يعني مش التأشيرات كلها 5 سنين (ولكن معظمها)
اتمنى الكلام ده يكون فيه إفادة - وبالتوفيق للكل (وأي استفسار انا تحت أمركوا)
الكلام ده عن خبرة كبيرة جدا وانا بنفسي دخلت السفارة الأمريكية فى القاهرة أو القنصلية فى اسكندرية كتير جدا يمكن اكتر من 20 مرة وبرده سألت ناس كتير راحت المقابلة ومنهم أصدقاء ليا وأقارب ليا وبرده انا شخصيا
ملحوظة هامة جدا:
لو التأشيرة انتهت فى منذ سنتين مش اكتر وعايزين تعملوا تأشيرة جديدة أو فيما يسمى تجديد التأشيرة بنسبة كبيرة جدا هيتم عمل نفس الإجراءات ولكن بدون الذهاب للإنترفيو .. بعد عمل الابليكيشن وباقي الخطوات على الانترنت يتم إرسال الباسبور إلى السفارة .. ده فى حالة فقط التأشيرة ال 5 سنين ومطلوب التقديم لنفس نوع التأشيرة
ده كلام القنصل نفسه
لاقيت ناس كتير بتسأل عن خطوات التقديم والورق والمقابلة والأسئلة وإزاى يوافقوا وهكذا
فحبيت اكتبلكوا موضوع كامل وتفصيلي عن التقديم للحصول على التأشيرة الأمريكية
(كلامي ده كتبته فى كومنت قبل كدة بس طبعا مش الكل هيشوفوا فقولت اكتبه كموضوع)
كلامي هيبقى كتير شوية بس عشان اوضح كل الامور
(وكلامي ده لغير المهاجرين)
اول خطوة هتتصور صور مقاسها 5 * 5 بخلفية بيضاء وخلى بالك تعرف بتاع الاستوديو انه ميلعبش فيها نهائي لا يعدل حاجة ولا ينضف ولا يغير الوان او اضاءة ولا اي حاجة نهائي ..
عشان أمن البوابة بيتعامل مع مصوراتي جنب السفارة فبيتلككوا على الصور عشان يبعتوا الناس تتصور (مصلحة ليهم) ممكن تدفع 60 جنيه مثلا او اكتر معرفش بالضبط
بعد كدة هتملا ابليكيشن اسمه ds 160 من الموقع /Nonimmigrant Visa - Instructions Page
وطبعا الأبليكيشن ده طويل جدا واسئلته كتير عن بياناتك وبيانات عيلتك .. فممكن لو كتبت جزء تعمله حفظ وترجع فى اي وقت تانى وتكمله
(وعلى فكرة أوعى أوعى أوعى تكتب أي معلومة غلط)
وبعد ما تخلص الابليكيشن هيظهرلك ورقة ببياناتك وصورتك وباركود اطبعها عشان دى (هتحتاجها فى السفارة) ..
هتعمل اكونت على الموقع ده /Apply for a Visa | Global Home
هيطلعلك ورقة اسمها "قسيمة إيداع رسوم طلب التأشيرة" عليها رقم ليك الى هو رقم اسمه CGI اطبعها وروح بنك cib عشان تدفع تمن التاشيرة دلوقتي تقريبا ب 3200 جنيه (هيكون مكتوب عليها تمن طلب التأشيرة) وهيديك فى البنك ايصال بالدفع حافظ عليه عشان (هتحتاجه فى السفارة)..
وخلى بالك ورقة CGI هيكون مكتوب فيها تاريخ إنتهاء الصلاحية يعني لازم تروح وتدفع قبل التاريخ ده ومتقلقش الصلاحية وقتها طويل تقريبا سنة كاملة
وبعد 24 ساعة (عمل) من وقت الدفع بتفتح الموقع وبتدخل الكود بتاعك لحد ما تلاقي ان تم تفعيل الدفع بيظهرلك مواعيد فى السفارة بتحدد الموعد الى يناسبك من المواعيد المتاحة واطبعه عشان (هتحتاجه فى السفارة)..
وبالنسبة لكشف الحساب مفيش مشكلة لو شهادات مش حساب جاري ولو اكتر من كشف .. ولو انت طالب هات برده كشف حساب والدك او والدتك أو حد من أخواتك..
طبعا مقدرش أقولك الرصيد بحد أدنى كام ولكن المهم يكون الرصيد معقول وليكن مثلا مش اقل من 70 ألف جنيه (والكشف يكون لحركة آخر 6 شهور) وحركات السحب والإيداع الكتيرة هيا دي المهم
يعني لو انت بتفكر تقدم مثلا لأمريكا بعد كذا شهر ابتدي فى حسابك كل يوم اسحب مبالغ وأودع مبالغ .. اعمل حركة فى حسابك
بالنسبة انك سافرت قبل كدة طبعا بتقووي موقفك إلى حد ما وطبعا حسب السفرية لو كانت شنجن هتكون كويسة ولو انجلترا مثلا هتكون كويسة اكتر واكتر
ولكن مفيش مخلوق يقدر يقولك انك هتاخد رفض او هتاخد الموافقة ((دى متوقفة على مزاج القنصل الى هتعمل معاه المقابلة وهقولك تعمل ايه فى المقابلة)) فلو تقدر تسافر الاول سفريتين مثلا ومنهم واحدة شنجن موقفك هيبقى اقوى ..
طبعا هتسافر سياحة قوله انك رايح اورلاندو مثلا .. وقبل ماتروح السفارة من على النت جمع معلومات عن اورلاندو كانك هتروحها فعلا وارسم لنفسك خطة سفر وسياحة وزيارة للمعالم واعرف كل التفاصيل الى هناك عشان القنصل هيسألك ..
ولو انت طالب صغير فى السن وهتسافر كندوة دراسية أو كورس فيفضل ان والدك أو والدتك يقدموا معاك كمرافق (على أساس يعني انك صغير فى السن وطالب فهتكون معاك والدتك عشان تاخد بالها منك) برده إلى حد ما هتقووي موقفك
بالنسبة بقى للورق الى تحضره معاك السفارة:
1- ايصال دفع فلوس التأشيرة الى قولت عليه (مش مهم اوى ولكن احتياطي)
2- ورقة الابليكيشن الى فيها بياناتك وصورتك وباركود (مهمة جدا ومش هتدخل السفارة من غيرها)
3- صورتين شخصيتين الى قولتلك عليهم فى الاول (مش هتدخل من غيرهم)
4- الورقة الى انت طبعتها وعليها معاد المقابلة (ممكن أمن البوابة يسالك عليها وممكن لا)
بالنسبة للورق لمقابلة القنصل:
5- حجز فندق مبدئي فى المكان الى المفروض هتروحو سياحة والمدة من 12 ل 15 يوم لا اكتر ولا اقل (بإعتبار ان امريكا بعيدة ودي امريكا فمينفعش انك تقوله انك هتسافر 5 ايام مثلا وفى نفس الوقت مش اكتر من اسبوعين بإعتبار اي واحد سواء كان بيشتغل أو طالب مرتبط بحاجة هنا).
6- حجز طيران مبدئي بداية من اول يوم حجز فندق لاخر يوم حجز الفندق (يعني الاتنين يكونوا زي بعض فى التواريخ)
7- كشف الحساب بتاعك وبتاع والدك أو والدتك أو اي حد من عيلتك.
8- لو انت طالب هات شهادة قيد من جامعتك.
ولو انت شغال هات جواب عمل
ولو انت صاحب عمل هات السجل التجاري والبطاقة الضريبية
(وطبعا كشف الحساب يكون بالانجليزي وأي ورقة عربي لازم تترجمها ترجمة معتمدة من أي مركز ترجمة معتمد).
وعموما بنسبة 90% مفيش حد بيبص فى الورق الى معاك ولكن احيانا حد بيطلب يشوف ورقة معينة (فلازم الورق كله يكون معاك احتياطي)..
وأول ما تدخل من بوابة السفارة هتدخل على غرفة التفتيش (وعشان تريح نفسك بلاش تاخد معاك مفاتيح او فلاشات او ولاعات او اي حاجة معدنية) خلى كل اللى معاك محفظتك وورقك وباسبورك وبس .. تليفونك الحاجة الوحيدة اللى بتسلمها فى الأمانات أما اي حاجة تانية ممنوع تدخل بيها مش هياخدوها منك فى الأمانات هيقولولك اخرج برة ارميها او وديها اي مكان اتصرف .. فريح نفسك.
بعد غرفة الأمن (التفتيش) هتدخل تاخد رقم حجز للشباك الى هتروحوا (ومش ده شباك القنصل) لما ييجي دورك هتلاقي موظف أو موظفة (احتمال كبيرة مصرية) وهتستلم باسبورك والابليكيشن الى هو ds 160 (ولو انت هتسافر دراسة هتاخد منك كمان ابليكيشن اسمه i20)
وهتبصم فى جهاز على الشباك (وعموما الإجراءات متقلقش منها هما هيقولولك على كل حاجة انت تعملها) وهيستلموا منك الحاجة دي ويقولولك استريح شوية
وبعد كدة هييجي دورك تانى فى الشباك الى جنبه عشان تستلم باسبورك والورق الى هما خدوه منك
وبعد كدة ياكبير هتعد بقى تستريح شويتين حلوين عشان تستنى دورك فى المقابلة (الشويتين دول ممكن يبقوا ساعة أو ساعتين أو اكتر حسب الزحمة ودايما بتبقى زحمة على فكرة)
متقلقش في هناك مشروبات وحمام (عيش حياتك واتصرف بطبيعتك)
وبعد كدة الدور هييجي عليك رقمك هتروح لشباك كذا .. هتروح للشباك هتلاقي القنصل الأمريكي سواء راجل أو ست أو كبير أو صغير (هما كتير وحسب الى ييجي حظك معاه)
بالنسبة لاسئلة القنصل :
هتسافر فين وليه ؟ - هتعمل ايه هناك ؟ - اشمعنى المكان الى انت حددته ؟ - متجوز ولا ؟ - بتشتغل ايه او لو بتدرس يبقى بتدرس ايه ؟ - عندك حد فى امريكا ولا ؟ - ساكن فين ؟ - سافرت فين قبل كدة فى آخر 5 سنين ؟
تقريبا بنسبة 90% الاسئلة مش بتخرج عن الى قولتهولك
(واوعى أوعى أوعى تكذب أو تقول معلومة غلط ومتصدقش حد بيقولك لو ليك حد هناك متقولش عليه عشان ميقولش انك هتروح تعد عنده ومترجعش)
(أوعى تقول معلومة غلط هما عارفين كل كبيرة وصغيرة عنك دي السفارة الأمريكية مش هزار)
المقابلة بالكتير بتاخد 3 دقايق يعني مش هياخد ويدي معاك فى الكلام كتير وساعتها وانت واقف هيقولك مبروك أو لا قدر الله هيقولك آسف انا مش موافق ..
لو وافق عليك هيديك ورقة كدة (الى هيا ورقة القبول) ومش هيرجعلك الباسبور.
لكن لو لاقدر الله مش هيوافق هيرجعلك الباسبور وورقك وهيديك ورقة الرفض (لونها أزرق تقريبا) - الورقة دي مكتوب فيها سبب الرفض وبنسبة 99% هيكون سبب الرفض انه مش واثق انك هترجع مصر لما تسافر (وطبعا مفيش ختم رفض على الباسبور)
..
نيجي بقى للمهم .. انت بقى المفروض تعمل ايه فى السفارة ..
اسئلة القنصل الغرض منها مش انه يعرف اجابتها هو بالفعل عارف انت مين وهتعمل ايه وعارف كل الإجابات ولكن هو عايز يقرا افكارك ويشوف طريقة كلامك واجاباتك.
كلامك يكون باختصار ومتخرجش عن الموضوع وبابتسامة وصوتك ميكونش واطي وميكونش عالي .. وانت بتتكلم عينك فى عينه ..
هما قعدوا سنين طويلة يدرسوا الحالة النفسية ولغة الجسد .. فاوعى تكدب وكلامك يكون معقول وبلاش تردد او لخبطة .. وبلاش تحسسوا انك هتموت على امريكا لازم تحسسوا ان الموضوع عادى .. وفى نفس الوقت انت مهتم انك تسافر امريكا (يعني كلامك يكون وسطي)
بالنسبة فى وقت انتظارك المقابلة داخل السفارة ..
بلاش تبص يمين وشمال كتير وبلاش توتر.. قعدتك تكون على طبيعتك وتكون هادى .. بلاش تتفقد المكان كتير .. طبعا هتبص هنا وهناك بس بلاش كتير .. اعتبر انك قاعد في بيتك لوحدك بتتفرج على التليفزيون .. لان طول قعدتك الوقت ده كله ممكن يوصل لساعتين او تلاتة كل الناس بتكون متراقبة بالكاميرات .. وبلاش تقرا الورق الى معاك او تبص فيه .. اول ماتدخل ع القنصل هتديله الباسبور والابليكيشن وبرده فى الآخر هيخليك تبصم تانى على جهاز على الشباك بابتسامة تقوله صباح الخير او السلام عليكم .. عادى جدا على طبيعتك خاااالص .. وسيب الباقي على ربنا ..
ونصيحة .. المقابلة دي تعتبر زي اي انترفيو فى اي شركة كبيرة (لو تعرف تروح تعمل انتر فيو فى اي شركة بس تكون كبيرة جدا هتبقى مفيدة ليك هتفهم الأسئلة بتتسأل ازاى هتاخد ثقة الانترفيو .. الخوف الى جواك هيقل إلى حد ما .. يعني مش شرط تشتغل المهم تروح انترفيو) وطبعا بغض النظر عن الفارق فى الانترفيو.
متصدقش حد يقولك انت سافرت كتير يبقى انت هيتوافق عليك أو العكس (كل ده متوقف على القنصل نفسه الى هتعمل معاه المقابلة ارتاحلك ولا لا) ولكن كل اللى بنقوله ده عشان يقووي موقفك.
وطبعا التاشيرة لو مدتها 5 سنين طبعا طبعا طبعا لازم تسافر قبل 6 شهور مش اكتر من كدة .. يعنى محدش يقولك 5 سنين يبقى تسافر بعد 4 سنين مثلا (الكلام ده غلط) وفى تاشيرات 3 شهور وفى تاشيرات 6 شهور وفى تاشيرات 9 شهور .. بعد ما تاخد التاشيرة اتصل بالسفارة او ابعتلهم ايميل واسالهم واكتبلهم رقم التاشيرة بتاعتك
وخلى بالك بعض الناس بتقدم انها تروح معرض تبع شغلها ممكن التأشيرة تكون مدتها صغيرة 6 شهور أو 3 شهور يعني مش التأشيرات كلها 5 سنين (ولكن معظمها)
اتمنى الكلام ده يكون فيه إفادة - وبالتوفيق للكل (وأي استفسار انا تحت أمركوا)
الكلام ده عن خبرة كبيرة جدا وانا بنفسي دخلت السفارة الأمريكية فى القاهرة أو القنصلية فى اسكندرية كتير جدا يمكن اكتر من 20 مرة وبرده سألت ناس كتير راحت المقابلة ومنهم أصدقاء ليا وأقارب ليا وبرده انا شخصيا
ملحوظة هامة جدا:
لو التأشيرة انتهت فى منذ سنتين مش اكتر وعايزين تعملوا تأشيرة جديدة أو فيما يسمى تجديد التأشيرة بنسبة كبيرة جدا هيتم عمل نفس الإجراءات ولكن بدون الذهاب للإنترفيو .. بعد عمل الابليكيشن وباقي الخطوات على الانترنت يتم إرسال الباسبور إلى السفارة .. ده فى حالة فقط التأشيرة ال 5 سنين ومطلوب التقديم لنفس نوع التأشيرة
ده كلام القنصل نفسه