مع حدث معي من موقع بوكينق ،. قمت بعمل حجز...

[Ahmed Ibrahem Salim Mohammed]

مع حدث معي من موقع بوكينق ،.

قمت بعمل حجز فندق في ريو دي جانيرو في فترة الكرنفال

بعدها ارسل لي موقع بوكينق يقول ان هناك خطأ في السعر وتواصلي معي هاتفيا" و قمت برفض عرضهم

وقام بعدها الموقع المحترم بإلغاء الحجز .. من دون موافقتي ..

مرفق الايميل الاول و ايميل الالغاء

 

[Ahmed ELshoshany]

لو الحجز فاضل عليه اكتر من ٤٨ ساعة للفندق الحق في إلغاء الحجز
بيبلغ بوكينج وبوكينج بيبلغ الجيست
وبالمناسبة مش لازم يكون السبب خطأ في السعر
ساعات بيكون الخطأ من بوكينج بس بيرمي ع الفندق عشان يريح دماغه

 

[Mohamed Salem]

خطأ بايخ جدا الصراحة

 

[Ahmed Mostafa Kamel]

حصلت معايا برده وكنت حاجز فمرسي علم ولغة الحجز فجأة من غير ما اعرف وبردو رموها ع الفندق

 

[Gio Sawairas]

الى حصل ان الفندق ماعدلش السعر فى الفترة بتاعتك لان زى ما انت ما قلت دى فترة احتفال ومعروف فى اى حته فى العالم ان لو فى احتفال بيبقى السعر عالي .. يعنى البلد الى انا فيها فترة راس السنة وكام مناسبة تانية ولو فى موتمر دولى او احتفال دولى اسعار الفنادق بتبقى الضعف .. فواضح ان الفندق ما عدلش الاسعار قبل ما انت ما تحجز ولما حجزت هما عدلو الاسعار وتواصلو مع البوكينج علشان يصلح الوضع معاك

 

[Amr Gamil Aly]

مش من حقه بوكنج يوافق الفندق علي الغاء الحجز او تعديل السعر
عليك وعلي منظمة السياحة العالمية مش فاكر الرمز بتاعها اية
وابعت لبوكنج شكوي واضحه وانك بترفض تماما التصرف دة اللي ضرك ماديا وادبيا ومعنويا ونفسيا وانك هتفشخهم في المحاكم الهولندية

 

[Heba Shawky]

انا بردو حجزت على بوكينج قبل اسبوع من السفر وجالى ان تم الحجز بنجاح وقبل يومين من السفر جالى ان تم الغاء الحجز فى خطاء فى البطاقه دخلتها تانى واتاكد الحجز تانى قبل السفر بيوم لغو غرفه اللى هى الارخص لانى كنت حاجزه دبل وسنجل وحاولت تانى وابعت لبوكينج ويقولى بنخاطب الفندق وكلمت الفندق ووصلنا انه هيحجزلى تبعه بس اغلى طبعا وخلونى مش عارفه اسافر واستعد للسفر والمصيبه ان الغرفه اللى اتكد عليها الحجز كانت اتخصمت خلاص والمفروض حاجزه الغرفتين بنفس كارت الائتمان ازاى يحجزو واحده والتانيه لا انا مش هتعامل مع بوكينج تانى مبقاش زى الاول رغم انهم كلمونى وقالولى هنحل المشكله ولا حلو حاجه لحد يوم السفر بليل كنت فى حرق دم بسببهم

 

[Mohammed Badari]

انا حجزت علي بوكينج والفندق رفض الحجز بحجه ان الفندق علي الاخر ،، كلمت بوكينج قالو لي احجز اي فندق تاني وابعت لنا الفواتير حجزت فندق تاني بدل من 300 يورو الفندق الاول حجزت فندق ب 600 يورو بوكينج دفع لي 300 الفرق ،، وكمان اجور التاكسي الي انتقلت بها من الفندق ده الي الفندق التاني واعتذار وحورات (( بوكينج شركة محترمة ))

 

[Amr Gamil Aly]

قولهم يا ا Mohammed Badari

 

[Amr Gamil Aly]

انا لمجرد ان الغرفة طلعت دبل وانا حاجزها تريبل
صورت العمال وهما بينزلو السرير الزيادة ومنظر الغرفة اخدت تعويض ١٠٠ دولار علي حجز اربع ليال

 

[Nahla Ismail]

#Stop_bookingcom_from_Egypt

انا حصل معايا موقف زي ده بالظبط و اتواصلت معاهم كتير و عندي صورة من كل الايمالات اللي ما بيننا و هددتهم بان الوضع لو متصلحش هفعل الهشتاج تاج ده و هوريهم قوة السوشيال ميديا و هما ولا همهم والرد كان شبيه باللي تعرفي اعمليه اعمليه.. ياريت نفعل الهاشتاج ده من النهاردة و هكتب بوست بتفاصيل مشكلتي

 

[Nahla Ismail]

#booking_com
#Stop_bookingcom_from_Egypt
#theft_bookingcom

 

[Ayman Sabri]

حصل معايا نفس الموقف ... بس انا بقى عملت ايه ... كلمت بوكينج وقولتلهم دلوقتي انا أتصرف ازاي ... انا عملت حسابي على المبلغ دة .. ودلوقتي دة وقت عيد ( كان العيد الأضحى ) والأماكن كلها غالية او خلصانة ...وانا مش عاجبني اي فندق تأني بنفس السعر ... وحجزت طيران ... قالولي أحجز في اي فندق تاني وهات فاتورة و احنا حنعوضك فرق السعر ... روحت حجزت من خلال بوكينج فندق سعره اعلى وأخذت منهم الفاتورة وبعت إيميل ربلاي طبعا على الإيميلات اللي كانت بينا بالكلام اللي فات دة كله (كدليل على انهم حيعوضوني فرق السعر ) نزلولي فرق السعر في حسابي بعد مكالمتين استفسار عن الموضوع...