S
Shady Mohamed
:: مسافر ::
سامووو علييكوا كنت حاطط فيديو من يومين وناس كتير فرحتني بردودها والله...فقررت اكتب عن تفاصيل الرحلةسافرت من الدوحه لبانكوك ومن بانكوك طياره لبوكيت وبعدين اخدت مواصله لباتونج بيتش وده يعتبر احسن بيتش في بوكيت لانه قريب من كل حاجه المطاعم العربيه واكشاك الرحلات واكشاك الصرافه كمان كنت قاعد في باتونج تاور..اول يوم نزلت شفت الشوارع وايه نظام المكان وكده.. تاني يوم قضيها علي باتونج بيتش بحر وكده... بالنسبة للرحلات اللي طلعتها اليوم التالت كانت بي بي ايلاند و 4 جزر جواها بصراحة احسن جزيره فيها هي مايا باي كانت روعه ومناظر جميله جدا.. اليوم الرابع عملت رافتنج وكان في رحله الافيال و رحلة القرود و تطلع بالبيتش باجي ووجبة عشاء كانت لذيذه بصراحه.. اليوم الخامس انا مجنون شويه بحب امشي واشوف البلد عامله ايه وكده مشيت من باتونج بيتش لحد bunge jump تقريبا 5 كيلو بقيت امشي ف حتت غريبه وققابل ناس غريبه والدنيا زي الفل ومندمتش لحظه اني مشيت عرفت اماكن غريبه كتير
وجربت تجربه بصراحه من امتع التجارب اللي جربتها في حياتي النطه كاانت مرعبه لو بصيت من فوق بس بمجرد ما نطيت كااان احسااااس اوووووووووووف it was booming اليوم السادس برضه قضيتها مشي لنفس المسافة وبعدين كملت شويه وركبت موتسيكل لحد upside down house بصراحة جامد برضه للصور خيااال.. بالنسبة لبليل لو حد زي مالوش في الشرب والنايت لايف والجو ده لو راح بانجلا روود هيتخنق من المناظر هناك والله ساعات ببقي اليوم جامد وفرحان وبليل لو مشيت اتخنق فاطلع علي البحر اتمشي فاللناس اللي زيي يتمشي علي البحر او يأجر موتوسيكل أو عجله او يتمشي على البحر او يروح الجيم لو بيتمرن أو يروح يتفرج على مواي تاي ف الاستاد هناك لو حد ليه في النايت لايف في عندك بانجلا روود وفي ف بتايا وبانكوك برضه افجر بس هتشرب بقي وحاجه زفت بصراحه.. اخدت قرار ان الذكريات الحلوه متوسخهاش بالأفعال الوحشه عشان لو في يوم ندمت متندمش انك روحت لانك فعلا عملت حاجه حلوه ف حياتك.. الحاجه القذره هتوسخ الذكريات الحلوه كنت ماشي بالمبدء ده وفي ناس كتير كانت مستغرباني اني جيت هنا وكده بس الحمدلله كملت طريقي ومشيت بدماغي بعد كده رجعت علي بانكوك قعدت في هوستل قريب من المطار في منطقة phaya thai وقريب من القطر برضه قعدت ليلتين عملت شوبينج عندك mbk, siam mall, pratunam market, silom night market, platinum mall دول يعتبر احسن الاماكن اللي تشتري منها ملابس وهدايا وكوتشيهات.. بالنسبة للتكاليف.. فهي بتتراوح بين شخص لشخص حسب كل واحد جاي ليه وايه التارجت بتاعه بس هقول علي خطوات توفر معاك في الرحله كلها.. اولا :حجز الطيران تحجز قبلها بشهرين او تلاته عشان التذاكر تكون رخيصه تنزل برنامج سكاي سكانر وتشوف ارخص الأسعار وتحجز اونلاين.. ثانيا : حجز الفندق انا بقول ان تقعد في هوستل احسن بكتير وتوفر فلوس الفندق وتتفسح بيها احسن ومنها تتعرف علي ناس جديده وتكتسب خبرات جديده تشوف طريقه تفكير الناس عامله ازاي توسع بؤرة تفكيرك ديه صدقني هتستفاد كتير جدااا ثالثا:المواصلات عندك grab ده بصراحه باشا زي اوبر كده بس احسن او تاجر موتوسيكل وتعيش مع حالك زي الفل ولو في بانكوك عندك القطر باشا برضه..رابعا :بالنسبة للرحلات تلف مليون كشك مش لكشك واحد بس وتختار ارخص سعر وكل الطرق تؤدي الي روما خامسا : اي حاجة هتشتريها او هتركبها لازم تفاصل فيها ولو مرديش سيبه وخش علي غيره فااااصل للصبح وفي النهاية بحب اشكر الجرووب الجاامد ده والناس المحترمه علي التفاعل وعايز اشكر الناس المحترمه ديه عشان وقفوا جنبي لما كنت بعوز اي حاجة بصراحة قمه في الاحترام وعلى دماغي من فوق والله :Señoría Waél :Ahmad Saeed 
ولو اي استفسار تحت امركم في اي حاجه
وجربت تجربه بصراحه من امتع التجارب اللي جربتها في حياتي النطه كاانت مرعبه لو بصيت من فوق بس بمجرد ما نطيت كااان احسااااس اوووووووووووف it was booming اليوم السادس برضه قضيتها مشي لنفس المسافة وبعدين كملت شويه وركبت موتسيكل لحد upside down house بصراحة جامد برضه للصور خيااال.. بالنسبة لبليل لو حد زي مالوش في الشرب والنايت لايف والجو ده لو راح بانجلا روود هيتخنق من المناظر هناك والله ساعات ببقي اليوم جامد وفرحان وبليل لو مشيت اتخنق فاطلع علي البحر اتمشي فاللناس اللي زيي يتمشي علي البحر او يأجر موتوسيكل أو عجله او يتمشي على البحر او يروح الجيم لو بيتمرن أو يروح يتفرج على مواي تاي ف الاستاد هناك لو حد ليه في النايت لايف في عندك بانجلا روود وفي ف بتايا وبانكوك برضه افجر بس هتشرب بقي وحاجه زفت بصراحه.. اخدت قرار ان الذكريات الحلوه متوسخهاش بالأفعال الوحشه عشان لو في يوم ندمت متندمش انك روحت لانك فعلا عملت حاجه حلوه ف حياتك.. الحاجه القذره هتوسخ الذكريات الحلوه كنت ماشي بالمبدء ده وفي ناس كتير كانت مستغرباني اني جيت هنا وكده بس الحمدلله كملت طريقي ومشيت بدماغي بعد كده رجعت علي بانكوك قعدت في هوستل قريب من المطار في منطقة phaya thai وقريب من القطر برضه قعدت ليلتين عملت شوبينج عندك mbk, siam mall, pratunam market, silom night market, platinum mall دول يعتبر احسن الاماكن اللي تشتري منها ملابس وهدايا وكوتشيهات.. بالنسبة للتكاليف.. فهي بتتراوح بين شخص لشخص حسب كل واحد جاي ليه وايه التارجت بتاعه بس هقول علي خطوات توفر معاك في الرحله كلها.. اولا :حجز الطيران تحجز قبلها بشهرين او تلاته عشان التذاكر تكون رخيصه تنزل برنامج سكاي سكانر وتشوف ارخص الأسعار وتحجز اونلاين.. ثانيا : حجز الفندق انا بقول ان تقعد في هوستل احسن بكتير وتوفر فلوس الفندق وتتفسح بيها احسن ومنها تتعرف علي ناس جديده وتكتسب خبرات جديده تشوف طريقه تفكير الناس عامله ازاي توسع بؤرة تفكيرك ديه صدقني هتستفاد كتير جدااا ثالثا:المواصلات عندك grab ده بصراحه باشا زي اوبر كده بس احسن او تاجر موتوسيكل وتعيش مع حالك زي الفل ولو في بانكوك عندك القطر باشا برضه..رابعا :بالنسبة للرحلات تلف مليون كشك مش لكشك واحد بس وتختار ارخص سعر وكل الطرق تؤدي الي روما خامسا : اي حاجة هتشتريها او هتركبها لازم تفاصل فيها ولو مرديش سيبه وخش علي غيره فااااصل للصبح وفي النهاية بحب اشكر الجرووب الجاامد ده والناس المحترمه علي التفاعل وعايز اشكر الناس المحترمه ديه عشان وقفوا جنبي لما كنت بعوز اي حاجة بصراحة قمه في الاحترام وعلى دماغي من فوق والله :Señoría Waél :Ahmad Saeed ولو اي استفسار تحت امركم في اي حاجه