A
Ahmad El-batl
:: مسافر ::
رحله عمل للعاصمه الروسيه ، هشاركم فيها الجزء المشترك لو حد منا هيسافر سياحه ،
اختيار مطار الوصول من أهم الحاجات لان موسكو حواليها اكتر من مطار فلازم تحدد مطار قريب للواجهه للي انتم رايحنها ، انا نزلت مطار Domodedovo , ودا مطار في جنوب موسكو ، اول ما نزلنا لاقينا بشر كتييير وتقريبا قعدنا ساعتين بس قدام باب الجوازات ، لو مش بتتكلم روسي هتعاني شويه ، ولو بتكلم انجليزي هتعاني كتير لان الاغلبيه للاسف ما بتتكلمش الا روسي ، ومقارنه بينهم وبين مثلا غرب أوروبا بما أن أغلب سفرياتي كانت اتجاة الغرب ، احب اقولكم أن اللغه عائق عائق عائق مع الاسف ، المهم خلصنا الجوازات بعد الي حد ما معاناه في التواصل وخرجنا ، اخدنا الشنط ، وبعد كدا عندكم ٣ خيارات ، الاول القطار السريع Subway , ودا مكلف تقريباً ١٢٠٠ روبل ، والروبل عمله روسيا مقارنه بالدولار ، ٥٧ روبل لكل دولار واحد ، وفي اختيار آخر وهو التاكسي ودا هيكلفك تقريبا ١٠٠٠ روبل لمركز المدينه ، وفي الاختيار التالت ودا اللي انا اخترته بناء علي ترشيح من صديقي م/احمد وهو أحد الشباب اللي اول مرة أقابله كان في مطار Domodedovo , وفعلاً اجد رجل في موسكو ، هتخرج برة المطار هتلاقي موقف الاوتوبيس ، تاخد اتوبيس رقم ٣٠٨ ، ودا هياخدك لمحطة مترو Domodedovo ,اه دي محطه المترو الخاصة بالمطار وهي علي بعد ٤٥ د بالاتوبيس ، هتلاقي جو الاتوبيس ناس بتهرب من السواق هههه، وخناقة عادي جدا جدا ، ولا ليك دعوة بيهم ، توصل محطة المترو وساعتها تكون جاهز بقي بتطبيق Matro , ودا لان موسكو فيها اكتر من ٧خطوط مترو ، والتطبيق دا متوافر وبيساعدك في التنقل والتحويل بين كل خط والتاني والميزة الحلوة أن المترو متغطي بشبكه انترنت ، والسائق بيقولك اسم المحطة لكن متعتمدش عليه
، مترو موسكو عمييييق عمييييق عمييييق وزي ما عرفت من صديقي احمد انهم حولوا المخابىء اللي كانوا عملنها زمان للمترو دا ، في محطات من الخمسينات وفي طبعا محطات حديثة والاتنين تحفة بجد ......... ( انتهي الجزء الاول ) وللحديث بقيه
اختيار مطار الوصول من أهم الحاجات لان موسكو حواليها اكتر من مطار فلازم تحدد مطار قريب للواجهه للي انتم رايحنها ، انا نزلت مطار Domodedovo , ودا مطار في جنوب موسكو ، اول ما نزلنا لاقينا بشر كتييير وتقريبا قعدنا ساعتين بس قدام باب الجوازات ، لو مش بتتكلم روسي هتعاني شويه ، ولو بتكلم انجليزي هتعاني كتير لان الاغلبيه للاسف ما بتتكلمش الا روسي ، ومقارنه بينهم وبين مثلا غرب أوروبا بما أن أغلب سفرياتي كانت اتجاة الغرب ، احب اقولكم أن اللغه عائق عائق عائق مع الاسف ، المهم خلصنا الجوازات بعد الي حد ما معاناه في التواصل وخرجنا ، اخدنا الشنط ، وبعد كدا عندكم ٣ خيارات ، الاول القطار السريع Subway , ودا مكلف تقريباً ١٢٠٠ روبل ، والروبل عمله روسيا مقارنه بالدولار ، ٥٧ روبل لكل دولار واحد ، وفي اختيار آخر وهو التاكسي ودا هيكلفك تقريبا ١٠٠٠ روبل لمركز المدينه ، وفي الاختيار التالت ودا اللي انا اخترته بناء علي ترشيح من صديقي م/احمد وهو أحد الشباب اللي اول مرة أقابله كان في مطار Domodedovo , وفعلاً اجد رجل في موسكو ، هتخرج برة المطار هتلاقي موقف الاوتوبيس ، تاخد اتوبيس رقم ٣٠٨ ، ودا هياخدك لمحطة مترو Domodedovo ,اه دي محطه المترو الخاصة بالمطار وهي علي بعد ٤٥ د بالاتوبيس ، هتلاقي جو الاتوبيس ناس بتهرب من السواق هههه، وخناقة عادي جدا جدا ، ولا ليك دعوة بيهم ، توصل محطة المترو وساعتها تكون جاهز بقي بتطبيق Matro , ودا لان موسكو فيها اكتر من ٧خطوط مترو ، والتطبيق دا متوافر وبيساعدك في التنقل والتحويل بين كل خط والتاني والميزة الحلوة أن المترو متغطي بشبكه انترنت ، والسائق بيقولك اسم المحطة لكن متعتمدش عليه
، مترو موسكو عمييييق عمييييق عمييييق وزي ما عرفت من صديقي احمد انهم حولوا المخابىء اللي كانوا عملنها زمان للمترو دا ، في محطات من الخمسينات وفي طبعا محطات حديثة والاتنين تحفة بجد ......... ( انتهي الجزء الاول ) وللحديث بقيه