م
ميرو محمد
:: مسافر ::
هكتب تجربتي في فندق سيرينتي فن سيتي
اولا مكانه في خليج مكادي وده بيبعد عن الغردقه حوالي ساعه الا ربع نزلنا في موقف السوبر جيت بالغردقه وخدنا تاكسي ب ٨٠ جنيه للفندق
مكادي لأول وهله تحس انها صحرا ولو انت من الأشخاص الي بتحب تتحرك وتتفسح بره الفندق يبقي ده مش الاختيار الأفضل ليك علشان الفنادق هناك مبتوفرش باص للبلد وعلشان تنزل البلد نفسها اما ليموزين من الفندق ودوّل غاليين أو انت وحظك لو لاقيت تاكسي موصل ناس مثلا أو الحل التالت انك تاخد رقم التاكسي الي وصلك وتتصل بيه وقت ما تحتاجه ولو ان الحل ده احيانا السواق بيستغلك فيه شويه لانه عارف ان ماعندكش بديل
بالنسبة الاقامه بالفندق ممتع جدا وخصوصا لو معاك اطفال لان ليهم أنشطه ترفيه كتيره زي الاكوا الخاصة بيهم أو اللونا بارك أو حفلات وأنشطه الانيميشن
الاكوا بتاعه الكبار ممتعه والفندق فيه حمامات سباحه كتير ودي ميزه لان بالرغم من ان العدد كان كبير وقتها الا ان الدنيا مكنتش زحمه في البيسين أو الاكوا
البحر صخري وتبع الفندق التاني بتاعهم وفيه باص بيتحرك كل ربع ساعه تقريبا من والي الشاطئ
الغرف مستوى النضافه فيها أقيمه ٦.٥ من ١٠ بس مش بالسوء انك تكون قرفان منها يعني نقدر نقول نضافه متوسطه ومقبولة
الاكل بصراحه مقبول جدا وفِي تقييمي ٧ من ١٠ لسبب انه مكنش متنوع بالقدر الكافي لكن كطعم ونضافه كويس
الانيميشن من اضعف الحاجات في الفندق طول اليوم تقريبا ملهمش وجود وفِي الحفلة بالليل ضعيفه وفِي يوم مكملتش نص ساعه على بعض
الفندق فيه عيوب اه لكن في المجمل كويس ومرضي وانا استمتعت بيه انا وأسرتي وممكن نكرر الزياره تاني وبصراحة الادارة واغلب العاملين في الفندق ناس محترمه جدا جدا وبتحاول على قدر المستطاع ترضي الناس
وهنا عاوزه أقول ملحوظه وهي ان الفندق وقت ما انا روحته كان عامل عرض على الليله ب ١٣٠٠ وده خلى نسبه الأشغال عاليه جدا جدا ورحمه شويه في المطعم خصوصا وقت وجبه العشا ولما الناس اشتكت وأدت ملاحظتها تاني يوم كان في تنظيم كويس والنَّاس استجابت وحسنوا من الخدمة والتنظيم وحتى حفله الانيميشن عملوا فيها مجهود شويه وده رد على الناس الي بيقولوا ان السياحه الداخلية والمصريين مبهدلين الدنيا ان ده استسهال من الفنادق ومش عاوزين يتعبوا نفسهم مش اكتر وينظموا ويتابعوا الناس
ملحوظة: الصور من TripAdvisor
اولا مكانه في خليج مكادي وده بيبعد عن الغردقه حوالي ساعه الا ربع نزلنا في موقف السوبر جيت بالغردقه وخدنا تاكسي ب ٨٠ جنيه للفندق
مكادي لأول وهله تحس انها صحرا ولو انت من الأشخاص الي بتحب تتحرك وتتفسح بره الفندق يبقي ده مش الاختيار الأفضل ليك علشان الفنادق هناك مبتوفرش باص للبلد وعلشان تنزل البلد نفسها اما ليموزين من الفندق ودوّل غاليين أو انت وحظك لو لاقيت تاكسي موصل ناس مثلا أو الحل التالت انك تاخد رقم التاكسي الي وصلك وتتصل بيه وقت ما تحتاجه ولو ان الحل ده احيانا السواق بيستغلك فيه شويه لانه عارف ان ماعندكش بديل
بالنسبة الاقامه بالفندق ممتع جدا وخصوصا لو معاك اطفال لان ليهم أنشطه ترفيه كتيره زي الاكوا الخاصة بيهم أو اللونا بارك أو حفلات وأنشطه الانيميشن
الاكوا بتاعه الكبار ممتعه والفندق فيه حمامات سباحه كتير ودي ميزه لان بالرغم من ان العدد كان كبير وقتها الا ان الدنيا مكنتش زحمه في البيسين أو الاكوا
البحر صخري وتبع الفندق التاني بتاعهم وفيه باص بيتحرك كل ربع ساعه تقريبا من والي الشاطئ
الغرف مستوى النضافه فيها أقيمه ٦.٥ من ١٠ بس مش بالسوء انك تكون قرفان منها يعني نقدر نقول نضافه متوسطه ومقبولة
الاكل بصراحه مقبول جدا وفِي تقييمي ٧ من ١٠ لسبب انه مكنش متنوع بالقدر الكافي لكن كطعم ونضافه كويس
الانيميشن من اضعف الحاجات في الفندق طول اليوم تقريبا ملهمش وجود وفِي الحفلة بالليل ضعيفه وفِي يوم مكملتش نص ساعه على بعض
الفندق فيه عيوب اه لكن في المجمل كويس ومرضي وانا استمتعت بيه انا وأسرتي وممكن نكرر الزياره تاني وبصراحة الادارة واغلب العاملين في الفندق ناس محترمه جدا جدا وبتحاول على قدر المستطاع ترضي الناس
وهنا عاوزه أقول ملحوظه وهي ان الفندق وقت ما انا روحته كان عامل عرض على الليله ب ١٣٠٠ وده خلى نسبه الأشغال عاليه جدا جدا ورحمه شويه في المطعم خصوصا وقت وجبه العشا ولما الناس اشتكت وأدت ملاحظتها تاني يوم كان في تنظيم كويس والنَّاس استجابت وحسنوا من الخدمة والتنظيم وحتى حفله الانيميشن عملوا فيها مجهود شويه وده رد على الناس الي بيقولوا ان السياحه الداخلية والمصريين مبهدلين الدنيا ان ده استسهال من الفنادق ومش عاوزين يتعبوا نفسهم مش اكتر وينظموا ويتابعوا الناس
ملحوظة: الصور من TripAdvisor