لو أنا معايا فيزا شنجن وفيزا انجلترا ، ولظروف...

[Abdalla Ebrahem]

لو أنا معايا فيزا شنجن وفيزا انجلترا ، ولظروف معينة كنت مضطر اسافر لمنطقة الشنجن ومنها اروح انجلترا.

السؤال الأول :هل الباسبور هيتختم خروج ؟ ولا عشان انا طالع علي انجلترا مش هيتختم ؟
السؤال التاني : لو طيارتي اللي راجعة مصر من انجلترا هتنزل ترانزيت في اليونان ، ساعتها ايه موقفي بالنسبة لختم اليونان خروج وملوش مقابل دخول ؟

حد فاهم حاجة !

 

[Moutaz Mohamed]

هجاوبك علي السؤال الاول
هيتختم خروج عشان لندن مش تبع الاتحاد الاوربي

 

[Moutaz Mohamed]

Mohamed Yehia

 

[Moutaz Mohamed]

Steven Gerrard Bergkamp

 

[Mohamed Yehia]

هيتختملك خروج من اوروبا
ومش هيتختملك دخول تاني من اليونان لانه ترانزيت في المطار عادي

 

[Shereen AboSamra]

هيتختم خروج فى اخر دولة ليك فى منطقة الشينجن،، وبعد كده دخول وخروج إنجلترا،، اليونان مش هتختم لا دخول ولا خروج عشان دى ترانزيت

 

[Hussein Amr]

Schengen beta3ak single walla multi ? 3ashan A3taked hate7tagha multi keda

 

[حسن عبدالله]

أنا نزلت ترانزيت في اليونان واتختملي دخول ولما توجهت للرحلة المواصلة مختموش خروج علشان كانت لفرنسا

 

[Tawfik Azer]

لو خرجت من المطار فى اليونان، يختتم لك دخول وخروج تانى

وطبعا يختتم لك دخول بريطانيا وخروج منها

يعنى كل دخول أمامه خروج

فين المشكلة؟!!

 

[Abdalla Ebrahem]

كانت المشكلة اني لو نازل بس ترانزيت في اليونان ومش ناوي اخرج من المطار ! كان الختم هيكون خروج بس ومفيش دخول ولا مش هيتختم حاجة خالص ! ده كان سؤالي

 

[Tawfik Azer]

لا، لو ترانزيت بس فى المطار ولا دخول ولا خروج

 

[Abdalla Ebrahem]

تمام كده ، شكرا يا جماعة ليكم كلكم

 

[Maged Atef]

هيتختملك دخول وخروج من دول الشينجن بعد كده دخول انجلترا ومفيش ختم خروج عشان انجلترا مبتختمش خروج، بيسجلوا خروجك الكترونى
وفى اليونان ترانزيت بدون اختام طالما مخرجتش من المطار.. لو ترانزيت طويل وقررت تخرج وترجع هيتختملك دخول وخروج من اليونان

 

[Ahmed Desouky]

فين السؤال !؟
و هايفرق معاك ايه !؟


سافر يا عمنا و اعمل الي انت عايزه .. ادخل و اخرج براحتك

فيزا انجلترا ٦ شهور ..!
و الشنجن مالتي ..!

 

[Mahmoud Samir Bedair]

دخول شينجين
خروج شينجين
دخول انجلترا
خروج انجلترا
مفيش اختام ترانزيت


الترانزيت ملهوش اختام بالنسبه للمصريين في منطقة الشينجين في جنسيات تانيه بيبقي ليها تاشيرة ترانزيت

 

[Fawzy's Son]

(( علياء المهدي ))

 

[Hend Salem]

و انت رايح لو داخل الشنجن هتختم دخول ... لو الشنجن مجرد ترانزيت بس مش هتاخد اختام فيه
لو دخلت الشنجن و منها لانجلترا هتختم خروج شنجن و دخول انجلترا
و انت طالع من انجلترا لو داخل الشنجن تانى مش هتاخد ختم خروج من انجلترا بس هتاخد دخول شنجن ...
لو طالع من انجلترا على مصر ترانزيت اليونان هتاخد خروج من انجلترا و مافيش ختم فى اليونان

 

[Hazem Allam]

يا جماعه....انا باروح انجلترا كتير
لا يوجد ختم خروج من انجلترا خالص.
بتدخل المطار وتركب طيارتك ومع السلامه.
انجلترا الغت ختم الخروج ده من زمان قوى ... هما عندهم قائمة باسامى ركاب جميع الطائرات والبواخر المغادره وبالتالى بيعرفوا انك خرجت و لما تروح تقدم على فيزا انجلترا تانى مفيش اى مشكله. بيعرفوا من السيستم انك دخلت وخرجت سليم و إلا كسرت الفيزا.
ثانيا معظم الترانزيت مفيش فيه اختام ولكن فى بعض المطارات بيختم لك دخول.
يعنى مره كنت مسافر هولندا ونزلت ترانزيت فى ايطاليا وختمت الباسبور دخول فى ايطاليا.