T
Tarek Magdy Abo EL-Fotouh
:: مسافر ::
لبنان فالقلب ❤ ❤
كانت اول سفرية ليا وكان اول ختم فالباسبور وكان اول مرة اركب طيارة وكان فية كمية مغامرات وقصص رهيبة لما تيجى مناسبه نبقى نحكيها مع بعض
هخكيلك عن لبنان و لو انت مهتم فعلا بالسفر ونفسك فعلا تنطلق ممكن تبدا زى ماانا بدات وتقرا البوست لاخرة
1- هجيب فلوس منين والطيران بقا غالى نار و الموضوع بقا متعقد فكل السفرات ؟؟!! بص بقا يابرنس انا وجزء من اللى كان معايا فالرحلة بدا بلبنان مش عشان هيا حلم موجود فالباكت ليست لا عشان اللعبه بتبدا كدة .. انت مثلا بتبدا لبنان بعدها تركيا .. تايلند .. قبرص ... الى ان تقدر تقدم على شنجن او امريكا ... هيا بلدك كدة وباسبورك الاخضر ابو نسر عايز كدة ...
المهم يعنى من غير رغى .... بدانا لبنان عشان لاقينا عرض فشركة اسمها تيشورى موجودة فصلاح سالم " شركة سيئة للغاية اصطف .. اتوبيس عطل بينا فالطريق ... عدم نظام وعدم احترام مواعيد " حاجة كدة اقل من نجمه واحدة بس سبحان الله عندهم ميزة فشيخة بيقدروا يجيبوا اسعار و بيحجزوا طيران شارتر برخص التراب
حجزنا لبنان ب 3200 شامل الطيران من شرم الشيخ لبيروت والعكس و شامل الانتقالات اتوبيس من القاهرة لشرم والعكس وشامل كمان حجز فندق 4 نجوم " دة فعلا كان موجود ومن 10 ايام مش من سنة مثلا يعنى لاى انسان طبيعى دة سعر احسن من 3 ليالى فالغردقة
اختصارا عشان تفهم اول عنصر انت بتدور وبتشوف اية العرض اللى يناسب امكانياتك المادية وبعد كدة تروح لرقم 2
2- الفيزا ... دى بقا يامعلم تركز فيها معايا بقا عشان هيا ليها طريقين
الاول وهوة الاسهل لو باسبورك مكتوب فيه مهنه محترمة يبقى تتصرف ف 2000 $ بوكيت مانى " حاجة بتخليك مميز يعنى مش عايش فالشارع مثلا او انك شخص قادر ماديا انك تسافر ... ممكن تستلفهم من اى حد لانك انت مش هتصرفهم اكيد دة بس انت بتوريهم للظابط وانت مسافر و مع الفلوس بيبقى معاك تذاكر طيران ذهاب وعودة وحجز فندق ومع ال 3 حاجات دول بتروح المطار بتشترى فيزا ب 20 دولار وبتعدى بقا الحدود
التانى وهوة انى باسبورك حاصل على ليسانس او بكالوريوس .. هنا بقا لازم تجيب الفيزا من سفارة لبنان او بتخلى شركه السياحة تعملهالك ودة بيتطلب بقا كشف حساب بنكى وكمان hr letter يعنى يقولولهم ابو الشباب او بنت الشابات دى بيشتغل معانا وبيقبض قد كدة " بالحب تقدر تغير رقم المرتب " بس هوة لازم توديه للسفارة مع صور شخصية على خلفية بيضاء وبعد بقا مالسفارة تديك الفيزا ان ادتهالك " احم احم " بتروح مجمع التحرير تعمل حاجة اسمها تصريح امنى دة لازم
وطبعا يابرنس متنساش لو ليك جيش تجيب تصريح سفر
فيه لعبة خظ بقا انك حاصل على مؤهل وانك تروح ببوكيت ماانى وتفكك من قوانين البلد وتفكك من التصريح الامنى و تدخل عادى " دة حصل مع صاحبى وانتيمى فالرحلة " صبح ا David
بيقولوا كمان لو انت بقا من ولاد الناس اللى بيسافروا حتت كتير ممكن تفكك من التصريح الامنى و تتعامل لانى الظابط هيشوف انى فية 10 فيز مثلا فباسبورك فصباح الفل
3- عملة لبنان هيا الليرة و دى 1500 منها ب 1 دولار ب 18 جنية مصرى يعنى مثلا كنت بشترى ازازة المياة المعدنية ب 1000 ليرة يعنى ب 12 جنية ... لازم تبقى فاهم انك رايح بلد من اغنى بلاد الوطن العربى و مفيش حاجة خالص رخيصة هناك .. يعنى معلش يعنى لامواخذة اشتريت سندوتش شاورما قبل مااسافر ب 9000 ليرة يعنى 100 جنية ووالله سندوتش من سمسمه ابو 7 جنية احلى منه بس ماعلينا لو عايز تتبسط بجد متحسبهاش كدة احسبها انك حاطط بادجيت للرحلة وعايز تتبسط ومتفكرش فالفلوس.. انت اللى عملتك منيله بستين نيلة بعد التعويم
4- الانترنت ... مطار بيروت الشقيق بيصبح عليك اول ماتوصل بنص ساعه ببلاش وبيمسى عليك وانت مروح بنص ساعه تانية ببلاش عشان ترفع الصورتين الحلوين على الفيس وانستجرام وتقول مع السلامة يابلد وانا جايلك يابلد
طيب لو حابب تشترى خط تليفون يكون فيه نت اقل حاجة 27 دولار بيديلك 12 دقيقة جوة لبنان و جيجا وربع " مانصحكش خالص " كل الفنادق فيها واى فاى فاللوبى وفالغرفة ... انت رايح تتبسط متفكرش فى نت خالص
5- الزيارات الاساسية اللى انا زرتها
فكرتى كانت اقسم الرحلة 3 ايام ... الاول تاريخ بالشكل دة
... أ ... مغارة جعيتا دى تذكرتها ب 12 دولار ودى اهم حاجة فلبنان دى عبارة عن مغارة تحت الارض متكونه طبيعيه من المياة مش هحكيلك عنها حاجة عشان تحبها اول ماتزورها بس هيا جميلة جدا وهتعجبك
ب - فنفس اليوم تروح بقا رايح على طول تمثال سيدة لبنان " حريصة " بردو لذيذ وحلو اووى وهتركب التليفريك وهتتبسط ب 7 دولار
ج- طرابلس .. دى المدينه التانية المهمه بعد بيروت ... فكسانه اخر مية حاجة ... كانت محلاتها قافلة كلها فالعيد و زرنا قلعه طرابلس ولا ليها لزمه و مشينا يمكن 7 كيلو انى نلاقى حاجة تعجبنا ... صدقنى ولا اى اندهاش .. بس اهو عملنا جعيتا وحريصا وطرابلس فى يوم واحد
تعالى بقا على التقيل " المناظر الطبيعيه " تانى يوم "
د - شلال افقا .... ز .... العاقورة .... و .... بالوع بلعة ..... ه ... اللقلوق ....
كل الاماكن دى دخول ببلاش باستثناء البالوع ب 3 دولار
دة احلى يوم فالرحلة
اليوم التالت داى يوز ففندق 5 نجوم " ينفع يعنى رحلة من غير بحر "
بيروت بحرها ملوث جدا وعشان كدة كل الفنادق فيها حمامات سباحة بس حاجة نضيفة كدة بنت ناس ... اختارت كورال بيتش دة ليلته على بوكينج ب 220 دولار انا عملت داى يوز ب 23 دولار وكان جامد تنين ...
طبعا عارفك هتسالنى انا هروح لبنان عشان اروح حمام سباحة ... انا عايز بحر .. فية يامعلم شط عام كدة ب 4 دولار بس حاجة زى بلطيم كدة و ناس نازلة البحر بهدومها وللاسف سىء جدا او ممكن بتدفع 50 دولار بتروح فندق فجنوب لبنان اسمة الجسر و بحر بقا براحتك يامعلم
طيب ياعم فين دير القمر وفين بيت موسى وفين صيدا وفين بعلبك ... كله دة فكسان من وجهه نظرى او تقدر تقول مش بتاعى
طيب خلصنا لبنان الصبح .... اية بقا ؟؟!! فين بليل ؟!!
ها ؟؟؟؟ فين بليل ؟؟؟؟؟
بليل فين .... طبعا اهم حاجة ف بليل انك تعمل سيتى تور فبيروت يعنى تاخد صورة مع i love beirut ويعنى تشوف هتتعشى فين عشان الفندق فطار بس وتروح تشوف صخرة الروشة وتبقى روش يعنى
ياعم دة مش مهم .... لبنان بليل فيها اية ؟؟؟!!!!
بص يامعلم انت بقا هنا تختار جوك المفضل ... يعنى ممكن تروح سهرة ففندق ريتز كارلتون رقاصة و اوبن بوفية اكل وشرب سوفت درينك وهارد درينك ب 55 دولار
لو متجوز منصحكش تاخد مراتك ولو مصاحب متاخدش صاحبتك ولو اى حاجة بلاش اى حاجة
فية كمان كل 100 متر بااااااااااااااااااااااااااااب دى مش dooor دى pub يعنى بار صغير للى بيحب يشرب عصير قصب و كركدية و مياة ساقعه ودة فكل حته فبيروت والجميزة و جونيا والحمرا
مفيش حاجة تانيه غير اللى انت بتفكر فيه ياقليل الادب وعيب بقا عشان احنا وطن عربى واحد .
6- الاكل والشرب ... تكرم معلم واقبرنى بوجباتك اللى هيا
بص ليك فاكل اهل البلد والجو دة فيه مطعم ام نزية هيجبلك اكل كدة طعمه حلو بس انا مش فاكر اساميه بصراحه بس حلو انا اتعشيت فيه عشواية حلوة ب 28 دولار بس
بس الاساسى بقا مناقيش بالجبنة والزعتر 1 دولار .... بوظة اللى هوة الايس كريم بيعملوة بطريقة حلوة اوى دولار ونص وياسلام كمان لو رحت محل اسمة بشير وجبت ايس كريم قشطة و فسدق 5 دولار ونص و لازم تاكل شاورما لحمة من بربر ب 3 $ ومتنساش تروح محل سى فود وتجيب سندوتش كراكنت ب 5 دولار
* الشيشة حلوة اووى كمان ب 6 دولار
7- المواصلات ... مفيش مترو ... مفيش ترام .... مفيش غير تاكسى بيبقى على حسب الاتفاق ممكن لو فنفس طريقة بيبقى سرفيس او سرفيسين " يعنى تدفع الاجرة دوبل " يعنى بتاخد نص تاكسى او بتاخد بقا التاكسى كله وعلى حسب الاتفاق بس غالى جدا يعنى مثلا هتروح من اول شارع لاخرة 10 كيلو ب 10 .. 12 دولار
هيتسالك سوال من اغلب سواقين التاكسى انت مصرى ؟؟؟!!
هتقولة اة انا من ام الدنيا .... يقولك طيب اية بقا مش عايزنى افرجك و اديلك اسعار
بيحبوا الخير وبيساعدوا الناس والحلو كلهم معاهم بيزنس كاردز
8- السوفينر فالبلد دى غالى فشخ ومفيش حاجة عدلة تشتريها غير
صابووووووون ... اة والله اللى بيزحلق دة عشان طبيعى مش اى كلام يعنى
مكسرات ... غالية بغباء بسسسسس حلوة بجد غير بتاعه بلدنا
زعتر ,,و والله معرفتش شكلة غير لما رحت هناك وجبت تمن كيلو ب 4 دولار ومعرفش جبته ليه اصلا
هدايا هتروح لصحاب نصيبها مالكش دعوة بيها ... انت و ذوقك ودماغك بقا
9- فية شطافة خارجيه فمعظم الفنادق و فيشه الكهرباء عادية زى بتاعتنا و ابقا خد معاك ايزالو عشان فيه ناموس ابن *****
سطرين الختام
قبل الرحلة كنت مستصعب الفكرة وشايف انها مستحيلة و ومكنش فيه حاجة مبشرانى انى اسافر بس ربنا اراد وفعلا انبسطت وبكل اللى كتبته دة رحلتى ارخص من اسبوع فالغردقة او شرم
* موضوع التورز و المواصلات كان مش متظبط بس من خلال الجروب حليت مشكله المواصلات والتورز انى اتعرفت على ناس كتير قبل الرحلة و فالطيارة وقدرت اظبط جايد و كوستر وعملنا اول يومين بااقل تكلفة يعنى مفيش حاجة مستحيله وكل حاجة ليها حل و متنساش لو خلاص هتسافر ابعتلى رسالة وانا هبعتلك ارقام السواقين اللى هتوديك بارخص سعر
مستنى اية يالا انجز و #هزهاوسافر !!
كانت اول سفرية ليا وكان اول ختم فالباسبور وكان اول مرة اركب طيارة وكان فية كمية مغامرات وقصص رهيبة لما تيجى مناسبه نبقى نحكيها مع بعض
هخكيلك عن لبنان و لو انت مهتم فعلا بالسفر ونفسك فعلا تنطلق ممكن تبدا زى ماانا بدات وتقرا البوست لاخرة
1- هجيب فلوس منين والطيران بقا غالى نار و الموضوع بقا متعقد فكل السفرات ؟؟!! بص بقا يابرنس انا وجزء من اللى كان معايا فالرحلة بدا بلبنان مش عشان هيا حلم موجود فالباكت ليست لا عشان اللعبه بتبدا كدة .. انت مثلا بتبدا لبنان بعدها تركيا .. تايلند .. قبرص ... الى ان تقدر تقدم على شنجن او امريكا ... هيا بلدك كدة وباسبورك الاخضر ابو نسر عايز كدة ...
المهم يعنى من غير رغى .... بدانا لبنان عشان لاقينا عرض فشركة اسمها تيشورى موجودة فصلاح سالم " شركة سيئة للغاية اصطف .. اتوبيس عطل بينا فالطريق ... عدم نظام وعدم احترام مواعيد " حاجة كدة اقل من نجمه واحدة بس سبحان الله عندهم ميزة فشيخة بيقدروا يجيبوا اسعار و بيحجزوا طيران شارتر برخص التراب
حجزنا لبنان ب 3200 شامل الطيران من شرم الشيخ لبيروت والعكس و شامل الانتقالات اتوبيس من القاهرة لشرم والعكس وشامل كمان حجز فندق 4 نجوم " دة فعلا كان موجود ومن 10 ايام مش من سنة مثلا يعنى لاى انسان طبيعى دة سعر احسن من 3 ليالى فالغردقة
اختصارا عشان تفهم اول عنصر انت بتدور وبتشوف اية العرض اللى يناسب امكانياتك المادية وبعد كدة تروح لرقم 2
2- الفيزا ... دى بقا يامعلم تركز فيها معايا بقا عشان هيا ليها طريقين
الاول وهوة الاسهل لو باسبورك مكتوب فيه مهنه محترمة يبقى تتصرف ف 2000 $ بوكيت مانى " حاجة بتخليك مميز يعنى مش عايش فالشارع مثلا او انك شخص قادر ماديا انك تسافر ... ممكن تستلفهم من اى حد لانك انت مش هتصرفهم اكيد دة بس انت بتوريهم للظابط وانت مسافر و مع الفلوس بيبقى معاك تذاكر طيران ذهاب وعودة وحجز فندق ومع ال 3 حاجات دول بتروح المطار بتشترى فيزا ب 20 دولار وبتعدى بقا الحدود
التانى وهوة انى باسبورك حاصل على ليسانس او بكالوريوس .. هنا بقا لازم تجيب الفيزا من سفارة لبنان او بتخلى شركه السياحة تعملهالك ودة بيتطلب بقا كشف حساب بنكى وكمان hr letter يعنى يقولولهم ابو الشباب او بنت الشابات دى بيشتغل معانا وبيقبض قد كدة " بالحب تقدر تغير رقم المرتب " بس هوة لازم توديه للسفارة مع صور شخصية على خلفية بيضاء وبعد بقا مالسفارة تديك الفيزا ان ادتهالك " احم احم " بتروح مجمع التحرير تعمل حاجة اسمها تصريح امنى دة لازم
وطبعا يابرنس متنساش لو ليك جيش تجيب تصريح سفر
فيه لعبة خظ بقا انك حاصل على مؤهل وانك تروح ببوكيت ماانى وتفكك من قوانين البلد وتفكك من التصريح الامنى و تدخل عادى " دة حصل مع صاحبى وانتيمى فالرحلة " صبح ا David
بيقولوا كمان لو انت بقا من ولاد الناس اللى بيسافروا حتت كتير ممكن تفكك من التصريح الامنى و تتعامل لانى الظابط هيشوف انى فية 10 فيز مثلا فباسبورك فصباح الفل
3- عملة لبنان هيا الليرة و دى 1500 منها ب 1 دولار ب 18 جنية مصرى يعنى مثلا كنت بشترى ازازة المياة المعدنية ب 1000 ليرة يعنى ب 12 جنية ... لازم تبقى فاهم انك رايح بلد من اغنى بلاد الوطن العربى و مفيش حاجة خالص رخيصة هناك .. يعنى معلش يعنى لامواخذة اشتريت سندوتش شاورما قبل مااسافر ب 9000 ليرة يعنى 100 جنية ووالله سندوتش من سمسمه ابو 7 جنية احلى منه بس ماعلينا لو عايز تتبسط بجد متحسبهاش كدة احسبها انك حاطط بادجيت للرحلة وعايز تتبسط ومتفكرش فالفلوس.. انت اللى عملتك منيله بستين نيلة بعد التعويم
4- الانترنت ... مطار بيروت الشقيق بيصبح عليك اول ماتوصل بنص ساعه ببلاش وبيمسى عليك وانت مروح بنص ساعه تانية ببلاش عشان ترفع الصورتين الحلوين على الفيس وانستجرام وتقول مع السلامة يابلد وانا جايلك يابلد
طيب لو حابب تشترى خط تليفون يكون فيه نت اقل حاجة 27 دولار بيديلك 12 دقيقة جوة لبنان و جيجا وربع " مانصحكش خالص " كل الفنادق فيها واى فاى فاللوبى وفالغرفة ... انت رايح تتبسط متفكرش فى نت خالص
5- الزيارات الاساسية اللى انا زرتها
فكرتى كانت اقسم الرحلة 3 ايام ... الاول تاريخ بالشكل دة
... أ ... مغارة جعيتا دى تذكرتها ب 12 دولار ودى اهم حاجة فلبنان دى عبارة عن مغارة تحت الارض متكونه طبيعيه من المياة مش هحكيلك عنها حاجة عشان تحبها اول ماتزورها بس هيا جميلة جدا وهتعجبك
ب - فنفس اليوم تروح بقا رايح على طول تمثال سيدة لبنان " حريصة " بردو لذيذ وحلو اووى وهتركب التليفريك وهتتبسط ب 7 دولار
ج- طرابلس .. دى المدينه التانية المهمه بعد بيروت ... فكسانه اخر مية حاجة ... كانت محلاتها قافلة كلها فالعيد و زرنا قلعه طرابلس ولا ليها لزمه و مشينا يمكن 7 كيلو انى نلاقى حاجة تعجبنا ... صدقنى ولا اى اندهاش .. بس اهو عملنا جعيتا وحريصا وطرابلس فى يوم واحد
تعالى بقا على التقيل " المناظر الطبيعيه " تانى يوم "
د - شلال افقا .... ز .... العاقورة .... و .... بالوع بلعة ..... ه ... اللقلوق ....
كل الاماكن دى دخول ببلاش باستثناء البالوع ب 3 دولار
دة احلى يوم فالرحلة
اليوم التالت داى يوز ففندق 5 نجوم " ينفع يعنى رحلة من غير بحر "
بيروت بحرها ملوث جدا وعشان كدة كل الفنادق فيها حمامات سباحة بس حاجة نضيفة كدة بنت ناس ... اختارت كورال بيتش دة ليلته على بوكينج ب 220 دولار انا عملت داى يوز ب 23 دولار وكان جامد تنين ...
طبعا عارفك هتسالنى انا هروح لبنان عشان اروح حمام سباحة ... انا عايز بحر .. فية يامعلم شط عام كدة ب 4 دولار بس حاجة زى بلطيم كدة و ناس نازلة البحر بهدومها وللاسف سىء جدا او ممكن بتدفع 50 دولار بتروح فندق فجنوب لبنان اسمة الجسر و بحر بقا براحتك يامعلم
طيب ياعم فين دير القمر وفين بيت موسى وفين صيدا وفين بعلبك ... كله دة فكسان من وجهه نظرى او تقدر تقول مش بتاعى
طيب خلصنا لبنان الصبح .... اية بقا ؟؟!! فين بليل ؟!!
ها ؟؟؟؟ فين بليل ؟؟؟؟؟
بليل فين .... طبعا اهم حاجة ف بليل انك تعمل سيتى تور فبيروت يعنى تاخد صورة مع i love beirut ويعنى تشوف هتتعشى فين عشان الفندق فطار بس وتروح تشوف صخرة الروشة وتبقى روش يعنى
ياعم دة مش مهم .... لبنان بليل فيها اية ؟؟؟!!!!
بص يامعلم انت بقا هنا تختار جوك المفضل ... يعنى ممكن تروح سهرة ففندق ريتز كارلتون رقاصة و اوبن بوفية اكل وشرب سوفت درينك وهارد درينك ب 55 دولار
لو متجوز منصحكش تاخد مراتك ولو مصاحب متاخدش صاحبتك ولو اى حاجة بلاش اى حاجة
فية كمان كل 100 متر بااااااااااااااااااااااااااااب دى مش dooor دى pub يعنى بار صغير للى بيحب يشرب عصير قصب و كركدية و مياة ساقعه ودة فكل حته فبيروت والجميزة و جونيا والحمرا
مفيش حاجة تانيه غير اللى انت بتفكر فيه ياقليل الادب وعيب بقا عشان احنا وطن عربى واحد .
6- الاكل والشرب ... تكرم معلم واقبرنى بوجباتك اللى هيا
بص ليك فاكل اهل البلد والجو دة فيه مطعم ام نزية هيجبلك اكل كدة طعمه حلو بس انا مش فاكر اساميه بصراحه بس حلو انا اتعشيت فيه عشواية حلوة ب 28 دولار بس
بس الاساسى بقا مناقيش بالجبنة والزعتر 1 دولار .... بوظة اللى هوة الايس كريم بيعملوة بطريقة حلوة اوى دولار ونص وياسلام كمان لو رحت محل اسمة بشير وجبت ايس كريم قشطة و فسدق 5 دولار ونص و لازم تاكل شاورما لحمة من بربر ب 3 $ ومتنساش تروح محل سى فود وتجيب سندوتش كراكنت ب 5 دولار
* الشيشة حلوة اووى كمان ب 6 دولار
7- المواصلات ... مفيش مترو ... مفيش ترام .... مفيش غير تاكسى بيبقى على حسب الاتفاق ممكن لو فنفس طريقة بيبقى سرفيس او سرفيسين " يعنى تدفع الاجرة دوبل " يعنى بتاخد نص تاكسى او بتاخد بقا التاكسى كله وعلى حسب الاتفاق بس غالى جدا يعنى مثلا هتروح من اول شارع لاخرة 10 كيلو ب 10 .. 12 دولار
هيتسالك سوال من اغلب سواقين التاكسى انت مصرى ؟؟؟!!
هتقولة اة انا من ام الدنيا .... يقولك طيب اية بقا مش عايزنى افرجك و اديلك اسعار
بيحبوا الخير وبيساعدوا الناس والحلو كلهم معاهم بيزنس كاردز
8- السوفينر فالبلد دى غالى فشخ ومفيش حاجة عدلة تشتريها غير
صابووووووون ... اة والله اللى بيزحلق دة عشان طبيعى مش اى كلام يعنى
مكسرات ... غالية بغباء بسسسسس حلوة بجد غير بتاعه بلدنا
زعتر ,,و والله معرفتش شكلة غير لما رحت هناك وجبت تمن كيلو ب 4 دولار ومعرفش جبته ليه اصلا
هدايا هتروح لصحاب نصيبها مالكش دعوة بيها ... انت و ذوقك ودماغك بقا
9- فية شطافة خارجيه فمعظم الفنادق و فيشه الكهرباء عادية زى بتاعتنا و ابقا خد معاك ايزالو عشان فيه ناموس ابن *****
سطرين الختام
قبل الرحلة كنت مستصعب الفكرة وشايف انها مستحيلة و ومكنش فيه حاجة مبشرانى انى اسافر بس ربنا اراد وفعلا انبسطت وبكل اللى كتبته دة رحلتى ارخص من اسبوع فالغردقة او شرم
* موضوع التورز و المواصلات كان مش متظبط بس من خلال الجروب حليت مشكله المواصلات والتورز انى اتعرفت على ناس كتير قبل الرحلة و فالطيارة وقدرت اظبط جايد و كوستر وعملنا اول يومين بااقل تكلفة يعنى مفيش حاجة مستحيله وكل حاجة ليها حل و متنساش لو خلاص هتسافر ابعتلى رسالة وانا هبعتلك ارقام السواقين اللى هتوديك بارخص سعر
مستنى اية يالا انجز و #هزهاوسافر !!
