K
Koko Loky
:: مسافر ::
انسو بقا ريكسوس والفندق بتاع مكادي اللي الليلة فيه ب 5000 جنية وتعالو نتكلم عن فندق حلو علي ادنا بقا فندق شيراتون شرم الاول قبل مانحجز كنت بحاول احجز ف كذا مكان زي سييرا او جاز فنارة او ريف اواسيز بس لكذا سبب محجزناش ف ولا واحد وكان نصيبنا شيراتون وكنت خايفة منه لان الريفيوهات عنه مش حلوة اوي بس توكلت علي الله وروحت بس بصراحة مندمتش ابدا اولا الغرفة كبيرة ونضيفة وحلوة جدا بالظبط زي الصورة انا مصورتهاش بس هي بالظبط زي الصورة وكل الغرف عالبحر وكل العاملين هناك زوق جدا ماشوفناش اي حاجة وحشة وبيتعاملو بذوق وادب الاكل نضيف وفي تنوع بس هو مطعم مصري بس مفيش مطعم تاني وده عيب طبعا بس بصراحة الاكل كان في تنوع وكان نضيف جدا وكميات كبيرة والعاملين فالمطعم مبيزهقوش من الطلبات زي ما سمعت ف اماكن تانية حمام السباحة نضيف وحلو في ناس اشتكت ان هو حمام واحد بس وانا اتضايقت لما عرفت كدة بس بصراحة لما نزلت محستش ابدا ان مفيش خصوصية او ان ده عيب بالعكس استمتعنا جدا بوقتنا فيه الشاطيء صخري زي معظم شرم والفندق بليل مفيش نشاط غير فريق الانيمشن بيعمل حاجة بسيطة للاطفال وقبل مانمشي عملو حفلة صغيرة بس الاحسن طبعا اللي بيحب يسهر يخرج يتفسح بره فالمجمل مستوي الفندق حلو جدا بالنسبة للمبلغ المدفوع وانصح بيه للناس اللي عايزة تقضي وقت حلو من غير اسعار خزعبلية
