النهارده كنت مسافر من دبي الي روما .. مسار...

[Osama Salah]

النهارده كنت مسافر من دبي الي روما .. مسار الطياره بيعدي علي القاهره. .. كابتن الطياره اول مادخلنا اجواء القاهره وبدون اي سبب. شغل الاذاعه الداخليه ونبه الركاب انهم يبصوا من الشباك هيشوفوا الاهرامات والنيل .. الطياره كلها ايطالين كلهم وقفوا يتفرجوا علي الاهرامات ونهر النيل والكل طلع كاميراته وموبايلاته .. بجد احنا عندنا مقومات تخلينا من انجح الدول لكن للاسف الاهمال والمسءولين الي ماعندهمش ضمير وخصوصا في العنايه بمنطقه الاهرامات وصلونا للوضع الحالي

 

[Noha Abdelaziz]

فعلا عندك كل الحق
ربنا يبعتلنا احسن منهم يارب

 

[Eng-Adel Barakat]

عندما يحكم المعاتيه يحدث كما حدث في مصر

 

[Moh Mah]

كان طيران ايه

 

[Mahmoud Diab]

الفساد فى كل حته للاسف

 

[Bon Bon]

طيار وطني أكتر من مسؤلين كتير

 

[Mariam Marzouk]

ممكن شير؟؟؟

 

[Abu Yousuf El Emam]

ام الدنيا

 

[د. علاء السيد محمد]

ايطاليا بتحافظ علي الآثار بتاعتا اكتر منا في مسلة في الفاتيكان وساحة الشعب وغيرهل

 

[Adel Elsaid]

احنا هنا ف ايطاليا بنفتخر بالاثار المصرية ال هنا

 

[Amr Dessouki]

الموضوع مش اهمال...مصر كانت ناجحه جد ا جدا سياحيا ..المشكله امنيه و كل المنطقه ملتهبه وبايظه سياحيا

 

[Wasfy William]

ممكن سوءال خارج المقرر
هي ايه شهادة التحركات اللي بنعملها في المجمع في ميدان التحرير وايه الهدف منها وما فيديتها للسفارات

 

[Mohamed Shouman]

من دبى لروما
و انا من الصالة للبكلونة

 

[Abd Allh Faried]

Sara Doode

 

[Amira Amin]

متأمرين على نفسنا

 

[Ghada Hosni]

قطاع السياحه ف مصر فاشل جملة وتفصيلا من اصغر لأكبر موظف احنا دولة متروسه اماكن سياحية سواء اثار او شواطئ او محميات او اماكن دينيه او علاجيه وكلو مردوم وناس عمالة تزيد مرتبات وتعبي ف كروشها ع الفاضي وان شاء الله هيولعو بيها وناس بتدفع تمن التخلف والاهمال ف اسعار عمالة تولع كل يوم

 

[Mohamed Reda]

كنت ف الاهرامات امبارح انا وزميلي بجد حاجه تحزن اقسم بالله خدمات زباله ولا مفيش خدمات اساسا والنصابين بتوع الخيل والاستغلال والنصب بتاع البياعين اقسملك بالله اقل بياع بيطلعوا مش اقل من الف جنيه مكسب من بيعه ولا اتنين و روح وشوف وهو بيبيع للسياح منطقه الاهرامات ف حاله تكسف والله

 

[Ehab Elhagar]

بوست رائع يا اسامة

 

[Reham Orabi]

يا فندم انا روحت الشتا اللي فات الاقصر و اسوان و قلت احضر الصوت و الضوء و فوجئت باه عند بوابة الدخول و الامن و التفتيش ماشي كل دا زي الفل علي عيني و راسي بس البوابة معمولة بكياس بلاستيك شفافة
ازاي ماحدش من المسؤولين راح و علق علي المنظر ده
مكان عريق و الاجانب دافعين تذاكر و جايين بالليل يتفرجوا و تعدوهم علي بوابة بلاستيك شفاف . عيب اوي

 

[Dina Al Issa]

فعلا .. بيحصل . و انا راجعه من المانيا .. الطيار نبه الناس اننا لو يصينا من الشباك حيشوفو الهرم .. و الناس كانت مبهوره و هو قال وصلنا ارض الفراعنه .. الطيران الاماني لوفتهنزا .. كنت حعيط من السعاده ووالزعل في نفس الوقت اننا مش عارفين نستغل ده صح .
الشحات في المانيا بيرسم و بيسيب كبايه تحط فيها الكوين .. الي كان بيرسم الاهرامات و ابو الهول كانت الناس بتتفرج عليه بانبهار رهيب ..