T
Taher Derbala
:: مسافر ::
السفر لهولندا
هى مملكة الأراضى المنخفضة نظرا لانه يقع حوالي نصف مساحة أراضي هولندا تحت مستوى سطح البحر وعشان كده ليها طبيعه مختلفه شويه عن باقى البلاد حواليها نظرا لتخلل المياه مساحه كبيره جدا منها
تعدادها السكانى 20 مليون نسمه واللغه الرسمية للبلاد هى اللغه الهولنديه لكن معظم ويكاد يكون كل الشعب الهولندى متقن للغه الإنجليزيه فانت لو سائح مش هتلاقى عناء فى التواصل
هولندا بلد سياحى من الدرجة الاولى وده نظرا للطبيعه الخلابه اللى فيها وجوها اللى الى حد ما مقارنة بباقى بلاد اوروبا الشماليه معتدل ونظرا لوجود العديد من المزارات والاماكن هانتطرقلها قدام , خلونى الاول اتكلم عن طريقة السفر لهولندا بغرض السياحه او الزياره :
هولندا من البلاد اللى الفيزا بتاعتها مش سهله ومحتاجه ترتيب أوراق كويس خلينا الاول نقول على حاجات لو موجوده عندك هاتسهل موضوع الحصول على الفيزا اسرع واسهل
1 - دعوة : لو معاك دعوه من اقاربك او اصحابك او دعوه من مؤتمر او معرض او شركه او نوع من انواع الدعاوى بيوفر عليك كتير وبيقوى فرصة حصولك على التأشيره
2 - لو سافرت قبل كده سياحه بلاد تانيه سواء اسيا او اوروبا او غيرها ده بردو يدل على انك بتحب السفر والسياحه وبردو بيقوى موقفك جدا لان مش طبيعي تكون ماسفرتش ولا مره بره مصر واول ماتسافر سياحه تروح رايح على هولندا ( بالرغم من ان اول فيزا اخدتها على باسبورى كانت لهولندا الا ان ده كان سنة 2011 )
3 - لو شغال فى مكان وهاتجيب منه اتش ار ليتر يفضل ويستحسن ان بطاقتك وباسبورك يكونوا بنفس الوظيفه فى المكان ده , ده بيسهل عليك كتير
نيجي للتقديم :
الأول لازم تحدد الهدف من السفر ( سياحه - زياره - علاج - بيزنس - دراسه .....)
فى كل الحالات فى اوراق ثابته لازم تقدمها ( باسبور سارى - صور شخصيه خلفيه بيضا - أبليكيشن من موقع السفارة - شهادة تأمين سفر عن فترة اقامتك - حجز سفر مبدأى - اتش ار ليتر - لو فيه دعوه - كشف حساب بالبنك - وحجز أوتيل ريزرفيشن - طبعا شهادة تحركات لو اول مره تسافر من مجمع التحرير - ولو ده مش اول باسبور ليك تصور اى فيز اخدتها قبل كده وباسبورك القديم - فى حالة اصحاب الشركات لازم تقدم السجل التجارى والبطاقة الضريبيه )
السفارة لازم تقتنع انك مقدم اوراق حقيقية ومعلومات صحيحه والموضوع مش فى المقام الاول بكشف الحساب زى ما كل الناس فاكره لو معاك دعوه الدعوه بتغنى بشكل كبير عن كشف الحساب .
لو رايح سياحه لازم تعرف انت هاتروح فين وتحدد الاماكن اللى حابب تزورها وتعرف معلومات عنها ولو فيه اى حجز هاتعمله هاته معاك هايفيد زى حجز مركب مثلا او زيارة متحف او حفله او مباراه الخ ..
بتاخد معاد مقابله عن طريق اللينك ده
/VFS : Registered Login
المقابله فى السفاره مش صعبه ومستحيله مقابله عاديه بيسألك عن المعلومات اللى مقدمها وعن هدفك من السفر وعن الاماكن اللى هاتزورها وليه هولندا بالتحديد فالاحسن تكون مرتب نفسك وعارف كويس ليه هولندا بالتحديد .
بعد ما تقدم الاوراق والباسبور بيديك ايصال استلام لاستلام باسبورك بعد اسبوعين تقريبا وانا دايما كنت بادفع تقريبا 70 جنيه واطلب انهم يبعتهولى على البيت بالشحن tnt
*** لازم كل الاوراق تكون مترجمه للغه الانجليزيه من مكتب ترجمه معتمد ومافيش اى ورقه عربي ***
طبعا لو اخدت الفيزا لما تروح وترجع فى ميعادك بيكون اسهل بكتير حصولك على فيز تانيه
هاحط دلوقتى لينكات هاتسهل كتير وفيها كل المعلومات اللى ممكن تحتاجها :
1 - موقع السفارة الهولنديه
/Home | Landingspage
هتلاقى عليه مواعيد السفارة وارقام التليفون اللى تتصل بيها عشان تاخد معاد والابليكشن وكمان معلومات تانيه عن الفيزا مهمه
......
2 - موقع وزارة الهجرة والجنسية الهولنديه IND
/Home | Immigratie- en Naturalisatiedienst (IND)
تقدر عليه تلاقى معلومات عن لم الشمل او لو عند سؤال خاص بالتأشيره او لو لا قدر الله فى حالة الرفض تقدر تبعتهلم أوبجيكشن على القرار ومعلومات تانيه كتير عن انواع الاقامات والتأشيرات
......
3 - مواقع للدراسة فى هولندا
/Study in Holland
/Studyfinder
تقدر تلاقى عليها فرص دراسة ومنح فى تخصصك والاوراق المطلوبه والجامعات فى هولندا
.....
4 - موقع الدليل السياحى لهولندا
/Uitjes in Amsterdam v.a. €13,50 – Mokumevents.nl
عليه معلومات عن افضل اماكن للزيارة وصور للاماكن ونصائح للسياح
.....
5 - موقع لللإيفنتات على مدار السنه فى هولندا
/Events Holland - Home
ممكن كمان تستعين بجوجل فى البحث عن ايفينتات سياحيه فى الوقت اللى انت رايحه
.....
** هولندا بلد تاريخيه وبلد لفنانين كبار زى ريمبرانت وفان خوخ وغيرهم كتير
** هولندا عندهم سياحة مخدرات نظرا لانها البلد الوحيده المقنن فيه المخدرات ( بغض النظر عن انه صح او لا )
** هولندا عندها أكبر مينا فى اوروبا وتانى اكبر مينا فى العالم فى مدينة روتردام
** الريف الهولندى سواء فى الشمال او الجنوب من اروع الاماكن اللى ممكن تزورها
** الطبيعه عندهم خط احمر والتعدى على الطبيعه بمثابة التعدى على ممتلكات الملك نفسه
** هولندا مشهورة بالورود وزراعتها وتصديرها والحيوانات البريه
** الشعب الهولندى شعب ظريف ومرحب وبيحب يساعد اى حد غريب
.....
اتمنى اكون مانستش حاجه ولو نسيت وحد شاف حاجه فى الخطوات ناقصه ممكن يقولى عشان اصلحها عشان كل الناس تستفاد
فى بوست تانى هاكتب اول رحله ليا تفاصيلها وروحت فين وعملت ايه فى هولندا بالظبط
هى مملكة الأراضى المنخفضة نظرا لانه يقع حوالي نصف مساحة أراضي هولندا تحت مستوى سطح البحر وعشان كده ليها طبيعه مختلفه شويه عن باقى البلاد حواليها نظرا لتخلل المياه مساحه كبيره جدا منها
تعدادها السكانى 20 مليون نسمه واللغه الرسمية للبلاد هى اللغه الهولنديه لكن معظم ويكاد يكون كل الشعب الهولندى متقن للغه الإنجليزيه فانت لو سائح مش هتلاقى عناء فى التواصل
هولندا بلد سياحى من الدرجة الاولى وده نظرا للطبيعه الخلابه اللى فيها وجوها اللى الى حد ما مقارنة بباقى بلاد اوروبا الشماليه معتدل ونظرا لوجود العديد من المزارات والاماكن هانتطرقلها قدام , خلونى الاول اتكلم عن طريقة السفر لهولندا بغرض السياحه او الزياره :
هولندا من البلاد اللى الفيزا بتاعتها مش سهله ومحتاجه ترتيب أوراق كويس خلينا الاول نقول على حاجات لو موجوده عندك هاتسهل موضوع الحصول على الفيزا اسرع واسهل
1 - دعوة : لو معاك دعوه من اقاربك او اصحابك او دعوه من مؤتمر او معرض او شركه او نوع من انواع الدعاوى بيوفر عليك كتير وبيقوى فرصة حصولك على التأشيره
2 - لو سافرت قبل كده سياحه بلاد تانيه سواء اسيا او اوروبا او غيرها ده بردو يدل على انك بتحب السفر والسياحه وبردو بيقوى موقفك جدا لان مش طبيعي تكون ماسفرتش ولا مره بره مصر واول ماتسافر سياحه تروح رايح على هولندا ( بالرغم من ان اول فيزا اخدتها على باسبورى كانت لهولندا الا ان ده كان سنة 2011 )
3 - لو شغال فى مكان وهاتجيب منه اتش ار ليتر يفضل ويستحسن ان بطاقتك وباسبورك يكونوا بنفس الوظيفه فى المكان ده , ده بيسهل عليك كتير
نيجي للتقديم :
الأول لازم تحدد الهدف من السفر ( سياحه - زياره - علاج - بيزنس - دراسه .....)
فى كل الحالات فى اوراق ثابته لازم تقدمها ( باسبور سارى - صور شخصيه خلفيه بيضا - أبليكيشن من موقع السفارة - شهادة تأمين سفر عن فترة اقامتك - حجز سفر مبدأى - اتش ار ليتر - لو فيه دعوه - كشف حساب بالبنك - وحجز أوتيل ريزرفيشن - طبعا شهادة تحركات لو اول مره تسافر من مجمع التحرير - ولو ده مش اول باسبور ليك تصور اى فيز اخدتها قبل كده وباسبورك القديم - فى حالة اصحاب الشركات لازم تقدم السجل التجارى والبطاقة الضريبيه )
السفارة لازم تقتنع انك مقدم اوراق حقيقية ومعلومات صحيحه والموضوع مش فى المقام الاول بكشف الحساب زى ما كل الناس فاكره لو معاك دعوه الدعوه بتغنى بشكل كبير عن كشف الحساب .
لو رايح سياحه لازم تعرف انت هاتروح فين وتحدد الاماكن اللى حابب تزورها وتعرف معلومات عنها ولو فيه اى حجز هاتعمله هاته معاك هايفيد زى حجز مركب مثلا او زيارة متحف او حفله او مباراه الخ ..
بتاخد معاد مقابله عن طريق اللينك ده
/VFS : Registered Login
المقابله فى السفاره مش صعبه ومستحيله مقابله عاديه بيسألك عن المعلومات اللى مقدمها وعن هدفك من السفر وعن الاماكن اللى هاتزورها وليه هولندا بالتحديد فالاحسن تكون مرتب نفسك وعارف كويس ليه هولندا بالتحديد .
بعد ما تقدم الاوراق والباسبور بيديك ايصال استلام لاستلام باسبورك بعد اسبوعين تقريبا وانا دايما كنت بادفع تقريبا 70 جنيه واطلب انهم يبعتهولى على البيت بالشحن tnt
*** لازم كل الاوراق تكون مترجمه للغه الانجليزيه من مكتب ترجمه معتمد ومافيش اى ورقه عربي ***
طبعا لو اخدت الفيزا لما تروح وترجع فى ميعادك بيكون اسهل بكتير حصولك على فيز تانيه
هاحط دلوقتى لينكات هاتسهل كتير وفيها كل المعلومات اللى ممكن تحتاجها :
1 - موقع السفارة الهولنديه
/Home | Landingspage
هتلاقى عليه مواعيد السفارة وارقام التليفون اللى تتصل بيها عشان تاخد معاد والابليكشن وكمان معلومات تانيه عن الفيزا مهمه
......
2 - موقع وزارة الهجرة والجنسية الهولنديه IND
/Home | Immigratie- en Naturalisatiedienst (IND)
تقدر عليه تلاقى معلومات عن لم الشمل او لو عند سؤال خاص بالتأشيره او لو لا قدر الله فى حالة الرفض تقدر تبعتهلم أوبجيكشن على القرار ومعلومات تانيه كتير عن انواع الاقامات والتأشيرات
......
3 - مواقع للدراسة فى هولندا
/Study in Holland
/Studyfinder
تقدر تلاقى عليها فرص دراسة ومنح فى تخصصك والاوراق المطلوبه والجامعات فى هولندا
.....
4 - موقع الدليل السياحى لهولندا
/Uitjes in Amsterdam v.a. €13,50 – Mokumevents.nl
عليه معلومات عن افضل اماكن للزيارة وصور للاماكن ونصائح للسياح
.....
5 - موقع لللإيفنتات على مدار السنه فى هولندا
/Events Holland - Home
ممكن كمان تستعين بجوجل فى البحث عن ايفينتات سياحيه فى الوقت اللى انت رايحه
.....
** هولندا بلد تاريخيه وبلد لفنانين كبار زى ريمبرانت وفان خوخ وغيرهم كتير
** هولندا عندهم سياحة مخدرات نظرا لانها البلد الوحيده المقنن فيه المخدرات ( بغض النظر عن انه صح او لا )
** هولندا عندها أكبر مينا فى اوروبا وتانى اكبر مينا فى العالم فى مدينة روتردام
** الريف الهولندى سواء فى الشمال او الجنوب من اروع الاماكن اللى ممكن تزورها
** الطبيعه عندهم خط احمر والتعدى على الطبيعه بمثابة التعدى على ممتلكات الملك نفسه
** هولندا مشهورة بالورود وزراعتها وتصديرها والحيوانات البريه
** الشعب الهولندى شعب ظريف ومرحب وبيحب يساعد اى حد غريب
.....
اتمنى اكون مانستش حاجه ولو نسيت وحد شاف حاجه فى الخطوات ناقصه ممكن يقولى عشان اصلحها عشان كل الناس تستفاد
فى بوست تانى هاكتب اول رحله ليا تفاصيلها وروحت فين وعملت ايه فى هولندا بالظبط
