R
Raja Yousif
:: مسافر ::
لبنان ، الاسم في حد ذاته نوع من الجمال. ...لبنان بلد جميلة جدا ،كل شي فيها جميل ، الشعب بحب راحة البال و الضحك و السهر ..و التزلج ..هتكون محظوظ لو حضرت فرح لبناني، او رحت حفلة لمغني في لبنان ، نفسيا سهل جدا ترتاح في لبنان من اول يوم و تحس انك غيرت جو ،مع صوت فيروز و جمال الجو و الناس و اُسلوب الكلام هتحس انها بلد مفيهاش اي ضغوط سلبية، العكس بتسحب منك كل سلبيات و العصبية بتكون عايش حالة (انا فعلا مبسوط و مرتاح و مش فاكر اي شي مضايقاني) ...تقدر تروح بيروت ، بعلبك، تتطلع البقاع مناطق الجبل او تروح حريصا او تركيب تلفريك..تاكل من عند سندوتش و نص او الملك طاوق ..و ده احلا اكل ممكن تأكله في حياتك...بشكل عام الاكل في لبنان و حلويات غير..هتحس انك اول مره تاكل..و ان فكرتك عن الاكل لبناني غلط..و هتكتشف آكلات كتير جديدة مش منتشرة عالميا ،الناس بتقول ان لبنان غاليه لانها بدولار!..كلام ده مش حقيقي ..لبنان تقدر تتعامل بالليرة و بالدولار و الاتنين واحد..اللي هتلاقي في بلد ب ١٨ جنية هتلاقي في لبنان بدولار...هي هي...الفنادق جوه بيروت غاليه ..حوالين بيروت أسعار عادية..المناطق جبلية ارخص..لبنان فيها بيوت مهجورة و بيوت لسه عليها رصاص من ايام الحرب، احتفظت بيها الدوله كما هي...بناء علي ظروف سياسية لدوله ،داخل بيروت فقط ، لبنان بنقطع فيها كهرباء لمدة دقائق ثلاث مرات في يوم ،معظم الناس عندهم مولد كهرباء، داخل بيروت في زباله في شوارع كتير...بس ده شي ممكن ما تاخدش بالك منه، ماعرفش ازاي زباله عندهم مفيهاش ريحة، او يمكن من جمال البلد مش هتنتبه، اوعا تنسا تروح قصر موسي و روشه، اذا اتعرض عليك تاخد مركب تحت في روشه اوعا توافق لانه مش امان ، مطاعم و كافيهات اللي في ورشة ممتازة و اسعارها ارخص من كافيهات مصر اللي في نفس المستوي،،مل تستغربش ان في لبنان بياكلوا لحمة نية ، هي فعلا طعمها حلو، بس انسانيا مش هتقدر تتحمل المنظر ،،،لبنان صغيرة جدا بس جميله جدا،ما تنساش تروح زيتونه بيه، بحر و حمام سباحة و يخت ،و مطاعم،و لا تنسا تطبع علم لبنان علي تي شيرت..لانك هتحبها جدا..#في_حب _لبنان #لبنان #سفر_للبنان #سفر
