الحمد لله يا جماعه ....اول مصري يسافر بري من...

[Mohamed Rabei]

الحمد لله يا جماعه ....اول مصري يسافر بري من ماليزيا لتايلند هههه بهزر اكيد في واحد عملها قبل كدا

البدايه
قاعد في حالي لا بيا و لا عليا في مالاكا (جنوب وسط ماليزيا ) ...فجأه قررت اسافر جزيره في اقصي شمال ماليزيا (لنجكاوي) ٦ ساعات سفر بري بينهم

وانا في الطريق بعد ٣ ساعات ...كنت بكلم مع صديقي د محمد ايمن والمرشد السياحي بتاعي في الرحله
اقنعني ان لنجكاوي دي هاني مون و جو حب ‍‍‍و بتاع وانا بصراحه ماليش في اليله دي
و بوكيت في تايلند هي الفيها الهلس كلو
قلت انا هكمل بري تايلند .... و اليحصل يحصل و خد عندك
بلاد تشيلني وبلاد تحطني و اركب سفن و معديات
و تفتيش ذري عل حدود بين ماليزيا و تايلند و اكتر من ١٠٠٠ مهاجر من ماليزيا لتايلند و مطر شديد و جميع انواع الاشجار و الكهوف و النباتات الخلقها ربنا ومعابد هنديه و صينيه و بوذيه و جوامع و كنايس

و ف نص الطريق الاوتوبيس مشي من الاستراحه و سابني و كل فلوسي و شنطي فيه ...و استناني ساعه مخصوص عشان اروحله بالاوتوبيس البعده بعد ما كنت هقلعلهم ملط في المحطه ✌
و بعد ١٥ ساعه سفر وصلت بوكيت في تايلند الحمدلله

و علي فكره سعرها نفس سعر الجوي لو بطياره و مدة السفر ساعه و نص و اخر دلع و تكيف و وجبه كمان
بس تقول ايه....الكيف ساعات بيذل لو انت مكاني تعمل ايه بري ولا جوي نفكنا من الجوي بقا شويه يا جماعه

البلاد العديت بيها في الطريق :
مالاكا ، كوالا لامبور ، ايبو ، جورج تاون و باتروورث ( ماليزيا)
هات ياي ، بانينج و اخيرا بوكيت (تايلند)
عدد المواصلات : ٦

اسيبكوا مع شوية صور في الطريق بين البلدين
For more photos follow me on instagram @fuji89

 

[Ahmed Hafez]

عملناها قبلك

 

[شادى خلود]

في رايك ماليزيا احلي ولا تايلند انهى فيهم عجبتك اكتر

 

[Taher Mohamed]

دماغ أصلى ..كلفتك كام رنجت من ماليزيا لتايلاند برى و هل كان معاك فيزا تايلاند

 

[Taher Mohamed]

بفكر اعملها من بوكيت لبانكوك و العكس بالقطر

 

[Mai N. Ali]

طيب ما تاخد فيا ثواب و خودني و سيبني هناك
ما شاء الله عقبالي

 

[Nouran Adm]

عقبالي

 

[Lelly S. Qassem]

One of my dreams

 

[Ramy Allam]

انا سافرت من تايلاند الي ماليزيا ٣١ساعه في الطريق

 

[Sayed Mahmoud]

بس على فكرة انا زرت لنجكاوي واستمتعت جدا (اي نعم كانت زيارة شغل... بس فيها حاجات كتير) بس برافو عليك تجربة حلوة

 

[Mahmoud Shahin]

هههههخ Mohamed Faried تلاميذنا فكرونا عجزنا حضرتك أحنا رايحين رايح جاى برى وأحنا ١٨ سنه سنه ٢٠١٢.

 

[No Ur]

فصلتنى ضحك

 

[Mahmoud A-elmoneem]

وخدت التاشيرة ازاى بقى ؟؟

 

[Rania Ahmed]

كنت هعمل زيك كده هسافر بري بردو عشان احس بجو المغامرة ... بس انا اتمني اسافر اسااسا برة مصر ادعولي يا جماعه

 

[Ahmed Habib]

و تاشيرة تايلند اخدتها ازاي؟؟!

 

[Ahmed Saeed]

ان شاء الله هيجي اليوم دا

 

[Khaled Samy]

تاشيره تايلاند اخدتها ازاي؟؟؟

 

[Sandy Elkassar]

Ahmed Saied

 

[Abody Al-Ghareeb]

هههه؛ فخور بيك فعلا!.
لو هتزود لبانكوك نتقابل
اتمنى اللينك دا يفيدك "فيديو"
/Instagram post by رحالة ب آسيا • Mar 21, 2017 at 9:26am UTC
لو عجبك الموضوع ممكن تجربه اول مرة في اسهل مكان في العالم cameron highland ب ماليزيا

 

[Abody Al-Ghareeb]

توضيح:
اكيد محمد مش فيزا سياحة في ماليزيا علشان كدا عرف يطلعها من السفارة. لو فيزا سياحة ب ماليزيا مستحيل اي حد يعرف يطلع تأشيرة تايلاند "بس ممكن عادي سنغافورة ". تحياتي