السلام عليكم كل عام وانتم بخير كنت حابب اسال...

[Ramy Yousri Ali]

السلام عليكم
كل عام وانتم بخير
كنت حابب اسال اصحاب الخبره انا ببحث عن رحله من القاهره الي سينسيناتي ولقيت طيران لوفتهانزا بس انا شايف ان في واشنطن هيكون ١:٤٠ الانتظار هل هلحق اختم واورح الطياره التانيه ولا انا بنتظر في الطياره وهختم دخول من سينسيناتي لان الرحله الاولي من القاهره علي الطيران الالماني والرحله التانيه مكتوب United Airlines

 

[Nassr-Eddine Berraïda]

أنت مش حتختم أي حاجة، إنت حتنزل من الطيارة الأولة حتمر بتفتيش الحقيبة اليدوية بتعتك، بعد كده حتتوجه للبوابة اللي فيها الطيارة الثانية

 

[Tawfik Azer]

تقدر من على موقع لوفتهانزا تختار الطيارة الثانية متاخرة شوية
وشوف السعر بقى اعلى ام لا
اذا اعلى حاجة بسيطة اختارها

لو كان مطار جون كينيدي استحالة تلحق لكن مطار واشنطن اهدى كثير
لكن فيها مجازفة

 

[Ayman Sabri]

نفس التجربة ... ان شاءً الله حتلحق .. وحتختم دخول من اول منفذ ليك ... وحتاخد شنطتك تحطها في الطيارة التانية ... هما منظمين جدا ... الخوف بس لو لقدر الله الاجراءات اتاخرت شوية لاي تعقيد ... فشوف حاجة ترانزيت لمدة ساعتين او تلاتة وماتزودش عن كدة

 

[Ramy Yousri Ali]

المشكله مافيش علي اللوفتهانزا حاجه اطول من كده
فيه الطيران الفرنسي بس ترانزيت ٧ ساعات باريس ودايركت علي سينسيناتي