A
Ahmed Mamdouh
:: مسافر ::
الحج ٢٠١٧
يوم التلات قبل العيد بيومين بالظبط سألني واحد تحب تطلع الحج. قلتله أنا أعرف إنه شغلانة وتصاريح. فلو فيها دربكة مافيش داعي. قاللي ان شاء الله مافيش مشاكل. بعدها بكام ساعة قاللي التذكرة
اتحجزت.
وفعلا تاني يوم قابلته في المطار في الرياض وطلعنا على جدة وصلنا يوم الأربع ٨ باليل. ويوم الحد الساعة خمسة العصر كنت مسافر
تاني من جدة
خلال الـ٩١ ساعة دول طلعنا من جدة على مكة كانت ناس مجهزلنا لَبْس الإحرام، عملنا عمرة وفكينا الإحرام ورحنا عرفة باليل متأخر أحرمنا تاني للحج وقعدنا في كامب خاص لحد غروب الشمس. وبعدين طلعنا على المزدلفة بالعربية نصبنا خيمة وقعدنا لطلوع الشمس ورجعنا عرفة تاني شفنا الجبل وهو فاضي تماما بعد رحيل الحجاج واستحمينا ونمنا وبعدين رحنا منى بالقطر نرمي وبعدين رجعنا عرفة بالقطر نحلق ونتغدى وبعدين طلعنا على منى تاني بالقطر واتعشينا بالصدفة مع إمام عرفة اللي شفناه في التليفزيون قبلها بيوم. قعدنا لنص الليل وبعدين رجعنا عرفة بالقطر والسواق خدنا لمكة وطفنا طواف الإفاضة بعد الفجر ونمنا هناك في الأبراج أمام الحرم وصحينا سعينا وبعدين خدنا نص نقل من الشارع لمكان السواق علشان مكة مقفلة تماما وطلعنا على منى رمينا وزرنا ناس معرفة في مخيم وبعدين مشينا ٢ كيلو لمخيم تاني نمنا فيه. المخيم ده تبع وقف الراجحي. وابن الراجحي مباشرة لابس لبس المشرفين المشرفين وبيخدم على الحجاج وهو اللي جابلنا السراير ننام عليها. الصبح مشينا ٢ كيلو تاني لصاحبنا وخدنا شنطه علشان مراته رجليها تعبانة ومشينا بيهم للجمرات رمينا وطلعنا على مكة بتاكسي وطفنا طواف الوداع واستحمينا وطلعنا على مطار جدة بالسواق.
يعني سبحان الله تبقى مش متخططة وتلاقي نفسك حجيت أسرع
واغرب حجة ممكنة ومعاها عمرة كمان. وحجة فيها كل حاجة من عربية لاندكروزر مرخصة لدخول مناطق المشاعر اللي بتخصص للأتوبيسات فقط لماشيين كيلومترات في الشمس شايلين شنط مش بتاعتنا. ومن أوضة مكيفة لوحدي في عرفة لنايمين خمسة في أوضة في منى وواحد ملياردير جابلنا السراير.
بصفة عامة الحج تجربة فريدة. مافيش أي مكان في العالم ممكن تشوف العدد ده من الناس جايين من كل حتة في الأرض. في أول يومين كانت تجربة مؤثرة وفيها طاقة إيجابية كتير وكذا مرة أفتكر والدي الله يرحمه وعينيا تنزل دموع. بعد كدة مع الزحام والحر والمشي وتصرفات بعض الناس المش حضارية قوي الموضوع قلب فرهدة ويلا بقى عايز أروح.
دي بعض الصور.
يوم التلات قبل العيد بيومين بالظبط سألني واحد تحب تطلع الحج. قلتله أنا أعرف إنه شغلانة وتصاريح. فلو فيها دربكة مافيش داعي. قاللي ان شاء الله مافيش مشاكل. بعدها بكام ساعة قاللي التذكرة
اتحجزت.
وفعلا تاني يوم قابلته في المطار في الرياض وطلعنا على جدة وصلنا يوم الأربع ٨ باليل. ويوم الحد الساعة خمسة العصر كنت مسافر
تاني من جدة
خلال الـ٩١ ساعة دول طلعنا من جدة على مكة كانت ناس مجهزلنا لَبْس الإحرام، عملنا عمرة وفكينا الإحرام ورحنا عرفة باليل متأخر أحرمنا تاني للحج وقعدنا في كامب خاص لحد غروب الشمس. وبعدين طلعنا على المزدلفة بالعربية نصبنا خيمة وقعدنا لطلوع الشمس ورجعنا عرفة تاني شفنا الجبل وهو فاضي تماما بعد رحيل الحجاج واستحمينا ونمنا وبعدين رحنا منى بالقطر نرمي وبعدين رجعنا عرفة بالقطر نحلق ونتغدى وبعدين طلعنا على منى تاني بالقطر واتعشينا بالصدفة مع إمام عرفة اللي شفناه في التليفزيون قبلها بيوم. قعدنا لنص الليل وبعدين رجعنا عرفة بالقطر والسواق خدنا لمكة وطفنا طواف الإفاضة بعد الفجر ونمنا هناك في الأبراج أمام الحرم وصحينا سعينا وبعدين خدنا نص نقل من الشارع لمكان السواق علشان مكة مقفلة تماما وطلعنا على منى رمينا وزرنا ناس معرفة في مخيم وبعدين مشينا ٢ كيلو لمخيم تاني نمنا فيه. المخيم ده تبع وقف الراجحي. وابن الراجحي مباشرة لابس لبس المشرفين المشرفين وبيخدم على الحجاج وهو اللي جابلنا السراير ننام عليها. الصبح مشينا ٢ كيلو تاني لصاحبنا وخدنا شنطه علشان مراته رجليها تعبانة ومشينا بيهم للجمرات رمينا وطلعنا على مكة بتاكسي وطفنا طواف الوداع واستحمينا وطلعنا على مطار جدة بالسواق.
يعني سبحان الله تبقى مش متخططة وتلاقي نفسك حجيت أسرع
واغرب حجة ممكنة ومعاها عمرة كمان. وحجة فيها كل حاجة من عربية لاندكروزر مرخصة لدخول مناطق المشاعر اللي بتخصص للأتوبيسات فقط لماشيين كيلومترات في الشمس شايلين شنط مش بتاعتنا. ومن أوضة مكيفة لوحدي في عرفة لنايمين خمسة في أوضة في منى وواحد ملياردير جابلنا السراير.
بصفة عامة الحج تجربة فريدة. مافيش أي مكان في العالم ممكن تشوف العدد ده من الناس جايين من كل حتة في الأرض. في أول يومين كانت تجربة مؤثرة وفيها طاقة إيجابية كتير وكذا مرة أفتكر والدي الله يرحمه وعينيا تنزل دموع. بعد كدة مع الزحام والحر والمشي وتصرفات بعض الناس المش حضارية قوي الموضوع قلب فرهدة ويلا بقى عايز أروح.
دي بعض الصور.