يعنى ايه hr letter ?? دة مطلوب من السفارة...

[Mahy Mohamed Ali]

يعنى ايه hr letter ?? دة مطلوب من السفارة الهندية.. وانا بشتغل بس مش عارفة اقولهم عايزة ايه بالضبط ؟؟ هل دة بيان حالة وظيفية ؟؟ و بيكون موجه للسفارة ولا ممكن يبقى الى من يهمه الامر ؟ وبيكون بالعربى ولا لازم انجليزى ؟

 

[Mohammed Saad AlRouby]

ايوه بيان حاله وظيفيه مختوم مذكور فيه المرتب موجه للسفارة

 

[M AL Farouk]

شهاده راتب من شغلك مذكور فيها الراتب وتاريخ الالتحاق بوظيفتك والمسمي والوظيفي وتبقي موجهة للسفاره الهنديه ويفضل بالانجليزي وتكون مطبوعه علي ورقه عليها لوجو الشركه اللي بتشتغلي فيها

 

[Sandra Sadeq]

ورقة من الشغل عليها لوجو و اسمك و رقم بطاقتك هيعملهالك ال hr عندك فيها مرتبك و اشتغلتى من امتى و انك بتشتغلى لحد دلوقتى
و تبقى موجهة بالاسم للجهة او لمن يهمه الامر
انجلش و عربى
و مختومة من الشركة بختم فيه السجل التجارى و الضريبى
و ممضية و محطوط فيها رقم reference