M
Mohamed Fathy Fahmy
:: مسافر ::
#دهب
اتهرست في ٥٠ بوست قبل كده يارب اقدر افيدكو
من القاهره للدهب المسافه تقريبا٥٣٠ كيلو ...السفر ب جو باص او بعربيه
انا جربت الاتنين ...
جو باص مش وحش و هناك هتتعامل بعربيات الربع نقل دي هتتفق مع واحد و تاهد رقمه و يبقي معاك كل يوم زي ما انت عاوز و الفلوس كتير طبعا بس اهدي من شرم الشيخ يعني المشوار يتراوح من ٥٠ ل ٧٠ جنيه ..لو طلعت بالعربيه الطريق طويل بس ممتع و هتوفر فلوس التاكسي هناك بقي
طيب دهب فيها فنادق او كامب ...مش هتفرق كتير كده كده انت هتكون بره صبح و ليل ...لو هتنزل في فندق خليك فطار و عشا بس لان غالبا الغدا هيكون برا زي ما هقولكو بعد كده ....
انا نزلت في فندق ecotil
الفندق كبير و علي هضبه فا غالبا كل الاوض شايفه البحر ..الشاطئ بتاعه لطيف هو بعيد شويه بس هما موفرين باص يوديك و يجيبك من الشاطئ و الاكل كويس بس مش متنوع و الخدمه كويسه بردو ...الفندق هادي و في خصوصيه و الطقم الي هناك متعاون جدا جدا .... المطعم كمان في مكان open air علي البحر حوار الفطار فيه الصبح ...الجو و امنظر بيكون تحفه
)الصبح بقي لازم تروح البلو هول في يوم و هيكون في غدا هناك او من غير غدا و تطلع علي ابو جالوم بالجمل ....يمينك البحر و شمالك الجبال ...رحله ممتعه لاكن مفرهده شويه ...و تتغدا في ابو جالوم سمك او فراه و تستمتع بالسنوركل هناك ...
منطقه ال 3 pools جنه علي الارض من حيث جمال الشعب و الاسماك و قرب ده كله منك جدا...خلي بالك وانت هناك انت بتنزل من مكان معين و بتعوم مع التيار عشان تتفرج علي الشعب و انت راجع بقي تطلع من نفس المكان. بتكون عكس التيار ...فالموضوع بيكون صعب جدا ...متسرحش يعني وانت بتعوم و خليك مصحصح ..اللاجون هناك ممتع جدا لممارسه الانشطه المائيه بقي و المياه جميله و صافيه و هاديه جدا جدا ...و بليل بقي الممشي طبعا حكايه ...في مطاعم هناك كتير علي البحر في الممشي لازم تجرب السمك بتاعهم ...حلو جدا وهتنبسطي بطريقه عرضه هحاول اجبلكو الصوره في الكومنتس ...في كمان رحلاس سفاري بليل بتطلع بيك في قلب الجبل و تقعد قاعده عربي و تشرب شاي بدوي و ترجع تاني ...و في حفلات في قلب الجبل بالعشا من غير سفاري بقي جربتها محبتهاش كان الجو قالب شبحنه شويه كده ...ولو اول مره تسافر دهب لازم تطلع جبل سانت كاترين و تشوف الشروق و تعدي علي الدير و انت نازل ...
دهب من اجمل مدن مصر الي هتحس فيها براحه نفسيه و جمال الطبيعه و الهدوء و اهلها كرما جدا جدا)
اي استفسار انا معاكو
️
اتهرست في ٥٠ بوست قبل كده يارب اقدر افيدكو
من القاهره للدهب المسافه تقريبا٥٣٠ كيلو ...السفر ب جو باص او بعربيه
انا جربت الاتنين ...
جو باص مش وحش و هناك هتتعامل بعربيات الربع نقل دي هتتفق مع واحد و تاهد رقمه و يبقي معاك كل يوم زي ما انت عاوز و الفلوس كتير طبعا بس اهدي من شرم الشيخ يعني المشوار يتراوح من ٥٠ ل ٧٠ جنيه ..لو طلعت بالعربيه الطريق طويل بس ممتع و هتوفر فلوس التاكسي هناك بقي
طيب دهب فيها فنادق او كامب ...مش هتفرق كتير كده كده انت هتكون بره صبح و ليل ...لو هتنزل في فندق خليك فطار و عشا بس لان غالبا الغدا هيكون برا زي ما هقولكو بعد كده ....
انا نزلت في فندق ecotil
الفندق كبير و علي هضبه فا غالبا كل الاوض شايفه البحر ..الشاطئ بتاعه لطيف هو بعيد شويه بس هما موفرين باص يوديك و يجيبك من الشاطئ و الاكل كويس بس مش متنوع و الخدمه كويسه بردو ...الفندق هادي و في خصوصيه و الطقم الي هناك متعاون جدا جدا .... المطعم كمان في مكان open air علي البحر حوار الفطار فيه الصبح ...الجو و امنظر بيكون تحفه
)الصبح بقي لازم تروح البلو هول في يوم و هيكون في غدا هناك او من غير غدا و تطلع علي ابو جالوم بالجمل ....يمينك البحر و شمالك الجبال ...رحله ممتعه لاكن مفرهده شويه ...و تتغدا في ابو جالوم سمك او فراه و تستمتع بالسنوركل هناك ...منطقه ال 3 pools جنه علي الارض من حيث جمال الشعب و الاسماك و قرب ده كله منك جدا
...خلي بالك وانت هناك انت بتنزل من مكان معين و بتعوم مع التيار عشان تتفرج علي الشعب و انت راجع بقي تطلع من نفس المكان. بتكون عكس التيار ...فالموضوع بيكون صعب جدا ...متسرحش يعني وانت بتعوم و خليك مصحصح ..اللاجون هناك ممتع جدا لممارسه الانشطه المائيه بقي و المياه جميله و صافيه و هاديه جدا جدا ...و بليل بقي الممشي طبعا حكايه ...في مطاعم هناك كتير علي البحر في الممشي لازم تجرب السمك بتاعهم ...حلو جدا وهتنبسطي بطريقه عرضه هحاول اجبلكو الصوره في الكومنتس ...في كمان رحلاس سفاري بليل بتطلع بيك في قلب الجبل و تقعد قاعده عربي و تشرب شاي بدوي و ترجع تاني ...و في حفلات في قلب الجبل بالعشا من غير سفاري بقي جربتها محبتهاش كان الجو قالب شبحنه شويه كده ...ولو اول مره تسافر دهب لازم تطلع جبل سانت كاترين و تشوف الشروق و تعدي علي الدير و انت نازل ...دهب من اجمل مدن مصر الي هتحس فيها براحه نفسيه و جمال الطبيعه و الهدوء و اهلها كرما جدا جدا
) اي استفسار انا معاكو
️