B
Badr Helmy
:: مسافر ::
البوست الثاني - اختصرت علي قد ما قدرت – (كلام كتير و صور أكتر) – بوستاتي طلعت معلوماتية بشكل روائي (طريقتي فشلت اغيرها سامحوني بليز بقة) + 42 صورة بس اقصي عدد مسموح للبوست !!
التاريخ 01-سبتمبر-2017 (أول يوم في الرحلة بعد يوم السفر و الطيران)
المكان: منطقة باتونج - جزيرة بوكيت – تايلاند
- وصول الفندق بعد نص الليل – رسالة باسمي و جنبها موبايل عشان اتصل بالبنوتة اللي جات تسكني و الغرفة ليها Upgrade لاعلي مستوي في الفندق (كنت بعت ايميل قبل الوصول و التوقيع واضح فيه انا باشتغل ايه – يمكن ده سبب تعديل الغرفة) واسعة فعلا و بدل ما حجزت City view لقيت الغرفة ليها اتنين View - سيتي من ناحية و جبل من ناحية تانية – في بوكيت لو انت مش ع البحر فكلمة City View معناها زقاق فيو او حارة فيو ما تتخدعوش
– الفندق اسمه Buasri Phuket Hotel- تلات نجوم و مستواه حلو بصراحة – السعر 500 درهم في الاسبوع بالافطار من علي Agoda – 2300 جنيه تقريبا – صور الغرفة مرفقة – موقعه بعيد شوية عن البحر و مناسب لهواة المشي و مخالطة الناس زيي .. لو مش بتحب المشي احجز قريب من البحر مع العلم ان طوال الاسبوع قضيتها رحلات و ما نزلتش البحر ده و لا مرة
في النهار افطار فندق بسيط الي حد ما كويس و موبايلي في ايدي و خرايط الجوجل مفتوحة و ياللا بينا .. الطريق للبحر 20 دقيقة مشي و ممتع بصراحة لكن اول غلطاتي كانت هدومي مش مناسبة للجو .. تيشيرت بولو و شنطة ضهر فيها شوية حاجات مش ضرورية (نصيحة تيشيرت قطن خفيف و شورت و كاب و ازازة مية و كوتشي خفيف و بس) الجو كان حر شوية بس انا جاي من الامارات يعني احر منها لكن الرطوبة هي اللي مصيبة فعلا .. التوقيت مش موسم و مش فاهم ليه بصراحة .. الموسم من نوفمبر و لحد ابريل .. مع ان الجو في معظم الاحوال كان حلو جدا و مفيش مطر الا يوم واحد بس و قعد عشر دقايق و العصافير زقزقت .. مفيش سياح كتير و الاسعار بتنزل النص بدون اي مجهود .. توقيت رائع بالنسبة لي بدون قصد مني خالص
البلد فيها ريحة ملحوظة جدا تقريبا بسبب الرطوبة العالية و المية الموجودة باستمرار في كل حتة بسبب الامطار و البرك المنتشرة و مجاري الانهار الصغيرة اللي مالية الجزيرة .. بعد شوية بتتعودوا عليها
الناس كلها راكبة موتسيكلات بشكل رهيب .. زي النمل في الشوارع – ماكينات في الشارع بالفلوس عشان تملي مية شرب او بنزين في ازازة او تغسل هدومك علي غسالات بالعملات المعدنية – مطاعم كتير جدا و الناس بيفطروا مشويات الساعة 7 الصبح رغم اني لحد دلوقتي مش عارف ايه نوعية المخلوقات اللي كنت بشوفها بتتشوي في كل حتة
شاطئ باتونج كان رائع بصراحة و اول منظر طبيعي رهيب اشوفه بالجمال ده في حياتي (لسه ما كنتش اعرف التقيل اللي جاي ورا) – صوره موجودة – اتمشيت و ازبهليت و رجعت تاني من طريق مختلف للفندق و صورت اماكن العبادة الصغيرة Shrines للالهة و العجيب كمية الأكل اللي بيحطوه ليهم !! فراخ مسلوقة و خضار و مية معدنية بالشفاطة بتاعتها و عصاير و بيبسي تفضل طول اليوم قدام تمثال الاله و عمال النضافة ينضفوها بالليل بعد ما تكون اضافت لريحة الشوارع الرائعة ريحة اروع و أفجع منها بصراحة !
حجزت اول رحلة من الريسيبشن (تاني غلطة) – كنت فاكر السعر اعلي حاجة بسيطة طلع الفندق تقريبا ضعف سعر الشارع - اوعوا تحجزوا من الفنادق
الرحلة كانت جولة مدينة بالباص City Tour بمرشد سياحي – كنت عايز اشوف المدينة في اول يوم عشان اعرف المكان اللي انا فيه و عشان ده اليوم الوحيد اللي ها ينفع اعمل فيه رحلة نص يوم بس – تكلفة الرحلة حوالي 1500 باهت دفعت فيها 1000 باهت حوالي 100 درهم – 470 جنيه تقريبا (و القفا ده معلم عليا لحد دلوقتي بصراحة)
خطوات الرحلة دي وقفات تصوير في اهم شواطئ في الجزيرة (3 اماكن) - ركوب الأفيال – حديقة الأوركيد – جبل و معبد بوذا الكبير – معبد شالونج – مصنع الكاجو – منحل العسل البري – مصنع اللؤلؤ - السوق الاسبوعي (يومي السبت و الاحد فقط)
نصيحة خبيثة – اتعرف بالناس اللي طالعة معاك الرحلة في اسرع وقت – اولا ها تقضي وقت ممتع اكتر – ثانيا ها تقدر تعمل معاهم اتفاق (نصور بعض و نتبادل الصور احسن ما في كل حتة بتدفع فلوس و تيبس للي بيصورك) و كلهم ما بيصدقوا بصراحة – راجل و مراته من استراليا و ولد و بنت من هونج كونج و كانت رفقة زي العسل بصراحة و دمهم كلهم زي السكر (صورهم موجودة)
المناظر من المناطق العالية لا تقدر بثمن و الصور رائعة فعلا – ركوب الافيال كان تجربة تستحق تجربها - مع عرسان مصريين في شهر العسل صورتهم كتير و العريس فرح اوي بالصور دي يمكن اكتر من فرحته بالعروسة تقريبا – جولة الفيل لمدة نص ساعة حول الكامب و بيطلع مسافة عالية في الجبل و ينزل و بيعرفوك انك تدفع 50 باهت – 25 جنيه – لسواق الفيل تيبس – اللي بيسوق الفيل بييجي كمان في حتة مستخبية و يحاول يبيع لك تذكارات (سعرها تقريبا 32425 ضعف سعرها الحقيقي) بلاش تشتري من اي خطوة داخل الرحلة السياحية بتاعتك.. و قد ازعر من ازنر !!!
منها لمعبد بوذا الكبير و ده اكبر تمثال لبوذا في بوكيت فوق جبل مش عالي اوي لكنه في اعلي منطقة في الجزيرة بتتمشوا لحد فوق و بتتصوروا مع التمثال و وقت نص ساعة و ترجعوا الباص تاني و هنا اكتشفت واحدة من اهم معجزات تايلاند و هي (الأناناس) .. الأناناس يا جماعة غير ما بناكله في الشرق الاوسط خالص .. الاناناس معسل كدة و بيبوش في البق مليان عصير و طعمه خيالي بصراحة و سعر اللي في الصور دي غالي شوية 25 باهت (درهمين و نص – 12 جنيه) بالنسبة للاماكن العادية 15-20 باهت (اقل من درهمين – 9 جنيه) يا بلاش يعني – اكلت كمية اناناس تكفيني لحد ... نفس اليوم بالليل تقريبا لأنني ادمنته بصراحة كل يوم !
المعبد بالكامل بالتبرعات بتاعة السياح اللي طبعا ماتبرعتش فيها بأي حاجة .. ناقصة اصنام هيا !! ده احنا متشعلقين في رضا ربنا !!
حذاري من القرود الاوغاد !! ممكن يشقطوا منكم اي حاجة .. و انا بكرر .. أي حاجة ولاد الجزمة !! و حصل منهم موقف مرعب جدا بعد كدة !
- معبد شالونج و ده تحفة معمارية زي ما ها تشوفوا صورته و صورة التماثيل اللي جواه .. لازم تقلعوا الشوز قبل الدخول و مليان تحف جميلة جدا .. و طول الوقت تسمعوا فرقعة مرعبة عالية جدا لالعاب نارية زي بتاعة العيد كدة و دي عبارة عن صومعة جنب المعبد بييجي ليها الناس من كل حتة عشان يتمني أمنية من الألهة و بقدر أمنيته .. يطرقع الطراقيع دي !! و لما أمنيته تتحقق في المستقبل لازم يرجع تاني .. يطرقع شكرا !
مصنع الكاجو فيه طريقة تصنيع الكاجو اللي طلعت مذهلة بصراحة يا اخواننا الناس دي بتتعب جدا في عمل الكاجو اللي بنقزقزه بكل سهولة ده !! ثمرة زي التفاحة بالظبط (طعمها مش حلو و مش بتتاكل) بيخرج منها حباية الكاجو اللي في غلاف قوي بيتكسر في ماكينة مخصوصة و تطلع الثمرة الداخلية مغلفة بقشرة طرية بتتقشر بالإيد ! ستات كتير بيقشروا كل ثمرة بايديهم و ضوافرهم و بيعدين يتجفف و يتحمص و ياخد طعم و في الاخر احنا ناكله بكل استهتار .. اه و الله !!!
المنحل البري مافيهوش حاجة .. منحل و فيه نحل من اللي بيطلع عسل ده .. عادي و لا اي انبهار يعني ! اشتريت منهم مرهم أبوفاس لو فاكرينه متصنع من العسل و تأثيره رائع جدا بصراحة
مصنع اللؤلؤ و طريقة تجهيز اللؤلؤ الطبيعي – اشتريت حلق صغنون لبنتي زي العسل بصراحة – 500 باهت يعني 50 درهم – 240 جنيه تقريبا و ده كان تاني قفا في نفس اليوم .. و لسه واجعني لحد دلوقتي برضه !!!
و اخر حاجة السوق الشعبي اللي بيقام السبت و الاحد فقط .. فيه كل حاجة من الاكل و الهدوم و الاكسسوارات .. الاسعار شبه الامارات بالظبط بعد الفصال – اضطريت اشتري شورت جينز عشان يناسب الجو بعد الفصال 350 باهت يعني حوالي 35 درهم (170 جنيه) – يساوي تقريبا نص قفا .. تقريبا ابتديت اتعلم بس بالبطئ اوي !!!
الاكل ريحته فظيعة يا شباب .. بياكلوا انواع لحوم غريبة كلها بتتغطس في صوص حراق جدا و في نفس الوقت مسكر جدا .. الفراخ المسكرة كانت مرعبة بصراحة و السمك المسكر كان أرعب منها .. لكن اللحم بقة كان مفزع !! بتشتريهم في عصاية و القطعة اصغر من كف الايد بشوية 20 باهت يعني 10 جنيه مصري – اشتريت واحدة فراخ و واحدة لحم و واحدة سمك عشان اجربهم كلهم و من يومها عدي 3 اسابيع و لسه معدتي بتعاقبني علي الجريمة الشنعاء دي ! ابعدوا عن الحشرات المقلية !! لكن العصاير الطبيعية حلوة فعلا في اي نوع فاكهة زي البطيخ و الرمان و الاناناس حوالي 20-25 باهت الكوباية و بتاخد كمان الشفاطة ببلاش هدية !!!
الرحلة خلصت علي 9 بالليل مع انهم قالوا ها تخلص قبل 7 .. و ماكنتش لسه حجزت اي رحلة لتاني يوم و قلقت اليوم يضيع عليا و اضطريت احجز تاني رحلة برضه من الفندق (جزيرة جيمس بوند الرائعة) .. السعر كان اغلي من الشارع بكتير لكن بصراحة طلعت الشركة اللي بينفذوا معاها هي اعلي شركة في مستوي الخدمة و شفت كدة فعلا خلال الرحلة بنفسي – السعر و التفاصيل و الصور في البوست الجاي
خدت شاور و نزلت بسرعة اتمشي في الشارع شوية و سألت علي محلات سوبر ماركت كان افضلهم و اكترهم انتشارا Family Mart و 7 eleven – اسعارهم ثابتة و منتجات مضمونة .. اشتريت منهم علبتين تونة (واحدة منهم كانت السبب في مرضي لمدة يوم كامل بطلع في الروح و التانية اخدتها أسيرة و معلقها هنا بعذب فيها لحد دلوقتي !!) و لبن و زبادي و مربي و عيش – لزوم العشا لو اليوم اتاخر مثلا او تعبت و مش ها تعرف تنزل تاني – و شاي و سكر و شامبو بدل اللي خدوه في المطار و صن بلوك
صحيح في الطيران الداخلي بياخدوا كل السوائل اللي في شنطة ضهرك .. اخدوا مني المية و الشامبو و مزيل العرق و البرفان – مع اني عديت عادي من طيارتين دولي من غير مشاكل !!!
كفاية كدة النهاردة بدل ما تبلغوا عني ..البوستات الجاية عن رحلات البحر و الجزر – كل يومين او تلاتة في بوست واحد مع صور كتير .. تحياتي
لينك البوست الاولاني :
/Badr Helmy
التاريخ 01-سبتمبر-2017 (أول يوم في الرحلة بعد يوم السفر و الطيران)
المكان: منطقة باتونج - جزيرة بوكيت – تايلاند
- وصول الفندق بعد نص الليل – رسالة باسمي و جنبها موبايل عشان اتصل بالبنوتة اللي جات تسكني و الغرفة ليها Upgrade لاعلي مستوي في الفندق (كنت بعت ايميل قبل الوصول و التوقيع واضح فيه انا باشتغل ايه – يمكن ده سبب تعديل الغرفة) واسعة فعلا و بدل ما حجزت City view لقيت الغرفة ليها اتنين View - سيتي من ناحية و جبل من ناحية تانية – في بوكيت لو انت مش ع البحر فكلمة City View معناها زقاق فيو او حارة فيو ما تتخدعوش
– الفندق اسمه Buasri Phuket Hotel- تلات نجوم و مستواه حلو بصراحة – السعر 500 درهم في الاسبوع بالافطار من علي Agoda – 2300 جنيه تقريبا – صور الغرفة مرفقة – موقعه بعيد شوية عن البحر و مناسب لهواة المشي و مخالطة الناس زيي .. لو مش بتحب المشي احجز قريب من البحر مع العلم ان طوال الاسبوع قضيتها رحلات و ما نزلتش البحر ده و لا مرةفي النهار افطار فندق بسيط الي حد ما كويس و موبايلي في ايدي و خرايط الجوجل مفتوحة و ياللا بينا .. الطريق للبحر 20 دقيقة مشي و ممتع بصراحة لكن اول غلطاتي كانت هدومي مش مناسبة للجو .. تيشيرت بولو و شنطة ضهر فيها شوية حاجات مش ضرورية (نصيحة تيشيرت قطن خفيف و شورت و كاب و ازازة مية و كوتشي خفيف و بس) الجو كان حر شوية بس انا جاي من الامارات يعني احر منها لكن الرطوبة هي اللي مصيبة فعلا .. التوقيت مش موسم و مش فاهم ليه بصراحة .. الموسم من نوفمبر و لحد ابريل .. مع ان الجو في معظم الاحوال كان حلو جدا و مفيش مطر الا يوم واحد بس و قعد عشر دقايق و العصافير زقزقت .. مفيش سياح كتير و الاسعار بتنزل النص بدون اي مجهود .. توقيت رائع بالنسبة لي بدون قصد مني خالص
البلد فيها ريحة ملحوظة جدا تقريبا بسبب الرطوبة العالية و المية الموجودة باستمرار في كل حتة بسبب الامطار و البرك المنتشرة و مجاري الانهار الصغيرة اللي مالية الجزيرة .. بعد شوية بتتعودوا عليها
الناس كلها راكبة موتسيكلات بشكل رهيب .. زي النمل في الشوارع – ماكينات في الشارع بالفلوس عشان تملي مية شرب او بنزين في ازازة او تغسل هدومك علي غسالات بالعملات المعدنية – مطاعم كتير جدا و الناس بيفطروا مشويات الساعة 7 الصبح رغم اني لحد دلوقتي مش عارف ايه نوعية المخلوقات اللي كنت بشوفها بتتشوي في كل حتة
شاطئ باتونج كان رائع بصراحة و اول منظر طبيعي رهيب اشوفه بالجمال ده في حياتي (لسه ما كنتش اعرف التقيل اللي جاي ورا) – صوره موجودة – اتمشيت و ازبهليت و رجعت تاني من طريق مختلف للفندق و صورت اماكن العبادة الصغيرة Shrines للالهة و العجيب كمية الأكل اللي بيحطوه ليهم !! فراخ مسلوقة و خضار و مية معدنية بالشفاطة بتاعتها و عصاير و بيبسي تفضل طول اليوم قدام تمثال الاله و عمال النضافة ينضفوها بالليل بعد ما تكون اضافت لريحة الشوارع الرائعة ريحة اروع و أفجع منها بصراحة !
حجزت اول رحلة من الريسيبشن (تاني غلطة) – كنت فاكر السعر اعلي حاجة بسيطة طلع الفندق تقريبا ضعف سعر الشارع - اوعوا تحجزوا من الفنادق
الرحلة كانت جولة مدينة بالباص City Tour بمرشد سياحي – كنت عايز اشوف المدينة في اول يوم عشان اعرف المكان اللي انا فيه و عشان ده اليوم الوحيد اللي ها ينفع اعمل فيه رحلة نص يوم بس – تكلفة الرحلة حوالي 1500 باهت دفعت فيها 1000 باهت حوالي 100 درهم – 470 جنيه تقريبا (و القفا ده معلم عليا لحد دلوقتي بصراحة)
خطوات الرحلة دي وقفات تصوير في اهم شواطئ في الجزيرة (3 اماكن) - ركوب الأفيال – حديقة الأوركيد – جبل و معبد بوذا الكبير – معبد شالونج – مصنع الكاجو – منحل العسل البري – مصنع اللؤلؤ - السوق الاسبوعي (يومي السبت و الاحد فقط)
نصيحة خبيثة – اتعرف بالناس اللي طالعة معاك الرحلة في اسرع وقت – اولا ها تقضي وقت ممتع اكتر – ثانيا ها تقدر تعمل معاهم اتفاق (نصور بعض و نتبادل الصور احسن ما في كل حتة بتدفع فلوس و تيبس للي بيصورك) و كلهم ما بيصدقوا بصراحة – راجل و مراته من استراليا و ولد و بنت من هونج كونج و كانت رفقة زي العسل بصراحة و دمهم كلهم زي السكر (صورهم موجودة)
المناظر من المناطق العالية لا تقدر بثمن و الصور رائعة فعلا – ركوب الافيال كان تجربة تستحق تجربها - مع عرسان مصريين في شهر العسل صورتهم كتير و العريس فرح اوي بالصور دي يمكن اكتر من فرحته بالعروسة تقريبا
– جولة الفيل لمدة نص ساعة حول الكامب و بيطلع مسافة عالية في الجبل و ينزل و بيعرفوك انك تدفع 50 باهت – 25 جنيه – لسواق الفيل تيبس – اللي بيسوق الفيل بييجي كمان في حتة مستخبية و يحاول يبيع لك تذكارات (سعرها تقريبا 32425 ضعف سعرها الحقيقي) بلاش تشتري من اي خطوة داخل الرحلة السياحية بتاعتك.. و قد ازعر من ازنر !!!منها لمعبد بوذا الكبير و ده اكبر تمثال لبوذا في بوكيت فوق جبل مش عالي اوي لكنه في اعلي منطقة في الجزيرة بتتمشوا لحد فوق و بتتصوروا مع التمثال و وقت نص ساعة و ترجعوا الباص تاني و هنا اكتشفت واحدة من اهم معجزات تايلاند و هي (الأناناس) .. الأناناس يا جماعة غير ما بناكله في الشرق الاوسط خالص .. الاناناس معسل كدة و بيبوش في البق مليان عصير و طعمه خيالي بصراحة و سعر اللي في الصور دي غالي شوية 25 باهت (درهمين و نص – 12 جنيه) بالنسبة للاماكن العادية 15-20 باهت (اقل من درهمين – 9 جنيه) يا بلاش يعني – اكلت كمية اناناس تكفيني لحد ... نفس اليوم بالليل تقريبا لأنني ادمنته بصراحة كل يوم !
المعبد بالكامل بالتبرعات بتاعة السياح اللي طبعا ماتبرعتش فيها بأي حاجة .. ناقصة اصنام هيا !! ده احنا متشعلقين في رضا ربنا !!
حذاري من القرود الاوغاد !! ممكن يشقطوا منكم اي حاجة .. و انا بكرر .. أي حاجة ولاد الجزمة !! و حصل منهم موقف مرعب جدا بعد كدة !
- معبد شالونج و ده تحفة معمارية زي ما ها تشوفوا صورته و صورة التماثيل اللي جواه .. لازم تقلعوا الشوز قبل الدخول و مليان تحف جميلة جدا .. و طول الوقت تسمعوا فرقعة مرعبة عالية جدا لالعاب نارية زي بتاعة العيد كدة و دي عبارة عن صومعة جنب المعبد بييجي ليها الناس من كل حتة عشان يتمني أمنية من الألهة و بقدر أمنيته .. يطرقع الطراقيع دي !! و لما أمنيته تتحقق في المستقبل لازم يرجع تاني .. يطرقع شكرا !
مصنع الكاجو فيه طريقة تصنيع الكاجو اللي طلعت مذهلة بصراحة يا اخواننا الناس دي بتتعب جدا في عمل الكاجو اللي بنقزقزه بكل سهولة ده !! ثمرة زي التفاحة بالظبط (طعمها مش حلو و مش بتتاكل) بيخرج منها حباية الكاجو اللي في غلاف قوي بيتكسر في ماكينة مخصوصة و تطلع الثمرة الداخلية مغلفة بقشرة طرية بتتقشر بالإيد ! ستات كتير بيقشروا كل ثمرة بايديهم و ضوافرهم و بيعدين يتجفف و يتحمص و ياخد طعم و في الاخر احنا ناكله بكل استهتار .. اه و الله !!!
المنحل البري مافيهوش حاجة .. منحل و فيه نحل من اللي بيطلع عسل ده .. عادي و لا اي انبهار يعني ! اشتريت منهم مرهم أبوفاس لو فاكرينه متصنع من العسل و تأثيره رائع جدا بصراحة
مصنع اللؤلؤ و طريقة تجهيز اللؤلؤ الطبيعي – اشتريت حلق صغنون لبنتي زي العسل بصراحة – 500 باهت يعني 50 درهم – 240 جنيه تقريبا و ده كان تاني قفا في نفس اليوم .. و لسه واجعني لحد دلوقتي برضه !!!
و اخر حاجة السوق الشعبي اللي بيقام السبت و الاحد فقط .. فيه كل حاجة من الاكل و الهدوم و الاكسسوارات .. الاسعار شبه الامارات بالظبط بعد الفصال – اضطريت اشتري شورت جينز عشان يناسب الجو بعد الفصال 350 باهت يعني حوالي 35 درهم (170 جنيه) – يساوي تقريبا نص قفا .. تقريبا ابتديت اتعلم بس بالبطئ اوي !!!
الاكل ريحته فظيعة يا شباب .. بياكلوا انواع لحوم غريبة كلها بتتغطس في صوص حراق جدا و في نفس الوقت مسكر جدا .. الفراخ المسكرة كانت مرعبة بصراحة و السمك المسكر كان أرعب منها .. لكن اللحم بقة كان مفزع !! بتشتريهم في عصاية و القطعة اصغر من كف الايد بشوية 20 باهت يعني 10 جنيه مصري – اشتريت واحدة فراخ و واحدة لحم و واحدة سمك عشان اجربهم كلهم و من يومها عدي 3 اسابيع و لسه معدتي بتعاقبني علي الجريمة الشنعاء دي ! ابعدوا عن الحشرات المقلية !! لكن العصاير الطبيعية حلوة فعلا في اي نوع فاكهة زي البطيخ و الرمان و الاناناس حوالي 20-25 باهت الكوباية و بتاخد كمان الشفاطة ببلاش هدية !!!
الرحلة خلصت علي 9 بالليل مع انهم قالوا ها تخلص قبل 7 .. و ماكنتش لسه حجزت اي رحلة لتاني يوم و قلقت اليوم يضيع عليا و اضطريت احجز تاني رحلة برضه من الفندق (جزيرة جيمس بوند الرائعة) .. السعر كان اغلي من الشارع بكتير لكن بصراحة طلعت الشركة اللي بينفذوا معاها هي اعلي شركة في مستوي الخدمة و شفت كدة فعلا خلال الرحلة بنفسي – السعر و التفاصيل و الصور في البوست الجاي
خدت شاور و نزلت بسرعة اتمشي في الشارع شوية و سألت علي محلات سوبر ماركت كان افضلهم و اكترهم انتشارا Family Mart و 7 eleven – اسعارهم ثابتة و منتجات مضمونة .. اشتريت منهم علبتين تونة (واحدة منهم كانت السبب في مرضي لمدة يوم كامل بطلع في الروح و التانية اخدتها أسيرة و معلقها هنا بعذب فيها لحد دلوقتي !!) و لبن و زبادي و مربي و عيش – لزوم العشا لو اليوم اتاخر مثلا او تعبت و مش ها تعرف تنزل تاني – و شاي و سكر و شامبو بدل اللي خدوه في المطار و صن بلوك
صحيح في الطيران الداخلي بياخدوا كل السوائل اللي في شنطة ضهرك .. اخدوا مني المية و الشامبو و مزيل العرق و البرفان – مع اني عديت عادي من طيارتين دولي من غير مشاكل !!!
كفاية كدة النهاردة بدل ما تبلغوا عني ..البوستات الجاية عن رحلات البحر و الجزر – كل يومين او تلاتة في بوست واحد مع صور كتير .. تحياتي
لينك البوست الاولاني :
/Badr Helmy