W
Waseem N. Shamieh
:: مسافر ::
**
إضافات للي بحبو يروحو على انطاليا تسهل عليهم الرحلة ..
أولا أنطاليا عبارة عن مقاطعه مكونة من اكثر من مدينة وللعلم ثلث سياح تركيا بروحو على مقاطعة انطاليا
المدينة اللي زرناها كانت Antalya Kaleiçi
أو ال OLD CITY
المنطقة طابعها قديم ببيوتها وشوارعها ومحلاتها وهذا سر جمالها
فيها اغلب الاماكن اللي بتجذب السياح يعني اذا بتسكن فيها بيوم بتلف كل الاماكن السياحية
**المواصلات في انطاليا القديمة:
من المواضيع اللي ما لقيتها مشروحة بالجروب عن انطاليا كانت المواصلات وبعد التدوير والتجريب :
المواصلات فيها جيدة جدا واغلب الناس بتستخدمها
الباصات الاكثر استخداما وفيها خطين ترام (للي ما بعرف في المدينة رح يتغلب اذا بستخدمهم لانه حسب اللي شفته الخطين جايين ع نفس السكة يعني ممكن يمر ترام في محطة وتركبو ويروح فيك مكان غير اللي انت ناوي تروحه زي ما صار فينا وعالاغلب اهل المدينة بميزوهم من اللون -مش متاكد-)
ركبة الباص بتكلف 2.6 ليرا تركي عن طريق انتاليا كارت (انتاليا كارت بتنشرى من كثير اماكن وسعرها 5 ليرا تركي)
ركبة الترام 2 ليرا تركي
البرنامج الوحيد اللي لقيت فيه مواصلات انطاليا اسمه Moovit (تقييمي للبرنامج 7/10) البرنامج بده شوية تحديثات وتعديلات بس بمشّي الى حد ما. (في المشاوير الي فش فيها مزح زي مشوار المطار ما تعتمدو عليه لانه راح ياخدكو رحلة زي ما اخدني ههههههه)
شحن الانتاليا كارت سهل جدا جدا جدا ما في داعي لذكر الطريقة.
انطاليا ما فيها اوبر ولا كريم وركبنا تكسي 3 مرات (ما حسيتهم نصابين او استغلاليين زي اسطنبول) عادي بشغل العداد وبتحاسبه والسلام/ /التكسي غالي نسبيا.
بشكل عام المدينة أأمن من اسطنبول وما فيها سرقات ونشل.
**الجو في انطاليا:
الجو يا جماعة خليجي
يعني نهاية شهر 8 كانت درجة الحرارة 40 والرطوبة شديدة !!
** المدينة بكفيها 4-5 ايام
**الرحلات في المدينة حجزها من صاحب الرحلة مباشرة والتدوير على صاحب الرحلة سهل على الانترنت وانسى مكاتب السفر لانها بتاخد عمولة اعلى من سعر الرحلة.
مثال على االرحلات:
*الرافتنج طلعناها ب 15 دولار شامل مواصلات رايح راجع والغدا ... طريقة حجزها دورت على صفحات فيسبوك على شركات الرافتنج بانطاليا وبعتتلهم مسج عالصفحة وفاصلته ووافق ع 15 دولار .
*الاكوا لاند (عن طريق تطبيق المواصلات اللي فوق بتوصللها بسهولة وبتشتري التذكرة عالباب ب 55ليرا يوم كامل او 40 ليرا اذا وصلت بعد ال 2 ظهرا)
*حديقة الحيوان اركب بالترام لمحطة Fatih وهاي اخر محطة بالترام بنزلك على بابها ودخوليتها 5 ليرا تركي
*شلالات دودين نفس الاشي عن طريق التطبيق بنزلك على الباب وسعر التذكرة 4 ليرا تركي
في كمان شلالات اسعار دخولياتها نفس الاشي بس مواصلاتها ما جربت التطبيق .
اسعار الرحلات في الشركات من 30 دولار وفوق !!
الأكل في أنطاليا متوسط السعر نوعا ما .
سعر الملابس والأحذية والهدايا رخيص .. لازم تفاصل لازم تفااااصل لانه دايما بتاخد الاشي بنص السعر الاول.
احفظو كلمة (انديريم) معناها خصم
قبل ما تدخل عالبياع احكيله انديريمو عليكو ههههههه
المدينة جدا حلوة وبتمشي فيها كثير كثير عشان هيك خد بوت للمشي ويكون مريح ( 5 ايام مشينا 70 كم) حسب تقدير تطبيق Health عالايفون !!
مشينا كثير لانه محطة الباص كانت بعيدة عن الفندق حوالي 1 كم !
اللي بنزل في هاي المنطقة Kaleiçi وبده مساعدة في اختيار الفندق انا جاهز
تكلفة الطيران والفندق لما تحجز وتكون Flexible بمواعيدك ما بتجاوز ال 350 دولار
(حجزت لحالي طيران Pegasus وهاي الفترة في طيارة دايركت لانطاليا مدتها ساعة ونص)
الفندق من موقع Booking وللعلم في كوبون بيعطيكم 40$ خصم اذا حجزك اكثر من 200$ او خصم 10% اذا اقل من 200$
تصريف العملة :
خذ من بلدك دولار وهناك صرف في المدينة وصرّف بالنهار
لانه بالليل اغلب الصرافين بسكرو واذا بتضطر تصرف راح يغلبوك الصرافين الفاتحين
افضل سعر للتصريف من LC Waikiki هذا محل اواعي موجود بكل الشوارع بس بشرط انك تشتري من عنده .. وادفعله 100 دولار ( في حال اضطريت بالليل استخدم هاي الطريقة)
كثير محلات بتسكر بعد ال 10 ليلا والمول بسكر عال 11 بالليل !!
شواطئ أنطاليا كبيرة ومتعددة واغلبها فنادق ومنتجعات 5 نجوم بتكون AI
اللي بروحها بكون ناوي يقضي الفترة كاملة بالمنتجع وما يطلع منه وهاي الشواطئ بعيدة عن المدينة اللي حكيت عنها فوق مسافات فوق ال 50 كم.
**
إضافات للي بحبو يروحو على انطاليا تسهل عليهم الرحلة ..
أولا أنطاليا عبارة عن مقاطعه مكونة من اكثر من مدينة وللعلم ثلث سياح تركيا بروحو على مقاطعة انطاليا
المدينة اللي زرناها كانت Antalya Kaleiçi
أو ال OLD CITY
المنطقة طابعها قديم ببيوتها وشوارعها ومحلاتها وهذا سر جمالها
فيها اغلب الاماكن اللي بتجذب السياح يعني اذا بتسكن فيها بيوم بتلف كل الاماكن السياحية
**المواصلات في انطاليا القديمة:
من المواضيع اللي ما لقيتها مشروحة بالجروب عن انطاليا كانت المواصلات وبعد التدوير والتجريب :
المواصلات فيها جيدة جدا واغلب الناس بتستخدمها
الباصات الاكثر استخداما وفيها خطين ترام (للي ما بعرف في المدينة رح يتغلب اذا بستخدمهم لانه حسب اللي شفته الخطين جايين ع نفس السكة يعني ممكن يمر ترام في محطة وتركبو ويروح فيك مكان غير اللي انت ناوي تروحه زي ما صار فينا وعالاغلب اهل المدينة بميزوهم من اللون -مش متاكد-)
ركبة الباص بتكلف 2.6 ليرا تركي عن طريق انتاليا كارت (انتاليا كارت بتنشرى من كثير اماكن وسعرها 5 ليرا تركي)
ركبة الترام 2 ليرا تركي
البرنامج الوحيد اللي لقيت فيه مواصلات انطاليا اسمه Moovit (تقييمي للبرنامج 7/10) البرنامج بده شوية تحديثات وتعديلات بس بمشّي الى حد ما. (في المشاوير الي فش فيها مزح زي مشوار المطار ما تعتمدو عليه لانه راح ياخدكو رحلة زي ما اخدني ههههههه)
شحن الانتاليا كارت سهل جدا جدا جدا ما في داعي لذكر الطريقة.
انطاليا ما فيها اوبر ولا كريم وركبنا تكسي 3 مرات (ما حسيتهم نصابين او استغلاليين زي اسطنبول) عادي بشغل العداد وبتحاسبه والسلام/ /التكسي غالي نسبيا.
بشكل عام المدينة أأمن من اسطنبول وما فيها سرقات ونشل.
**الجو في انطاليا:
الجو يا جماعة خليجي
يعني نهاية شهر 8 كانت درجة الحرارة 40 والرطوبة شديدة !!
** المدينة بكفيها 4-5 ايام
**الرحلات في المدينة حجزها من صاحب الرحلة مباشرة والتدوير على صاحب الرحلة سهل على الانترنت وانسى مكاتب السفر لانها بتاخد عمولة اعلى من سعر الرحلة.
مثال على االرحلات:
*الرافتنج طلعناها ب 15 دولار شامل مواصلات رايح راجع والغدا ... طريقة حجزها دورت على صفحات فيسبوك على شركات الرافتنج بانطاليا وبعتتلهم مسج عالصفحة وفاصلته ووافق ع 15 دولار .
*الاكوا لاند (عن طريق تطبيق المواصلات اللي فوق بتوصللها بسهولة وبتشتري التذكرة عالباب ب 55ليرا يوم كامل او 40 ليرا اذا وصلت بعد ال 2 ظهرا)
*حديقة الحيوان اركب بالترام لمحطة Fatih وهاي اخر محطة بالترام بنزلك على بابها ودخوليتها 5 ليرا تركي
*شلالات دودين نفس الاشي عن طريق التطبيق بنزلك على الباب وسعر التذكرة 4 ليرا تركي
في كمان شلالات اسعار دخولياتها نفس الاشي بس مواصلاتها ما جربت التطبيق .
اسعار الرحلات في الشركات من 30 دولار وفوق !!
الأكل في أنطاليا متوسط السعر نوعا ما .
سعر الملابس والأحذية والهدايا رخيص .. لازم تفاصل لازم تفااااصل لانه دايما بتاخد الاشي بنص السعر الاول.
احفظو كلمة (انديريم) معناها خصم
قبل ما تدخل عالبياع احكيله انديريمو عليكو ههههههه
المدينة جدا حلوة وبتمشي فيها كثير كثير عشان هيك خد بوت للمشي ويكون مريح ( 5 ايام مشينا 70 كم) حسب تقدير تطبيق Health عالايفون !!
مشينا كثير لانه محطة الباص كانت بعيدة عن الفندق حوالي 1 كم !
اللي بنزل في هاي المنطقة Kaleiçi وبده مساعدة في اختيار الفندق انا جاهز
تكلفة الطيران والفندق لما تحجز وتكون Flexible بمواعيدك ما بتجاوز ال 350 دولار
(حجزت لحالي طيران Pegasus وهاي الفترة في طيارة دايركت لانطاليا مدتها ساعة ونص)
الفندق من موقع Booking وللعلم في كوبون بيعطيكم 40$ خصم اذا حجزك اكثر من 200$ او خصم 10% اذا اقل من 200$
تصريف العملة :
خذ من بلدك دولار وهناك صرف في المدينة وصرّف بالنهار
لانه بالليل اغلب الصرافين بسكرو واذا بتضطر تصرف راح يغلبوك الصرافين الفاتحين
افضل سعر للتصريف من LC Waikiki هذا محل اواعي موجود بكل الشوارع بس بشرط انك تشتري من عنده .. وادفعله 100 دولار ( في حال اضطريت بالليل استخدم هاي الطريقة)
كثير محلات بتسكر بعد ال 10 ليلا والمول بسكر عال 11 بالليل !!
شواطئ أنطاليا كبيرة ومتعددة واغلبها فنادق ومنتجعات 5 نجوم بتكون AI
اللي بروحها بكون ناوي يقضي الفترة كاملة بالمنتجع وما يطلع منه وهاي الشواطئ بعيدة عن المدينة اللي حكيت عنها فوق مسافات فوق ال 50 كم.
**