A
Ahmed Omar Siwa
:: مسافر ::
البوست ده عملتو مخصوص عشان في ناس كتير متعرفش سيوه دي فين ولا تعرف عنها اي حاجه وكل شويه حد يعملي منشن عشان أجاوب علي الاساله ان شاء آلله في البوست ده هتلاقي كل الإجابات عن سيوه موقعها ومعالمها وفنادقها وكمباتها ومؤكلاتها وافضل توقيت لزيارتها وهل هي مناسبه للأطفال ولا لا اولا موقع واحة سيوه تتبع محافظة مطروح وتبعد عنها ب 300كم وتبعد عن اسكندريه ب580كم وعن القاهره 850كم وعن الواحات 450كم ولكن طريق الواحات القديم مش مسفلت والجديد لسه مشتغلش ولو اشتغل يبقا 700كم تقريبا من سيوه الي الجيزه مباشرة ومن أشهر معالمها اوضحها من خلال الصور ومن أشهر الفنادق البيئية المبنيه بالكرشيف والطين والسقف بخشب النخل والزيتون بدون تكيف فندق أدرار املال وفندق تازيري وفندق غليت وفندق تاليست وفندق البابنشال وكنوز شالي اما الفنادق المبنيه بالطوب والاسمنت والتكيف فندق بارادايس وفندق واحة سيوه وفندق دريم لودج وفندق شالي ريزورت وغيرها الكثير ومن اشهر الفنادق الرخيصه فندق النخيل وفندق الكيلاني وفندق كليوباترا ومن أشهر الكمبات كمب مونتن وكمب الماظه واسترو كمب في وسط الصحراء وغيرها الكثير ومن أشهر المؤكلات فراخ ابومردم وفراخ بالزيتون والمخمخ وغيرها والفطار اكله اسمها نكناف ونسقد والحوجي وعسل التمر واهم المشروبات لجبي و بلح باللبن واللويزا وأخيرا افضل توقيت للرحلات الترفيهيه من شهر 10 حتي شهر 4 والرحلات العلاجيه من شهر 6 حتي منتصف شهر 9 واتفرج علي أهم المعالم السياحيه والاثريه والمناظر الطبيعيه المشهوره من خلال هذه الصور
