ممكن اعرف هو انا ليه مش لاقيه رحلات طيران...

[Hadeel Mohamed]

ممكن اعرف هو انا ليه مش لاقيه رحلات طيران لمطروح رغم ان في مطار هناك طيب ياترى مش شغال مثلا ولا ايه بالظبط

 

[Ahmed Shabiek]

مش شغال للاسف يا هديل

 

[Mina Azmi]

مطار العلمين اقرب حاجة شغالة لمطروح

 

[Mostafa Hassan Quispe]

هو مش مطار مطروح شغال و كان لسه جيه في طيران شارتر من روما

 

[Alia Adam]

بيستقبل طيران دولي مش محلي و عدد استقباله للطيارات قليل جدا

 

[Islam Hassan Sdeck]

البلد خربانه

 

[Ahmed Aly]

مفيش جدوي اقتصادية من الرحلات الداخلية فيه طريق الضبعة خلي القاهرة مطروح 4 ساعات ده غير ان مطروح بتشتغل 4 شهور الصيف بس

 

[Ahmed Ibrahimovich]

في رحلة اسبوعية من القاهرة لمطروح والعكس
حضرتك اتصل علي مصر للطيران هيبلغوك بميعادها

 

[Hadeel Mohamed]

شكرا جدا هاكلمهم باذن الله

 

[Osman Ammar]

انا من مرسى مطروح يا هديل ....المطار شغال كويس بس معظم الرحلات بتكون دولية من ايطاليا أو روسيا بيقضوا يومين فى مطروح وبعدين يطلعوا سيوه اللى هما جايين عشانها اصلا.... واعتقد فى رحلة اورحلتين فى الأسبوع من القاهرة على مصر للطيران ... اطلبى من الموبايل ١٧١٧ بس لازم يكون معاكى رصيد كتير عشان الانتظار

 

[Osman Ammar]

ولو حبيتى تيجى مطروح ومعاكى عربية ملاكى بلاش طريق الضبعة عشان لسه الخدمات والإضاءة مشتغلتش.... خدى الطريق القديم اضمن واحسن فى السواقة...او تحجزى من اتوبيس من الماظة أو الترجمان او عبدالمنعم رياض بحوالى ١٠٠ جنيه التذكرة والاتوبيس vip

 

[Osman Ammar]

وفى اتوبيسات مباشرة لسيوة من نفس الاماكن اللى فاتت بس التذكرة اغلى ممكن تكون ١٦٠\١٧٠

 

[Mody Gamal]

دي مطارات كده وكده ،،يعني بيتبني ويعملو السبوبه وبعد كده يتقفل لحد مايبوظ وبعدين يفتحوه يصلحوه وبعدينن يبوظ من القافله ،،،كده يعني !!!!