تعديل:يا جماعة اللى بيقولوا لا بالعكس دول...

[Omnia Hassan]

والله طول الوقت بفكر في سبب واحد بس يخلي انسان مصري ماشي يبتسم!! كل الناس علي اخرها

 

[Waled Salem]

بالعكس اطيب ناس ولسه على فطرتهم وهما واهل اسوان

 

[Ahmad Anwer]

طبيعتهم البدوية فيها نوع من انواع الجفاء. انما هم اهل كرم ومحترمين واصحاب اخلاق عاليه. ناس علي فطرتهم. برده الناس الي بتتعامل مع خاليجيين هايلاحظوا انهم مش بيبتسموا وحتي مايقولش سلام عليكم.

 

[Sahar El Guindy]

مطروح احلي بدو
واطيب واكرم شعب
واحلي شواطئ وجو
هما مش مكشرين خالص هما بدو والبدو وشهم جامد شويه
لاكن لو تعرفه كويس تلاقيهم احسن ناس
انا حاليا في مطروح للمره 14 ومحبش الا مطروح
وامان طول اليلي والنهار

 

[Ahmed Elgendy]

مطروح بس ؟

 

[Malak Yaseen]

بالعكس ع فكرا ناس مطروح من احسن وانضف ناس بجد. انا لما بروح عمرى ما بحمل هم معاكسات ولا تحرش وكمان خدومين جدا

 

[سالى احمد]

مطروح محدش يروحها الا اما يحبها بجد تحفه في اخلاق وزوق وكرم اهلها وتعاملهم الطيب وكل حاجه فيها تحفه كان نفسي والله اكون من هناك

 

[Sameh Hakeem]

مطروح جميلة باهلها ناس طيبة وجدعة وبعضهم عصبي جدا لكن الغالب ناس جدعة

 

[Mohammed Younis]

التكشير بقت سمة المصريين فى ظل الظروف اللى احنا عايشينها
لكن كلمة حق عن اهل مطروح انهم اطيب خلق الله وعلى الفطرة وناس مؤدبة ومحترمة ويكفى انى عمرى ماشوفت معاكسة هناك وكله فحاله

 

[Mo'men Akram]

اهل مطروح طيبين جدا و ناس فعلا جدعة و اغلبهم عنده ضمير فى شغله انا قعدت اكتر من سنة هناك و مشوفتش من اهل مطروح غير الكرم و الخير

 

[Soleil Mohammed]

يا جماعة اللى بيقولوا لا بالعكس دول جدعان،، والله انا معاكو قمة فى الجدعنة والاحترام انا بتكلم فى حاجة تانية خالص وكذا كومنت اجابته منطقية اقنعتنى

 

[Reham Hosam]

لا عادی انت کنت ف اجازه فرکزتی
لکن انزلی الشارع مطرح مانتی ساکنه هتلاقی نفس التکشیره بالضبط

 

[Dmdm Mohamed]

انا كنت هناك من سنتين كانو زي العسل هو التكشيره وصلتلهم هما كمان

 

[Roya Akl]

دول المصريين كلهم دلوقتى

 

[Mohamed Elghreeb]

معظمهم بيتعملو بطريقه وحشه جدا

 

[Mohamed Ali]

دي حقيقة..رخمين جدا

 

[Mohamed Nagy]

انا لسه جاى من يومين و فعلا لاحظت الموضوع ده جداااااا

و خصوصا اللى فى قلب مطروح مش اللى على البحر اللى بيتعاملوا مع النزلاء بس

جربتها مع اصحاب المحلات و الجراجات اللى حاطيين طوب فالشارع بغباء علشان محدش يركن
و جربتها فى محلات سوبر ماركت اللى يقلك مفيش فكة بغلاسة اللى هوا ما تشتريش و لا اللى انت عاوزه هناك روح هاته او خد كيس لنفسك
و سواقين التاكسيات اللى فى منهم ناس بتسوق بدون اى مراعاة للى ماشي جنبه

و الموضوع كان ملفت فى اكتر من مكان
و الواحد مكنش متعود على كده